paroles et vocale : Ons el Azizi
musique de fond: wael shimi
قالوا علينا كفّار  جبنالهم العار ! كيفاه طفلة تخرج مدار... أزين من شمس النهار!
كيفاه دور عريانة ساقيها بيضة مليانة  إقولولها يا مزيانة! 
بنت العايلة تشد دارهم ! تسمع كلام والداها و تتجنب عارهم ... 
شبيك هبلت خارجة تحوّس في اللّيل شيقولو عليك الناس تحب سعدك إميل ! 
شكون إعرّس بطفلة هاملة ...فازدة سهّارة ماخلّت ما عاملة!
تروّح سكرانة تتمايل على حيوط لبلاد في همها غرقانة!
شكون همّو فيها شباها ! النّاس الكل تسبلها في ولداها!! 
و برّا عاد كان عرست  و فدت من راجلها و طلقت !
 تولي مومس... صوحبت الهادي و أحمد و مكرم و يونس !! 
و كاني هجّالة تولي عتبة و للبخت ميّالة !!  آه ماله كلاتلو راسو على صغر سنّو الغلطة منها لا من الظروف لا منّو !  
و كان ماعرستش يحكيو علاها ... بايرة مسكينة و ترينو فصع بيها ... 
و أمها من عزّام العزّام إدلّل بيها ... تبكي و تبات تخمّم عليها ... كي نموت أنا شكون بيها !
و يا ديني كان خدمت عادة تتحل فتريّة ... و تبدا العريبة الكل تحلّل في القضيّة... 
لقات خدمة و ولدي بطال ... ملي قرّوا هآلنساء جابولنا العار ... بنت عايلة بلاسطها في الدّار ...
الصباح غسيل المعون علاها ... و في الليل تتمد في الفرش و تحل سقاها ... بورڨيبة هملها فزّد علينا و علاها !!  
و المصيبة لكبيرة مرا متثقفة  و متعلمة ... إسبوها  يسخايبوها مهملة ...
 آه مالا تحكي  معاهم بلغة صعيبة  هاذي ماتجيش حبيبة ... 
إحبوها ما تفهم شيء زكيمة ... إتبع من تالي كي البهيمة... 
هذا حال المرا في بلاد العرب ... جايبينها جعابن و هوما كرب ...
بدن من فرش الفرش يتحرّك ... نركبوه كيما نحبّو وقت اللاّزم يتفريك .

tal3et matetsamech

كلمات وصوت : أنس العزيزي
موسيقى : وائل السحيمي

المغبون قاعد وحدو في الخلا دموعو في عينيه يحكي هو و ملايكتو حب اقلهم برشا كلام سكت عليه سكت سكت و قال
كنت قاعد على روحي !! لا بيّا لا عليّا !
تعدات قدّامي ! هزتني نفضتني بغزرت عينيها ذبحتني !
حبيت نسألها خليقة ولّا صنيعة و شيطاني من جيبي خرج و بدا يصنعلي في برشا خمج !
بدا اوسوسلي إقلي في كلام خايب ! قالي راي تحب و قلبها عليك غايب ! هذا كفر و إلحاد شيطاني آش يحكي غرايب !!
قربتلها و بيها تلهيت !! حطيتها في قلبي و عليها تهنيت ! ماحبتنيش التحفونة هجّت و خلّت في قلبي دمعة مغبونة!
برّا يا زمان و إيجا يا زمان كبرت و عقلت و شيطاني باقي إلوم فيّا !! نحسّ في فراغ في حياتي و حد ما عالم بيّا !! حكيت حكايتي للناس ضحكو عليّا و شيطاني باقي يهز و ينفض فيّا قالي الكل منها هيّ ! 
ماصدقتوش أنا ! في بالي بروحي كبرت و نسيتها و كملت حياتي و عديتها ! نسيت حبّي لها و طيش صغري و ولعتي بيها ! فين نقرب من طفلة نشوفها فيها ! تقول سكنت فيّا و فيها ! 
ساعات نقول حبتني و الظروف حكمت فيها ! ساعات نقول كذبة قالهالي قلبي باش يقعد اسامح فيها!! 
آه يا دنيا ماصابك تنسيني فيها و أنا ضايع و هايم و باقي نخمّم فيها !!
أنا ماعادش نحبها و نسيتها و متأكد إلي من قلبي نحيتها كي الشوكة المغروسة قلعتها و رميتها ! وجيعة جواجيّة مالجرح إلي كتبتو كي سكنت فيها رسمتها على حيطها ! 
هذي حكايتي أنا و بنيّا ضحكتها بنينة كي الوردة طريّة و غدرتها في القلب كي الشوكة كي خلاتني و هربت عليّ!

مغبون

CONTENT AND FREE DOWNLOAD: cv-samples.com/free/african-vocal-shouts-%26-loops

FREE DOWNLOAD

100 FREE African Vocal Shouts & Loops

AMINA AMMAR  | Podcast 21.12.2012

Chaima mahmoud (Asha ) - I'm not yours

Dédicace à 7abibi shams , ça va te rappeler pleins de souvenirs :) 

( Et désolée encore une fois pour la mauvaise qualité d'enregistrement ) 

tal3et matetsamech

Wael Shimi

Recent comments

Siwar Douss

Ämenallah Baraket

Sofien jaballah

fatma chehaibi

Related tracks