ربنا يوفق صاحب التراك و يكرمه من وسع التراك دا يسوى كتير و الله يا جماعة

والدنيا مش زي الكرتون زي م نتَ فاكر  ~

اهداء ل على حمدى صاحبى الى  انا كملت التراك ده  عشانه ولولاه مكنتش نزلتها  ^_^


Ensan w Laken

Lyrics ( الكلمات ) : Mo'Men

Music : Danson 

Vocal & Mastering & Mixing : Mo'Men 
(NaQd 7aD Records)
...........................الكلمات.................................
نزل ستار الليل نام البشر عم السلام
لمعت نجوم كتير ساد الصمت ف تاه الكلام
اصوات بتعلى وبتعلى ..اصوات مصدرها عقلى
وكأن عرض مسرحى بيتعرض جوا فكري
بطله العرض فكره,باعته جواب لبكره
مفادها خليك احلى ..غير حال الولد ده
مشاعره صبحت بارده...خليه يحب ولا يكره
رديت: ده ف الاحلام...انا اصلا من زمان
خسران صفه الانسان
أنا ضبع نابه ازرق
يطلع على كتف البشر لو حس انه حيغرق
بخوُون مش بصدق ...بخًون مبقتش افرق
صادق كذاب معملش حساب المهم انى اسبق
ابكى وانا مش متأثر والضحكه لونها اصفر
وبقعه نور جوايا ويوم عن يوم بتصغر
وياما حاولت اتغير ف افشل واحاول اكتر 
اوصل للنور اخر النفق لكن كان غيري اشطر



أنا الى كبته سجنه ولا مهرب غير عين تدمع
ومش هيدارى ضعفه ف ضحكه خلاص معدش ينفع
صرخت الوتر اتشد ف كملتوا لحد ما اتقطع
جفت بير الواحه هاجرت بعيد مش ناوى ارجع
مات نخل الطيبه قتلوا شىء جوايا ساكن
والدنيا مش زى الكرتون مش زى ما انت فاكر
اهاجم؟ مش حهاجم.....عشان ادافع حهاجم
نص ضبع...نص انسان..يعنى انسان ولكن



شديت خط تحت جمله اخرها سؤال وملهوش رد
عصفور اسير يكسر جناحه يبطل يعلى يا يعيش عبد
ومهما تعمل فيه الدنيا صابر قادر يرد
ده الظاهر انه صابر من جوا بيصرخ مش قادر
 عالى صوته وف الاخر ملكه الكره ولا سمعه حد
بدله الكره وشه الطيب بوش تانى
 اساسا مش مميز ولا يبفرق م الاولانى
فرق واحد ع الجبين مكتوب اليأس
 بحر دموع نازل م العين والحزن مبيخلصش
م القهره العين تدمع..... يلحقها بضحكه تسمع
 عازفها ع الكامنجه..... بطعم الحزن تطلع
تدوسه الدنيا ويركع يتقدم لما يرجع
كل البشر حواليه والثمن لوحده بيدفع
ف كل كلمه يقولها بتسمع صوت ناى مكسور
بيقضى نهاره نايم...بطل يطلع ف النور
...عن الفرحه قلبه صايم...والحزن بابه مقفول
...اصرخ فيه يخرجنى واقول



أنا الى كبته سجنه ولا مهرب غير عين تدمع
ومش هيدارى ضعفه ف ضحكه خلاص معدش ينفع
صرخت الوتر اتشد ف كملتوا لحد ما اتقطع
جفت بير الواحه هاجرت بعيد مش ناوى ارجع
مات نخل الطيبه قتلوا شىء جوايا ساكن
والدنيا مش زى الكرتون مش زى ما كنت فاكر
اهاجم؟ مش حهاجم.....عشان ادافع حهاجم
نص ضبع...نص انسان..يعنى انسان ولكن



سبع سواقى يدوروا يرووا ارض جسمى هم  
وكل يوم حاجات اكتر بتموت جوايا وكأن
ف كل ضربه قلب تضخ دم يروى حقد يتزرع يطرح شجر ف جدوره سم
 يقتل..... .معنى الوجع قلبى طرحت شرايينه شوك من كتر ما اتوجع
شوك شوهلى وشى رسم مكانه وش مصطنع
امل اتحرق...... .حب ما فرق
 انا مركب ف طريقها للغرق
قبطانها عنيد رفض صمد بشراع ودفه من ورق
تيار واقوى من كل مأوى تحس فيه ب دفا الامل 
ومن بعيد الشط باين لكن ليه عمره ما وصل
فاكر ساعتها كنت خايف...لكن قررت اكون بطل
واهد السور واطلع للنور زى زرعه من تحت التراب
ارسم شروق الشمس ف اقتل الغراب
جواب الفكره وصل لبكره قابله بالقبول
ف اترسم مشهد نهايه لسعاده بتقتل غول 
مسحت دماغى الغنوه الى بتقول 
........انا الى كبته



أنا الى كبته سجنه ولا مهرب غير عين تدمع
ومش هيدارى ضعفه ف ضحكه خلاص معدش ينفع
صرخت الوتر اتشد ف كملتوا لحد ما اتقطع
جفت بير الواحه هاجرت بعيد مش ناوى ارجع
مات نخل الطيبه قتلوا شىء جوايا ساكن
والدنيا مش زى الكرتون مش زى ما كنت فاكر
اهاجم؟ مش حهاجم.....عشان ادافع حهاجم
نص ضبع...نص انسان..يعنى انسان ولكن


Ensan W Laken | انسان ولكن

راجع لكل كلب ابيد انا الملك وانتوا العبيد
شايف الناموس بيجري ما تراكي هو المبيد
مش شايف حد فيكوا جايب نص مستوايا
داخل اسلي بيكوا وقتي ومكمل حتى النهاية
-
نبدأ بالخصم الاول اسهل من كدا مافيش
لو شغال بالكهربا فا انا قاطعلك الفيش
هسحبك من الغردقة وانطرك جوا العريش
انت ماسك الكلاكيت وانا واخد الأفيش
-
دسك بدون تصريح دسي تصريح الازالة
كلماتك الرديئة عايزة كلور وغسالة هع
انا المجال يا بطولة فيها عيال
لما كلوا يسمع دسي يقول اللقب لكُمبال
-
انت ثابت في مكانك واسمك هو الدليل
انا طاير زي الفهد وانت ما حصلتش فيل
يتبرى منك بيت وبيهرب منك السنير
يلا مرة من جديد والكورس عليك كبير
-
ستيدي ستيدي ايه بطل راب العب باليه
دسي شل شال مقامك نتفتك فراخ بانيه
انت هنا مالكش لازمة زي الشتوي في الشاليه
لما تيجي تنادي عليا قولي عمو او ابيه
-
كمبال دا كايروويست داخل انا اديك ميدويست
لما تيجي تتكلم قدامي تديني احترام شاطبك من الليست
داخل عيار خفيف انا اللي بولع البطولة
مبروك عليك اللقب خروج من الجولة الاولى

UGR CHAMPION | Round 1 | ComBal

Lyrics : 

ComBal : 
خُد بنش في التاني كُمبال حشيش افغاني
شايف العيون بتعلى عالحواجب من الجواري 
مافيش اي مشكلة ان الجمهور يعيش الدور
فبيطلع في التراكات بصوت ماسورة بدل الزور
-
قول اسماء الانبياء لزق سيرهم في البارات
بعد ما تلحس جزم الكُل اتكلم عنهم في الماسجات
شكلك مازوخي فاستمتع بالفضايح والاهانة
اكشفلي ضهرك يلا وهاتلي مضرب الدبّانة
-
من قلب العاصمة كفيل أقوم بالكل
لا نهدي الضرب شوية في مستوى نبات الفل 
فقر في الافكار يطلب مساعدة الجمهور 
حتى الجمهور ادالُه الطرشة سمي نفسك mc بور
-
مش انا اسطورة الراب في نظركوا؟معلم علم عالجميع
سبتوا صفوف المستمعين في سبيل تكسير سوري المنيع 
صحيح مش مسموع لكني برده مش ابن امبارح
هات عيلتك اعلمكوا الراب وابوك هيدمن المسارح !  
-
Chorus
-
تعالوا بالمغول تعالوا بالتتار 
هيكتور ما بيخسرش كُمبال يكسر الأنظار
والله هَزُلت البواب يقارن نفسه بالمُلّاك
عاجبك شكلك دلوقتي وانت نملة في الشباك ؟
-
Hector : 
انا بادئ بكلام مين 
دول فيرسين 
Da great thing 
Is my name 
فى الفيت مين
اقوى اتنين 
دا التفنيش 
Fuck billy jane 
فا مفيش حد فى مصر مانفسوش يفيت معايا
سر دا هتعرفو دلوقتى ركز بس فى الحكاية
قد سما كلامنا لما دنا كلامكم هنا شاب اتحدانا جانا وقف وقالكم اذا قل مقامكم من فينا الى قادكم فاتقل فرصكم فى الحياة 
ولداة اية دا .. 
شكلك كدا ناسى الايام
 اللى كنت بتيجى فيها تركع ليا جوا الشام
انت فان 
لكن حيحان على التسييط 
حافظلى كلامى بتقول فى الشارع وتقول انه ليك
ف انا مبرحمش مبكرمش مبكتمش مبحرمش 
متحلمش انى اذكر اسمك ابداً جوا الفيرس
فى بلد فيها عدت الايمسيز بالالوف
شوف اللى بيظهر من بينهم وبيسمع ليه الحشود 
ف انا ليا جمهورى بيحترمنى وبينا ثقه متبادله 
والسر فى انى بنجح ثقتهم هى دى المعادله
-
Chorus
-
تعالوا بالمغول تعالوا بالتتار 
هيكتور ما بيخسرش كُمبال يكسر الأنظار
والله هَزُلت البواب يقارن نفسه بالمُلّاك
عاجبك شكلك دلوقتي وانت نملة في الشباك ؟
-

‫#‏هَزُلَتْ‬ | ComBal Ft. Adulf Hector |

DawshA - Fhmt فهمت (Prod. by Mubz Beats)
Artist : Dawsha 
Producer: Mubz Beats

Dawsha Musik © 2015
Mubz Beats © 2015

--------------------------------------------
YouTube:
http://www.youtube.com/mubzproduction/

Facebook:
http://www.facebook.com/mubzbeats/

Twitter:
http://www.twitter.com/mubzbeats/

Email:
MubzProduction@gmail.com

Official Music Video

DawshA - Fhmt فهمت (Produced. by Mubz Beats)

Title : i'm 18 | انا 18

Artist :  Abdulrahman Elaoqdia

Master & Mix : Abdulrahman Elaoqdia

Written By : Abdulrahman Elaoqdia

Facebook : https://www.facebook.com/McATube
instagram : https://www.instagram.com/mcarapx/
askfm : http://ask.fm/McARap

lyrics : 
انا شخص معرفتش امثل فابقيت من الجمهور
عمري ماشكيت همي لحد فاكتبت همي للسطور
عادي عند صحاب بس الى باقيلي في الاخر نفسي
قالو الراجل مابيعيطش بس لوحدي كنت ببكي
-
ملقتش ابن عمي لقيت الى واقف جمبي غريب
كل حاجه بتنتهي تحت كل شئ اسمه و نصيب
بس مكمل الدنيا علمتنا انها ماشية ومبتقفش
صعب اشتري حد يخسرو هما انا مبخسرش
-
قولتو عني انطوائي ليه مقولتش اني مكتفي
فرحان  بصحابي حواليا مش عايز اشوف غيرهم جمبي
انا مش زعلان منكو مبحبش اكون انا الى شلت
بسامح و بصالح و عمري في يوم ما خصمت
-
انا الى معشتش طفولة  فعشت طول عمري راجل
انا الى بسمع ليهم وانا الى بحل المشاكل
مشاكل الاهل و الصحاب حليتها و سمعتها
واشوف مشاكلي استعجب وازاي عاجز عن حلها
-
×2
كل عيد ميلاد وانت كل مره ناسيه
مش مستني حد يكلمك و يفكرك بيه
كل عيد ميلاد وانت قلبك مباقش طيب
كل عيد وانت مش عايز حد يقرب
-
وانا صغير بكون شخصية لقتني محاط بالكره
ازاي أمان و اثق في الناس واصدق كدبة اسمها الحب
كلها حباك كلها وقت المصلحه معاك
وتقول خلاص اتغيروا و بتطلع انت الكداب
-
البخت مات على كام صاحب وخلاص انتهي
صاحب مجال جدع صاحب أيام المدرسه
صاحب كبير وبينصح نفسه متتكررش غلطه
صاحب رايح انا هروح والى يحبك هحبه
-
كل حاجه مكتفاني وانا منها بحاول أهرب
اصلي جربت مينفعش اصدق قبل ما اجرب
مفيش حد السبب كانت قدامي الاختيارات
عقلت و فهمت انها كلها مجرد تفاهات
-
هدية عيد ميلادي لنفسي مختلفه المرادي
ذكريات سنين فاتت بتعدي قصادي
مجرد ذكرا ياالي سامع بس خليك فاكر
أمامكم شخص هزلي غير حقيقي ساخر

i'm 18 | انا 18

جروحي اتبعترتْ شبابيك
على الجُدران
بتسأل: إمتى هـ تضمِّي
العيون إمتى؟
بلاش بُعدِك يكون أسلاك
على القُضبان
دانا لو كنت متقطَّع
ميتين حِتَّة
وعدِّيتي على قبري
ولو غلطة
.. حفيف توبِك هـ يوصلِّي

هـ ألملم عضمي لو باقي
وألملم فوقُه أشلائي
ولو وطِّيتي هـ تلاقي
عيون فـ الوَحل مفتوحة
.. فـ حُضن عينيكي بتصلِّي
عيون بالحلم مجروحة
.. فـ حُضن عينيكي بتصلِّي

ولولا خوفي من خوفِك
وريحةْ غيري فـ كفوفِك
.. أكيد م القبر هـ أطلعلِك

هـ أفتَّح عيني وأتماسك
قُصاد أشباح رِماح نورِك
وأخطِّي فـ ضيّْ أنفاسِك
يغمَّض حُزني فـ حضورِك
وأشوفِك حتى بجروحي
تغيب العتمة من روحي
.. ونا فـ العتمة بأرجعلِك

تمدِّي بعَزم أحلامِك
وتبكي يقولوا غنِّيتي
وأمدّ الضِّلّ قدامِك
عشان لو فوقُه خطِّيتي
.. يبوس بشويش جروح نعلِك

يدوس كل الدروب فيكي
تكوني الريح يطاوعها
تكوني التُوهة فـ الآخر أكون ليكي
وقبل إيديَّا ما تكمِّل صوابعها
.. تلاقيهم محاوطينِك

يسيل بينهم وبين جسمِك
عرق زيّ العطش لاذع
يُقع يرسم حروف اسمِك
آهات ع الأرض بتنازع

يعود النبض من تاني
ونا بأغرق فـ نار شمسِك
يهبّ يهزّ شرياني
ويرضع من لبن همسِك

على صدرِك أبات مصلوب
تكوني الحلم والغاية
شايلِّك بين ضلوعي شعوب
بيبكوا بلهفة جوَّايا
.. ورغم المنفى حاضنينِك

...................
كلمات وألحان ورؤية:
أنطونيوس نبيل

توزيع:
محمد يسري

جيتار:
أحمد حسين
فلوت وساكس:
لؤي خليفة
وتريات:
محمد يسري

كورال:
ريم نسيم
مريم حلمي
سارة معروف

هندسة صوت:
ميشيل عبد الملك

تصميم لوجو:
أحمد خواجة

حفيف توبِك - جوني

Title : First Roll | اول لفة

Artist : JACK ( MCARAP )

Master & Mix : MCARAP

Written By : MCARAP

Beat by : Dannyebtracks

كلمات : 

دخان عمى عينك عن نصيحه خلتك مكانك
مكمل في الطريق معمي مش شايف قدامك
بيقولو الصاحب ساحب وانت الي سحبت صحابك
فالبدايه أذيت نفسك وكمان اذيت اقرب ناسك
-
فقدنا المريض بتعاطي جرعه اكبر 
مستني جسمك مرمي على السرير الابيض
مموتش ؟ انت بتموت نفسك بالبطئ 
شايف نفسك سالك ومكمل في الطريق
-
انا دخانك لما سابوك كلهم انا الي فضلت جمبك
انا خيالك انا علاجك الي بتحل بيه مشاكلك 
انا الوحيد الي عمري في يوم ما وقفت ضدك 
وكل فتره بتنكر فضلي عليك وتلف وترجع 
-
اخر مره بتلف الكره كانت اولها هجرب 
مبسوط النكته في القعده عشان مسطول متخدر 
مستني اليوم الي فيه هتشوف اهلك عليك بتعيط
والسبب انك شايف سعادتك في جرام مش اكتر 
-
 ؟انا فين ؟ عايش ليه 
؟عايز اوصل لي فين 
بالي انا فيه 
؟حاسس با ايه 
-
حتي هي سبتك شافت معاك مفيش مستقبل
اتخدر و اكدب وقول ان الحياه من غيرها احلى 
عشان تنساها صحبت واحده شدت رجلك الارض 
جابت صحاب تأذى وانت بقيت بنأدم فاقد الوعي
-
خلاص سنك كبر بقيت محتاج حاجه اقوي 
محتاج حاجه تخليك تنسى قبلها اي ضربه 
سحب تشيرت للكتف ضرب حقنه في الوريد
هديت مبسوط بقيت تحت سيطرة هروين 
-
مكاملة تلفون رد عليها صاحب اتخض وقفل
؟قامو مشيو من جمبك عايز تسأل ايه الي حصل
لسانك تقيل مش عارف تنطق او تقول كلمه 
صوت فتح باب دخول امك وقعتها من الخضه 
-
ابوك في ضهرها يارتني كنت جبت بنت احسن 
وبرضو لسه في قلبه خوف خدك ع المستشفى 
زي ما كنت بتحلم سرير ابيض ولحظه بلحظه
والحلم بيتحقق و عينك بتقفل وحده بوحده

First Roll |  اول لفة (prod. Dannyebtracks )

' تقدر تتابع كل جديد للـ عقرب من هنا '
www.facebook.com/karimmoka666 ♥

YOUTUBE LINK ' https://www.youtube.com/watch?v=Qo9HSFmLvn8&t=1s '

Single

Sanatorium | مصحة (Cypher)

https://www.youtube.com/watch?v=8lIYu8qyeuI
_____
Rapper & Lyric : Amr Saiko
 Album : بحر | Sea
Mix & Mastre : El Aswany
Poster \ Video By : Ahmed Bdeiir
 @ El Hetaan Home Studio - 2019
 ______
 InstGram : https://www.instagram.com/el_7ot/ FaceBook : https://www.facebook.com/amr.saiko.7o... SoundCloud : https://soundcloud.com/asaiko https://soundcloud.com/am-k 
____ 
قولتلها ان الحنان ترياق لاى فراق - قالتلى اسقينى 
وان بين دراعتها كوم نسيان قولتلها ميلى ودوقينى 
قلبى الابيض ده مش نافعنى - لونينى 
خليكى تحتى وانا هنزلك لما يطلع دينى
 كان الحزن فى فراقها متطعم بالاشتياق 
قالتلى انا عكسك مش هحتاج واحد شبهك عشان انساك 
كانت بتمثل وفى اخر العرض قالتلى الوقت انتهى 
غنتلى كلام ميتقاليش فا سقفتلها على وشها
 القانون حامينى - لو خانتنى هقتلها 
قولتلها هجيلها لما احتاجها فا مش هجيلها
 عشان افوق من غيبوبتها خبطت نفسى 100 مرزبة 
لما سابتنى الحظ سابها شيلت اوبشن المحبة 
ع الرصيف هنقعد سوا والسما تبصلنا تحسدنا .. 
مش ده الوعد الى كان ما بيننا ؟ 
سهمك ملوى فى دايرة المصلحة ومهما على متنى
 لو غرقت تغرقى انا حوت وانتى على متنى 
انساها وتفتكرنى - هى علمتنى 
ماكنتش موتة بس عقلى عل و ماتنى 
روحى ماتت قولت عادى و دفنتها 
كتبت فى الوفاة ان القدر رماه من فوق سطوح حبها
 هربت منك انا خوف من الاماتة 
و لو الموت لحقنى لهنا ف انا مش فارق مع الدنيا فى حاجة 
اتقطعت بيننا الحبال مبقاش فى بيننا اى وصل 
الحب داب وفص بموت فيكى وكأنك مصر 
سمعت صوتها اتجننت وقطعت جسمى 
نبرتها كانت جرس هتلر وكأن يهود الدنيا فى ودنى 
لما الى منى غاب ضربنى فى ضهرى بُعده طابلى
 الضهر الى فى حضنك ده مدغدغ يتوّجع لما تطبطبلى 
__
 الدنيا كات دايرة مرازية مسففانى تراب ارضها 
خسران حربها شوفت كل شوك الدنيا - فين وردها 
بتعذب عذاب فى الدنيا كأنى ابرهه 
معرفش عن بلادى غير كربها وغير قبرها 
مسيرها تجيلى - هتدور الدايرة وهتحنيلى 
وانا ساعتها هسقف ليا كام سوكسيه وهنحنيلى 
ده ملح نيلى يروى عن مر البعاد وانتى الى عارفة 
كتبتلك كتير مسمعتش منك اى سقفة 
حكمت عليها تفتقدنى وحكمى واجب النفاذ 
قلبى ماتكسرش قلبى اسمنت الممتاز 
فا مش هيفرق مين مسكها - ايدك لما اسيبها 
الهوا بتاعى ورينى ازاى هتتحرك مراكبها 
اكمننى راكبها -فا- العين ع الحاجب مبتعلاش 
استعمال عربجى تنزل فى السوق تتباع ببلاش 
مش هتلاقى بديل موازى الناس دى بتكدب بتكيسك
 اتصلت وهى سايقة وقولت كِبرك هيلبسك 
لما ابقى نجم مش حاببها اسألها وصلت فين ؟ 
بعدها اقفل السكة واشغل الاير بلاين 
نسيتنى فى بالها فا ذكرياتنا هتزعلها 
فارقتنى بنظرة جت من عين انا بكرا هفقعهالها 
محرمتنيش - كل يوم تبعتلى كيف اضربه 
طلبت الاخضر الى اصرفه سابتلى الاخضر الى اشربه

المصحة - مريض غرفة 207 - Pt 2  Amr Saiko

Lyrics :

الحلم بوش ، سابت مناديل بروج
دموع كتير لرموش ، انا حاربت الوحده وحوش
يجوز ماجوش عشان معوش فلوس يدوس ف القعده
او حتى حظه بعدّك ، كان فنفسي بس اساعدك

وانت مادتنيش الفُرصه ف خالصه
ابن الناس ده حبّها فّ الناس وقفِتلوا فيها قاصده
تعبنا يسطى , مش ناويه تجبها سكه
ميغُركوش جمالها هي حيّه بس برِقّه

انا اولى من اللي اتسلى وخلى وساب القلب وفلق
حلق حوش ياخونا لما ماجوش العبد رجع غنى
استنى ، كل اللي قولته ده بيتحقق فعلاً
لو عندك اللي يحبك احب اقولك انت ف نعمه

والنعمه ، لو كان عليا انا كنت بنيت قصور
محسوبِك خايب خايف كل يوم ينام مكسور
لكن معذور ، كُتر الوجّع نحسني
ماتموتنيش وتيجي تقول ان الاحساس لحسني


.....................................................

صنايعي قلوب وضاعلي ميت محبوب
وضعلي ميت سبب وخيوط عشان اموت ومش بموت قصادكوا
الحزن صادكوا زي ما قصدكوا جابكوا عندي
لا مش وردي ف وردي ، هدوا فيا وطلبوا مني ان أدي

..........................

ودي , ان شالله مّ حد حوش حبة حُب
انا عايز اقولك ياما اديت محبه ما خدت فّ خّد
بهديلك قلبي لو يحلالك سبني اودّع
واوعدني لو لقيتُه ميت اوعى تطلُب مني ارجّع

رجع , مشاهدِك مش لايقلك تبقي زي اختي
مانولنا حاجه بعد مارُحتي شفتي دوختيني ودختي
سلام ، وماعدش بينا كلام لايام
وعدت زي ما تكون اوهام سحابّه من التوهان

ي زمان ، خليتني اعلم على قلوب وناس
ومروحش واعلم بردو كذا مكان ومكان
كام ذكرى متنطوره ، كام حد جابني ورا
كم كان طريق طويل ف ماتبعدناش وبلاش مشوّرا  اني من دونك لا أرى ..

ف هل ترى ؟ باب الاحلام يتفّك ؟
الناس بتعُك عّك ، واحنا ف العلاقات نتسّك
اشحِن باقات لحّد ، بس نار الشوق لروح غلابه
مايطفيهاش غير حُضن جرّح فيا ازيد كتابّه


....……...........................................


صنايعي قلوب وضاعلي ميت محبوب
وضعلي ميت سبب وخيوط عشان اموت ومش بموت قصادكوا
الحزن صادكوا زي ما قصدكوا جابكوا عندي
لا مش وردي ف وردي ، هدوا فيا وطلبوا مني ان أدي

B-Nova | صنايعي قلوب

Ammar Hosny عازف - E N E M I E S اخصام

VII of Kafr El-Dauwar Multidisciplinary Artist And Co-founder of تسجيلات كفر الدوار 

Ensan W Laken | انسان ولكن

VII - السابع

Recent comments

Beter Bebo

لمونة 🍋

༆Днмєɒ࿐

- Everlyn ,🚩

Related tracks