كلمات واداء وسام رجب 
الحان مصطفى صبري

قصيده مات الولد

لو جم قالولك إنُّه مش باين عليه أثر الفراق

و انُّه مش بيجيب فى سيرتك و انُّه عادى

لا بان عليه أثر الفراق ولا فيه ألم ولا فيه اشتياق

حقاش قصيده كتبها فيكى

هى دى اللى طلعتى بيها

أما هو خلاص نسيكى

عادته ولاهيشتريها

و احنا قولنالك زمان ما بتسمعيش

فا ماتزعليش

ثم هو ماكانش نقوه

كان بيتأخر عليكى بالساعات

و كان مفلس و شاكله يعنى ماكانش هو

كل أصحابك عابوه

أهو غار فى داهيه

و بكره يركع تحت رجلك سيد أبوه

بس يمكن كان حنين حبتين

حبتين .. هم بس حبتين

كان برضه بيسخّف عليكى

كنتى فين و رايحه فين

بس كان بيبان عليه

لما اسمك ييجى فى الكلام تلمع عنيه

بس برضه كان سقيل

ما كانش بيقدر ظروفك

كام مره قلتى مستحيل

و يصر برضه انه يشوفك

و ما تزعليش من قساوة الدنيا و عنادها العجيب

أنا كنت فاكر نفسى أقوى من النصيب

و كنت بتّريق على اللى ما كملوش

مين كان يقول ان النهايه تكون فاشوش

أنا لسه فاكر و قفتك و سط البنات

فاكر هدومك و ابتسامتك و الكلام.. حتى السكات

اذا كان فراقنا صحى فيكى كام وجع

أنا كل ليله بتدبح بالذكريات

أنا عندى ركن بحط فيه كل الحاجات

كل القصايد و الألم.. كل البنات

جيت أركنك جواه رفض.. ماكفاكيش

فا ماتزعليش

أنا بس طبعى قعود و بكتم جوه منى

مش فاكره نانا و جرحها

طب بان عليا بعدها

مش كنت بتنطط و اغنى

والناس تشوفنى تقول حجر

ولا اتوجع ولا اتكسر

زى الجبل ما بينحنيش

ماتصدقيش

أنا لما سيبتك كل حاجه اتغيرت

ريحة الشوارع و الدكاكين القديمه و البيوت

كأنى ببدأ من جديد رحلة حياتى.. أو بموت

حسيت كأنى نهيت حياتى خنقتها

أنا كنت متخانق معاكى وقتها

ماكنتش أقصد أقولك امشى ما ترجعيش

بس انتى كنتى صغيره مافهمتنيش

الطبع غلاب و انتى عارفه و كنتى لازم تعذرينى

ماعرفتش اترجاكى و انتى بتدبحينى

ربونا عالهيبه و عالحب بقيامه

و ان لما البنت تتقل يوم عليك .. بالسلامه

صدقيهم لو قالولك إنى عصبى أو فلاتى

و انى بعرف ألف واحده و قلبى بيغير يوماتى

صدقيهم لو قالولك أى كدبه عن حياتى

بس أوعى تصدقيهم لو قالولك انه كان كداب معاكى ما حبكيش

وان جم قالولك انه مش باين عليه أثر الفراق ماتصدقيش


هشام الجخ .. متزعليش

قصة شتا الجزء الثاني كلمات وليد عماد

إلي البنت اللي سهرانة لهذا الوقت 
وبتفكر ف واحد كان زمان روحها - لكن مابقاش كده دلوقت
وبترتب دولاب وحدتها بالواحدة 
وبترتب دولاب صداقتها على واحدة - خدِت منها رصيد أحضان ومشيت قبل ماتردّه
إلي البنت اللي فيها كلام بيجمع ضد مع ضده 
بتضحكلك وشايله دموع
وتكتم حزنها المسموع 
ولما تخش ف الموضوع - بتحكي هموم بشر تانيين 
إلي البنت اللي لو حبّت .. بيفرز شوقها أدرينالين 
إلي الصاحية على سريرها 
تعاتب أهلها النايمين 
" مساء الخير " على عيونك 
وطظ ف حد بيخونك عشان شافك يادوب شهوة 
ياخايفة من جميع الناس وثقتك بس ف القهوة 
أنا شايفك وحاسس بيكي والله - يا فاردة لخوفها دراعاتها
سراير شوك بتحوي بنات .. تنام من نور موبايلاتها 
مساء الخير على دموعك 
وعلى خوفك من الماشيين 
مساء الخير على جراحك 
وكل الخلق مش شايفين 
مساء الخير على جسمك - سهام مرشوقة بني ادمين 
أنا حبيت أقولك بس 
بإن المجتمع لو حسّ
هيضرب نفسه ميت مرة 
عشان بيبُص من بره 
ومش حاسس بأوجاعك 
باعتلك حضن بيساعك 
وشوكولاته من النوع اللي بتحبيه 
وبادعيلك تقابلي فلان وتكملي بيه 
وبادعيلك بطفل يكون بيشبهلك 
وأهل يكونوا شايفينك 
وناس ف المشي صاينينك 
وفرحة تدوسي عتباتها
إلي الأرض اللي فيها بنات - دموعها ف نور موبايلاتها

‫البنت الى سهرانة - حنان ماضى - على الالفى -‬ - YouTube.MP4

الأغنية من كلمات الشاعر : محمد أبو احمد 
وألحانى المتواضعة .. 
وتوزيع صديقى الفنان : أحمد فايز 
ميكساج وهندسة صوتيه الفنان أ: عبد العظيم الذهبى 
التصميم بقلم الفنان : بلال قاسم


كتر العنآد .. احمدالريآنى

ألبوم محمد منير أنا منك إتعلمت 2015
Follow Me > @elba7rawy

Mohamed Mounir - Ana Mennek Etaalemt | محمد منير - انا منك اتعلمت

محمد محسن - هرم رابع

هتعمل ايه المرايا شيرين.m4a

بنلقى راحتنا

اغنية مش كل حاجة ، من فيلم إذاعة حب ، لحن و غناء محمد الصاوي ، توزيع هاني يعقوب .

مش كل حاجة

مصطفى باشا سعيد
01201297912
/♥/
01155789767
moustafasaeed96@yahoo.com

قصيده مات الولد

Wessam Ragab

Recent comments

Kassem Mah

Related tracks