قصيدة كل شئ

بكره العيد
وكل عيد وانت سعيد من غيرى
وفى غيابى تبان عادى
كأنك 100 سنه متعود
لو تقرا قصيدة كتباها بالصدفه
تسيب الشاشة وتحود
لا عاد توحشك لدغة فى حرف السين 
لما بنطق
ولا عدت فى غيابى كائن حزين
ولا لسهمى زى زمان
بتحط منطق
بكره العيد
واسوء عيد كالعادة
لمجرد انك مش موجود
اكون مبسوطة مش ممكن
لكن طبعا اكيد مبسوط
وليلة العيد بتطول
ووقت فاضى فى غيابك
وشات سخيف ويا ناس انت مش منهم
قصيدة شعر لنزار
وقهوة مرة اشربها سادة
وكأن ليلة العيد 
مش فرحة
دى ليلة كئابة

Walaa Farghaly

Popular tracks