chitry

chitray pathar tay

ساݙے بیٹ تے غربت چھا ڳئی اے اساں کانے کاہیں ویچ ڈتن
اساں جھوک دے ساوے وݨ ویچے اساں پتݨ دیاں چھاہیں ویچ ڈتن
ساݙے مال وکا گئے منڈیاں تے اساں پینگھاں لاہیں ویچ ݙتن
توں آصف ونگاں اج گھن آئیں اساں کݙن دیاں باہیں ویچ ݙتن
سیف اللہ آصف 
ساکوں نہ میت بنا وے سانولا ساکوں نہ میت بنا
اساں تاں جانی کٹھور دلیں دے اڄڑ ڳئے بھنبھور دلیں دے
نہ کوئی سک نہ ساہ وے سانولا
ساکوں نہ میت بنا
اساں تاں وا دے جھولیاں وانگوں آندیاں ویندیاں چھولیاں وانگوں
نہ جھپڑی نہ جاہ وے سانولا
ساکوں نہ میت بنا
بھریاں دی ول بھرݨی اوکھی 
پل پل چاکری کرݨی اوکھی 
اوکھیاں وس نہ پاوے سانولا
ساکوں نہ میت بنا
اشو لعل فقیر

chitry

user890308212