شجن - معتز صباحي

قمر المساء .. محمد عبدالجليل

كلمات صلاح حاج سعيد
ألحان وغناء مصطفى سيد أحمد
____________
عدّى فات زمن العيون الإلفة والحضن الملاذ
ورهافة الحس البلوّن ضحكة الناس العزاز
بعد الحنان الكان زمان
إستوطن المطر الحراز

روّح زمانى وفى رجاك عانيت قساوة الإنتظار فى ضل شبابيك السفر
صادقت ليلات الموانى الساكنة فى
بحر الأمانى بتنتظر
لو طيوف لحظك تفوت
تعبر خيالاتك تمر
قلق المواعيد الضّجر
سهر العيون
الإحتراز
وإتعزز النوم الخدار
وإتمدد الشقا فى العمر

ملّيت تباريح الجراحات البقت 
بعدك أسى
وزمناً قِسَى
وحالاً أسيف
ومشيت أفتش عن خطاويك القبيل 
واتضّارى من زمناً
وراكَ ملانى خوف
إحتجت أرتاح فى عيون
فيهن ملامحك ذاتا
من غير أىّ زيف
وإشتقت لى ضحكة صباحك والدعاش
عطّر رذاذ مطر الخريف
أنا وإنت والدنيا الأمان
الناس وفا وخوة صفا 
ودفء المشاعر الشاتية صيف
أنا وإنت والدنيا الزمان
زمن الغناوى الطالعة من قلباً رضى
وحسّاً ندى
وذوقاً رهيف
أنا وإنت والدنيا الأمان
ما العمر شتّان بين أوان زمناً حييتو
وعمر ما بتقدر بتعرف بكرة يصبح حالو كيف

قمر المساء .. محمد عبدالجليل

user131166572

Related tracks