نبتدي باسم الاله اللي خلقنا 
واحدٍ المعبود ماله ند ثاني 
شرق واد النيل في ارض الكنانه 
هاضت شجوني وطرزت المعاني 
رغم لي  مده بعيد عن القصايد 
حرك المعنى قصيدي في ثواني 
بعد ماخاويت لي صقرن مجرب 
حان وقت الشعر ياهل الشعر حاني 
مامدحت الا زحولن تستحقه 
ولامدحت الا عريبين المجاني 
ماكتبت الشعر ادور به مصالح 
يعلم الله ماكتبته مصلحاني 
بس انا شاعر واعبر عن شعوري 
وذي قصيده جات في عيد رمضاني 
هاجس الرفقه على عز ومعزه 
زارني وليا بغيته ماعصاني 
وان كتبت الشعر باذن الله زبونه 
وان تحدينا كسبنا للرهاني 
في مدح شيخن تعلا بالمكارم 
خالد محمد واعده من اخواني 
السواط اللي على العليا تعلا 
واسمعوا في سيد الطاله بياني 
العجيب اللي من اسمه له نصيبه 
له فعل مشهود من ماضي الزماني 
وارثن من شايبه عز وكرامه 
جعل عودن عقبه عال الجناني 
وبعد عوده له شويرن  طاب فاله 
فايز وفايز مثل حد السناني 
فايز اللي في عتيبه شاع صيته 
شيخنا اللي من لجابه مايهاني 
فايز واسمه يشرف في عتيبه 
العجيب ومن رفيعين المكاني 
وبعد فايز ارجع لهدف قصيدي 
معتلي خالد ولاينزل طماني 
فالكرم انا اشهد انه من دهاته 
متميز دوم في ذبح السماني 
ومجلسه مدهول من كل القبايل 
والقبول وعود مع بنن يماني 
خالد وخالد تعلا فالمراجل 
معتليها بالسنان وبالعناني 
خالد اللي طابت فعوله وذكره 
محتميها بالفعول وباللساني 
والختم صلو على سيد البرايا
عد من لبى ومن صام رمضاني 


اهداء من سفير الهيلا العقيد المهندس الركن / مطلق بن سعيد الذيابي

اوبريت اهدا الى الشيخ / خالد بن محمد العجيب السواط العتيبي

اوقاف العجيب