على هونكم ياللي تجرون عندي الصوت
ترا المشتحن يبكي على الصوت لا سمعه 
اجاريكم وقدلي وانا صايم من القوت 
وهمومي من مفارق من احب مجتمعه 
يا ليت الليالي الماضيه ترجع بريموت 
ما والله اقول ان عاد فالمقبله طمعه 

وانا داري ان عند صدته فات الفوت
ولا عاد ربي بقاسم لنا ولا جمعه
يابرد المفارق ما لقينا لبردك كوت 
ولابه ذرى للوصل لا ينطفي شمعه

يقولون لي هليت دمعك وانا مبهوت 
وانا اقول هذي رمعة ماهي برمعه
احبه وحبه في فؤادي الشقي منحوت 
لكنه ما طيّح من عيوني ولا دمعه 

عزاز النفوس تعيش لو هي بدون بخوت 
ماهي تنحني للذل وتضيّع السمعه 
لو اني اهوجس لا لمحت الرجال سكوت
ودموع المفارق في عيوني لها لمعه 
فراق الولايف والله انه سواة الموت 
يعل ماهو بيسقى علي ليلة الجمعه

فلاح المسردي

Nwier

Popular tracks