Detox-ديتوكس

Written By: Dealer
Lyrics: Dealer
Music:Free Beat
Master & Mix By: Aly Esmail

الكلمات
الفترة دي هتكون جديدة بحد ذاتها
بكره كل شئ جميل مبحبش فيها غير شنبها
اغرب تشبيه فيوم هتقابله بس قصدي تبقي سهلة
بفكر فيها وانا بصلي ده الإلحاد بطبعه أهون
كنت شخص عادي لحد ما حد جيه قلب كياني 
لأ مش انتي خالص هو مات من بعد الربع التاني
اتعلمت اني ماغشش بس عشان أنا متقفش
بعد ما راح الخوف ده خالص ما هو مفيش سيئه في الوش
خاف من المدرس و إنتبهلوا و قومله بسرعه قيام 
بعد ما تخرج من المدرسه هات الأربع فرد تمام
كلنا إبن آدم و إبن آدم قتل أخوه
يبقي إيه هيكون الصح بعد إبن قتل أمه و أبوه
دور علي الكآس و إشربه وأوعي في يوم الكآس يذلك
كبر حبك للفلوس بعديها تلاقي الناس تحبك
إنسي كل خطأ عملته و إبدأ في عمايل الجديد
لو مش عايز تتعب خالص إتقدم بغباء آخرين
لازم تبقي إنت القائد وسط جيش من البعيير
هي حباهم كلهم بس إنت أذكي كتير
مش هسيبك و أمشي بهرب ، هيجي يوم موعود بالخوف
ممكن أقتلك دلوقتي بس خايف روحي تروح 
أيوه أنا الشيطان ده طبعا بس عمري ما كنت منافق
عمري ما هتكلم عن ضحكه و أنا خايف من بكره بادئ
عدم فهمك للتراك مش مبني علي صعوبه فكره 
بس الفكره من التراك إنك تكبر كل نقمه

الشيطان يحكم

Written by : Dealer
Lyrics : Dealer
Vocals : Dealer
Music : Free Beat
Master & Mix : Aly IsMail

الكلمات:
V1
محدش فاهمني ولا حتي انتي بقيتي فهماني 
بكسر دراعي بنفسي فيوم هتلاقي شكل تاني 
عدم التكيف مع اي شخص في حد زيف 
صنف العلاقة مابينا بيحددها لون سخيف 
استسلامي للواقع خلاني خايف من بكرة 
كل يوم بزيد ف ألمي قلمي خلا مفيش قدرة 
فكري ليكوا ف كل فيلم حال عدم وجود الفكرة 
برسم بيكوا اسوء مستقبل شايفك انتي بالذات نقمة 
حبي ليكي مكنش حل فالهروب من مخدر 
خدت نفس وقعت ارض طعمك انتي اللي مرر 
ابعد عنك فتقربي حبيتك اه طب قرري 
متدوسيش علي حاجة فيا ف ثانية لقيتك بتبرري 
طب بررلي انت فين بكرة اللي جميل ف دماغك 
شايف ايه مختلف فيك عشان يبدءوا في استهزائك
بلدك مش احسن بلد متقوليش هبدء بنفسي 
انا اصلا مش عايزك ده انا عايزك تاخدها عكسي

Chorus
رميت كل حلم واتقطع شريان الفيلم 
ده لو كان في ايه قدامي اكتئابي بيترسم 
الايام بتعدي وانا واقف مكاني ثابت 
مش عشان قوي وبتحمل بس الشمس عني غابت 
....
رميت كل حلم واتقطع شريان الفيلم 
ده لو كان في ايه قدامي اكتئابي بيترسم 
الايام بتعدي وانا واقف مكاني ثابت 
مش عشان قوي وبتحمل بس الشمس عني غابت
V2
كلب كبير نايم فوق ضهري اكتئابي اللي بيكسرني 
شايفك انت لسه ناشئ فبوريك اللي بيظهرلي 
حلمهم تكون متفوق وانت مش عارف تذاكر 
مش عشان قدرة دماغك كل فص وفي اوامر
لازم عقلك يبقي موجه ناحية اللي شغال فيه
طبعا لعجزك عن ما هو فبتختار عجزك بديل
تبدء بتدمير الخلايا بحاجة بني او سرير 
عقلك وقلبك دمرتهم كده بقيت غبي بدليل
فيوم صحيت لقيت حياتي كلها اتغيرت 
نسيت كل حلو فاكر نفسي اللي اتمرمطت
كنت فاكرها اخر موته فكرهت اللي مات 
فوجدت اني كاره نفسي بمرضي سميته اكتئاب 
مش متكييف مع اشخاص فبدأت اتكيف مع اشخاص 
لازم ادمر جزء م الخلايا او اوصل بيها للخلاص 
شكرا علي كونك واقفة جمبي وبتساعديني 
صدقيني بتتعبيني ارجوكي امشي وسيبيني

......
Chorus
رميت كل حلم واتقطع شريان الفيلم 
ده لو كان في ايه قدامي اكتئابي بيترسم 
الايام بتعدي وانا واقف مكاني ثابت 
مش عشان قوي وبتحمل بس الشمس عني غابت 
.....
رميت كل حلم واتقطع شريان الفيلم 
ده لو كان في ايه قدامي اكتئابي بيترسم 
الايام بتعدي وانا واقف مكاني ثابت 
مش عشان قوي وبتحمل بس الشمس عني غابت

Ekt2ab l إكتئاب

Written By: Dealer
Lyrics: Dealer
Music: Free Beat
Master&Mix: Aly Esma3il

الكلمات:

حرفين او 3حروف مش فارقة لغة الكتابة
ورغم انك مختلفة أنا برضو اللي بعدت كعادة
يمكن عشان اريحك بس انتي راحتي اصلا 
فبقت راحتي اني اعيش لوحدي اكيد ده اضمن

كل حاجة متحددلها والنهاية تم تنفيذها
ايه المختلف عن ما قبل مش مقتنع اني حاسسها
هي مكنتش معايا اقصد بالوضع اللي انا حبه
فأخترت الأعتراف ف وقت مع اني كنت مقرر بعده

بس كان لازم هيجي الوقت وكل حاجة هتبان 
كنتي فاكرة نفسك أذكي مني وده زاد الازمة كمان 
مكنش في وقت لحديثك م انا اعلم بكل حاجة 
عارف ردك كان هيكون ايه فسبقتك بالأجابة

ومفيش حاجة بتضايق زي استفزاز ضحكتك ليا 
لما قولت دي النهاية مش قادر اكمل مسرحية
يمكن فعلا انانية وادينا عرفنا وجه الشبه 
كانت عايزاني وكنت عايزها بختلاف السبب

ورغم ان الاعتراف في وعي مفيش مخدر
لكنه حلم ف الذاكرة بدون وجود مبرر
فاكر تسارع ضربات قلب وكأنها اعلي استفا 
تفتكري برضو انتي ديتوكس ولا مخدر سعره ارخص !!

اسف جدا ف التعبير انا مقلتش اني مهم 
لكن وجودي ساب تأثير مش هستفاد من لفظ حلو
مظنش حد فهم حاجة انا بكتبلك مش بكتبلهم
لكن وجودك اغلي حاجة مفيش طبع النفاق زيكوا

متفرقيش عنهم كتير رحيلك مغرقش السفينة 
ده غضب الموج ترتيب ربنا المركب مش هتنجي بينا 
بس كفرك بالافكار مش مبين مدي ألحادك
نبدء نرتب الاطياف طيفك هيفضل دايما ثابت !؟

انتي كنتي كل حاجة ف وقت مكنش فارق حاجة
بعد ماتوهنا عن بعضنا مفيش منطق رجع لحاله
أيوة مدرك اني لوحدي مش هعرف اكمل طريق
بس بوجودك انتي جنبي "كطوق نجاه" ليكي الغريق!!؟

مش بسألك مش منتظر منك أجابة وأي رد
انا بوعدك بكرة انتقامي هيوصلك مع اي حد
ها هتنتقم من ايه لساك بتلوم عليها ليه 
قلبك حب واحدة فواجب الانتقام يكون عليه

عملتلك اللي انتي عايزاه ق اسوء الظروف 
كدبة اتقالت بعد م بانت كل حاجة فيها خوف
ليكي , فأخترتك انتي تكوني قبلة تالتة ليا 
وبعدت عنك فكفرت بكل حاجة حوليا

أسف لو ببعد عنك أسف ع حبي ليكي 
فاشل لحد الأخر اكبر من فوزي بيكي
مفيش مقارنة بينا أسف انتي الملاك
أسف ع اللي هيحصل لو حبي ليكي مات 
.....................................................................

DeTox II-ديتكوس2

Written By: Dealer
Lyrics: Dealer
Music: Free Beat
Master&Mix: Aly Esma3il

الكلمات:
صحيت فكرت ف الاجابة وبرضو مش لاقيها
هفضل لسه عايش ميت طول ما قلبي ماسكفيها
بحييه لحظة تموت سنين سنين تموت ولحظة حيا
وليه تسعي لبداية وفي يقين نهاية جاية

ف البداية كنت عارف ان الاختلاف مش فينا 
لاعمري كنت مميز ولا عمري قدت سفينة 
تقدر تقول عليا شخص عادي جدا او اقل
تقدر تقول زي ما تقول طول م الدليل ادل

ف اي حاجة حصلت او هتحصل كانت بأمره
ده مش اعتراض عليه لكني بدعي اوصل بفضله 
مع اني بعيد عنه مع اني عايش ف ضله
مع اني عارف انه ساترني وبرضو بعصي لمره

امتي هيكون حل لغز اكون او لا اكون
شربت من كل البحور فبدأت احس بالجنون
انا ممكن انسي كل غلط او كل اساءة ليا
لكني لا يمكن انسي احساسي بيها صعب عليا
..................................................................................
Chorus:
الدنيا بتجري من حوليا والسنين بتكسر فيا
وكل ما اشوف ف النفق نور يطلعلي قطر يدوس عليا 
انا مش هستسلم للظروف وهكسر كل حاجز خوف 
هنسي كل كلمة اتكتبت وابدء اصيغ تاني الحروف
...................................................................................
انا مش فاشل ف حاجة لكني كتبت فشلي بايدي 
كنت بكره كل الناس واحب اللي بيقطع وريدي
كنت بقتل كل لحظة بدون ادراك بموت معاها
واليقين انا اكتشفته ما يلي النهاية بداية

ودي البداية للنهاية باكتشاف حبه مزايا
مش واخد دور البطولة دوري مهم ف الحكاية
باختصار انا الصفر اللي اتوجد لكنه ع اليمين
انا الحبر اللي ساح ف كلام شطب قلمي ف كلمة امين

فالخضوع والرجوع والطلب من غيره مزله
كل ده مش كفاية اسعي واما سوف تدني 
اوعي تطلب التغيير وانت قاعد ع السرير 
 ربك مبيغيرش حد الا ما يبدء بالتطوير

احساسي باني بدأت احل اللغز وافك الشفرة
هكون او لا اكون جنوني لوحده بيصنع طفره
ف النهاية رسالة لكل واحد فيكوا ازاني 
جرحك ليا مكسرنيش اسفي ليك انه قواني 
.........................................................................
Chorus:
الدنيا بتجري من حوليا والسنين بتكسر فيا
وكل ما اشوف ف النفق نور يطلعلي قطر يدوس عليا 
انا مش هستسلم للظروف وهكسر كل حاجز خوف 
هنسي كل كلمة اتكتبت وابدء اصيغ تاني الحروف

حل اللغز؟

اكتب ف ايه والافكار ملهاش نهاية 
اكتب ف ايه باصص من كل الزوايا 
اكتب ف ايه وفي جوايا الف كلمة 
اكتب ف ايه بعد كتابة الف غنوة 

وبعد ماكتب ايه اللي هيحصل من تغيير
حبري بيخلص ع ورق معندهوش تقدير 
تفتكر كام تراك كتبته بدموعك ف حبك ليها 
وبعد كل ده داست ع كل كلمة كاتبها فيها

كام كلمة اتكتبت بتقول لأ لنظام جبان 
وبعد كل كلمة بيزيد بطش السجان كمان 
اضرب يا باشا موت م اللي برا فوت 
فاكر حبره يموت او صوتوا بيوصل ويصحوا الميت بيه

حزنت عليه وبعد كدا وصلت لأيه 
صاحبك وصاحبي باعوا ف الطريق وقولت ليه 
عشان مفيش رسمة بتكمل بحبر فلصوا 
ولا غنوة بتتكتب ف تقول خلاص صحيوا وحسوا 

الكلمة مش هتأثر فيهم عشان جبال 
ولا نفسي اوصل للي عايزه عشان يقولوا قال 
انا كل كلمة اتكتبت فيهم كانت دليل
عشان مفيش ولا كلمة ليهم ليها بديل

Abo Zaid (أبو زيد)

Popular tracks