Hindi ko maintindihan
Paru-paro sa kalamnan
Tuwing maamo mong mukha'y nasisilayan
Hatid ay isang umagang walang hanggan

Sadyang may mga araw na hindi mo batid
Pangungulila sa pag-ibig ay naitatawid
Dinggin mo ang pintig, at ang bawat pitik
Ng orasang naghihintay sa bawat mong pagdating

Ano nga bang paraiso ang naghihintay sa tulad kong mapagtanong?
Maari bang isigaw ang ibinubulong, at 'wag nang bibitaw sa'king isipan ang tinig mo't galaw

Hindi mo maikukubli
Sinusuplong ka ng tamis ng iyong mga ngiti
Dinggin mo ang pintig, at ang bawat hiling
Ng damdaming hapo at hingal sa pagmamadali

Ano nga bang paraiso ang naghihintay sa tulad kong mapagtanong?
Maari bang isigaw ang ibinubulong, at 'wag nang bibitaw sa'king isipan ang tinig mo't galaw

At sumilip sa iyong mundo
Nang lahat ay mapagtanto
At sa isang iglap..

Hindi ko maintindihan
Nakamasid sa kawalan
Ng paraisong hindi na masilayan
Naglaho sa bawat dampi ng patak ng ulan

Ano nga bang paraiso ang naghihintay sa tulad kong naliligaw?
Maari bang ibulong ang isinisigaw, at 'wag nang babalik sa'king isipan ang tinig mo't galaw

PARAISO

Maliwanag ang buwang sumisilip sa napapagod mong mundo
Ang gabi'y umiibig sayo
Hayaang pawiin ng hangin ang galit at luha mong hindi pa matuyo
Ang gabi ang bahala sayo

Ipikit ang iyong mga mata
Hayaan ang sariling magpahinga

Mahiwaga at wari'y nais mangusap ng bituing nagniningning
Ibulong mo ang iyong hiling
Hayaang dalawin ng panaginip ang isip mong hindi mapakali
Maglalakbay hanggang sa muling..

Sumapit ang umagang minimithi
Matulog nang payapa at mahimbing

mahimbing

Kung minsan ay dumarating
Ang saglit na walang nang maisip
Magsisimula't hindi tatapusin
Tulay na batong dulo ay hangin

Sawa na, hanggang pamagat
Piring sa mata ng hinaharap
Bakit hindi ka pa magsulat?

Ang minsan ay naging taon
Nagising sa labas ng maling kahon
Nagsising walang nailathala
Papel na puti, lapis ni bathala

Sawa nang hanggang pamagat
Piging sa tatas, at pinasarap
Bakit hindi kabang magsulat?

Ang minsan ay ilang minuto
Kantang nagtapos nang hindi natututo
Magsisimula't hindi lalaunin
Tulog na naman ang bugso ng damdamin

Sawa nang bigyan ng pamagat
Baliw na dinig ng kwartong payak
Bakit hindi ka na magsulat?

Wag ka nang..

PAMAGAT

Muli akong susulat ng kanta
Ngunit para sa'n pa ba kung di na makita..
Ang 'yong mga mata na noo'y nambighani
Ang 'yong mga kamay na hawak ko dati

Mula ng bumitaw ay naligaw at nagdilim ang aking langit
Wala nang lakas para sumigaw, huling tanong ko lang ay bakit

Bakit hindi mo pinaglaban ang pag-ibig?
Di sana'y masaya kung tayong dalawa ang magkasama hanggang sa huli

Muli kong binabasa ang gawa mong mga tula
Sa bawat pantig at salita ay nangungulila
Sa tinig mo't galaw na nakasanayan
Ang himig ng uhaw ay 'yong pakinggan

Mula nang mag-isa ay nahibang at nabaliw sa kaiisip
Wala nang lakas para sumigaw, huling hiling ko lang ay sana

Ipaliwanag mo kung bakit ka lumisan
Maghihintay ako sa pagbabalik mo balang araw, hanggang sa huli..

Hanggang sa Huli

Tired of being scared senseless
In a world where nothing seems to be in place
I’m laying down all lines of my defenses
Against a crowd of no familiar face

Would you hold my hand?
While the fear takes a hold of me
Would you understand?
That this is how my life has ever been

Falling from an endless cliff
Watch me as my soul tries to escape from me
Body’s fighting, but head’s in for the flight
Would you be there for me as I die?

Would you hold my hand?
While the fear takes a hold of me
Would you understand?
That this is how my life has ever been

Would you hold my hand?
While the fear takes a hold of me
Would you understand?
That this is how my life has ever been
But will it ever be?

Something Random..

Sinong mag-aakala, sinong makikinig
Isang batang palaging nakatikom ang bibig
Tila malalim ang iniisip at malayo ang tingin
Malabong paistorbo sa maingay nyang paligid

Maige pang gumilas daw sa tunay at masugid
Kesa sa mga taong limitado ang pag-iisip
Sa kanilang mga sariling puri at pag-ibig
Kaya naman pinili nyang gawing malimit ang pananahimik

Lumipas ang araw at gabi
Mga bala'y naipon at isinantabi
Isipa'y isinalin ng isang plumang itim
Na naghahabol sa tulin at lakas ng pagdating

Kung makatugma siya 'kala mo kung sinong magaling
Komplikado sa tunog ang tila simple sa tingin
Bihirang magpasikat sa harap ng salamin
'Di mo pa malalaman kung 'di mo aalamin

Ngunit isang gabi hangin ay biglang nag-iba
Tamis ng simoy ay biglang nagbago ang timpla
Sabay sa pagkumpas at pag-alagwa ng tinta
Unti-unting lumalakas ang boses nyang mahina

Bumubulong na siya, bumubulong na siya
Binudburan ng linya ang niluluto na kanta
Ilang saglit na lang ay handa nang magbuga
Tatlo, dalawa, Isa

Tatlo Dalawa Isa

If I ain't got you - Cover

Nilamon na naman ng hiya
Sawang-sawa nang magsimula
Kailan ba mag-iiba
Mga araw na tila nakasanayan na
Ng tulad mong 'di malaman
Kung saan ibabaling ang paningin
At hindi mawari ang nilalaman ng isipan at damdamin

Sumigaw, nang walang nakakarinig
Umiyak habang walang nakatingin

Oh woah woah, oh woah oh woah oh (2x)

Hinahabol ng lungkot (oh woah oh)
Takbo, talon, ilag, tago, hanggang sa mapagod
Dinadaan sa pagtulog
Ngunit hanggang panaginip ay nahuhulog
Ang tulad mong 'di masabayan
Ang mga nangyayari sa'yong paligid
At 'di makabuluhan
Ang bawat segundo ng iyong buhay

Kung sumigaw, meron bang makakarinig?
At kung umiyak, meron bang makakabatid?

Oh woah woah, oh woah oh woah oh (2x)

Ang bawat hikbi at bulong ng
Damdaming pilit mong ikinukubli
Ay naririnig ng may pusong
Bukal ang pag-iintindi
Hayaang umagos ang luha
Damhin ang lupit ng mundo
Dahil 'di mag-isang susuungin
Ang tahimik na daluyong nitong bagyo
Nitong bagyo

Ang iyong bagyo
Ang iyong bagyo
Oh woah woah, oh woah oh woah oh (2x)

Ang Iyong Bagyo

Ikaw ang aking mahal - VST

subscribe to my channel: https://www.youtube.com/channel/UCE_iitDjUnSSBPm8AGPvFYw

Tila - Clara Benin/Side A (Cover)

subscribe to my channel: www.youtube.com/channel/UCE_iitDjUnSSBPm8AGPvFYw

Araw-Gabi - Ryan Cayabyab (Cover)

Cuida - Ebe Dancel (Cover)

Wala nang paligoy-ligoy. Wala nang drama. Musika lang, walang personalan.

This means W.A.R.

Walking Along Recto

Popular tracks