بن فطيس

يا وقت ما مليت تقليب الأوجاع - ما عاد فيني للطعون أستطاعه
حاولت أحد الصبر يمي ولا طاع - لا الصبر طايعني ولا الجرح طاعه
يا ليتها في ساع و تروح في ساع - لكنها متجدده كل ساعه


يا قلب ياللي ورثك جروح و ألام - بليتني ماهو بَ أنا اللي بليتك
ولعتني من عادني فالهوى خام - و أسرفت بي و أنا خطامك عطيتك
طعتك و زبدة طاعتك هم و هيام - مالله كتب لي و أستخرت و عصيتك

الجرح طامع و أيضاً الوقت طماع - يا طامعاً ما عاد فيني طماعه
كم ضيقتٍ كنيتها بين الأضلاع - أكنها و أضحك لا شفت الجماعه
ما بيه يشمت بي من الناس خداع - اللي لأمنته على السر ذاعه
لا هو مواسيني ولا هو بَ فزاع - يضحك و هو في ضحك سنه خداعه
يضحك و هو وده زوالي من القاع - متربياً على الردى و القطاعه


لو للقلوب أسواق بايع و سوام - لأبدلك و أن جيتني ما شريتك
و لا أنت ياللي جيش عينيك مقدام - لأقنعت منك و الرجى ما رجيتك
كني سجيناً بين أفراج و أعدام - و كنك سجن و أنا بنفسي بنيتك


ولا أنت يا زين الحلايا و الأطباع - لا تلوم شخصاً كايد الوقت لاعه
صديت عنك و خاطري فيك ملتاع - من خوف لا قلبك يضيق أتساعه
ماني و أنا يوم شريتك ببياع - حبك ماهو ينباع مثل البضاعه
لوك تقدم شبر بذرع لك ذراع - لو أن نفس الرجل تلوي ذراعه
أجي لجل عينك من الشوق دفاع - و الحب وش قيمته دون أندفاعه
بكرى يزين الدرب و تزين الأوضاع - و الهم يطوي من خفوقي شراعه
يا وقت كافي بس تقليب الأوجاع - ما عاد فيني للطعون أستطاعه


عقب الوصال اللي على عين من لام - قده يكفيني عن الوصل صيتك
و قدني إلا مريت بَ الشارع العام - لديت من ما فَ الضمير و دعيتك
أدري أن صوتي ما قطع عشرة أقدام - و أدري بي أعود إلا من نصيتك
يا شينها و محنياً راس الأبهام - مقدر على شوفك و أنا عند بيتك

عبدالكريم الجباري / محمد بن فطيس

ما عاد ودي لو دقيقة تسكتون - و إن جاء العشاء روحوا و خلوني كلوا
النفس منسدة و إحس إني مغبون - و العين بيراً فاض و الجفن الدلو
يا شايبي تكفى و يا أخواني بمون - و تكفون يا أهل البيت الأسفل و العلو
أباخذ شماغي وش الي تامرون - من قبل لأمشي يا مواليني قولو
أنا أحتمال ألغي جهاز التيلفون - و إن طالت الغيبة تمالوا و أسئلو
و أن ودكم باللي حصلي تعرفون - أخاف من هرج العواذل لأبتلو
الهم و التفكير و كثار الضنون - تناوشو  عوج الحنايا و قتلو
ماتت عروق الروح من كثر الطعون - ياللي عروق الروح عندك قد سلو
إن كان عشرت صاحبك عندك تهون - ماهو كذا يا صاحبي الصده ولو
على الأقل تصد عن دربي بهون - ياللي بفعلك قلت لي حامض حلو
يومين غايب قلت معذور و يمون - ذا اليوم رابع لا مسج ولا ألو

محمد بن فطيس - ما عاد ودي لو دقيقة تسكتون

عبدالكريم الجباري

أما على ضو القمر ولا بلاش من النجوم - الذنب مو ذنبي أنا كلن على تربايتة
عزيز نفس و عزتي ما هي على حَب الخشوم - أجبر خفوقي ينثبر إلين ياصل غايتة 
لا طحت أنا كبوة حصان أطيح لكني أقوم - الموت من طاح و خثع كسر و هو فَ بدايتة 
يا ناس قولوا للغضي تراه غالي و محشوم - لا يفهم المقصود قلبي جا‍ء يسلم رايتة
لا و اللذي خلا غلاته في خفوقي كوم كوم - ما جيت له كني طفل يبكي على لهايتة
جيتة كريم و بنصحك يا هيه بس يكفيك نوم - جرحتني و أليا متى و  اقول هذي فايتة 
أصد ما ودي ألومة و أنصدم بأنة يلوم - غريب إي و الله غريب و لا عرفنا مايتة 
المشكلة بإني أحبة جعل تفداه الرخوم - و دي أعالج خافقة و أعرف و شنهي حكايتة 
حبة غلا عند الزعل و الثانية عند اللزوم - شهرين يبقى ع الدواءلما نشوف نهايتة
يا ناس قولوا للغضي عن شيء في بالي يحوم - و أكيد ما شال الكتاب إلا يعرف قرايتة 
و أكيد لله الدوام و غير ذاتة ما يدوم - و الله عرف بالعقل سبحانة منزل آيتة
عزيز نفس و عزتتي ما هي على حب الخشوم - الذنب مو ذنبي أنا كلن على تربايتة

عبدالكريم الجباري الشمري - أما على ضو القمر

Baby SHark Do Do Do

عبدالكريم الجباري ماكل رجال

الشاعر محمد بن فطيس المري  يالله عفوك

صباح الغلا


قد عطيتك وأنـت ماضنـك لئيـم
والنصيـحـه لليالي تذكـره

لاتحرك جرحـي الماضـي الأليـم ..
ولاتحسب أن طول بعـدك طهـره

كل جرح يهـون يالجـرح القديـم ..
وكل شي قد مضـى معـك أذكـره

جرحي وذكـراك والليـل البهيـم
حـزت فـؤادي بمثـل المنشـره

العذول غراب وأنا أكبـر غشيـم ..
والجروح الماء وطاريـك حجـره

والزمان أكرم من الحـظ الكريـم ..
لأفتحلي بـاب صوبـك سكـره

وحبك اللي لاطرى لي رحت أهيـم .
قمت أحسب أصغر كلامك وأكبـره

ليتنـي عـاد الهـوا تـوه فطيـم
أنعذلـت لعاذلـي بـس خـيـره

مالقيت من الوفـاء يـا أول نديـم .
كون صدق الحزن وجهه وظهـره

عقب رمح الشوق في وجه الصميم ..
سيف هجرك في قفاه وشف ثـره

وأنت شكلك تحسب أنـي فـي نعيـم ..
لنـي أخبـي صوابـي وأستـره

لايغـرك حلـم رجــال حلـيـم
مهون اللي مـن سكوتـه فجـره

ولاتحسب الجفن من دمعه عقيـم
يستحي منك والى أقفيـت أنثـره

ولايغرك وأن بدا جسمـي سليـم ..
والله أن جسمي سـوار المقبـره

والله أن أمر من ضحـك الغريـم ..
شوف حقي بين أياديـه أشكـره

والله أن أحر مـن دمـع اليتيـم
دمعة الرجـال مـن فرقـا مـره

محمد بن فطيس - قد عطيتك و أنت ماضنك لئيم

خلها بالقلب وانسى لاتفكر..
دام شي راح لاتحسب حسابــــه 

لو هقـــــــيت بيوم أن بالك تعكـر..
هي كذا الدنيا ماهي دايـم طلابه 

بس لاتنسى بعد هـذي تذكر..
 مايطيق الجرح من ذاق الإصابه 

مثل صدمات الرفيق إليا تــــــــنكر 
 خابت الهقوى وخابـ اللي هقى به 

البخيل اللي قفل بابه وسكــر..
ما أظن أن الكريم يطق بابه 

ومن جهل فرق المؤنث.. والمذكر
لاتحرى منه مضمون الإجـــــــابه 

ومن يسوا به جميل ولاتشـــكر..
مايعرفـ المرجله حضرة جنابه 

وأنـت ياللي جامع(ن) بالملح سكر
ضعتـ مابين التــــناقض والتـــشابه

لانظرتك قلت نور الصبح بَكَــر
كيف جاء ؟؟ مدري لكن الله جابهـ 

المـــــهم أبيك تنسى لا تفكــر
دام شي راح لاتحسب حسابه

عبد الكريم الجباري الشمري - خلها بالقلب و أنسى لا تفكر

أبن عمك لأزعلك شرة عليه - يقنعك بالحق ولا تقنعة 

أنشدة وش جاة ولا ويش فيه - أنشدة ولا تقاطعة أسمعة 

حتى لو أنه المخطي ما عليه - مشها دامها تمشي معة

أن كانك المخطي و هو راية وجيه - أصمت ولو يوجهك لا توجعة

و أذا قصر و أنت عادك ترتجيه - لا تقصر فيه لا جاك أنفعة

ساسة الطيب على الطيب يحديه - ياصلك حتى لو أنك تقطعة

و أن بلاك الله ببن عماً سفية - روح فأسناعك و خله فسنعة

صد من وجهة على شان الوجيه - من غياب الجهل ليا عقل السعة

عبدالله علوش - أبن عمك

كنت احسبك لي حبيتك وعزيتك
واثرك الغيري وانا احسبك لي متهييّ

انت اللذي جيت في رجليك ماجيتك
واليوم تبخل علي بالصوت وتعييّ

بس لايهمك على فرقاي لبيتك
وابيك تسمع كلامي يابعد حييّ

لو مابه الا انت والله ماترجيتك
ولا انت بلاقي حبيب يقدرك زييّ

منت اول انسان كلمتك وخاويتك
لاكن درب الهوى ماصار بيدييّ

هذي توافيق لو اني تمنيتك
الميت مايرجعنه طبي وكييّ

بس اعرف ان كان خليتن وخليتك
يبقى جبل طي مع مر الزمن طييّ

باتسر اليا جيتني لاتقول ذليتك
تبى تجيني ترجاني وباعييّ

عبد الكريم الجباري الشمري - كنت أحسبك لي حبيتك و عزيتك

بالليل في شارع المحبوب وحداني - ما عاد وافاني اللي فيه وافاني 
يا حي ليتاته ويا حي رواده - حتى لامريته من بعيد ناداني 
أنا في ذا الشارع همومي تسامحني - أنا في ذا الشارع أتخلص من أحزاني
حافظ زواياه وأعرف كل دخلاته - وفنادقه والشقق والسوق الإيراني 
ترابط الشخص ف الاشياء من حوله - يضفي على كل حاجه بعد وجداني  
مسيت بالخير ياموضوعي الأول - أنت السبايب ورا موضوعي الثاني 
لولاك ماكان للشارع ولا ميزه - يا أحلى مواعيدي و وصلي وحرماني 
يا أوفى العلاقات في زحمة علاقاتي - جعلك بعد كل من جاني وخلاني
جعلك بعد كل من جيته وخليته - يا أخر محطااتي واخير خلاني 
يا ضحكة الباكر اللي ماتوقعته - يا ملغيه كل ماضي عشق بكاني 
ماقبل حبك محبه وسعت صدري - حبك أعطاني ويوم أعطاني أغناني 
الله يلعن شعور الفقر والحاجه - فقر المشاعر بشع يا البنك الإنساني 
هذا على طاري الشارع جعل يسقا - يومك تلفت تدورني وتلقاني  

بن فطيس

user707792004