Damn محمد عبدالله nice Track! Google 'bulletrank', they are giving out free plays all month.

اول رمضان وانتي بعيده || محمد عنتر ومريم عزيز

كلمات : محمد عبدالله حمودة 
موسيقى وميكساج : أسامة أشرف الدرواني https://www.facebook.com/OsamaVO
النص من ديوان النبي دانيال 
الكلمات :

( 1 )
الاسم : أطول م القصيدة بميل ..
الحالة : أعذب من وريد النيل ...
المهنة : سارح والقُليب قنديل ..
عنوانى : ساكن فى الشتا والليل ..
السن : جايز لسه ماعرفتوش ..
بس المقدّر سنى كان عشرين ..
( 2 )
مين اللى يقدر يرمى همّه ف كفن ؟
مين اللى شاف الدنيا رحلة عفن ؟
موجوع وقلبك حظه مات وإندفن ..
إيش ياخد الريح م البلاط يا ولد ؟
غير روح حزينه ومالها غيرك سكن ؟
( 3 )
فادك بإيه البُكا ..
والنهنهه واللوم ؟
فادك بإيه السهر ..
والدمع نُص النوم ؟
قلبك لا عُمره إشتكى ..
ولا هزّه نَعق البُوم ..
يا صخرة المُشتكى ..
إيه فى الحمول بيدوم ؟
درويش وقلبى الصبى ..
عايش مع الحرافيش ..
حرفوش وسيدنا النبى ..
صليت عليه بشويش ..
حُضنى الفراق رقعه ..
بقى زى حتة خيش ..
سهم المُنى وقّعه ..
كسّر ضلوعه الشيش ..
والهم مهما إتكوى ..
ما بيتوقف له نزيف ..
كل اللى مسّه الهوى ..
قلبه ماعادش نضيف ..
مدمن غرام وإرتوى ..
يا اللى إنتشيت بالجوى ..
فادك بإيه الكيف ؟
عيل ماليش موهبه ...
غير فى العياط والنوح ..
عيل ماليش فى الصبر ..
غير اللى شق الروح ..
أيوب ياطيف نبى ..
مش كل صبّار نبى ..
ولا كل رُبّان نوح ..
ده أنا قلبى شق الندى ..
رص الكلام وإبتدى ..
يكتب قصيدة هدى ..
سابنى الغرام مجروح..
( 4 )
إياك تِئن وتنكِسر زى العيال ..
إياك تبين دمعتك لو جرح طال ..
إضحك فى وش الريح وعافر وإنتصر ..
ده العيب عليك ..
إنت اللى غاوى تكتأب وتصدق الدمع القزاز ..
تماسيح بتبكى ليل نهار ..
وإنت اللى عايش فى إنهيار ..
مسكين بتمسح دمعهم وبتبكى نار ..
حتى اللى كان صادق معاك ..
مبقاش فى نقطة براح فى قلبك ..
قادرة لحظة تصدقه ..
ماتت حاجات كات حلوة فيك ..
كان نفسها لو يوم تعيش ..
ومافاتش غير يوم أو يومين ..
كات بين إيديك ..
وأديها عايشه لحد تانى..
وقادره تنسى إنك مفيش ..
ما إنت الوحيد صدقتها ..
وآمنت بالدين الحرام ..
أدّيت فروضك والنوافل والزكاة بعد الصيام ..
سخرية القدر اللعين ..
ضحكت عليك ..
وفهمت كل الدين غلط ..
دينها رسالته مختصرها ف كلمتين ..
طبع الخيانه ع البشر بقى فرض عين ..
( 5 )
إعتزال الشعر واجب ..
لإنكسار الحب فيا ..
وإندثار الدمع سنة ..
لإنشطار الجرح بيا ..
زمّلونى بالقصايد يوم فراقى وإضحكوا لى ..
ضحكة أوسع م البراح اللى ف ضمير عيل بيحبى ..
وابنوا قبرى ف عُقر دارى ..
وإمنعوا عنى الزيارة ..
وزّعوا على روحى زمزم ..
م الدموع اللى ف عنيها ..
وإقرى م القرآن يا مريم ..
هَزّ جذع النخل رؤية ..
هَزّ نعش الموت كبيرة ..
وإن لقيتوا فضيلة باقيه ..
من حياتى اذكروها ..
وادعوا ليا بظهر غيب ..
ألف رحمة ونور عليا ..
واكتبوا على باب قرافتى ..
صدقة جاريه أغانى غاليه
وأى غنوة بصوت منير ..

فادك بإيه البكا _ محمد عبدالله حمودة

يا الله
مولايَ صلِّي وسلِّم دائماً أبداً على حبيبِكَ خيرْ الخلقِ كلِّهِم
قطرةٌ من نداكْ تروي غليلي
ِأنا راضِ من نداه بالقليل
لمحةٌ من سناكَ تبعُثُ نفسي وتذيبُ الضنا بالقلبِ العليل
طالَ في ساحة الرجاء دعائي
اطلبُ العفو يا إله السماء
ٌفاعفُ عني يا رب وأنت للعفو أهل
و قِل عثرتي وخفف بلائي

مولاي صلِّي - زجزاج

amr hassan poems - جوابى الأخير.mp3

كأنّ عَذولي بالوِصالِ مُبَشّرِي *** وإن كنتُ لم أطمَعْ بِرَدّ سلام
بِرُوحيَ مَن أفنيتُ روحي بحُبّها *** فحانَ حِمامي قبلَ يومِ حِمامِي
انشاد:نور الدين خورشيد

وإن كنتُ لم أطمَعْ بِرَدّ سلام

ضد الحكومة ضد البلطجة والظلم

الاغنية التي اشعلت الثورة في مصر25 يناير2011

تتر مسلسل انبياء الله _ علي الهلباوي

مولاى إنى ببابك - حازم إيهاب

عُمر فرحان من حفلة الساقية "عمرو حسن" 2018

أنا آخر مرة فاكرها ..
كُنا بنضحك ضحكة خوف
و بقولك هنكون مع بعض
وهـنفضل نحلم لـِ الآخر
ونا بيني و بين نفسي بقول
هنفارِق كـالعادة
و هقولِّك " معلش . ظروف ! "
أنـا فـاكر من آخـر مرَة
لمسة إيدك على إيدي
و النـظرة الحلوة اللي تملِّي
كات تـاخد قلبي و تسافر
أنا عارف مهمـا أحلِفلِك إني عشانك
كٌنت بعافر
مش هيقدم ولا هيأّخَر !
أنـا أكتر واحد كـان متأثر ..
الضحكَة اللي اترسمت على وشي
ونا ماشي و بقولّك " ماشي "
ماكنتش من القلب بتطلع
أنـا كُنت بحـاول مُش أكتر .. مايكونش فـُراقنـا حببتي دموع
هتصدقي لو قولتلِك كُنت مستني الرجوع ؟
طب فـاكرة آخر مرة قولتلِك إني من غيرك بموت ؟
طب يعني إنتي مصدقة إني بعيش ؟
ماتجاوبيش ..
انا أصلاً مُضطر إني أمشي
و هفارِق قلبِك كـاالعادة
و إن كان لَسة فـِ قلبي كلام ..
فـَ كفاية " سلام "
لـِ شيماء عبد الله
https://www.facebook.com/Sh.Abduallah

سلام - شيماء عبدالله

الشاعر " احمد جابر " .. مذكرات صديقي السجين

Egyptian poet and novelist 🇪🇬
Song writer 🎵

صدر لي أربع دواوين شِعر بالعامية المصرية:
 ( النبي دانيال، كتاتونيا، مزيكا، حرب الفَرَاش ) 
ورواية "ودارت الأيام".


فادك بإيه البكا _ محمد عبدالله حمودة

محمد عبدالله حمودة

Recent comments

aliziyad1

lancetzkeane

Related tracks