sinusubukan kong gumawa ng tula

sapagkat dito lamang nagkaka boses ang aking diwa
sinusubukan kong maging makata
ngunit bakit wala na akong mapigapiga
para akong kandila sa tabi ng nakabukas na bintana
para akong yosi na ayaw sumindi-sindi
mga bagay na dati’y nasa aking mga kamay
ngayon ay dahan dahang lumalayo at may kasama pang kaway
isang gabi’y ako’y nanaginip
lumabas ng bahay at nagpahangin
handang makita ang buwan sa langit
ngunit bumungad ay yong ngiting mas maliwanag pa sa bituin
Marahil naman ay hindi masamang mangarap
Isang araw, makakausap ka ng walang nakaharang
Sabay tayong tatawa na parang walang problema
Susulyap, ngingiti at magpapasalamat na ika’y nasa tabi
Yakap na pangako’y matutupad
Oras ay hindi na kailangang bantayan
Ulit-ulitin may ayos lang, subalit lahat ng ito ay pangarap lang

Pangarap

Mahal kita alam mo ba?

Marahil nasabi ko na sa dami ng beses na nakausap ka
Pero alam nating hindi ito tama
Dahil puso mo ay hindi malaya
Puso’t isipan ay nagwawala
Nagtatalo kung sino ang mas tama
Ang ibigin ka at pabayaan ang tadhana
O ang lumayo, umiwas at iwan kang mapayapa
Pasensya na at ginulo kita
Pramis, peksman, wala ito sa plano ni batman
Ang pagdating mo sa buhay ko ay biglaan
At ang pagpasok mo sa puso ko ay wala sa usapan
Subalit anu pa bang magagawa
Narito’t duguan ang puso kong lampa
Sinusubukang hanapin ang tamang mapa
Papalayo sayo at gawin ang tama
Masakit oo pero kailangang tiisin
Mahirap pero kailangang kayanin
Aking tanging panalangin
Naway malampasan ito kasabay ng hangin
Ako na lamang sana ang nasasaktan
Dahil mas hindi ko kaya kung pati ikaw ay duguan

Pusong Duguan

sayang naman ang effort ng lasing na mag record ng audio ng tulang kakagawa lang niya. hahaha... 
----
hindi mo ako mahal
lahat ng sinasabi mo ay dala lamang ng mga pagkakataon
kung anu man yang nararamdaman mo
marahil dahil bago lang ako sa iyong mundo
para lang akong bagong puzzle
na nakakuha ng atensyon mo
ngaung alam mo na kung paano buuin
nawala na ang interes mo

hindi mo ako mahal
dahil hanggang salita ka lang naman
ang sarap ngang pakinggan lalo na at galing sayo
bawat katagang iyong binibitawan
pero anung magagawa ko hindi mo naman kayang panindigan

osige hindi mo naman talaga kasalanan
baka sadyang hindi lang ako sapat
para ako ay iyong ipaglaban
halaga ko ay kulang sa iyong mga timbangan
marahil takot ka lang bitawan
lahat ng mga bagay na iyong nakasanayan
okaya ay bumuwis sa bagay na walang kasiguraduhan
dahil hindi na natin alam kung alin ang tama at mali
tama at mali. mali nga ito sa simula palang
subalit sabi nga nila may tama at mali ba pag puso ang nagsalita
bakit kasi hindi na lang itama ang mali
pero anu ba itong pinagsasabi ko. ang mali ay mali.

o marahil sadyang tadhana ay malupit
at pinagtagpo lang tayo para masaktan muli

kahit anu pa ang sabihin ko
kahit subukan ko pang gumawa ng mga dahilan para saiyo
para bigyan hustisya ang mga desisyon mo
puno’t dulo nito ay iisa lamang
hindi mo ako mahal
at hindi ako nakalalamang
taliwas sa mga sinasabi mo noong nakaraan
kaya kailangan ko ng isuksok ang mga ito sa kokote ko
at gamiting pang durog sa puso ko
para tumigil na akong umasa dahil nag mumukha na akong tanga
tama na. suko na. kung eto man ang huli
tandaan mo minahal kita…
at mahal pa rin kita

Tanga

Fed Up

written: September 6, 2015
------------------
Malapit na
Malapit ng dumating ang araw na pinakahihintay natin
Nararamdaman ko na
Papalapit na ang araw
Ang araw na ako ay bibitaw

Isang litrato ang sa aki’y naligaw
Kayakap mo siya at kayo’y masaya
Sa aki’y may nagtanong
Kamusta naman ang puso sa aking nakita
Ako’y taas balikat na ngumiti at ako ay may nawari

Kaunting kirot pa
At ako’y magiging manhid na
Ipagptuloy niyo lang na magmukhang masaya
Ituloy-tuloy mo lang na sa aki’y ipakita
Na ako ay walang importansya

Dahil mas madaling maging manhid
Kesa sabihan ang puso na huwag ka ng mahalin
Mas kayang sanayin ang damdaming nakakunot
Kesa ideretso ang bakal na baluktot

Malapit na huwag ka magalala
Kaunting tiis na lang anino ko’y di mo na makikita
Pagpasensyahan mo na puso’y mahina
Pero wag ka magalala ika’y lulubayan na
Malapit na

Malapit Na

i don't sing,
not even musically inclined.
i just write poems,
and read them out loud. 

wackygem