شعر

يا وقت ما مليت تقليب الأوجاع - ما عاد فيني للطعون أستطاعه
حاولت أحد الصبر يمي ولا طاع - لا الصبر طايعني ولا الجرح طاعه
يا ليتها في ساع و تروح في ساع - لكنها متجدده كل ساعه


يا قلب ياللي ورثك جروح و ألام - بليتني ماهو بَ أنا اللي بليتك
ولعتني من عادني فالهوى خام - و أسرفت بي و أنا خطامك عطيتك
طعتك و زبدة طاعتك هم و هيام - مالله كتب لي و أستخرت و عصيتك

الجرح طامع و أيضاً الوقت طماع - يا طامعاً ما عاد فيني طماعه
كم ضيقتٍ كنيتها بين الأضلاع - أكنها و أضحك لا شفت الجماعه
ما بيه يشمت بي من الناس خداع - اللي لأمنته على السر ذاعه
لا هو مواسيني ولا هو بَ فزاع - يضحك و هو في ضحك سنه خداعه
يضحك و هو وده زوالي من القاع - متربياً على الردى و القطاعه


لو للقلوب أسواق بايع و سوام - لأبدلك و أن جيتني ما شريتك
و لا أنت ياللي جيش عينيك مقدام - لأقنعت منك و الرجى ما رجيتك
كني سجيناً بين أفراج و أعدام - و كنك سجن و أنا بنفسي بنيتك


ولا أنت يا زين الحلايا و الأطباع - لا تلوم شخصاً كايد الوقت لاعه
صديت عنك و خاطري فيك ملتاع - من خوف لا قلبك يضيق أتساعه
ماني و أنا يوم شريتك ببياع - حبك ماهو ينباع مثل البضاعه
لوك تقدم شبر بذرع لك ذراع - لو أن نفس الرجل تلوي ذراعه
أجي لجل عينك من الشوق دفاع - و الحب وش قيمته دون أندفاعه
بكرى يزين الدرب و تزين الأوضاع - و الهم يطوي من خفوقي شراعه
يا وقت كافي بس تقليب الأوجاع - ما عاد فيني للطعون أستطاعه


عقب الوصال اللي على عين من لام - قده يكفيني عن الوصل صيتك
و قدني إلا مريت بَ الشارع العام - لديت من ما فَ الضمير و دعيتك
أدري أن صوتي ما قطع عشرة أقدام - و أدري بي أعود إلا من نصيتك
يا شينها و محنياً راس الأبهام - مقدر على شوفك و أنا عند بيتك

عبدالكريم الجباري / محمد بن فطيس

أما على ضو القمر ولا بلاش من النجوم - الذنب مو ذنبي أنا كلن على تربايتة
عزيز نفس و عزتي ما هي على حَب الخشوم - أجبر خفوقي ينثبر إلين ياصل غايتة 
لا طحت أنا كبوة حصان أطيح لكني أقوم - الموت من طاح و خثع كسر و هو فَ بدايتة 
يا ناس قولوا للغضي تراه غالي و محشوم - لا يفهم المقصود قلبي جا‍ء يسلم رايتة
لا و اللذي خلا غلاته في خفوقي كوم كوم - ما جيت له كني طفل يبكي على لهايتة
جيتة كريم و بنصحك يا هيه بس يكفيك نوم - جرحتني و أليا متى و  اقول هذي فايتة 
أصد ما ودي ألومة و أنصدم بأنة يلوم - غريب إي و الله غريب و لا عرفنا مايتة 
المشكلة بإني أحبة جعل تفداه الرخوم - و دي أعالج خافقة و أعرف و شنهي حكايتة 
حبة غلا عند الزعل و الثانية عند اللزوم - شهرين يبقى ع الدواءلما نشوف نهايتة
يا ناس قولوا للغضي عن شيء في بالي يحوم - و أكيد ما شال الكتاب إلا يعرف قرايتة 
و أكيد لله الدوام و غير ذاتة ما يدوم - و الله عرف بالعقل سبحانة منزل آيتة
عزيز نفس و عزتتي ما هي على حب الخشوم - الذنب مو ذنبي أنا كلن على تربايتة

عبدالكريم الجباري الشمري - أما على ضو القمر

عبدالكريم الجباري احباب

عبدالكريم الجباري ماكل رجال

عبدالكريم الجباري - امشي السالفه 2012 By sh3ool

خلها بالقلب وانسى لاتفكر..
دام شي راح لاتحسب حسابــــه 

لو هقـــــــيت بيوم أن بالك تعكـر..
هي كذا الدنيا ماهي دايـم طلابه 

بس لاتنسى بعد هـذي تذكر..
 مايطيق الجرح من ذاق الإصابه 

مثل صدمات الرفيق إليا تــــــــنكر 
 خابت الهقوى وخابـ اللي هقى به 

البخيل اللي قفل بابه وسكــر..
ما أظن أن الكريم يطق بابه 

ومن جهل فرق المؤنث.. والمذكر
لاتحرى منه مضمون الإجـــــــابه 

ومن يسوا به جميل ولاتشـــكر..
مايعرفـ المرجله حضرة جنابه 

وأنـت ياللي جامع(ن) بالملح سكر
ضعتـ مابين التــــناقض والتـــشابه

لانظرتك قلت نور الصبح بَكَــر
كيف جاء ؟؟ مدري لكن الله جابهـ 

المـــــهم أبيك تنسى لا تفكــر
دام شي راح لاتحسب حسابه

عبد الكريم الجباري الشمري - خلها بالقلب و أنسى لا تفكر

كنت احسبك لي حبيتك وعزيتك
واثرك الغيري وانا احسبك لي متهييّ

انت اللذي جيت في رجليك ماجيتك
واليوم تبخل علي بالصوت وتعييّ

بس لايهمك على فرقاي لبيتك
وابيك تسمع كلامي يابعد حييّ

لو مابه الا انت والله ماترجيتك
ولا انت بلاقي حبيب يقدرك زييّ

منت اول انسان كلمتك وخاويتك
لاكن درب الهوى ماصار بيدييّ

هذي توافيق لو اني تمنيتك
الميت مايرجعنه طبي وكييّ

بس اعرف ان كان خليتن وخليتك
يبقى جبل طي مع مر الزمن طييّ

باتسر اليا جيتني لاتقول ذليتك
تبى تجيني ترجاني وباعييّ

شعر

user76383555