AL3AMEL

Bawa2y 2alb [Ft. Tito Devilz] - 2013

MC El 3ezba AkA EshmeQnaTi Ft. 7ekaya Band [Dirty] - 2013

7alet 7ozn III [Ft. 7ekaya Band] - 2013

Mas2alet Karama [Berwaz II] - 2013

Ra2set Wada3na - 2014

Ni-Tro Ft. Dealer - Mussayar Aw Mu5ayar [Lead Guitar Amr Abdel Hakim]

Stalker Ft. Ni - Tro - EshmeQnaTi II AkA Muluk Baladna (+18)

3rb5ana [Royal family] - 2014

Lyrics:
اسود على دي دنيا كل ما فيها اصطناع
اسود على البلد اسود على مبدأ الدراع 
اسود مالينا اسود فينا اسود عالوشوش
اسود لون السكوت على اللي خافوا مختشوش
------------
اسود بانينا ، اسود ظلال لاصول شبيهه
اسود السلطه اللي بتغيم عالقلوب تعميها
كله صابح اسود غامق ضلمه ترسى في القلوب
عين كحيله ، تفضح دموع النقص مالعيوب
اسود عالحال اللي خلى جيل بحاله مالعبيد
اسود عاش شباب جوا القبور والمجد للشهيد
اسود عالبياده وصولها اسود عالدقون واصولها
اسود عالشمس اللي راحت وسط غيمه تطفي نورها
اسود عالقلوب الجاحده اسود عالمصالح كلً
اسود عالصاحب وعالحبيب وعاللي يحب شكلا
اسود عليها عيشه تنطفي شموعها بظلام
اسود على اللي ساب وعاللي عاش للانتقام
اسود على الصهاينه واللي ناسي حق غزة
اسود على اسرائيل وكل دوله ليها سانده
اسود على غيبة العقول اسود على دق الطبول
اسود على اللي دارى عالحقيقه والمسئول
------------
شيال الصبر ساب ارضه وجزع من السواد
عالباب الحمل كسر ضهره وهدم فوقه العماد
سبابة الشهاده تقابل طلقه 9 مللي
كعب البياده يدوس على البكاره الدم يسري
ضهر الرفيق في ضهرك لما تتقابل مصالح
جرار النفس ولا هيحرت ارض محصولها طالح
جيل العبيد يفرعن واحنا بندفع الضريبه
زود المطبلاتي يداري العيبه .. بعيبه 
طب ابيض عالكفن وعاللي مات عشان حريه
ابيض على الطيبه وابيض على النفس العفيه
ابيض على الحجاره في وش الدبابات تثور
ابيض على اللي عاش حياته يصلح ارض بور
ابيض على العلم وعالنسر اللي فوق بيعلى
ابيض على قاد في الضلمه النور بالف شعله
ابيض على السواد يمحيه ويمجد اللي داسه
ابيض على اللي باني من مبادئ الحر اساسه


Eswed - 2014 [Illusions Album]

V.1: Tommy [Lil 3afreet]
V.2: Ni-Tro [El 3ameel]
Mixing & Mastering: Ni-Tro Productions 2014

Tommy Ft. Ni-Tro - Nafu5i Raye2 [2014]

Lyrics:
ده كان حلم واتحقق مش مصدق انتي
هتبقي في يوم مراتي بجد ام ابني وبنتي
احنا العشق في اجمل صور وانتي العشق في كيانه
نكون لبعض عمر يحسدنا الحب في زمانه
تراب الخلق كلها ياللي مخلوقه من النور
يا ملاك بينافس الوجود يتحدى جمال الحور
ان كان في الدنيا دي جمال فـ انتي صورته كامله 
لما القمر يغير منك فانتي بمكانه اولى
دا انتي الدنيا يا ملاكي .. بحبك
ناي الامل في صوتك .. حياتي في حرف اسمك
يسهر قمرنا يتباهى بقصتنا وسط نجومه
الضحكه منك بتضوي تمحي لليوم غيومه
كداب لو قلتلك اني حبي عارف مداه
لأنه كل يوم يزيد لآخر الحياه 
هي ، اصل كل عشق ياللي بتحسدوها
احنا الحياه وصورة الحب اللي بتتمنوها
---------
على جمالها .. تحسدها الملايكه
لما بتضحك .. بتكون للبسمه شايله
يا اجمل من خلق الهي من الجنه
انا اللي كل يوم بيحلم يبقى ليكي وبيتمنى
----------
عشان خاطر عينيكي انتي قلبي للدنيا عاش
شاف الورود بتتفتح نسي جرحه اللي باش
اول ما دق دقلك اول ما حس حبك
نسي الدنيا وسلمك كل ما ليا وقلتلك
خليكي .. ترويلي العين اللي ما بتشبع من جمالك
انتي .. اللي استنى عمر لاجل نظره تعلي غيرتي
طيب قوليلي لو من غيرك كنت ازاي اعيش؟
رماني الحب سهم صابني وبغيرك مبترويش
انتي او مفيش .. يا ام العيون تجنن
جمال ما يتوصف خلى القلم فيها بيتفنن
مين دي اللي تقدر تاخد مكانك يا حبيبتي؟
ليه الشعر بيتغزل فيكي ومش بيرد غيبتي؟
عشان خاطر اجمل عيون لساني ليها غنى
ياللي بتمنى .. تكوني ليا اكون في الجنه
وصيت عليكي كل نجمه تتطمن عليكي
نويت تكوني انتي اللي لابسه دبلتي في ايديكي 

El Malak - 2014

Lyrics : 
قضائنا شامخ قضائنا له شنه و رنه
لو ابليس اتحاكم قدامة هيخش الجنة 
بكره يحاكموا الشهيد بتهمة البلاغ الكاذب 
اصله مات لوحده دمه على الارض سايب 
براءه  للى ظلم و اللى قتل و اللى خان
بعتوا الدم فى ثوانى و الشهيد هو المدان 
مبارك عليكم رضا و حب القضاء 
لكن هتروحوا فين من حساب رب السماء
لو نسيت 30 سنه تعالى و انا افكرك 
جرب مالظلم تشكى امن الدولة يكهربك 
ديون عالدولة زيادة نسبة البطالة 
خضار مسرطن و تعليمنا فى اسوأ حاله 
بدأت الثورة و كلابك قتلوا الشباب
اول ما اتزنقت سلمتها لمجلس العذاب 
يكملوا مسيرتك يقتلوا بايدهم الفكرة 
 يطلع يحكم قضائك و يقول رفعت الثورة 
---------
حاكموا الشهيد هنوا العبيد انسوا الدما اكتموا العنيد
سيبوا القبور تصرخ وربي بيهم العليم
دنسوا العلم خونوا القسم نجستوا القلب بالغمم
دم الشهيد هيفضل غالي مهما كان ليكم رخيص
---------
واهو عاد فرعون لبطشه من بعد الاربع سنين
 وادي قضائنا شامخ كلهم مالظالمين
حاكموا الشهيد بتهمة هز صورة الشرفاء
حاكموا الكفن بتهمة التستر عالدماء
عودوا الى المقاعد هاتوا الشهدا مالقبور
انسوا دموع الغلابه مش مهم الدم يفور
يا عدل ظالم والميزان اختل وزنه
يا دم طابع عالميدان قضاه بالبكر يزنوا
بحق كل نقطة دم سالت في الميدان
رميتوا عدلكم .. والشهيد شاهد عيان
بحق الشمس الغايبه بحق الدوله العايبه
بحق الكفن وبحق ظلم السجان
ليكون الدم اغلى منكوا وارخص مالكرامة
صاحبي ياللي تحت التراب مع السلامة
خانوا القسم لكن ربكم مش غافل
الغسل مش هيطهركم وقت سكنكم المدافن


Ali Hawash Ft. Ni - Tro - 7akmu El Shahid

Lyrics:
كام مره في يوم تحس انك من حياتك مخنوق مشنوق مطرود
من كل الدنيا انت مرفوض في زمان الكدب فيه مفروض
خيانة العشره سلام يهود .. زمن الاخلاص من اي كائن بقى معدوم
مصير وعلينا كلنا مقسوم
كام مره العشره تهون .. كام مره العيش والملح يدوبوا
كام مره الدمعه تخونك والرفيق تبان عيوبه
كام مره افروديت تغويك ومتقاومش جمالها
كام مره تنسى الشهوه وهي تربطك بحبالها
لو تعرف .. انا زيك نفس الجرح ويمكن اكتر
لكني زي اي حد في جرحك مش بقدر
نفسك باقيالك اكتر مني ومنها ومنه
ابكي قدام مرايه وشوف وراك كام واحد غنوا
يمكن تكون خشب قاسي راسي ولكن
شعله واحده تقدر تمحي من جواك كل الصلابه
الجرح يتفتح يزود النزيف
حتى الاسد ممكن يقع لو اتحاوط وسط الديابه
----
كام مرة 
اتخنقت اتوعجت اتخنت اتسابت كل طريق استد
كام مرة
اختفيت انتهيت مشيت وجيت وبرضه العزم اتهد
-----
المسرح من غير الستاير عالكالوس بيفضح
الصاحب لو منافق مش هيداوي لأ هيجرح
العقل صعب يهدى .. القلب صعب ينسى
لكن لو جارح الاتنين فمستحيل هترسى 
ولاد آدم بطبعهم جواهم وحش ثاير
يثور لو مهما اتدبت في القلوب خناجر
صوت الحناجر يعلى .. صراخ القلب يعلى
العقل يشد يهد الراحة فالضرخه في قلبك تعلى
-------
انا لو فاض بيا جرحي يكفي يضلم كل الكون
ولو في يوم فكرت احكي هاخد لقب مجنون
فضلت الصمت عالكلام لكن دموعي فاضحه
بقى البرود في طبعي ارحم من احساسي بفرحه
مالفرحه في يوم هتتبدل ومكانها يجي جرح
فيبقى اهون ليا انسي الضحكه معنى الفرح
جدر الشجر لما بيقع ياخد معاه الباقي
فالخريف مش حاجه توجع اد انك تلاقي
جدورك واحده واحده بتتهدم وانت بتتقطع
ده الشمس مش بتقاوم الغيمه لما الشتا بيرجع
ومهما كان الورد فايح بالعبير مش هنسى
الورده من غير شوك عمرها في الارض ترسى
عارف هتقول عليا يائس بس لو تصدق
انا اقوى موجوع اتخلق وآخر من هيركع
لكني حملي زايد فوق كتافي وضهري اتحنى
تخيل شلت حملي كام مره من كام سنه 
-----
مهو لو تعرف نهاية افروديت مالاول
مكانش جرحك سبقك ولا كان يوم هيطول


Kam Marra [Aphrodite II] - 2014

Verse 1: Ni-Tro AkA El 3ameel
Verse 2: Tito
Mixing & Mastering: 
Tito Productions

Ni-Tro Ft. Tito - Sune3 Fi Hals [2015]

Part 3 Of "Aphrodite"
Verse 1 & 2: Ni-Tro
Chorus: Dealer
Beat type: Dark\Sad [Old School]
Mixing & Mastering:
TITO Productions

8ayeb [Aphrodite III] - 2015 (Ft. Dealer)

Rapers : Nitro El 3ameel & Fady Sasuke 
Mix&Mastring : Tito El Zatoun ;) 
Much Luv & Respect ^^ 


AL3AMEL

user994154164