على شانك - فرقة المزاريع الحربية .

اقـرب و تبعـد و المسافـة أمانـي
ما بين جدي في التلاقي و جدك
أنته مريح البـال . . و أنا أعانـي
أكابـد همومـي بـ جـزرك و مـدك

يَ ابن الحلال إسأل ترا العمر فاني
ما فيه داعي تصد . . و اعيش صدك
مـا دام عشقـك راسـخٍ فـي المحانـي
و القلب ينبض بك . . و ينبض بـ ودك

إرسِ بـ وصالك . . خافقي لك مواني
لا تشحّ بـي تكفى و اسرف بـ بعـدك
مشتـاق لـك شـوق الطفـل للحنانـي
طفـلٍ يـتيـم بـ طـرف ثـوبـك يـشـدك￼

مشتاق لك والشوق جمرهه كواني
متى اشتياقي ينطفي بـ مزن بردك
ودّي أعـيـش بـ شوفتـك عمـر ثـانـي
و اتنفسك . . و اسكرك و اشمّ وردك

إن كان لي خاطـر و فعلاً تبانـي
ودّي أكحل ناظري بـ شوف خدك
تكفى تحقق منيتـي . . لو ثوانـي
خلنـي أمـون بـ لهفتـي بيـن يـدك

اقرب وتبعد - فرقة المزيود الحربية .

عذبتني يَ طير وياك . . عمر الصقر ماعذبه طير
خليتني طايح على فرقاك . . وانته مريح الحال وبخير
وين الهوى والشوق وداك . . تركت حبي ورحت للغير
ان قلت يَ المظنون ماباك . . ماتنجبر القلوب على السير
ماخذتني بطيبك وحسناك . . صار الذي ماودي يصير
وانا شرات العين ادراك . . قلبي عليك من الهوى يغير
اذكرك يَ كيف بنساك . . يوم التقينا ف وقت العصير
انطير وين ادور الافلاك . . صغار كنا وحبنا كبير
لو عاكست الايام مجراك . . وتخالفت فينا المقادير
لاتستمع هذا وهذاك . . سرك معي محفوظ في بير

‎⁨يا طير - فرقة المزيود الحربية .⁩

كل يوم اوقف لك على الباب    وانته ع باب البيـت ما ييـت
أسباب ولا ماشيء أسباب       ادعـيتنـي لا حـي لا ميـت

ما قلتلك من العام لي غاب      مهمـا بعـدت و لـو تغليـت
باقي على ميعاد الأحباب       لو كان يا محبي تناسيت

جرحي غزير ومنك مصطاب   لو كـان مـن غيـرك تداويـت
عينٍ تصيـب و عين تنصـاب     ليتـك ع حالـي مـا تجنيـت

عودك لدين و رمش نهـاب       نشف عروقي يوم صديـت 
عليك ثوب الحسن جلبـاب       ما شفت من مثلك ولا ريت

بين الأحب يصير العتـاب        وانته على هجري تماديت
ان قلـت مـا حبيـت كـذاب        حبيـت يَ العربـان حبيـت

ʀ

Popular tracks