Endurance

Luke vs Artifex & Ceuninck (8ste Finale)
Jury: Mc Rizz, Tovenoare en Publieksstem.

Stemmen voor de 8ste finale kan tussen 7 en 10 feb via:
www.facebook.com/groups/westvlams

Lyrics Luke:

Hook

Wo moek were begin, we zien were va start
de battles bekend gemakt, kpeisde va what the fack
tegen wien zetn ze me nu, e boer eze zeune?
nie te stoer doen gastn, ja doe ma geweune 

VERSE  1

Eyo Ceuninck, oedje ma vaste an de leuning
gie zit nog up de bank; ik zien Aimée Antheunis
gie trekket niveau nog na beneedn lik e deurklink
ebitje meer sleuteln aje skills lik bie de keuringk

En kmoen toegeven.. kej me moeite opgezocht 
kzaagnt al aje tote, damn die gast is opgefokt
kom mor op, me rhymes zien sowieso toppezot
Ceuninck ku gin chick scoorn, ne z'n eigen cock geblockt

Ti lik e babyface met e board up geplakt
zieje undercover of is jen oar geweun facked?
mor 1 ding dakke zaagn, uze Jari zukn braven
ant genieten van al de sgone cadeaus dazen ouders gaven

"En Jari gedraagt zich zoals het hoort"
ma onder us gezeid, witje ma wel daj smoort?
en daje eur gezaag aanhoort, ma te pussy ziet voe te zegn  
daj je der in feite an stoort?

Moe nog vraagn voe die oederlijke toestemming
Jari komt meze babygun dus: "Zoek dekking"!
mie flow is zot an et spitten lik mitraillettes
gie ziet alleen mo e kopie ant zetn just lik macquettes

Ik en juste ma kletsers, je lines te cheesy - raclette
kziej ant frituurn lik brochettes want kbringe telkens wa vetters
asan ant bouwen lik metsers, kzie were ant goan gelik meppers
Luke legget stille, die jongn moe sebiet na ze bedde

HOOK

Wo moek were begin, we zien were va start
de battles bekend gemakt, kpeisde va what the fack
tegen wien zetn ze me nu, e boer eze zeune
nie te stoer doen gastn, ja doe ma geweune

Verse 2

Ayo en Artifex, ja die gast is next
de 2dn die ier nar us goat in e bodybag
k'orte naze tekstn en twas nie al te best
tis oe langer oe slichter lik de marktindex

Met de woordn zie gie verre van een architect
begunt ki metn onderbouw lik Das Manifest
ik spit die harde facts, tis ier gin kaffieklets
Kristof zit in een hoeksje en ne kan nie weg

Je name is Engels voer een artefact
ti nie gelogen, ne zit upt randje van een hartinfact
je zie zodanig oed lik e fossiel - vastgeroest
je ku nie volgn ma ken die ronde vaje afgesnoept

Die gast schiet wortel, das ier niemi geestig
En je kostet nog nie aaln tegen Zele Beeste?
'Asan onderweg', nog e lange weg te goan
oe kuj zo oed zien en nog nowerstn stoan? 

Ti lik e gastje van 12e int lichaam van e dertiger
 je zin gin oar veranderd ma toen letterlijk
verstand komt met joarn biejoen ist gwn gestopt
tword alleen mor erger bie elke skivve daje dropt

Die kristof smits, dien is nie zo fris
schiet in de verdediging, omdat die shit zo is
Al stoze voe je neuze, ne schiet nog mis
e schim van z'n eigen lik e silhouette

DBVW Online 2022 8ste finale - Luke vs Artifex & Ceuninck

Ceuninck vs Uni-verse (4e Finale)
Jury: Mc Rizz, Tovenoare en Publieksstem.

Stemmen voor de 8ste finale kan tussen 17 en 20 feb via:
www.facebook.com/groups/westvlams

Lyrics Ceuninck:

Kweetn daj de vorige ronde op me gestemd et
En ank moetn jirlijk zin ge makt goe gebruk vaje stemrecht
Ik goa joen ier nie judgen mo tog gif ek je me rechter
Je bars wordn gefilterd deur de jury lik e trechter

Verder deur ne no show ti mo zo daje ku deuregoan
Je flow is ni on point en ie goat wok noois ip punt stoan
Emo rapper die olledoage iets up ze facebook post
Double 0 seven want der wordn ier were schootn gelost

Want volgens rizz zin al je bars te basis
Goa were nat begin en begint biede basis
Kiek ne ki na Ceuninck en beseft datie de baas is
Je moe vooral ni ortn mo wit wel daj goudn raad mist

Geneezn van corona want kzin ier voje te testn
Inmiddels kwartfinale van de bestn van et westn
Meje gemakt onnatuurlijk west vlams accent
Ik geeve gin cadeaus want je bars zin ni present


E goeie zeventig kilo mo int battlen ziek e zwaargewicht
Gy komt ier wa achter ge wel meer of enen tring gemist
Zieje benauwd dakik over je vriendinne rapn
Mo klaatn da meisje ierbutn matje tis gin kinderspel

Ik zet me tandn in universe nu istie de gebeetn oend
Die keirel stoat ier wortels te schietn lik biede boerebond
Ge nietn van delivery dus nen fuck track en trace
Is je mokke lesbisch want je toote is verwijfd

Ge komt ni eens me punches en nu moej teegn mie opboksen
me bars zin e zeur en ik hoopn daj derin oplost
Uni verse ge stoat in strijd me hjeel de kosmos
Je leevn e zwart gat omdaj gin verwachtingn inlost

Ik goan ier pas rustn aje gy volledig doodligt
gy ziet e stik alaam ge ziet de nagel van me doodskist
Universal Soldier mo ik zien ni eens Van Damme
Uni verse zie zezelvn als zen tegenstander


Ik skiën deur die rappers en gy meugt ier nu je piste scheurn
Goe geprobeerd mo teegn Ceuninck eje niet van keure
Ik kuje toote transformn zoender descepticon
Ge verandert van gemoedstoestand just lik emoticons

Zieje e student want ik goje naje kot steurn
Totoal ni stabiel doarom daj bie zwak anleunt
Ik kuje beloovn dajdie battle ni go pakn
Jin ding ister zeker ik kom in samoerai ze klakke

DBVW Online 2022 4e finale - Ceuninck vs Uni-verse

Antimotion vs Luke (4e Finale)
Jury: Mc Rizz, Tovenoare en Publieksstem.

Stemmen voor de 8ste finale kan tussen 17 en 20 feb via:
www.facebook.com/groups/westvlams

Lyrics Antimotion:

in lockdown gin tid verspild of zittn verslittn
min tandn zittn slippn vo snitches te bittn
en Luke e liggn pittn dus ie kan et vergittn
twa alsan al ne wittn ma nu likt ie wel te trippn

ik overdrivve nie den emmer is aan't overgieten ---
elke skivve van mieee is vetter en de junne nietn -
ge kunt er van genieten - tot dak je geure riekn
want ton ist an uwen toer en ge zul wel nog verskietn

kveeg de vloeeeeer mee skoonder dweils dan gie
ge zie mn tid nie wiiird - dus klap nie tegen mie 
kwam em tegen, weere enkel zinne stirt diek zie ^?
ma beduvel-de-duvel-zn-muzikale-muze-nie

XXXXXXX

de chorus breng je onrust   let maar ip atie je pad krust ---
BEwust precisiegeschut die in articulatie en rhymes rust
tis oorlog vant moment da de beat start,	
en ik e gin compassie - me niemand 
									
kben felgebekt, agressief
zelfgechecked en impulsief
gevangengezet word ik crea-tief
ak me nie verzet zit ik op je lief									

XXXXXXX

merci vo de colab toen dak huisarrest a,
nu zieje zo nep dat er niets anders restte ---
dan je te zetten ip je plek ver weg van de bestn ---
ge zie gek aj-wil battlen int wiiiiilde westn ---	

a min woorden je doorzeven ga je ziel na-boven zweven,
en a je ga staan bleiten ga je mie gin zak zien geven ---
der is vanalles te beleven, zelfs vo zuk ne skeven,
tzijn enkel feiten-die hier zin neergeschreven, 

Den Luke blaas ik omverre of verdrink em in mn pis, 
zin rhymes zin (bere) ma der is iet da ik mis ---
ie verdoe nie veel tirreeee ie draait zin platen gris 
at er iet is dak nie nirre ton ist zuk ne gladde vis

dus zwig stille , aje klapt tegen mie
anders worde geklapt maak gekapt van gie,
ke de in-gre-dienten voor een killer mc   
ge ebt et of ge ebt et - - - - -  nie

DBVW Online 2022 4e finale - Antimotion vs Luke

Luke vs Antimotion(4e Finale)
Jury: Mc Rizz, Tovenoare en Publieksstem.

Stemmen voor de 8ste finale kan tussen 17 en 20 feb via:
www.facebook.com/groups/westvlams

Lyrics Luke:

Dus Tovi wou et personal? 
First of all: oe ej gie nu die verse geflowt? 
probeert voe te begun eki te landen up de moate
biejoen et er precies niet bluvn hangnn van de woarde

Je society wos beter secret gebleevn
want zo secret ist nie met al de shit dakik weetn
die maricon goa wo dat de money komt
ma je feestjes worn gi Hussle lik da Barry kon

Tegenwoordig werkt die gast bie Amplifon
komiek datn voe hoorapparaatn in actie komt
kverstoan in feite nie oe daj je job ku verooorloovn
eerlijk gezeid istie zelve zukn toondoovn

Je tracks geevn hoorschade lik tinnitus
lusteren naje tekstn is lik de marteling van Sisyphus
gie oort ier nie thus, dat is ier jen hoogtepunt
Anticlimax, kant je zo gegund

Check oe dakkik binkwam, lik China in Taiwan
Antimotion inderdoad, kzien allene stilstand
Dus moej eki 1 weetn over Timo Antoin?
doet allene na wa datn oort lik Shazam

Witje nog uze track, 'Content Met Minder'? 
da was mien tekst, gie et et concept verhinderd
want ne wos zooo onzeker over ze verse
ne zei Luke: "Oe kuj gie zo flown met de words?"

Nu stoaj bekend lik e dude die noois etwuk afwerkt
die zit zonder vast werk, en diet nimi lang trekt
tging nochtans komn op je tape - 'Enkel Bandwerk'
ma ne wist nie goed oe dat een enkelband werkt

Mocht nie op ze terrasse met da spil aze voet 
je misdoad was alleszins nie voer e kill in de booth 
voe die shit te verdoezeln is z'n inhoud wa troebel 
mss flexi in je jobs ma je flow moe versoepeln

Secret Society is nie zo clandestien
Asjeblief, die Timo et ier afgezien
Liefst droog in de kakker of wa vaseline?
wilt deel zie van de scene, ma tis e dramaqueen

Dus lat us zegn, gie zie niet de man Timo, 
Je kan nie flown, dus ister nie veel animo, 
Je wou beef? wel ik zien ier nu de carnivoor
Antimotion bluft stoan lik een antiloop

DBVW Online 2022 4e finale - Luke vs Antimotion

CYPHER BEAT MAART

The Inevitable

THE System

Just Power Through

Leon the professional (Knucks) [Lumix]

spontane raps ip de mjist onmeuglijke momentn

wilde de noame van de beats ? ZOEKZE

4. Eignlijk - Dewittn,groene & Westn

Z ploate met een echte moat doe toch vele e
Mix and master by @kingskam

DBVW Online 2022 4e finale - Luke vs Antimotion

De Bestn vant Westn

Recent comments

FLOWERIK

Simitricz

JO.nasty

Related tracks