أداء سيء شديد والموسيقى جوطة والإيقاع سريع .. 

جديد

رائعة الراحل محمد طه القدال "وجع المخاض " لمجموعة عقد الجلاد الغنائية من ألحان شريف شرحبيل
===========
لقينا عوجنا قايم بينا ما عرفناهو
ما قلنالو كيف حالك ..
نسينا مجامر التجريب
على برد المحن والعادة كان تهمد
قسينا الظاهر الباطن
ويوم حنينا كان الزحمة شالت من قلبنا الرحمة
ما قالتلو كيف حالك ..
دحين كيف الدبارة
وكت تمش في الزيفة وحيدك
دحين كيف الدبارة
وانت ماك فارز طلوع الروح وغميدك
دحين كيف الدبارة
وجرحك الدافن دشر جواك
لا مسك بطيب تاني .. لا مسك بطيب تاني
إلا تلاقي حد السيف
على لب الجرح نازف
بعد جواني يصبح تاني براني ..
***
غشيت يات من مدينة
لقيتها زي طمل الخريف طينها
مشمر جيتها لي وجع المخاض
البر متل موية الرهاب
والوحل غطاني
مشيت يات من طريق
الناس مزغلله في الفراغ
وهموم مجدعة في التراب
وإيدين تخاتف ..
شن تخاتف ماني عارف ..إلا جيتا
وجيتا لي وجع المخاض ...البر متل موية الرهاب
وقفت أعاين في الخليقة
لقيت بتاوق جوه روحي
ضهبت في موج السراب
عريان وسط موج العرايا
سألت الجمبي : قتلو لحم وشيشك وين ؟؟
ضحك بين دمو عاين للورايا ...!
شفت عضامي في دمعوا المرايا ..!!
مشيت قدامو شفت عضامو في دمعي المرايا !!!!!
وشلت خطايا لي بلداً
قبيل ظنيتها فوق ..فوق للثرايا
لقيت كل الخلوق قامو ..
فِرح فرحاً .. فِرح فرحاً
فِرح فرح اللقا الرايحة
قعد وحيدي في نص السهل دامع
بكيت بالحيل ..قدر ما الله أداني ...
وقلت يا اخواني : إن الطيبة غطتني
دحين كيفن تكون الخجلة سالباني
ولا مسك بطيب تاني .. لا مسك بطيب تاني
إلا تلاقي حد السيف
على لب الجرح نازف
بعد جواني يصبح تاني براني

وجع المخاض - مجموعة عِقد الجلاد الغنائية

مصطفى سيد أحمد - أسئلة ليست للاجابة

مع الطيور - مصطفى سيد أحمد

منى مجدي و هاني عابدين - يانور العين

مصطفى سيد أحمد والخالدي وسيف الجامعة - قلبي مالو اليوم - عود وإيقاع

أغنية من تراث دار حَمَرْ بكردفان للشاعرة حميدة عبد الله و بإيقاع الجراري

الليلة والليلة
والليلة والليلة

الليلة والليلة
دار أم بادر يا حليلا
بريد زولي

الغالي تمر السوق
وكان قسّموه ما بحوق
زولاً سنونه بروق
في محكمة زانوق*



سنك ريال جيّد
دقّاقه ما بلَيِّد
أنا سايرة بنعيِّد
في دار الأبيض


زولاً سرب سربة
خلّى الجبال غربه
أدوني لي شربة
خلُّني النَّقُص دربه


زارعنه في البورة
وواطاته ممطورة
زولاً سمِح صورة
وبالفاتحة بّنْدورا


الفرع البيفوقي
وقُمريتّه بتقوقي
جرّاري الخجوقي**
نسّاني اشيل توبي
________________
* محكمة زانوق هي محكمة في مدينة النهود
**  الجرّاري: هو غناء يصاحبه رقص ويشترك فيه النساء والرجال علي قدم المساواة وينتشر في مناطق الأبالة بكردفان.
الخجوقي هو الشباب الذي يجيد "الكرير" وهو صوت الحمحمة الذي يصاحب الجرّاري.

منى مجدي و هاني عابدين - يانور العين

user660660502

Recent comments

Waleed Alamin 1

Related tracks