والقطر واخدك فين؟؟.. القطر واخدنى بلا محطة.. واه يا ابا اه يا ابا يابا عليا... لا دار ولا مرسى ولا صبية

بسافر بسافر امتي هتلقي المحطة وترسى يا حاير

الفيلم الذى احب

كانت حبيبتى مخلصة
كانت اذا غاب القمر تسهر عيونها الناعسة
كانت اذا طال السهر تصبح نجومى فى المسا
كانت بتصبح لو اقول تلميذة جوا المدرسة

بس الزمان هوا اللى خان
ابدا مالوش ذنب الزمان

كانت حبيبتى على الطريق
بتسيبنى لو عايز انام وتجينى لو احتاج صديق
تسمعنى لو هاقول كلام وتشد ويايا الغريق
كانت فى ليه الصيف نسيم وفى ليلة الامطار حريق

كانت حبيبتى حنينه
كانت بتوهبنى الامان فى اللحظة 100 مليون سنة
كانت بتسقينى الحنان وتقلى اشرب يا انا
كانت اذا قلبى اشتكى من الشوق تكون السوسنة

كانت حبيبته  مخلصة   محمد نوح

والله لبكرة يطلع النهار.mp3

في لحظة استثنائية يتجلى عمنا سعيد صالح ومع حب وشغف ماجد الكدواني للغناء عن السجن .. 

شفتك في الحلم الليلة قمر - سعيد صالح وماجد الكدواني

انا اتلهيت و خدل زندي ( من مسرحية كعبلون )
كلمات بيرم التونسي
لحن و اداء سعيد صالح 

أنا أتلهيت و خدل زندى
و انا ولا عنتر ولا غاندى
ان كانت الغلطات من دى
يكون ف عون اللى عملها

ان كان علي الملح اكلنا
و انا كان علي السجن دخلنا
و الجوع نحلنا و نحلنا
خلي الي فاضل لرجلها

قالوا اللى يشرب من بيرك
لابد يرجع و يجيلك
و انا اللى عطشان ف سبيلك
الدنيا ايه اللى جرالها

يا بلدي هجرك يكفاني 
يا عملة قمع و نسياني 
و يوم ما هرجعلك تاني 
هتبئا رجعة برأسمالها 

يا م الكرانك و الدلتا
هاتعملى طرشة لإمتى
ما اتغيرت كلمة زفتى
و الدنيا راقت أحوالها


انا اتلهيت و خدل زندي من مسرحية كعبلون للفنان سعيد صالح

- طب مفيش حاجة هترخص ؟
- حاجات كتير هترخص و هتبقي بسعر التراب,
انا و انت و الأستاذ و حضراتكم اجمعين
وسع يا سيدي, وسع يا أخويا, عن اذنك يا مدام,
يا مدام ما بيقفوش بالعرض كده في الأتوبيس وخصوصاً الستات,
الوقوف يا مدام لازم يبقى بالورب
يا سلام عجبتكم الهيافه اوى, - اه - ولو في حاجة جد يبقي بوزكم شبرين, جتكم البلا فيكم وفأشكالكم
يا بتوع معلش يابتوع مسيرها تفرج
دي أزايز القازوزة واقفة مترصصة فى صناديقها ومستريحة عنكم, ولو حد ضغط عليها تفرقع...
يا جُبنا يا اللي صوتكم ما يعلاش إلا في الفارغة,
خليكم فى اللي انتم فيه
ربوا العيال, وروقوا نفسكم ليلة الخميس, ويوم الجمعة اتوضوا وروحوا صلوا, وكفايه عليكم دعا ورا الإمام
جاتكم ستين نيله

وحيد حامد
شريف عرفة

(source: youtube)

عبدالعظيم عبدالحق ـ عادل إمام .. مفيش حاجة هترخص؟! ـ الإرهاب والكباب

من فيلم الإنسان يعيش مرة واحدة - علي الشريف - عم بكري 
انا خايف علشان مبسوط!!
.. الدنيا ياولدى ليها وشين ابيض واسود ، لما تبقى بيضه قدامك افتكر الاسود علشان تسلم ، ولما تبقى سوده افتكر الابيض علشان تقدر تعيش لبكره.


الإنسان يعيش مرة واحدة - على الشريف - الحالة - عم بكري

يوسف المنسي درويش - من فيلم المنسي 1993

- اتفضلى , نورتى بيتك يا اميره .

- مسميش اميره ! اسمى سميره .

- سميرتى و اميرتى , اقعدى يا سميره عايز اتكلم معاكى كلمتين , انا عارف انك مغصوبه عليا , اااه خلقتى يمكن مش ولا بد , راس كبيره و جتت عيل , حاجه كدا مش راكبه على بعضها , لكن اللى عايز اقولهولك يا بنت الناس و مسير الايام توريهولك انى عمرى فى يوم ما هغصبك على حاجه , انا تاجر انتيكات ابن تاجر انتيكات , اتربيت اعرف قيمة الحاجه و اعرف اتمنها و انتى جوهره , جوهره غاليه اتمنيتها و المولى قسملى بيها و هو اللى هيقدرنى اسعدها و احافظ عليها , البيت ده بيتك و انا فيه ضيف و اوعدك عمرى ما هكون ضيف تقيل , ليلتك زى الفل يا اميره تصبحى على خير .

حديث الصباح و المساء - و مسير الايام توريهولك

أغنية المسألة  - هندسة صوتية : هيثم الغيتاوي  
https://www.facebook.com/haitham.alghetawy/

هـى ديه المســألـة
والمـأســـاة والمهــــزلـة
مشكلـــة مــش مشكلـــة
معضلـــة مــــش معضلـــة
إنمـــــــا ولكنمـــــــا
هـى ديـه المســـألة

الأصـيل مالهوش فى الدنيا دى حـظ
والسعــادة لكـل قـاسى قلبـه فـظ
يا تـرى نركع له واللا نقول له طـظ
حتى لو دماغنـا تحت المقصلــة 
هـى ديـه المســـألة

إمتى يبقى الخيــر طالع له خرابيش
تيجى هابشـة المفتـرى ما يفتــريش
أيوه أصـل الدنيــا عركة ما تنتهيش
واللى راحـوا سـابوها زى المزبلة. .
هـى ديـه المســـألة

واللـــه لولا الحـب كانت تبقى غم
والشـوارع تتملـى مجـاريــح ودم
أيوه أصـل الحــب يمحى كل هـم
والحبيــب يتبع حبيبـه للعلا
هـى ديـه المســـألة

والله لولا الحب كانت تبقى غَمْ - صلاح جاهين - لحن وغناء إبراهيم رجب

القلب له كلام تاني | من مسلسل أرابيسك أيام حسن النعماني

كيف يحسب حسن أرابيسك الأشياء ؟

بسافر بسافر... بهاجر بهاجر .....إمتى حاتلقى المحطة وترسى يا حاير؟.... مر السؤال على مالوش عالسكة اخر... من مصغرى لمكبرى مسافر بأغوى مشاوير الهوى والدنيا... والقطر واخدك فين؟؟.. القطر واخدنى بلا محطة.. واه يا ابا اه يا ابا يابا عليا... لا دار ولا مرسى ولا صبية.. وادينى ماشى فى رحلة الشقا والرزق والترحال كأنى سؤال.. يا هل ترى يا مطرحى الجديد يد القدر بتخبى إيه من بعيد؟؟..كما طفل وأنت العيد بأحن إليك ...قولى وطمنى ...حلاقى رزقى ولقمتى الهنية ولا ..نهايتى فيك


مسافر - من فيلم الزمار كلمات عبدالرحيم منصور واداء رائع لنور الشريف

أنا مش طالب غير إنسانيتي..
مش عايز أتهان

الإرهاب والكباب - مطالب مواطن

!! أنا مش كداب هى العقود عندكوا ورق وبس
! حضراتكوا بتاخدوا قرارات بملايين الجنايهات فكل مرة بتمضوا عقد ولا الكلمة بتبقى عقد
العقد مبيعملش الحقيقة العقد بيثبتها بس
كلمة أنا بحبك عقد !!. اللمسة عقد ....النظرة عقد
 ..الوعد بالجواز ده أكبر عقد 

مسافر - من فيلم الزمار كلمات عبدالرحيم منصور واداء رائع لنور الشريف

Walid Elalfy

Recent comments

Magdy Hashem

ندى

gamal

Mohamed Amer

Related tracks