සමකෝණී ත්‍රිකෝණයකි
ඔබත් මාත් ඇයත් තිදෙන
ඔබ එක මුල්ලක සිටියා
ඇය තව මුල්ලක හිටියා
නෙත් හතරක පහස ලබා
මම මේ මුල්ලේ හිටියා

ඔබ මගෙ ආදරය පතයි
ඇය මගෙ ආදරය පතයි
දෙදෙනාටම මාත් හිතයි
ත්‍රිකෝණයේ පාද සමයි

සමච්ඡේදනය කරලා
දෙන්නට බෑ පෙම බෙදලා
අපි තුන්මුල්ලටම වෙලා
ඉමු මුහුණට මුහුණ බලා

Dayarathna Ranathunga

දොල ලග ගුරු පාර දිගේ ඒවී
සිනහ පපා ටිකිරි නගා //

දිය නාගෙන කුඹුක් ලිදේ නංගෝ
සුදට සුදේ වනමල් ගසාල හිසේ //
නැලවී නැලවී සීතේ ගී තාලෙන්
මේ යන්නේ කොහොදෝ කැලෑ මගේ ඒවී
සිනහ පපා ටිකිරි නගා

දොල ලග ගුරු පාර දිගේ ඒවී
සිනහ පපා ටිකිරි නගා

සැන්දැවේ සිරියාවේ පිනා නගෝ
නීල වලා පාවී සිනා //
රෑ බොවී එන්නේ මේ සුදු මැනිකෝ දැන් 
ඇයිදෝ මේ තාම වෙලේ 
ගෙදර නොයා ඒවී
සිනහ පපා ටිකිරි නගා

දොල ලග ගුරු පාර දිගේ ඒවී
සිනහ පපා ටිකිරි නගා

ඇයි නෑවේ සීත සැදෑ යාමේ 
තෙත කොන්ඩේ බේරෙයි දිය බින්දු පුරා //
ඉතිරී කිරි විහිදේ සිරියාවෙන් ගමේ 
ටිකිරි නගා සිරියාවී ගමේ ඒවී
සිනහ පපා ටිකිරි නගා

දොල ලග ගුරු පාර දිගේ ඒවී
සිනහ පපා ටිකිරි නගා //

Vasana Pathirana