Tderde Oge Ft Buttnwestn - Noagelke Klop

2. Buttnwestn - Stiel.o

Thorre - Tverhoal van de liefde
Beat: Inspecta Morze - Grey
Produced: Skjivve Producties

tes ol begonn ip ne woensdag in min woogn wost nen goeindag
een meiske ljirn kenn en kmoe zegn dat lik goed zat
mo oedat was, was nog lang nie oedat moeste zin
ezwo groeide min liefde totdakt ad in ieder bloedvat

totdat genoeg was, totdak de moed ad
vo aar and vaste te pakn en te zegn wadat gevoel was
ak ze zag, ak ze oorde, ak ze rooke
en ip nen dag wast gank mo de liefde bleef verdookn

twos spannend want ja twa ma wudr da et wistn
omarmende shit gin teddybeir kost der an tipn
mo den oap kwam ut de mouwe kwo zo trots gelik een pauwe
plots wost leevn dak a gekreegn iets dak ol zolange woue

tbleef beetrn en beetrn ginnen top wos oes te whoge
tot da den top krakte en kbleve achter ip et drwoge
ka een foute gemakt ki oar and losgeloatn
oeze weegn ein ton gescheid kwos grjid vote verdwoaln

---------------------------------------------------------

en verdwoald wossek kliepe me spijt in een bos
dusterre tidn en verleid deur de grote boze wolf
verblind deur de schijn dat kan zijn lik oedat wos
mo den tijd was nog nie rijp dienen tid ie wos vort

stemn zeidn kop op ge zi ant groavn in miserie
kzatte vaste in minzelvn vele gebotst ip een kweenie
mo tdee mie goed et oopnsmeern van et papje
mo min keuze wo gemakt ja ik koze vo roodkapje

lik met een ooglapje akkik nie olles gezien
mo nadien ak ingezien dat dedee wos vo mie
en ej keirel ik wo blie kostet skreeuwn van de doakn
lik meeuwn vliegdek whoge kwist nie dak der weer ging geroakn

tkoste bloed zwjit en troann voze were te krign
ki der moeite vwoorn gedoan en we kostn weer ipstign
nint twoarn gin vign vo poasn da i pas vo loater
mo nu dat goed goat goak der et beste van moakn

-------------------------------------------------------

we kwoamn dus were twope grwoter dan wooit te vwoorn
de putn wistn we lign dus tverliep zonder moze
kwo blie daze a gekoozn vo tverleedn verder te zetn
te vergeevn mo nie vergeetn en olles kwam weer ip zin plekke

den tid tikt deure de moandn geroakn versleetn 
de wolkn komn ip shit tbegun gelik te reegn
de putn wordn gevuld mo nu ida beskeetn
want ja nu lwoopn we der in zelfs zonder dawet weetn
 
mo wonder boovn wonder ister weer woater verdweenn
den donder es ip komst en twoater stoa tot an min skeenn
kmoe mie verweern     zowel in reegn als in wind
wan in een reloatie goat nie olsan gelik dajt wilt

wos et mo defloatie vo tbetoaln van de pris
der zin wondn kondn we mo geroakn an nen amethist
mor akket wist ak wel tbeste van mie gegeevn
nu benk ziek gelik de peste de vroag es goak et overleevn?

---------------------------------------------------------------

en over leevn gesprookn kwillet ol nimi oorn
wan me die woordn wost gemaklik vo min erte te deurboorn
ze zegn gegoa der deure koomn loat uw kopke nie angn
mo min kopke stoa te zot en o gedachtn zoen brandn

ton ston et in vuur en vlam mo nu voelet nie warm an
tes lik kervn in een stam kik klappe nie van ne schram
mor een litteekn dak nu goa droagn heel min leevn
elkn dag elk moment denkn an wa da wudr beleefdn

an wa da wudr gingn geevn voor oes der oltn ut te trekn
zowel door goede mo wok door de slechte momentn
tvol nie te vatn in procentn nie in de woarde van geld
min conclusie moej verstoane ti mo gie da vo mie telt

de solutie bluf illusie mo meskien kom et woar
mo min leevn i mo gesloagd a jun kind minne noame droagt
en oke et es woar wein nog een leevn vo de boeg
mo in een leevn zonder gie vinnek leevn nie genoeg

Tverhoal Van De Liefde

licht gewicht, zwoar kaliber!

TJOOLN IN DE REEGN - dizzle

Primeur - Kieknkot (Gemeejne Bleejkn Beat)

woop woop thats the sound of da ...

Dilated Peoples - Basics (Instrumental)

Buttnwestn - Ti Normoal Daj Deure Bokt

Buttnwestn - Danst Neki (rappe gemixt)

"oenwetend"

West-Vlaamse Online Cypher
Beat produced by Hi Def
Lyrics:

Welkom in 2020… woa dawe ol tevele in us hoofd leven
ok eerlijk zien ziek veels te weinig zaken die me hoop geven
ik volgnt nieuws niemi, lezen noois mir e gazette
Want voe sensitieve menschn is propaganda e doodsteek
 
Der wordt normaal gedoan over de meest absurde dingn
We peizn dat de digitalisering us vorut go bringn
Ouders geevn kinders ipads zo dan ze rustig zien
Mo die momenten goan verloorn en zijn nie terug te windn

Ze maken zest ol apps voe babys,
Serieus? en toen verwonderd zien on z’up sociale vlak nie mee zien
e scherm vor under neuze, vo daz ooit de wereld en gezien
in HD, dus t’echte leven interesseert de menshn nie
 
smartphones zien vergif… 
je kut er deure beter functioneren in us systeem, mo tis geschift
want t’systeem is niemi menselijk, t’droait ol om consumeren
woarom zoej toen in zukketwuk willn beter functioneren

t’sloat up….  nix… mo blijkboar peist iedereen der anders over
want de situatie is kritiek
ze zien 10 jaar jong en ol depressief
mo niemand dad em vragen stelt, volgens mien is da veel meer dan naief

we zien verblind, en t’ergst van ol, das ollemaal normaal gekomn
en ondertusshen bluvn ze mor brabbelen over babylon
mo zitten der temidden in zoender’t besef
de individualisoatie van de menshn lopt perfect
 
1000 verschillende chips te koop zodat elk zen eigen keus zoed en
under speciaal ku voelen, peizn dan ze zelf de keuze en
mo nix is minder woar, we hopen daw uniek zien
mo we steun etzeste monster, echte keuze is non-fictie

…. wen ek us kotje woarin damme roendbewegen
ofgescheiden van de ander, dus woarom nog moeite steken
in een ander, we lustern niemi nor etwien ze angsten
of ze twijfels en ze drijfveer, ze struggle en verlangens
 
wen zelve ol tevele zaken up uze talore
Wien wilt er up e zuk moment nog ander struggles oorn
We geboaren van den domn, apathie zit in de lift
arbeiders worn getormenteerd voer uze luxedrift

afschuwlijk, der is quasi, gin drinkboar woater en etgene damme en da vervullen we
We voeln us heer en meester up uze kleine planete
Dus we geven der nie omme dan andere organismes mo creperen



Mo snappen nie dat olles in verbinding stoat
Ik zien olene rechts gedrag en oorn juste linkse proat
Mo niemand dat de gulden middenweg ziet als een optie
En der is te weinig empathie vor handn want da verkopt nie

De jeugd verdwijnt in games omdat et echte leevn ze ofschrikt
Niemand durft stappen zetten ot de route hele blok zit
Das logisch, we slikkn een overdosis an fatale angst
Geïnjecteerd deur groepen lik de NVA ent Vlaams belang

Ent stopt nie, omdat da uze economie nie aanbelangt
gin zeun of dochter mi die nog ku trots zien up ze vaderland
… peis mo nie dak trots zien dak ik nummers
lik dendezen moeten schrijven, tmakt me hoogstens ongelukkig
 
Emancipoatie bliekt e dikke vette leugen
Feminisme is in veel gevallen t’extreem moja ik meugn
da nie zeggen of ik zien e hoater.. 
mor ik en liefde voer ieder, behalve voe degenen dien us lot beloazern

en oj zelve nix presteert, zit er nie veel anders up
dan je voor te doen als e slachtoffer van 1 die’t wel probeert
das de stiekeme redenering van veel te vele volk
die mor up zukke wijze anderen kut en dien under volgen

en ze likes geven… want das wa dad ieder nastreeft
mo niemand van die menshn et er nog zicht up de nasleep
beschuldigd mor onschuldige mensen omdaj 
up ander wijzes niets van support kriegt, verdroait gie mo de woarheid

tis belachelijk… mor ok da zeggen omdakt meen’n
ziek nomeki wa ongevoelig, nie betrokken of gemeen
mo das bullshit… der is onlene nog mo fake gedrag
en ik zient beu… wen nood an e heel ander leiderschap

en e heel andere maniere van peizn en reageren
upt tempo dat verlopt ziew binnekort niemi te spreken
over nix… tis pas ot veel te loate is dawe in actie treedn
mo tegen toen is actie niet mi weerd en ziewe afgeschreven

Samoerai - Freeverse XXXVI

Mc Rizz vs Tovenoare (Finale)
 Jury: Vorre, Siebrand en Publieksstem.

Stemmen voor de finale kan tussen 19 en 21 november via: www.facebook.com/groups/westvlams

Lyrics:

Frederic Van Damme, vandaag is waar da jun dam brikt
kspoel de kust VAN de kaarte a min flow aangestrand is.
Ge claimt dajje tovert, jun battleskills zin ma pover,
elke spreuke uit junnen staf, springkik me gemak derover

"Kspelen vo de fun omda nie just aljin den beker telt"
Vertel mie alles oe nobel daj wel zit ingesteld.
Mo aj zo geirn speelt waarom bleit je bie elke tackle?
minsen gay noemen ip Facebook omdaj de bal mist in jun battle?

Klein tovenaarke, Harry de Potter verwijt de toverketel
*Euu ajj gie vroeger ginne piercing in junnen tepel??*
Ik geloof nie in magie, gin tovenaar dakkik ier vreeze,
ip min doel af zonder zwakte, lik Achilles mo zonder peeze.

Hmm wuk waren die zaken dak van gie nie over mocht beginn?
Krik krak, mo kga zwiggen wan kit nie nodig voor ier te winnen
Twas al een triestig showtje e Pipo? Mo kweetet ge kunt niet helpen,
ge zit nie just de goochelaar, ge zit een circus ip jun zelven

Abracadarba simsalabim,
kuj mie alsjeblieft genante dingen van Rizz bringen
Hocus pocus PATS yo vergittet what the fuck?
Want die kerel is zo dope da zelfs de jury niks kan vinden

En tis tijd daj min naame kent, flikker, kit git me humble zin,
iK kterte nie ip tjinn ik kom skippen in u 2 toverstjeen 
Ge zit u vonke kwit, pakt rap de defribbilator 
*Meneer, misschien moej switchen van staf na tover-rollator?* 

Wuk zeidje tegen Bakstjeen, stamina van ne sprinter?
Ge loopt mjeer vast ip jun papier gie dan nen ouderwetse printer
veel gerucht maken en blijkbaar jin me nie veel inkt in
aj in gjeel 16 jaar mo 1 album kunt uit bringen

En ik spitte ip de drums en Tovi spit in zin hof
Ik maaie et gés vo jun voeten, en gie loopter de kantjes of
Ge zit ol zoveel keer gekilled, ge weunt praktisch in een graf
Ik pareer jun toverstok want ik hanteer de maatstaf

Jun flow verwaterd per seconde, Is jun pomp af?
meug vliegen achter die ronde *Wingardium Leviosa*
Ik spel de Lesse vwoorn Part 4. mo weer gebuisd
Een fossiel lik Perkamentus, dus laat jun perkament thuis

Woody Woodrapper is rap in zn gat gepekt
Bie de minste feedback slaatie deure ip et internet
Tis ier wet van de sterkste welkom ip et buffet
En moet nie zoeken achter beef, aj aljin mo veggi fret

Oeveel tips van de jury moej kriggen vo der te geraken?
Onze veteraan deur Vorre en CB naar et front gedragen
Ik val nie binnen nie met een leger of label achter min rug
Ik komme solo blasten zonder een twuk van Buskrud 

Zije der greed voorn? Startschot! of skiet je weer een skampschot?
Koken met de chef? Ik kstamp u lyrisch in ne stamppot
De Panne is waar min vlam dropt,  bibbert moar at den tram stopt 
4 jaar bezig en ksluit u bek ier easy lik een hangslot

En moek min checklijste mailen, of moek ze faxn?
De slunse van braxxn dattie bikans ip ging climaxen
Drie weken aan jin stik, aant janken daj de besten zit
en oe gaat da iedere ki? Oe zeggen ze da *NIPPTTTT*

Wuk daj verlicht vandaage is de stroate naar overwinning
slicht gekozen titel aj van jun eigen klinkers moe hinken
Ondertussen loopt Rizze over water zonder te zinken
Vo de herdenking willk wel elke zundag uit dien beker drinken.

DBVW Online 2020 Finale - Mc Rizz (vs Tovenoare)

De Bestn vant Westn

Recent comments

WestKop 2018

Simitricz

Thomas Bossman

Pirezzz

Related tracks