صلوا على خير الآنام وآله
ومن الصلاة عليه دومآ أكثروا
هو الأمين الصادق في قوله
لم يخش أبدآ من طغوا وتجبروا
شلت أياد استهزأت في وصفه
لما اعترضنا   تعجرفوا وتكبروا
لو يعلمون بحق قدر حبيبنا 
لتنافسوا في مدحه وتسامروا
أكرم بهم قوم محمد عشقهم
صلوا عليه بصبحهم وتسحروا
الطيب طاب لما طب رحابه
من عطره كل العطور  تعطروا
سيروا على نهج الحبيب ودربه
لن تشقوا يا أحبابه او تخسروا
وتحصنوا بالذكر في زمن الوبا 
وإذا نسيتم قوله فتذكروا 
أمسك لسانك في المصائب والفتن 
كم من أناس باللسان تناحروا 
اما سمعت يسعك بيتك يافتي 
ابنوا المساجد بالبيوت وعمروا 
وابكوا على كل الخطايا والزلل 
قوموا وصلوا بالسحر واستغفروا 
ياقوم لا تتواكلوا وتوكلوا وتباعدوا 
ما صح قوما بالوباء استهتروا
صلوا على مسك الختام وآله 
ومن الصلاة عليه دومآ أكثروا  

صلوا على خير الآنام وآله.. شعر وإلقاء _أحمد رجب صادق.mp3

حبة السيرة

الحمد لله ف العلن والسريرة 
ثم الصلاه على طيب السيرة 

دنيا كبيره بصحيح لكن قصيرة
والذكرى فيها ياصاحبي لمه و  تصويرة
يمشي ابن آدم ف قلبها مسيرة
مايخدش منها غير حبة السيرة

السيرة ورده زرعها ابوك وانت شمتها
اوعاك تخيب زرعتك  والناس تشمتها
في ناس تموت وتعيش لسنين شهامتها
وناس تعيش ميته ولا عشره ولا جيره

السيرة لو طيبه أحسن من الفدادين
ولو ماهياش كده يبقى عليك دا دين
في ناس تموت فدا دنيا وناس تموت فدا دين
وناس تورث دهب بس الأصول  عيرة


حافظ على سيرتك أولها وأخرها
وإن جت عليك دنيتك صبرك يأخرها 
ماتشلش هم لبشر رشقت مناخيرها
واللي انشغل بك حسد هاتوقعه الغيرة

سيرتك اميرتك  وانت فارسها
ف ايديك تحاوطها بعينيك وتحرسها
بايديك هتحميها.. بايديك تجيب راسها
حسبه و سهله كدة ولا فكر ولا حيرة


حبة السيرة.. شعر وإلقاء_ أحمد رجب صادق.mp3

هتقفل دايرتك على مين يا واقف والقلوب سايره
ده يوم عن يوم بتتفاجئ     ويخرج حد م الدايره

صحاب المصلحه غاروا
ف يوم ضعفك ف يوم قله
لا  وقفوا معاك ولا غاروا
كتار حواليك لكين قله
بناقص كام غراب طاروا
بناقص منها شله 
وسيب قلبك وأسراره 
ده الشكوى للخلق مذله

هتقفل دايرتك على مين يا واقف والقلوب سايره
ده يوم عن يوم بتتفاجئ     ويخرج حد م الدايره

هتقفل دايرتك امتا
مافيش بعدين وتتأجل
ضروري تكتب اللسته
براحتك واوعي تتبرجل
ماتستناش كتير انتا
وقفلها بميت برجل
هاتخسر خمسه م السته 
وتكسب اللي كان أرجل

هتقفل دايرتك على مين يا واقف والقلوب سايره
ده يوم عن يوم بتتفاجئ     ويخرج حد م الدايره

هتقفل دايرتك على مين ؟؟ شعر وإلقاء _أحمد رجب صادق.mp3

باقي تَكَّه

التوجيه الحياتي ... طريق يستحق التجربه 

#life_coaching
#علا_أحمد

الخيوط المتداخله

!مازلت أحلم

ممكن مدد

و اللي يجرب قربه يدمنه... ما هو اصله صادق في كل شئ بيقدمه ... او عالاقل صادق معايا ... بصدقه عايش جوايا..  مش قادره افهم ايه الحكايه  ... بينها ملهاش نهايه ... و ليه اجيب سيرة النهايه... هتبقى بداية :) ... 


بحبه اه و من حبي عايزة احس بكل نفس بيتنفسه... عايزة امد ايدي جوا قلبه و المسه... عايزة ادوب جوا حضنه و ميسمعش غير بس روحي و هي بتهمسه ... ليا معاه لحظات مش عارفه اوصف احساسي بيها ... لما تنط في عقلي بغيب عن كل حاجه و محسش غير بس بيها ... يا تري هو كمان فاكرها ... يا تري مستنيها... يا تري حس بيها زيي و بيفتكرها او بيفكر فيها!!


 القلب لما جرب يبعد كفر ... و الروح جريت تدور عليه في كل حتة مزيكا سمعتها معاه و هي طايره جنب القمر ... ينعل ابوك يا عقل ده الذنب منه او حتى ليه قدام عنيه يتغفر ... 


و لما يغيب تزعل حشايا و تبكي من جوع هواه و اغلبه بس بحجر .. اخبط بيه روحي او ابلعه فينخرس صوت الانين... و انام شويه و انسي الحنين ... و اصحى اجوع من تاني ليه ... و اقول لوقتي عدي قوام و انسي عنيه ... و لا بصته و لا ضحكته و لا كلمته و لا كمان لمسة ايديه ... ترد روحي تقولي روحي اتطمني بس عليه ... شوفي كده اخباره ايه .. يمكن يكون مستني روحك  تنادي عليه ... و اروح ادور على إجابة "بعدت ليه" اسمع من اول كلمه  .. حس ملهوف بينطق من غير ما ينطق  "وحشتيني" بقالي حبه مستني اتأخرتي ليه ؟ و بعيد عن كل كلامه المنطقي مسمعش غير حب و أمان... مسمعش غير راحه و حنان ... مسمعش غير انا كنت ضايع من غيرك الحمد لله انك رجعتي انا كنت خايف لمترجعيش و ارجع اتوه زي زمان... 


و انا كمان مقدرش ابعد لاني مليش مكان .. غير جوا حضنك مهما بعدت انت حبيبي ... انت الحمايه ... انت الأمان..

حكاية بدايه

تجربه جديده .. يارب تعجبكم
علا أحمد حمزه

ست الدنيا

بقطفلك بس هالمرة.mp3

ماتحلمش.. غير وإنتا ماسك طرف خيط الحلم ف الواقع.. أصل اللي حلمان بالدفا بيعيش طول الحياة بردان 

هتقفل دايرتك على مين ؟؟ شعر وإلقاء _أحمد رجب صادق.mp3

Ahmed Ragab Sadek

Related tracks