بس انا زعلانه كان فيه تفاصيل كتيره اوي عايزه احكيهالك ومعرفتش ،مش مشكله المهم انك تكوني بخير وتفضلي بخير.

وحشتني الافيهات اللي بينا ،عمرك ما هتلاقي حضن زي حضني ،كانت فيه منشن بتتعملك كتير اوي مني بس مبتشوفيهاش بس عادي بحب اشاركك.

انا اللي لما اتوجعت معرفتش اروح لمين عشان كنت بجيلك. 

تقريبا الي سمعته ده احلي قفله لليوم الي بجد حلو اوي ده! ♥️

اعرف عن كل حاجه تقريبا ✨

ايه الاغنيه ديي!!! حلو اويي!

انا مش عايزها تخلص بجدد

انا البيت والأمان، انا الصاحب والسند اللي عمره ما خذل.

اهرَب☆

التراك ده نازل ومفيش منه فايدة غير إنه قلل معدل الحزن جوايا كام سنتي 
التراك ده نازل بعد النهاية بدقيقتين

⁦⁦⁦⁦☆⁩⁩بعد النهاية بدقيقتين| أسيل مُحمد⁦⁩

مزيج هادئ

الكلمات :- 
أمي العزيزة 
نقطتين و شَرطة             :- 

سايبلك عمري فـ الفيزا
و فـ الأقلام
و قصايدي
و الأفلام

سايبك بحنيتك
تحاربي قساوة الأيام 

و أبوس إيدك
أوعي الدموع تطول عينك 
عليا يا عيني مـ الحسرة

نقطة و فاصلة                     .،

أنّي رأيتك يمّا بتلعني أنك
مش عارفة نجهزي بنتك
أني رأيتك يمّا خايفة من أنك
لحد يمد إيده فـ سيّالتك

يكتشف أن مافيش سيالة
طول عمرك قلم رصاص
و الدنيا براية

و أنتِ عرفاني 
ماليش في الدنيا شيئ خالص
و معرفلهاش قفا من وش

الدنيا مَنجل 
و أنا برسيم 
و أبويا يحِش

المرة دي مش جي أعيطلك 
ولا أشكيلك 
ولا 100 معلش هتوصلي
الخوف توب متفصلي

آخر مرة و أنتِ بتصلي 
شوفتك و سمعتك

فاصلة                  ،
شوفت
نقطتين و شَرطة

إيدك و هي مرفوعة 
كان من منها لسقف ربنا

دموعك 
و هي نازلة حفر فـ خدودك
و جلود كعوبك الميّتين

و هدمتين فوق السرير 
و كعبة المصلية غرقانة
كأن الكعبة فوق البير 

و الأوضة حواليكي بتموت
المِلايات دابت
مولل السرير شابت 
من سوس الخشب و العُمر

و الدولاب أبو ضرفة واحدة اللي مسنداه ع الطوب
هو كمان السوس كله 
أصبح مخرم زي الجيوب

إحساسك ساعتها وصلي
الشكوة أطول مـ بتصلي
كنت خايف حاجة تحصلي
و أنا شايف المشهد من بعيد

فاصلة                 ،
وراها فاصلة         ،،
سمعت
نقطتين و شَرطة     :- 

سمعتك و أنتِ بتناجي
كنجمة صبح بتلالي في السما تايهه
كأنك طير و رابطينه 
علشان يدوّر الساقية

كأن الدنيا دي ملأَ
و مافيش غيرك بشر فيها

سمعتك و أنتِ عمالة ترددي || محمد ||
و بتوصيه يراضيه
و يعينه يجهز إخواته
و يقدره ع مين يعاديه

ساعتها يمّا خانتني رجلي
و وقعت في الصالة
الدنيا حصالة 
و إحنا معناش حاجة تتحوش

و أنا قررت أدفع عمري
لأجل أمي 
و اتنين بنات

نقطة                   .

اللي فات
كان جواب سيبته فـ البيت 
قبل م أسافر 

|| 29أكتوبر2021 ||
|| عزبة شماعة ، قنطرة النعناعية - أشمون - المنوفية ||
|| أنتهت في السابعة صباحًا ||

مش جاي أعيطلك - محمد بن عادل | mesh gay a3yatlek - Mohamed bn adel

ما تبقي لنا ..!

أكَانَ مَـسَـارُنَا مَـصِـيـرِهُ الِانْقِطـَاعُ!؟ | مـَزِيـجْ

عملت للتراك ابلود بعد ما اتمسح من ع الساوند كلاود عشان المفروض التراك ده مايتنهيش.

زينب - أحمد الطحان

دا اول تراك ليا، وتقريبا اخر تراك لاني مليش ف التسجيل، مبدئيا انا حابب اشكر كذا شخص ساعدني ف التراك "فلسطين ، منه الشرقاوي ، تيكنو" 💗 واحب أشكر الأشخاص الـ سمعهوه قبل ما انزلو واقنعوني انزلو 💖 الهاند فري في ودنك واقفل النور وعيش💖


الكلمات.. 
قاعد ماسك كاس منكر 
جايز فيكي أبطل أفكر ..
فاكره لما حنيت ؟ 
وحشني صوتك فرنيت .
قولتيلي : للمرة التانية ، أحنا بعاد جدا بينا مسافة و بيوت .
فضحكت لثانية! احنا اقرب وقت كنا فيه كان السكوت
... 
ماسك قلمي وكالعاده وبفكر 
ماسك روحى ومتكدر 
ماسك ايدك بإيدي التانيه 
باصص لبُعدك المتحضر ..
ماسك قلمي بكتب حزني 
ماسك قلمي بكتب عنك 
لي الحزن ده ...طب ما عنك :" 
تسيب الدنيا إيدي وأسيب القلم منها 
يسيب الحُزن أثر فـ أمسك القلم تانى ..
فـ أعاني وكأني ماسك صبار  ..
اكتب كلام وفجأه يتحول لبُخار ..
أتاريه بيتدون جوايا و الورقه فاضيه 
الحِبر مفيش ..والفرح مفيش والحزن شويش قاسي 
مش ناسي ..لالا مش ناسي ومش بنسى ومش هنسى 
انا عُمر اه  ..بس مش إبن الخطاب 
لذلك مش عادل كفايه ..
طب ما إي لو ف يوم نعود أغراب
او أعود كـ غُراب أبيض مِسود ..او إسود فاتح 
شربت من نيلك والنيل من لجل حظى بقى مالح  
مش فالح وانا عارف ..مش باقى وانا ماشي ومش فارق 
واربت الباب لأني فـ يوم هعودلك ..بس يومها هكون صالح ..
انا مش أيوب عشان أصبر سنين 
انا عُمر فـ صَبرى مُهين 
فـ بمشي طريق كـ حزين ماسك كمانجا وبيغني
متفوتنيش انا وحدي متفوتنيش وياهم 
ماشي الطريق وحدى ومش بنساهم  ولا بلقاهم
متفوتنيش ف التوهه لوحدى ..
متفوتنيش ف الحزن لوحدى ..
متسيبنيش مع قلمي لوحدى ..
يكاد يكون وحش ويقتلنى ..
طريق شائك وطويل ..
متقولش تحارب انا مش عَويل ..
إصحابي سابوني بلا رحمه 
وحيد ولكن وسط زحمه 
مش هعوم والمرادى هطير ..
بقيت ف حرب ..لا مُلاحمه 
..
دوقت الخذلان من العالم كله وقالوا  بخيل ..
مش ذنبي اني مش بخذل ولا بهجُر 
الحزن ف عيني أهو ..شايفه ولا أقلعلك النضارة أوضح ..
ولا أفضح اللي باعوا ..واللي بحضنهم ساعوا ناس غيري .. 
..

متفوتنيش انا وحدي ، متفوتنيش وياهم.. "عُمر عمَاد"

ما بعد الخُذلان، لـِ زهرة نوح .

مَزج-وَنس

_ لمن كانت لهم الصداقه كل شيء، للموهومين في العلاقات الأبدية، للمتعشمين .. للذين تم تركهم في منتصف الطريق .. إليكم التالي ⁦♥️⁩
مونتاج : علياء علي 

مزيج - كُنا

الست ورد أبو المچد 🦋👑

روح نجمة الشمال، وبتمنى الحب والسلام 🌿🤍

مزيج - كُنا

هاجر فوزي

Recent comments

R.A. Elkreem

mokaa🥴🥴

mokaa🥴🥴

mokaa🥴🥴

Related tracks