lamada da ana

we will never forget U .. (( 74 )) shaheed ahlawy

ف التالتة شمال شهيد صورته و ذكراه دايما ف البال

يارب انا مملكش غير حبّة زعل
نِفسى فـ يوم ما يطوّلو
القى فـ قلبى براح عشان
انسى الزعل وأتحمّله

يمكن بقالى كتير أوى 
مركعتهاش
فإكسرنى يمكن
أفتكر طعم الصلاه

عارف يارب بجد إيه المشكله؟
المُشكله ان الطريق
ادامى اهه
لكن بروح لطريق بعيد
واللهِ مش علشان عنيد
يمكن عشان داء الكسل

فإمشى كتير وارجع وحيد
وارفع اديا وأقول يارب
مفضلش منى غير ذنوب
نفسى أتوب 
متردنيش 
القاك فاتحلى باب جديد
علشان اعيش

تنسالى كل اللى اتعمل
وافضل معاك
 وارجع
وأتوه عن سكّتك
وأعيد جميع ما قد حصل
وامشى لواحدى فـ الطريق
فـ يصبنى ضيق
وآجى وانا ندمان اوى 
علشان تنسينى الزعل
.........
كلمات : محمد  ابراهيم
الحان و غناء : أمنية حسن
عود وغناء : اسلام الأبتي

لينك التحميل
http://www.2shared.com/audio/0_hdsg9J/YA_rab.html

حبــــة زعل

جناح الدنيا شالك فوق .. ورزعك تحت .. بكيت وفرحت .. بكيت فإرتاحت .. وطعمك طعم أول بنت تقابلها .. فـ أول يوم فـ إعدادى .. وقلبك لسه لون صفحه فـ كشكول سلك لسه جديد .. مكنش ساعتها فيك لمعه .. وشكلك منتهى العادى .. فضلت تحبها لواحدك .. وأبعد مـ البعيد بـ بعيد .. كإن العمر حقنة بنج .. تنام عيل تقوم تلقى .. ملامحك كلها تجاعيد 

كلمات الشاعر : محمد ابراهيم
ارتجال و غناء .. أمنية حسن

حقنة بنج لــ محمد ابراهيم

صوت رصاص .. دخان وناس .. مزيكا شبه الوشوشه .. فض إعتصام .. فين النظام ؟! .. انا جى منين .. طب فين نزلت .. انا تهت آه علشان سألت .. الآيه قلبت نفسها .. انا مين فـ دول .. طب مين معايا وضدى مين .. معرفش حتى إختارت ايه .. يا مصر رايحه بينا فين .. واخده النهار فـ إديكى ليه ؟! .. كل واحد دمه سال .. كان بيسأل ميت سؤال .. مين عليا ومين معايا .. وفين مبارك من جمال .. مرسى شاطر .. سيسى مرشد .. حد منهم حد تانى .. لسه دمى رخيص ولسه .. مصر مش حلوه غير فـ الأغانى

كلمات الشاعر :  محمد ابراهيم
الحان وغناء : أمنية حسن

صــــوت رصاص

Lyrics: Ahmed Yehia
Music By: Kashkool Band 
Sound Engineer: Mohammed Elgayar

You can follow us at 
Facebook.com/Kashkoolband
Instagram/Kashkoolband

Morestan - Kashkool Band | مورستان - كشكول باند

الاغنية ب مزيكا 
https://soundcloud.com/omnia-hassan-2/original



ليه الكمانجا بقلب إسود .. عمره ما بيصفى لـ بيانو ؟! .. ليه هنفضل زى 
مـ إحنا .. صوره وكتابه ورهان .. ليه الشتا كان وشه غامق .. والحنين واقف مكانوا .. لسه تايه بين عنيا وبين عنيكى فـ المكان ؟! .. ليه هسيبك .. ليه هقرب ؟! .. ليه بحب ساعات أجرب .. إنى امشى فـ سكه أصلا مش باينلى ايه آخرها .. وأما فجأه تضيعى منى .. أعمل انى نسيت وأقول .. عادى يعنى زى غيرها ! .. احضنينى قبل اما تمشى .. لو ضرورى تودعينى ..وإحفرى صورتك فـ عينى .. وإبكى على كتف اللى بينا لو خلاص هتضيعينى .. وإدى ضهرك ليا وامشى .. فـ المطر ومترجعيش .. يمكن انسى ان انتى مُتى وأقتنع انى هعيش 
>>>>>>
كلمات : محمد ابراهيم
الحان : أمنية حسن

ليـــــه الكمانجا

كلمات / محمد إبراهيم 
آداء صوتى / عُبيده أحمد كريم 
موسيقى / أسامه الهادى 

وانت لما يجيبوا سيرتى بعدها  ..
متقولش شيئ .. إسكت كتير ..
وإن صمموا .. إبقى إفتكرنى بكل خير ..
قول كان جدع .. وكلنا ياما عيش وملح
وقسمنا حالنا حزن فرح وكان ما بينا ذكريات ..
قول كان يحب الشاى أوى ويحب أكل البقسماط ..
قول كل حاجه بس إوعى يا صديقى تقول ده _ مات _
جيب سيرة ماتش PlayStation قطعتك فيه ..
جيب سيرة آخر خمسه جنيه ..
انا وانت قسمناها فـ موقف ..
علشان أنا أرجع راكب تاكس ..
وإوعاك تزعل .. بالعكس إفرح ..
إشمعنى فـ دى دماغك رفضت تمشيها العكس ..
متقولش ان انا كنت رفيع ￼ ..
ولا حتى تجيب سيرة صوتى اللى قرفتك بيه ..
إتكلم مثلا عن إنى كان نفسى
الناس تعرف جدا شكل الإنسان الجوانى ..
مش شكلى فـ صورى اللى على الفيس ..
إحكى عن القاعده مع صحابنا
واللمه فـ سهرة كل خميس ..
كلمهم عن حبى لـ أبويا .. أصلنا ملحقتش أقولهاله ..
كلمهم عن عمر إبن إختى وخليه يقولك بعدى يا خالو ..
كلمهم عن حبى الزايد للقهوه البندق و البيبسى ..
كلمهم عن إيدك لما تشاركنى بطاطس كيس شيبسى ..
عن تعبى من المشى كتير ..
عن كرهى ان أطلع بيتك فوق ..
علشان ملقتش أسانسير ..
عن كلمة متسيبها على الله .. وبكره هتحلى
عن فرحة قلبى بجون ميسى .. الأول يوم ماتش الميلان ..
عن قولة هيه لما بتعلى
كان عندى كلام أكتر لكن .. الفرقه بتطلب كده
بـ سكوت .. وخصوصا لو فُرقة _ موت _ !

من فوق لتحت - الشاعر محمد إبراهيم

محمد ابراهيم - كتبت وراكى بالمللى

Download it Mp3
From  MediaFire
http://www.mediafire.com/download/ovzcpr4bjaukb1x/Kashkool.Band.Warda.Soda.mp3

Kashkool Band | وردة سودة 
--------------------------------------------------------------------------------------
Lyrics: Mohamed Ibrahim
Music by Kashkool
Composer : Islam Ali
Sound Engineer: Mohamed Elgyar
Poster Photography: Mohamed Reda
Poster Design: Kareem Nagy

Vocal : Mohamed El Shebeny
Keyboard : Mohamed Maani 
Bass Guitar : Hesham Samy
Drums : Hosam Samy 
Lead Guitar : Ahmed El Gharieb
Violin : Hany Abo Elmagd 
Percussions & Oriental Rythem : Amr Hamdi 
Qanun: Ahmed Amer
Coordinator: Amr Hatem
Social Media and Network : Amr Hatem & Obyda Ahmed
Band Manager : Loai Adel
---------------------------------------------------------------------------------------

You can follow us at 

Facebook.com/Kashkoolband

Instagram/Kashkoolband

 Kashkoolband ........ Mazika mn Gowa


Warda Soda - Kashkool Band | وردة سودة - كشكول باند

اغنية " في عشقك " من البوم زي اي اتنين - سامو زين 2014

في عشقك - سامو زين 2014

محمد أبراهيم - عشان أعيش

مهرجان المحكمة | فريق الاحلام | زيزو النوبى و حمو صبحى و بنوا

قصيدة " حاجة من زمن العجايب " على حسن


Lyrics : 

حدود الفكر والتفكير في الحقيقة ملكي

بس ملكي مش مساعد إن حدودي تكفي

تسند ضعف عزمي ولأصل حلمي تحمي

ففضلت أعافر في صمتي أبني في حيطان مدينتي

بس يأسي من عالمكم خنجر كان في صدري

جرح بكره المضمون من ساعات اليأس

خلى أملي في الحياة طاقة كانت بالعكس

تكشف كل سلب وتسلب كل حق

تعفي نفسي من النضال والصراخ بلأ

إختياري لإختياركوا وعد وإتفاق

إني أمضي على الضمانة وأحلف بالولاء

آسف مش هساعد، أكون لحلمي باعد

أقتل كل شاهد، كان للثورة واعد

الخروج عن المضمون فكرة مش مألوفة

والمألوف للعقول فكرة كانت موصوفة

تحجم كل جامح، تربط كل حي

تمحي من قاموس حياتك إن بكره جاي

جاي غصب عني لو هتكون معايا

كذبة واضحة من البداية وعايشة للنهاية

إنت عكس فعلي

إنت كل ماضي

إنت راضي الحقوق تضيع وتبقى عادي

فرق العمر والتفكير بين الجيل الحر

زي حبك للحياة وإختيار المر

إحنا جيل يحاول، إحنا جيل يغير

وإنتوا جيل في الحرية عمره كان قصير

سرق الأمل منا واللي بيشكي يموت

كده أو كده ميت فاصرخ بعلو الصوت

كل الشوارع لينا والثورة للثوار

والحر لو يسكت يبقى ملاه العار

طال الفرق بينا إحنا بينا شق

جيل بيرفض السكوت الخلاصة لأ

لأ لكل صمت

لأ لكل خوف

لأ بتلعن إختياركوا وتنكر الظروف

لأ تصبر اللي خايف حتى إن صبره طال

لأ تكسر الحصون حتى لو جبال

ساقط رغم حجمك مهما إنك تكون

إحنا نور الحقيقة في عتمة الظنون


Zap Tharwat - #احنا_جيل_وانتوا_جيل

اضرب صحوبية

اضرب صحوبية مع الأحزان
 واتمشّى معاها على الكورنيش
ضُمّها بإيدين مليانة حنان
قولها عن سرك ماتخبّيش

قولها دانا حاسس إني وحيد
وقلوب الناس شايلالي جراح
لو لسه ف عيني الفجر بعيد
ف عينيكي طريق الحلم براح

اضرب صحوبية مع الأحزان
 و اتمشّى معاها على الكورنيش
ضُمّها بإيدين مليانة حنان
قولها عن سرك ماتخبّيش

قولها مخنوق مش لاقي كلام
وانتي اللي رسمتي دموعي حروف
حلّفها بكرهك للأيام
ماتسيبش ف قلبك نقطة خوف

واسألها كمان عن أحوالها
دوّر على نكتة تقولهالها
ماتكونش الصفر على شمالها
خطّي و خلّيها تخطّي معاك
ويا الأحزان هتكون إنسان
جايز يتحول يبقى ملاك
ويا الأحزان هتكون إنسان
أحزانك أجمل شيء جواك

---------------------------------
كلمات والحان : انطونيوس نبيل
توزيع : وليد ميمني

اضرب صحوبية - جوني و إيمان فؤاد

Video  Link .... http://www.youtube.com/watch?v=YABAvDoFPoc                   

Mohamed Ibrahim Page ..... https://www.facebook.com/VADIDODIDO?fref=ts                            


لو لسه ناوى انى أعيش _محمد ابراهيم

Video Link .... www.youtube.com/watch?v=YABAvDoFPoc     

Mohamed Ibrahim Page ..... www.facebook.com/VADIDODIDO?fref=ts        


لو بدينا يا بلادى نبتدى منين الحكايه _ محمد ابراهيم

محمد ابراهيم بتحبها

الشاعر محمد إبراهيم  
 أحمد سعد  عود وغناء 
 أحمد الغريب جيتار

***** 
ابيض واسود 
***



كان عندى زمان 
علبة ألوان ..
بس ملونتش ولا صوره 
ومكنتش باكل اطلاقا 
عـ السنه دى علشان مكسوره
كان عندى جيوب 
جوا الجاكت ..
ومشتلش فيها فلوس خالص 
علشان ممعيش !
وإن حتى معايا مبيكفيش 
غير حق ازازة كوكاكولا ..
بشربها وبعطش من تانى
انا كنت ساعتها فـ سنه أولى 
وكنت أٌقعد فـ الدرج التانى ..
وعشان الصف بتاعى يمين 
كان نور الشمس يزعلل
نص السبوره ! ..
خرزانة استاذ بتدفى ..
مصروف مش دايما بيكفى ..
لكن أهو كان بيجيب حاجه 
العجله اتخرمت كام مره 
ورجعت البيت عليا رجليا 
وهدومى اتقطعت وانا بلعب
تعويره اتسابت فـ اديا ..
وجريت علشان قبل ما تورم
الحقها بتلج التلاجه !
أول ما كبرت بدأت أفهم ..
ان الميت مش راح يرجع
عيطت كتير علشان " تيتا "
وفضلت سنين برده بدمع 
على صاحب خبطته عربيه 
زمان وإحنا بنلعب كوره ! 
كل حاجه كنت اقرب منها 
تبعد ..
عشت كل سنين حياتى أبيض
وإسود .. 
مش فارق شكل لدلوقتى 
من شكل زمان !
مانا لسه اساسا معرفتش 
معنى الألوان


الشاعر محمد إبراهيم - علبة ألوان

أداء : محمد إبراهيم النص
كلمات : م . سامي الزين

lamada da ana

user553887969