Аввал хабар берганимиздек, Муҳаммад Солиҳ ва унинг кенжа укаси Мақсуд Бекжоннинг исми халқаро Интерпол ташкилотининг қидирувдаги кишилар рўйхатидан ўчирилгани тахмин қилинмоқда. Бу ҳақда “Би-Би-Си” журналистларига Муҳаммад Солиҳнинг ўзи хабар берган. Бу ҳақдаги унинг фикрини олиш учун , “Фарғона” ахборот агентлигининг бош муҳаррири Даниил Кислов сиёсатчининг ўзи билан боғланди.

“Муҳаммад Солиҳ: “Мен Ўзбекистонга қайтсам,фақат ҳур инсон сифатида қайтишим мумкин!”

6 сентябрь куни Андижон ва Ўш вилоятлари ўртасидаги “Дўстлик” чегара-ўтказув пунктининг тантанали равишда очилиш маросими бўлиб ўтди. Қирғизистон томони шу кундан эътиборан чегара пунктида икки мамлакат фуқароларининг 60 кунлик визасиз қатновига тўсқинлик қилаётган чекловлар олиб ташланганини билдирди.

6 сентябрь куннинг иккинчи ярмида бўлиб ўтган расмий очилиш маросимида Қирғизистон Бош вазири ўринборсари Дуйшенбек Зилолаев¸ Андижон вилояти ҳокими Шуҳратбек Абдураҳмонов ва қирғиз парламенти депутатлари иштирок этди.

Маросимда қилган чиқишида Зилолаев¸ "қирғизистонликларга Ўзбекистонга ўтиш учун бундан сўнг телеграмма керак бўлмай қолди. Бундан сўнг ўтиб-қайтиш бемалол бўлади"¸ дея баëнот берди.

5 сентябрь куни Қирғизистон президенти Алмазбек Атамбаев билан ўтказилган учрашувда Ўзбекистон президенти Шавкат Мирзиëев айни шуни ваъда қилган эди.

- Бугун 20-25 дақиқа қирғиз телевидениесини кўрдим. Унда одамлар “Наҳотки Ўзбекистон президентининг келиши билан мен яна Андижонга аввалгидай бориб келиш имкониятига эга бўламан? Наҳотки, бу иш амалга ошади?” деб гапиришаяпти. Мен сизларга жавоб бериб, шуни айтишни ҳоҳлардимки, ҳа, бу иш амалга ошади, деди 5 сентябрь куни давлат ташрифи билан Бишкекда меҳмон бўлган Ўзбекистон президенти.

Ўш шаҳар мэрияси матбуот котиби¸ чегаранинг иккала президент ўртасида эришилган келишув асосида очилганини таъкидлади.

Воқеа жойидаги Озодлик мухбирларига кўра¸ расмий маросим қатнашчилари тадбирни Андижон ҳудудида давом эттирган.

«Дўстлик» чегара пункти 2010 йилги Ўшдаги қонли воқеалардан сўнг Ўзбекистон томонидан бир томонлама ëпиб қўйилган эди.

Икки давлат ўртасида жами 15 та чегара-ўтказиш пункти бор. Булардан тўрттаси темир йўлида жойлашган. Шу кунгача 11 пунктдан фақат учтаси ишламоқда.

Манба: ozodlik

Ўзбек-қирғиз чегарасидаги "Дўстлик" пункти расман очилди

Шу йилнинг 2 сентябр куни Қирғизистон махсус хизматлари, бизнинг тахминимизга кўра Ўзбекистон президентининг Бишкекка ташрифи чоғида унга нисбтан суиқасд уюштиришга уринган қўпорувчини қўлга олган. Гарчи, расмий Қирғизистон, қўлга олинган шахсни “ИШИДнинг фаол аъзоси” деб атаб, бу ҳақдаги хабарни жуда ҳам дипломатик тарзда эълон қилди.

7 сентябр куни, Қирғизистон Миллий хавфсизлик давлат қўмитасининг матбуот хизмати, 2 сентябрда халқаро террор ташкилоти бўлган “Ислом давлати”нинг фаол аъзоси қўлга олинганлиги ва унинг 1988 йилда туғилган Д.С. исмли Қирғизистон фуқароси эканлиги аниқланганлиги ҳақида хабар берди. Шунингдек, жиноий режага кўра, Д.С. давлат миқёсидаги тадбир ўтказилиши жараёнида террор-қўпорувчилик актини амалга ошириши керак бўлганлиги ҳам аниқланган (http://svodka.akipress.org/news:1403459?from=mportal&place=last).

Бизнинг таҳминимизга кўра, қўлга олинган Д.С. ИШИДчи эмас, балки махаллий мафиядан бўлган оддий қўпорувчи. У ва унинг шериклари Ўзбекистон президентининг бироз аввал Бишкекка қилган ташрифи давомида, унга нисбатан суиқасд уюштиришни режалаштиришган. Шундай қилиб…

Усмон Ҳақназаров: Ўзбекистон президентига қарши режалаштирилган Бишкек суиқасти ҳақида

Рус миллатига мансуб бир киши бор. Бир жойда ишлаймиз. Куни кеча кўришганда: “Сен мусулмонсан-а?”, деди. Мусулмон эканлигимдан жуда яхши хабардор. Жавобимни кутмай, гапини давом эттирди “Мянмадаги аҳволдан хабаринг бўлса керак?! Улар ҳам мусулмон. Дунёда миллиардлаб мусулмонлар ҳеч нима қилмаяпсизлар. Ҳеч қандай ёрдам бермаяпсизлар. Ишид, маджаҳедлар ва бошқа мусулмонлар томоша қиляпсизлар. Наҳотки, ҳеч ким, ҳеч қандай ёрдам бермаса? Сен менга мусулмонлар бирлиги ва дининг ҳақида жўшиб, тўлқинланиб гапирасан доим. Шуми сизларни бирликларинг? Менга унчалик аҳамияти йўқ. Ўлган мусулмонлар. Сени тилинг билан айтганда ака-укаларинг. Лекин у ерда содир бўлаётган ишларни кўриб, очиғи ноинсоний ишлардан жуда жаҳлим чиқди. Сизларни хотиржамликларинг эса янада энсамни қотирди. Террор билан ном чикарган ва ҳар ишга муносабат билдирадиган мусулмонлар бу ишда жим! Ажиб…”

Кайфиятим шундоқ ҳам йўқлиги учун жавоб бермадим. Нари кетдим. Шундоқ ҳам неча кунлардан бери ўзим билан ўзим курашиб чарчадим. Мен кимман ўзи? Дунёга нега келдим? Нима мақсадда яшаяпман? Саволлар кетидан саволлар… қалбимни маъюслик чулғаб олган. Хотиржамлигимни йўқотганман. “Нега ҳеч нима ёзмаяпсиз?”, деб сўрашяпти. Нимани ёзай? Ўйнаб кулганимними? Ўлган биродарларимни аҳволиними? Расмини қўйиб, ачинганимни кўрсатайми? Ожизлигим билан фахрланайми?

Фбга кираман. Мянмадаги хунрезликларни пост қилганларни кўраман. Қалбим оғрийди. Фб узра айланишда давом этаман. Қалбим тинчланармикан, қалбимга хушхабар бўладиган нарса кўраманми, деб бу оламни кезаман. Зулмат қалбимга нур ахтараман. Афсуски дастурхон устида ўтирган, еганини реклама қилган, футболни муҳокама қилиб чарчамаган, Бабаян ва яна аллакимлардан норози бўлган юртдошларим, диндошларимни кўраман. Юрагим оғрийди.

«Мусулмонлар ака-укадирлар” мана шу оятни кун бўйи қайтариб юрибман. Қайтараману кўзимдан ёш тинмайди. Мен дунёдаги мусулмонларни дардини ҳис қила олмайдиган махлуққа айланганман ёки мусулмон эмасман. “Мусулмонлар ака-укадирлар”, деган оят менга бегона. Мен укаси ўлиб, дўстлари билан дастурхон атрофида тўпланган одамларни тушуна олмайман. Мен акасини ваҳшийларча ўлдирса футбол томоша қиладиган, еб-ичиб, сўкиниб, футбол учун ғам чекадиган укаларни тушунмайман. Мен боласини устига чиқиб сакрашса, тепкилаб, ёқиб юборишса кўнглига кўнгилҳушлик, чойхонавозлик ва майнавозчилик сиғадиган отани тушуна олмайман. Онасини ўлдирса, ўлигини ҳорласа тўйларга бориб, ўйин-кулги қиладиган ўғилни тушунмайман. Синглисини зўрлашса, иффатини кўз ўнгида хўрлаб ташлашса бошқа нарсалар ҳақида ўйлайдиган, бемалол уҳлайдиган акаларни тушунмайман. Бошингизни баланд кўтариб “ғурурлиман, эркакман”, деманг илтимос.

“Мусулмонман”, деганда ғурур қолмади. “Мен мусулмонман”, деганда ор-номус қолмади. Нафсига, тузумига, қобиғига қуллар қолган. Қуръондан «мусулмонлар ака-укадирлар» деган оятни ўқиган кўзларим кўр бўлсин, ўқиганим қалбимга етиб бормаса. Ўйин кулги, кўнгилҳушли, еб ичиш кўнглимга сиққан пайтда акаларим, укаларим ўляпти. Мен эса ақалли дуо қилишга ҳам ярамай ҳаётимда, ҳар кунимда ҳеч нимам ўзгармай яшаяпман. Мен юртдошларим, миллатдошларим, диндошларим, хусусан ўз кўзларимда, онаси ўлган, отаси ўлдирилган, синглиси зўрлангандаги юз ифодани, кўз қарашни, қиёфани кўрмаяпман.

Мен хотиржам яшаяпман. “Мусулмонлар ака-укадирлар”, деган оятни ўқиб, ёдлаб олганман. “Мусулмонлар бир бинодирлар”, деган Росулуллоҳни гапларини биламан. Бинони бузиб, ер билан битта қиляпти. Мен тўйда ўйнаяпман. Футбол кўряпман. Рақсга тушяпман. Мен отам ўлса жанозасида ўйнайдиган мана шундай махлуқман.

Sayyid Islom

Манба: facebook.com

“Мусулмонлар ака-укадирлар”

Бугун Тошкентда кундуз соат 11 лар атрофида Р.Иноятовнинг соғлиги ёмонлашганлиги ҳақида гап-сўз тарқалган.

Манбаларимиздан бири бизга МХХ раисининг инсультни бошдан кечириб, ҳушсиз ётганини билдирди. Икинчи манба МХХ раисининг заҳарланганини айтмокда.

Айни манбанинг билдиришига кўра, бугун Тошкент вақти билан соат 20:00 да МХХ Марказий Аппаратида бошқарма бошлиқлари иштирокида шошилинч йиғилиш ўтказилмоқда.

Йиғилишнинг нима ҳақида эканлиги ва уни ким ўтказаётганлиги борасида аниқ маълумот йўқ.

Бироқ, МХХ раиси соғлиғининг жиддий ёмонлашгани ҳақидаги хабарлар ортидан бундай шошилинч йиғилишнинг ўтказилиши воқеалар ўртасидаги алоқадорликка ишорат қилмоқда.

Манба: ЎХХ хабарлар бўлими

Ўзбекистон МХХ раиси касалхонага тушди

14 декабрь куни HRW тадқиқотчиси Стив Свердлов Ўзбекистондаги расмий матбуотнинг иккиюзламачилиги ҳақида мақола чоп қилди.

Podrobno.uz сайтида 5 декабрда чоп қилинган «Ҳьюман райтс вотч»нинг Ўзбекистондаги фаолияти ҳусусида берган ўз интервьюсини кўриб, тадқиқотчи Ўзбекистондаги цензурани танасида ҳис қилганини ёзади.

«Энг қизиғи, умуман суҳбатнинг эълон қилиниши бўлди. Расмий рўйхатдан ўтган ОАВ шу пайтгача мустақил инсон ҳуқуқлари гуруҳининг ишини ёритмаган, аммо бизнинг танқидий ҳисоботларимизни фақат расмий рад этиб келаётган эди», дея ёзади Свердлов.

Тадқиқотчи ўз мақоласида Мирзиёев даврида озроқ олдинга силжиш бўлганини айтиб, айни пайтда Ўзбекистоннинг ривожланишига ҳали анча борлигини таассуф билан қайд этади. Бунга у журналист Бобомурод Абдуллаевнинг қамалиши, Туркиядан қайтган ёзувчи Нурилла Отахоновнинг уй қамоғига олинишини мисол келтиради.

«Podrobno.uz сайтида мен қайд этган ижобий ўзгаришлар, жумладан, сиёсий маҳкумларнинг озод қилингани ҳақидаги гапларим ўзгармаган. Лекин яқинда ҳибсга олинган журналистлар, қийноқларнинг кенг қўлланилаётгани, мажбурий меҳнат ва фуқаролик жамиятига нисбатан чекловлар ҳақидаги танқидлар олиб ташланган.

Қисқа қилиб айтганда, ўз-ўзини цензура қилиш Ўзбекистонда ҳали ҳам тирик ва кучли.

Бу инцидент бизга Ўзбекистонда эълон қилинган ислоҳотлар катта ўзгаришларга олиб келмаётганидан далолат беради. Президент Мирзиёев лўнда қилиб айтиши керакки, давлат сиёсати танқидига нафақат тоқат қилиниши, балки олқишланиши лозим. Бу ўтмишнинг қоронғу меросини тарк қилишнинг ягона усулидир», дейди Свердлов.

Манба: Eltuz.com

Ўзбекистонда цензура ҳали ҳам тирик ва кучли

“Озодлик” радиосининг хабар беришича, АҚШ Молия вазирлиги томонидан коррупция ва инсон ҳақларини топтаган шахслар рўйхатига Ўзбекистон марҳум президенти Ислом Каримов ва унинг тўнғич қизи Гулнора Каримова ҳам киритилди.

Ислом Каримов ҳокимияти давомида инсон ҳақларини мунтазам топтагани¸ Гулнора Каримова эса¸ отаси даврида кенг кўламли коррупцияга масъул деб кўрилгани учун¸ инсон ҳақлари гуруҳлари сўрови билан мазкур рўйхатга киритилди.

Глобал Магнитский актига мувофиқ тузиладиган мазкур рўйхатга янги киритилган 52 шахс рўйхати 21 декабрь куни эълон қилинди.

Бу рўйхатда Россия Бош прокурори Юрий Чайканинг ўғли Артëм Чайка¸ Украина¸ Покистон ва Мянма расмийлари ҳам бор.

20 декабрь куни Молия вазирлиги Магнитский акти бўйича беш россиялик¸ хусусан¸ Чеченистон президенти Рамзан Қодировнинг ҳам санкцияга учраганлар рўйхатига киритилганини эълон қилди.

“Магнитский рўйхати” АҚШ Конгрессининг 2012 йилги “Магнитский акти” асосида тузиладиган рўйхат бўлиб, АҚШ Молия вазирлиги унга кенг кўламли коррупция ва инсон ҳуқуқларини топташга бевосита алоқадор шахсларни киритиб келмоқда.

Hermitage Capital жамғармаси юристи бўлган Сергей Магнитский Россия бюджетидан катта миқдордаги маблағ ўғирланаётганини фош этган эди. Бунинг ортидан солиқ тўлашдан бўйин товлаганликда айбланиб ҳибсга олинган Магнитский 2009 йилда Москвадаги тергов изоляторида нобуд бўлган эди.

Манба: ЎХҲ ахборот бўлими

Ислом Каримов ва Гулнора Каримова АҚШ қора рўйхатига киритилди

Ўзбекистон 15 декабрдан бошлаб Қирғизистондан қишки мавсум учун электр энергиясини сотиб ола бошлади. Бу борадаги шартнома Қирғизистон президенти Алмазбек Атамбаев 5 октябрда Тошкентга давлат ташрфи билан келганида имзоланган эди.

ЎзАнинг билдиришича, декбардан март ойига қадар Қирғизистон 550 миллион кВт/соат электр энергиясини етказиб беради.

Хабарда айтилишича, электр энергиясининг сотиб олиниши “Марказий Осиёда сув ва энергетика режимини таъминлашга хизмат қилади”.

1 кВт/соатига 2,4 центдан нарх белгилангани эътиборга олинса, Ўзбекистон бу шартнома бўйича Қирғизистонга 13 миллион 200 минг доллар пул тўлагани маълум бўлади.

Ёз мавсумида Қирғизистон Ўзбекистонга 2 центдан 1,25 млрд кВт/соат электр энергияси сотгани хабар қилинган эди.

Манба: ozodlik

Ўзбекистон Қирғизистондан электр энергиясини қабул қила бошлади

Аэропортга келдим. Ҳужжат текширувлари ва чиқиш печатидан сўнг, кутиш жойига келиб, “Ўзбекистон ҳаво йўллари”ни самалётини кута бошладим. Самалёт Фарғона-Москва йўналиши билан келиб, Москвадан одам олиб, яна фарғонага қайтар экан. Юртдан келган самалёт қўнди. Одамлар аста-секин туша бошлади. Мен турган ер бир оз баландда, улар эса бир оз пастдан, ёнгинамдан ўта бошлади. Орамизда бир ярим метр ва ойна бор эди, холос. Юртдан келаётган одамлар орасида турли ёш вакиллари, аёллар ва болалар ҳам бор эди.

Жуда яқин турганим боис, ҳар-бир одамга қарай бошладим. Юртдошларимнинг нигоҳи беиҳтиёр ўзига тортди. Ҳар бири – бир дунё.

Жуда ҳам маюс нигоҳлар… ҳеч ким кулгани йўқ. Ҳаттоки, бир қадам нарида турган юртдошларига қарагани ҳохиши йўқ.

Яна ўша мардикорлик, оғир меҳнат, қишнинг аянчли совуғидаги кўча ишлари… ва айрилиқ, соғинч ила узоқ муддатли меҳнат.

Ҳар бир юртдошим шу нарсаларни ҳис қилган бўлса, не ажаб.

Эркак, ўз номи билан эркак. Унга ачинмайсиз. Оила масъулияти эркак зиммасида. Аммо аёллар ва болаларга жуда ачинасиз. “Онани қўлидаги гўдаги билан келишга нима ва ким мажбур этди?” деган саволлар ила ойна олдида анчагача қимирламай қолиб кетдим.

“Йиллар давомидаги оғир мехнат, ит ётиш, мирза туриш ҳаёти, қишнинг совуқ кунларида ишлаб юрган юртдошларимизни ўйлайдиган кимдир бормикан?

Аёлларни сарсон қилган эрлар, акалар, укалар қаерда экан?

Халқини мардикор қилган мутасаддилар нима деб изоҳ берар экан? Миллионлаб инсонларни қандай шароитда, қандай холатларда ишлаб юрганидан хабари бормикан?” Деган саволлар қаршисида қолавераман…

Яқин дўстимни айтганларини камина қоғозга кўчирди.

Sayyid Islom

Манба: facebook.com

Яна ўша мардикорлик, оғир меҳнат, қишнинг аянчли совуғидаги кўча ишлари…

Жорий йилнинг 11 ойида ички ишлар тизимида хизмат интизомини бузганлиги учун 7,5 мингга яқин ходим интизомий жазога, жиноят содир этганлиги учун эса 201 нафари жиноий жавобгарликка тортилган.

Бу ҳақда Ўзбекистон Республикаси ички ишлар вазири Пўлат Бобожонов ЎзА мухбирига берган интервьюсида билдирган.

“Биз бундай масъулиятсиз ходимларни аниқлаш ва уларга нисбатан интизомий жазо чораларини қўллаш ва сафларимизни тозалаш бўйича манзилли чора-тадбирларни давом эттирамиз”, - деган ички ишлар вазири.

Манба: ozodlik

11 ойда ички ишларнинг 201 ходими жиноий жавобгарликка тортилди

26 декабрь куни маҳкум журналист Бобомурод Абдуллаев билан учрашган адвокат Сергей Майоров Абдуллаев унинг ҳимоясидан воз кечганини «Элтуз» мухбирига маълум қилди.

«Мен энди Бобомуроднинг адвокати эмасман. Ишончим комилки, унинг рад жавобига лойиқ ҳеч бир иш қилмадим. Бироқ биз позитив нотада ҳайрлашдик. У оиласининг суратини кўрсатганим учун мендан миннатдор бўлди», деди таассуф билан адвокат Майоров.

Бобомурод Абдуллаев Миллий хавфсизлик хизмати ходимлари томонидан шу йилнинг 27 сентябрида ўғирлаб кетилган. Орадан уч кун ўтиб, 1 октябрь куни унинг ҳокимиятни ағдаришга уринишда айбланаётгани маълум бўлган эди.

Дастлабки пайтданоқ, афтидан МХХ босими остида, Абдуллаевнинг аёли Катя Балхибоева адвокат Муножот Парпиева ҳимоясидан воз кечган эди.

Бобомурод Абдуллаев иши президентнинг қийноқларга йўл қўйилмаслиги ҳақидаги фармони ёки унинг қонун устиворлиги ҳақидаги такрор-такрор чиқишлари билангина вазиятни ўнглаш мумкин эмаслигига яққол бир мисолдир.

Абдуллаевнинг ҳуқуқий ҳимоядан воз кечиши уч ойдан зиёд МХХ ҳибсхонасида қолаётган журналистнинг мутлақо ҳимоясиз экани ва у малакали адвокатни ишдан четлатишни истаётган МХХ ходимларининг буйруғини бажараётганини англатади.

Эслатиб ўтамиз, Абдуллаев ишини МХХ терговчиси Нодир Тўрақулов суриштирмоқда. У бизнесменларга рейдерлик босқинлари билан танилган МХХ Сурхондарё вилояти бошқармаси тергов бўлимининг собиқ бошлиғидир.

Манба: Eltuz.com

Бобомурод Абдуллаев адвокат Майоров ҳимоясидан воз кечди

Президентимиз Шавкат Мирзиёевнинг 22 декабрдаги Олий Мажлисга Мурожаатномасидаги танқиддан кейин Молия вазирлиги тизимида катта ўзгаришлар рўй бермоқда. Бу ҳақда ЎзА ахборот агентлиги хабар қилди.

Собиқ Молия вазири ва Ходимлар бошқармасининг собиқ бошлиғи паноҳида бўлган ва ҳанузгача тизимда ишлаб келаётган, молия тизимининг номига доғ тушираётган “каламушлар”ни ҳайдаш юзасидан ҳудудий раҳбарларга қатъий топшириқлар берилган. 

23 декабрь куни Тошкент шаҳар давлат молиявий назорати бошқармаси бошлиғи ҳамда унинг 3 нафар ўринбосари эгаллаб турган лавозимидан четлаштирилди.

Шундан сўнг, Молия вазирлигининг ҳудудий бошқарма бошлиқлари томонидан жойлардаги молия идораларидан 273 нафар (23 нафари раҳбар ходимлар): 

Ғазначилик идораларидан 65 нафар (12 нафари раҳбар ходим): 

Пенсия жамғармасидан 100 нафар (1 нафари раҳбар ходим): 

Давлат молиявий назорати бошқармалари ходимларидан 100 нафари (4 нафари раҳбар ходим) жами молия тизими бўйича 562 нафар давлат идораси номига доғ туширган ходимлар ўз лавозимидан озод этилди. 

Молия вазирлиги тизимидаги вакант иш ўринларини инновацион ғоя ва фикрга эга, замонавий технологияларни яхши ўзлаштирган, иқтидорли ёшлар билан тўлдириш мақсадида Ўзбекистон Республикаси Ёшлар иттифоқи ҳамда иқтисодий йўналишдаги олий ўқув юртларига мурожаатлар юборилди.

Манба: ozodlik

ЎзА: Молия вазирлиги тизимидан 500 дан ортиқ ходим ишдан бўшатилган

Ўзбекистон давлат органлари фуқароларга давлат хизматлари кўрсатишда бундан буён жисмоний ва юридик шахслардан талаб қилинадиган ҳужжатлардан ўзлари нусха олишга мажбурлар. Бу ҳақда Вазирлар маҳкамасининг кучга кирган “Ҳуқуқбузарликлар профилактикаси ва жиноятчиликкка қарши кураш кураш тизимини тобора такомиллаштириш чоралари тўғрисида” қарорида сўз юритилади.
Ушбу қарор 50 дан зиёд турдаги ҳужжатларни нотариусдан тасдиқлатишни бекор қилади, дея маълум қилади Norma.uz. Мисол учун, таълим дипломлари; турар жой ҳужжатлари; туғилганлик, никоҳ тузилгани, ўлим ҳақидаги гувоҳномалар; шартномалар, суғурта полислари, қайд этиш гувоҳномалари ва бошқа турдаги ҳужжатларнинг нотариусдан тасдиқланиши талаб қилинмайди. Ҳужжатлар расмийлаштирилишини соддалаштириш фуқароларни анчагина харажат ва сарсонгарчиликдан халос этади.
Қарорда қайд этилишича, нотариусда тасдиқланадиган нусхалар фақат хорижий мамлакатларди ишлатиладиган ҳужжатлар учун зарур бўлади.

Манба: uzbek.fergananews

Ўзбекистон Вазирлар маҳкамаси 50 дан зиёд турдаги ҳужжатларни нотариусдан тасдиқлашни бекор қилди

Шарқий Туркистон фарёди

Rauf Parfi Muhammad Solih Haqida

Бу - UZBEK.FM онлайн радиосининг расмий канали.

UZBEK.FM online radio

Popular tracks