to7fa

مريم صالح - حلو الحلو

مسارح .. وسيما .. وسيرك وأفيش
وصورة المنيّل .. وكاب الشاويش
وكلب الحراسة .. وكرسى الرياسة
وحبة سياسة .. وطربة حشيش
................
تذاكر يا هانم .. تذاكر يا بيه
هاتدخل بعيل .. تحاسب عليه
جميع اللى ماتوا .. عيالى الصغار
جميع اللى عاشوا .. ملوك القمار

كلمات الشاعر أحمد النجار .. 
ألحان يحيى نديم .. 
توزيع موسيقى محمد نبيل ... 

الغناء يحيى نديم وتامر نديم ومصطفى نديم ..
التنفيذ الموسيقى لفرقة gazaga عمدان النور ..
حمادة نبيل .. كيبورد
معتز .. ساكس فون
رأفت فرحات .. كولة
ليد جيتار .. ميزو
بيز جيتار .. محمد العشرى
درامز وبركشن .. هشام حمدى
ايقاعت شرقية .. مصطفى طاطا

الهندسة الصوتية المهندس علاء الكاشف 

تابعنا على فيسبوك:https://facebook.com/GazagaBand
تابعنا على تويتر:https://twitter.com/GazagaBand

مسارح وسيما عمدان النور - Gazaga band

الــكــلــمــات 

بابتسم من كتر حبي للعالم
بابتسم من كتر خوف وعيت عليه

و عنيا المفتوحه علي القلق
كأنها وجع يبص و يبتسم، و بابتسم

شريطي ماشي و معاكس شريط القطر
و الصحرا دي زي الخضره جوايا

و لسه الحب نبراسي و ف راسي لكنه خجول
و بسمه صغيره تحاول تفك الاسر

بابتسم من كتر حبي للعالم
بابتسم من كتر خوف وعيت عليه


بخبط ع البيبان بالراحه و بابتسم
ونظرتي وتر مشدود ع الاخر مبتسم

وجع انساني و مش مفهوم لغيره بيبتسم
ف اخره فيض حنان يفيض
يغرق و لا يغرقش و يبتسم و بابتسم




كلمات سلام يسري
الحان و غناء يسرا الهواري

توزيع الفرقة:
شادي الحسيني - بيانو
صدقي صخر - هارمونيكا
كارل كابيلي - ماندولا
يامن الجمل - باص جيتار
سلام يسري - ايقاع
اكورديون - يسرا الهواري

اغنية فيلم فتاة المصنع للمخرج محمد خان ٢٠١٤


يسرا الهوّاري - ببتسم | Youssra El Hawary - Babtesem   (كامله)

حفلة مكتيه مصر الجديده 15-1-2014

مريم صالح ـ حلو الحلو - تسجيل جديد

https://soundcloud.com/gazagaband 
https://www.facebook.com/GazagaBand


نص الكلام - عمدان النور جزجا
كلمات أحمد النجار 
الحان يحيى نديم 
توزيع موسيقى لعمدان النور
بقيادة فنية لحماده نبيل

نص الكلام وزنه .. نص البكا حزنه
نص البيوت عمدان .. نص الطريق رملة
ملّونا فى الإملا .. الدنيا مش كاملة
الدنيا دى بوشين .. وكأنها عملة
الضحكة مش هى .. والدمعة أغنية
والحلم ليل بيموت .. مغرب وصبحية
مقسومة نص ونص .. وبتبكى وبترقص
بتحط إيد على عين .. وبتانى عين بتبص
نص الفرح سقفة .. نص الصحاب واقفة
نص الكلام حواديت .. نص الحياه إنتى
وانا وانتى حدوتة .. جدتنا ستوتة
تحكينا للأطفال .. كان ياما كان كنتى
أمى وساعات بنتى .. جرسى ومأذنتى
وريف وملو خضار .. وعمار يا مدينتى
مقسومة نص ونص .. وبتبكى وبترقص
بتحط إيد على عين .. وبتانى عين بتبص

كل الكلام سيرتك .. كل الحاجات صورتك
وان كنت اقدر اكون .. كان من زمان كونتك
نص البنات مساكين .. نص الهوى قضبان
كل البنات مساجين .. وانا مش هاكون سجان
والعشق حرية .. والبنت ثورية
والحضن صوته هتاف .. ولكل صوت غية
مقسومة نص ونص .. وبتبكى وبترقص
بتحط إيد على عين .. وبتانى عين بتبص

نص و نص عمدان النور

نص الكلام - عمدان نور

كلمات: مصطفي عبد الشافي
الحان: آية حمدان
توزيع: اسلام الشوربجي
هندسة صوتية: نادر احمد
كمان: احمد عبد الفتاح
جيتار: محمود محي
عود: محمد عبد السلام
كيبورد: اسلام الشوربجي

Salsabely - 7alet Ezdwag سلسبيلي - حالة إزدواج

بيني وبينك حرف جر _ المغني خانة

Shababeek - Mohamed Mounir

Samee George on Bass Guitar

شبابيك - نوران أبو طالب و سامر جورج - Shababeek


جيت لي صاحب وحبيته
زقنى فى المترو زقيته 
ولما مات فيا ومُت أنا فيه 
روحت له بيته وعزيته !!

حُزن يا بقال ورا الجامع
هات بنص ريال عسل فى الكوز 
ده اللى كان عيل بقى شاعر
واللي كان ضاحك بقى أراجوز 

حبني الشارع وحبيته 
عض قلبي الليل وعضيته 
خضني الأنسان وخضيته 
لما بان من وشه عفاريته 

عدى فيا القمح سمرنى 
عدى فيا الفجر صبرنى 
عدى فيا الحزن غيرنى 
عدى فيا العمر كبرنى 

خدني م اللفة لمريلتي
خدني م التسنين لحصالتي 
خدني من مدرستي ع الجامعة
خدني م الترعة على الاسفلت

خدت م الأوتوبيس مراياته 
خدت م السواق حكاياته 
خدت م الركاب تذاكر موت 

حزن يا بقال ورا الجامع
هات بنص ريال عسل فى الكوز 
ده اللي كان عيل بقى شاعر
واللي كان ضاحك بقى أراجوز

ياللي واحشاني ما توحشينيش 
ضحكك السكر محلانيش 
خوفت م المطرة قفلت الشيش 
ليه فضل أسمك على الشبااااك؟!!!

كنت جايب دبلة وغويشة
كنت شارب حاجة مغشوشة 
شفت شبهك قاعدة في الكوشة
قلت هي ... لا مش هي 

فتشتنى الدمعة عن المية
كنت أنشف من حطب محرووووووق 

حزن يا محول خطوط سيرى 
حزن يا عطار فى باب اللوووووق 

شوف لي تحويجة لتفسيري
حط ريحة بُن لضميري
شوف لي عود أصلب من المغشوووووش

حزن يا بقال ورا الجامع 
هات بنص ريال عسل فى الكوووز 
ده اللى كان عيل بقى شاعر
واللى كان ضاحك بقى أراجووووز


ردني عالباب عطب روحي 
جاب لي ناي وزيتونة مطروحي 

جيت لي صاحب وحبيته
زقني في المترو زقيته 
وأما مات فيا ومُت أنا فيه 
روحت له بيته وعزيته

ردني عالباب عطب روحي
جاب لي ناي وزيتونة مطروحي
مُر أنا يا صاحبي لو دوقتني 
جيت أقول الآه ما صدقتني

يطرح إيه الملح غير مالح 
يطلع إيه م الجرح غير مجرووووح 

ليه ما تصفاشي لغير صافي؟ 
ليه فى عز الحوجة بتجافي؟
شوفتني غاطس ولا طافي؟ 
كنت بنده لك حلاوة رووووح 

حزن يا بقال ورا الجامع
هات بنص ريال عسل فى الكووووز 

خد سنين الجري وسنينى 
هات لي سن غزال دهب عيني 
قطَّع الأسفلت شراييني 
هات بياض القُطن شاش اللووووز 

حزن يا بقال ورا الجامع 
هات بنص ريال عسل فى الكوز 
ده اللى كان عيل بقى شاعر 
واللى كان ضاحك بقى أراجوز

سيرة أراجوز - فرقة عمدان نور

التسجيل الرسمى .. جودة عالية 

العرس - دينا الوديدى و مريم صالح (HQ-Official)

مريم صالح - سرعة الأيام

دينا الوديدي - اهو دا اللي صار

مريم صالح - حلو الحلو

WHiTY

Recent comments

Doaa Elzahar

Sarah R Hassan

Malak Abozayed

rihamhamed

Related tracks