Útvarpsstjórin hevur hitt fyrrverandi læraran í Árnafirði, Nikláa Poulsen, sum er ættaður úr Fugloy - av Kirkju. Niklái sigur frá barnaárum sínum í Fugloy, vit hoyra eisini eitt sindur um tey fýra árini, hann var til skips, áðrenn hann fór á Læraraskúlan í 1926, um bygdarlívið í Fugloy, um velting, torvaskurði, útróðri og fuglaveiði, og Niklái sigur eitt sindur um, hvussu trupul ferðaviðurskiftini vóru í tí tíðini, hann starvaðist sum ferðalærari í Hattarvík og Norðadali 1932 til 1933.
Í 1936 fekk Niklái Poulsen starv sum lærari í Árnafirði, og í hesum starvi sat hann, til hann fór frá við eftirløn fyri tíggju árum síðani. Árið eftir at Niklái kom til Árnafirðar, varð kirkjan í bygdini vígd, og hann hevur haft tilknýti til hesa kirkju til denna dag, fyrst sum organistur og síðani sum deknur.

Niklái Poulsen og Niels Juel Arge

Hanus í Glasstovuni & Niels Juel Arge - Á Víkini

Niklái Poulsen Um Skaldið Hans Mikal Jacobsen

vman81