قَصدتُك مِن كُل الجِهاتِ مُناديًا

حفلة بساقية الصاوي 
٢٠٢١/٧/١٨

يناير قبل قطع البث من حفلة ساقية الصاوي

pic taken by : @Yasmin_Ashraf


لقد خلقنا الإنسان في آلامه
سبحان من لا يخفى شيءٌ عـ علمه
جعل الحياة بنورة مسحورة
الدنيا كاس الحزن والفرح من كرمه
والشاطر إللي هيكسب الفورة
معنى الوجود....فـ حقيقة الموت الأكيدة
معنى السراب....فـ الخلود لسنين بعيدة
معنى الضياع....تعيد وقوعك فـ المكيدة
اللعبة فردي وأنت وحدك حر
يـ ضيف خفيف لما شريطه يكُر
يمُر بسلام مـ الأرض للدنيا الجديدة


Yiruma - Dream
Dhafer Youssef - Miel Et Cendres
Dhafer Youssef - Khira Indicium Divinum
Eleni Karaindrou - The Weeping Meadow
Dhafer Youssef - Soupir Eternel
الشال الأحمر - Hesham Nazih 

هنالك دائماً نورُ - طارق الناصر
فكم لله من لطف خفي - محمد عمران
أنت الحمى - النقشبندي
إذا كان الله معك - راتب النابلسي
أغيب - النقشبندي 
جميل العفو منك هو الضياء - محمد عمران
قل لمن يفهم عني ما اقول - محمد الهلباوي
غفرانك اللهم جل علاك - وحيد أبو الحسن
الليل أقبل والوجود سكون - محمد عمران
قد زاد فيك من الغرام تلهفي - معتصم بالله العسلي
سال دمعي - نصر الدين طوبار
كن عن همومك معرضا - راتب النابلسي
ربي هب لي هدى - النقشبندي

مزج - إذا كان الله معك فمن عليك

كلمات: محمد عصام
https://www.facebook.com/M7mdess16?mibextid=ZbWKwL
موسيقى وهندسة صوتية: يوسف محمد
https://www.facebook.com/yousefdark960?mibextid=ZbWKwL

الكلمات:

"هلعب مع الخسران يا رزق"
الفوز له ناسه
واحنا يبقالنا الخسارة وأولى بيها
كل يوم ماعرفش هبقى..
بدوس خطاوي..
ولا حاجة انا نفسي فيها
بدوس وزي ما تيجي.. تيجي
بدون ما اخاف اخسر حاجات
إيه يخاف منُّه اللي خسران كل شئ!!
إيه هيفرق شرخ في البيت اللي مهدوم من زمان!
إيه يهز الدمعة في عيون اللي مفطور م العياط!!
اللي زيي..
يقلقه الفوز واللي ممكن ييجي بعدُه
ودماغه لو سقف الطموح مش تحت رجله
وعينيه إذا بَصِّت لحاجة بعيدة عنها
والعشم في الحاجة لو هيعدِّي حَدُّه
مش من الناس اللي تمشي طرق صحيحة
أو تدوس خطوات مريحة
عمري ما مشيت في الطريق وعرفت اخره
بجري دايما للنهاية والنهاية بتجري مِنِّي
والطريق مشكوك في أصله
نفسي اشوف خط النهاية
حتى لو كان من بعيد..
حتى لو غيري اللي وصَلُه!!
بسعى طول الوقت.. ماعرفش الوصول 
ولا بعرف انول
والدنيا بيني وبينها شئ غير القبول!
عمري ما اختارت الحاجات..
غير واختارتني حاجات بدالها
دايما اللي مابين قوسين..
مش شبهي..
ولا زي امَّا احب
وباشِب مش طايل حاجات كان نفسي فيها
وبطول خساير من مكاني بدون ما اشب
شاطر في بذل الجهد صح..
في السكة الغلط
في السكة اللي مافيهاش أي حظ
والدنيا فيها حاجات أهم من الشطارة
حريف في خلق الفرصة وتضيع من إيديا
مش بكسب ف شئ
حريف ولكن..
في الخسارة

١٠ سبتمبر ٢٠٢٢

هلعب مع الخسران يا رزق - محمد عصام

النقاء الي جوا قلبك ممكن يغلبك ويكون سبب في نزولك للقاع أو ارتقاء لمكان ابعد بكثير من مخيلاتك و علشان النقاء ده ميكونش سبب انك تبقى كلاون للبيع حضر قهوتك و تعالى
.
.
Social Media
𝗧𝘄𝗶𝘁𝘁𝗲𝗿: https://x.com/egy_podcast?t=fhob7CyWO968kvTkMNePmw&s=09
𝗙𝗮𝗰𝗲𝗯𝗼𝗼𝗸: www.facebook.com/MoazBkry?mibextid=ZbWKwL
𝗜𝗻𝘀𝘁𝗮𝗴𝗿𝗮𝗺 : https://instagram.com/egy_podcast?igshid=OGQ5ZDc2ODk2ZA==
𝗔𝗦𝗞 𝗙𝗠: app.ask.fm/omniayahia61999

written by: Abdelhakim Nasef

كلاون للبيع بودكاست اجلدني شكرا أجزخانة نفسية الحلقة (5)

زجزاج _من اليوم تسامحنا

مزيـج | حمزة نمرة الجديد ♥

Ghofrank Ft El Nakshbndi By Abdelrahman Atef

يارب إن عظمت ذنوبي كثرة فلقد علمت بأن عفــوك أعــظـــم

إن كان لا يرجوك إلا محسن  فمن الذي يدعـو ويــرجـو الاثم

أدعوك ربي كما أمرت تضرعا  فالئن مددت يـدي فـمــن ذا يـرحـــم

مالي إليك وسيلة إلا الرجــا  وجميل عفوك ثم أني مســـلـــم

Ghofrank Ft El Nakshbndi & و النقشبندي  غفرانك اشرف ماجد مع مي عبد العزيز

أشعار : محمد عبدالله حموده
Fb: www.facebook.com/mhmdabdalla774
موسيقي ومكساج : أسامه أشرف الدروانى
Fb :www.facebook.com/OsamaVO
PhotoTaken by : Seif Al-Diin
Edit & Design by : Mohamed H. Derbala

آخر حكاية للنبي دانيال _ محمد عبدالله حمودة

شعر : محمد عبدالله حموده 
FB : https://www.facebook.com/mhmdabdalla774
موسيقى وميكساح : أسامة أشرف الدرواني 
FB : https://www.facebook.com/OsamaVO

الكلمات 

#ضيّعت_عُمرك_فُرجة_ع_الأفلام

بدّلت عُمرك بالصحاب، خذلوك ..
فَعَملتهم مزيكا فى الأزمات ..
منهم تراك يشبه لصوت الست ..
بتشغله لوحدك فى نُص الليل ..
يتلمّ كُل اللى إتنسوا حواليك ..
من وإنت عندك لسه ست سنين ..
ولحد آخر شخص مات مقتول ..
ما شَفَعش صمت معاه، فماعاتبتوش ..
كل اللى راحوا إتجمّعوا فى كورال ..
بيرددوا صوت الغياب والخوف ..

" كل اللي غابوا ما اتنسوش بحروف "
" كل اللي غابوا ما اتنسوش بحروف "
" كل اللي غابوا ما اتنسوش بحروف "

كل اللي ليهم ذكريات عندك ..
م المُستحيل حيفارقوا بالمعروف ..
يخلَص تراك الست، يبدأ تراك فيروز ..
يمشوا الصحاب فى الحال ..
يظهر شبحها هناك من آخر الأوضة ..
تطفي الدموع جوّاك، تتبخّر الصورة ..
كات جاية مكسورة، وإنت اللي كُلّه كسور ..
قلبك عمل لك سور، من وقت ما بعدتوا ..
يا للأسف يارفيق، ما بقاش خلاص عازل ..
الذكريات بالذات .. فى الليل بتتنازل ..
ساحة حروب بتدور وإنت الصراع جواك ..
وكأنه فيلم Troy ..
شغلته كالعاده .. وقفلته متضايق .. لمّا البطل بيموت ..
وإنت اللى فيلمك طال .. والليله دي حتموت ..
مرّه .. عشان واحشاك ..
مرّه عشان ناسياك، ومازلت مستني ..
مرّه عشان تفاصيل .. قادرة تسد النيل .. والبُعد كتّرها ..
وفي مرتين ويّاك من ليلة إمبارح ..
سايق عليك الليل .. عيّط عشان تنسى ..
عيّط عشان تقسى .. عيّط إذا حنيت ..
مّذنب .. حقولك إيه ؟
عيل غرامه غشيم ..
بتحب واحده ما تتنسيش في يومين ..
عدّت سنة على نفس هذا الحال ..
بنت ف براءة طفل ليلة العيد ..
م المُستحيل يمحيها حُب جديد ..
وإنت الللي عايش بعدها تجريب ..
نفس السيناريو ف كل ليل تكرار ..
وشيطان ملاكها مايطردوش الزار ..
كان كل مره بيبقى ليك تختار ..
تنساها وتكمّل حياتك نوم ..
بس إنت حُب السيما عندك داء ..
فبتجري تفتح فيلم عربي قديم ..
ضيّعت عُمرك فُرجة ع الأفلام ..
ضيّعت روحك ع اللي راح وماجاش ..
ودَفَنت قلبك فى التراب من عام ..
فإزاي حينبُض وإنت فى الإنعاش ؟
وإن يسألوك لو مرّه ع الأحوال ..
بترد فُل وعال وكلّه تمام ..
رغم إحتياجك لــ اللي مش ويّاك ..
عِزّة كرامتك لسّه باقية معاك ..
أجدع ما فيك إنك بتبكي وحيد ..
وبتحكي حُزنك بس للأفلام ..
#محمدعبدالله

ضيعت عمرك فرجة ع الأفلام _ محمد عبدالله حموده

لو شوفتني بعد الفراق ساكت 
لو شوفتني باهت ..
ما تقولش مات لكن .. قول كان بيتأمل .. 
قلبي اللي نمِّل نبضُه مات م الشوق  .. 
لو بطة كانت من نصيب مرزوق ..
زي السيناريو ما كُنا فاكرينه . .
بس المؤلف عنده رأي بديل ..
أدوار كتير إتبدِّلت غَفلة ..
نفس الطريقة في لعبة الدنيا ..
اللي إنت عايزه تملّي بيجلّي .. 
وقَدرنا نخطف فرصة التانيين .. 
معرفش برضه الغلطة فين يعني ..
هل في السيناريو إتغيّرت أحداث ؟
ولا الحياة اللي بتحدف المعاناة ؟
كان يرضي مين إن إحنا نتفارق كده ؟
بقى دي النهاية اللي انتظارنا عشانها طال ؟
كان يجرى إيه لو كُنتِ مش بالعِند ده ؟ 
مش كان زماننا في حضن بعض وبالحلال !
لسه ف جيوبي حكاوي عن كل اللي فات .. 
يُؤتَى الرحيل من بين وريد الأغنيات .. 
لسه الملامح ثابتة مش متغيرين .. 
عشِّمت نفسي بكل حلم اتمنيناه .. 
وصحيت في نص الحلم راسي على السرير  ..
الليل ضرير .. بتمشّى فيه بمهدئات   ..
جايز يغيب طيفك وأنام .. 
وبسلّي وقتي وأكلّم النجم البعيد .. 
مش كان باقي لنا حكاوي لسه ما قولناهاش ؟ 
مش كنت واعدك تِبقي سكة بدون رحيل ؟ 
أين السبيل؟
والله لسه بشوف خُطاكي في سِكتي .. 
قنديل مناغش ضحكتي .. 
لكن وصولي في كل ليل بيكون مفيش .. 
هذا الرحيل المحترف، ما عملش خير ..
عوّد عينيا على البكا وعلى السكات .. 
حرّم لساني من الغنا والأمنيات .. 
قطّع لي آخر تذكرة بدمه السخيف .. 
حُبِك مُخيف .. 
والفرقة أصعب من كابوس ما بينتهيش .. 
بصحى وبنام نفس الكابوس .. 
محبوس في قلب جزيرة عرقان برتعش .. 
وبصُب خوفي ولعنتي على كل شيء .. 
على كل شخص اتمنى حاجة وإدِّيناه .. 
نفس الكابوس، بقى زي ضلي في كل يوم .. 
بالله عليكي في شرع مين ؟
نمشي ف رحيلنا تلات سنين ..
من غير ما نعمل للزمن نص إعتبار .. 
البُعد النار 
وأنا بين نارين من وقتها .. 
لا رجوعنا ينفع من جديد .. 
ولا بُعدي عنك كان مُفيد .. 
شايفة النصيب ؟
محبوس في قلب جزيرة ضلمة بدون أحد .. 
الله أحد ..
فردٌ صمد .. 
وأنا مش إله علشان أواجه وحدتي بسكوت طويل .. 
أنا لا أحد ..
شاعر إذا قلبك أتاني يكون وَتَد ..  
بغياب عينيكي غريق مالوش في العوم
كان يجرى إيه لو كان يدوم ؟
إحساسي بيكي في كل يوم .. 
كان يجرى إيه لو وردة حبت يوم بليغ 
والست تُجبر قلب رامي بنُص ريق 
الدنيا عملت مننا نكتة بصحيح 
 من بين شباب الدنيا شاعر حبيتيه 
سطّر حكايتك في القصيدة للزمن 
وإنتي البعيدة العنِد بيشدِّك بعيد 
تقري القصيدة بكل طاقتك م العبث 
وماتعرفيش إني أما بكتب عننا 
مش ببقى بكتب .. لأ بموت ..
لو لسه بيجيبك شغف - أخباري إيه ؟- 
"أنا لسه بحزن دون سبب"
وبنام عشان هلكان تعب 
وبموت -إذا جاز المجاز - لكن بطيء

عوِّدني قلبي على الرحيل _ محمد عبدالله حمودة

Egyptian poet and novelist 🇪🇬
Song writer 🎵

صدر لي أربع دواوين شِعر بالعامية المصرية:
 ( النبي دانيال، كتاتونيا، مزيكا، حرب الفَرَاش ) 
ورواية "ودارت الأيام".


آخر حكاية للنبي دانيال _ محمد عبدالله حمودة

محمد عبدالله حمودة

Recent comments

Mahmmoud Nady

Ahmed El Tanany

Salma

mohamed

Related tracks