Flatter em Buch

( Mer singen dat ahle Leed zosamme)

Mer singen dat ahle Leed zosamme
Un laache dem Levve fresch en et Jeseech
Trekke lang Nase un schnigge Grimasse
Roofen Hosianna un nix es mih schlääch

Irjendwo do zwische Gestern un Hück
spellten Millione Hormone verrück
Wie mich trof dinge Blick
Su janz us dem Nix
Ich wor jrad noch dobei mich drop enzoschwöre
Em Levve dät mir dat nit noch ens passiere
Flatter em Buch
Wat de Minsch su nit bruch

Mer singen dat ahle Leed zosamme
Jrad wie ich daach
Dat minge Stään richtig singk
fung ich zoröck zo mingem Vorstadtinstingk
hann ming kaat opjelaat
Die Dür zo dir  opjemaht

Irjendwo do zweschen Venus un Sonn
Kom ich en et schwärme un sage Loss jon
Wie dat immer esu kütt
Wenn et Jlöck met mir es

Mer singen dat ahle Leed zosamme


Sujar der ahle Mondsching strahlt jrad öm de Wett
Weil hä sich wie ich och an dich verlore hätt.



De Familich - Flatter em Buch

Ihrefeld
 
es die mädche affjehaue
kum zo uns dat deit dir jot
loss de kopp jetz nor nit hänge
kum zo uns et deit dir jot
jo wehs et flöck vejesse
kum zo uns et deit dir jot
un dann dun mer schön jett esse
he bei uns deit et dir jot
un mer jon dann eine schlappe
he bei uns et deit dir jot
und dann dunn mer schön jett hetze
he bei uns et deit dir jot
dann will et hätz och widder fleje
he bei uns et deit dir jot
un dann jon mer eine böschte
he bei uns et deit dir jot
denn et jitt vill lecker mädche
he bei uns et deit dir jot
un dann dunn mer eine trekke
he bei uns et deit dir jot
bes mer alles hann verjesse
un et levve widder zählt
bes et levve widder zällt
he bei un en ihrefeld


Ihrefeld - De Familich

Jold op de Stroß

Mama, ich ben jarnit jlöcklich
Mama, mer jeiht et nit jod
Mer fählt et am Hätz
Un am he un am do
Mama, wat soll ich nur dunn

Jonn op de Stroß, do lit Jold
Jonn op de Stroß, do lit Jold
Et lit do noch Jold
Et lit do noch Jold
Jung, op de Stroß lit Jold

Mama, mer jeiht et esu dreckisch
Mama, mer jeiht et nit jod.
Et es wie verhex
Keiner will met mer Sex
Mama, wat soll ich nur dunn

Jonn op de Stroß lit Jold

Mama, jetz ben ich jlöcklich
Mama, jetz jeiht et mir jod
It wor plötzlich do
Un hat Joldblonde Hoor
Mam, op de Stroß do lit Jold


Jold Op De Stroß  De Familich

Alles fängk immer domet an

weil et iewich op de Zong mer brennt
un sich en einer Tour en mingem Kopp verennt
de  Atem alt noh Füür un Lawa rüsch
weil et explodiert un immer neu ussbrich

Alles fängk domet an
Dat mer nit jod allein sin kann
nit jod allein sin kann
nit jod allein sin kann  ……. Domet fängk et immer an

Un ich hür die Leeder klinge
Die die Engel en mir singe
vun der Liebe mir verzälle
Wo noh sich Minsche jän verzehre
Un övverall die Hätze schlage
Vun dä Lück die sich wage
wie en Trommel Füür
unger heißer Sonn

Alles fängk domet an……

mer hätte all nix mih zo klage
et schlööch uns nix mih op de Mage
fasteleer un lossmersinge
dät et su hück jarnit jevve
kein Weetschafte em Veedel
ov jewöhnlich udder edel
ävver wör et dat
wör et unsre Wunsch

Alles fängk domet an……


Alles Fäng Domet An - De Familich

Wo kein Liebe es  T/M: Wolfgang Anton; Manuskript

Muul zo, Hätz weht kalt
Wor dat letzte wat hä saht
Wie hä log mem Hätzinfarkt
In d‘r Soot om Chlodwigplaatz
Un Tschüss

Muul zo, Hätz weht kalt
E Selfie wood noch jrad gemaht
E Posting för die Facebook Klick
Jefällt mer, jo, dat hann sei all jedrück

Wo kein Liebe es, do will ich och nit sin
Wo kein Liebe es, do will ich och, do will ich och nit hin

Muul zo, Hätz weht kalt
Hätt der kleine Mann jesaht
Wie hä soß em Rollstohl drin
Kaum später stund et alt em Facebook drin

Wo kein Liebe es, do will ich och nit sin
Wo kein Liebe es, do will ich och, do will ich och nit hin
Weil
Un weil em Schädel manscher Lück en Wand enbrooch,
Platt om Verstand
platt om Verstand log, der an Platz nit vill ennohm.
Saht och der Herrjott sich, wat hann ich nur jedonn
Kann dat dann sin, dat ich mih Handwerk nit verstonn
Wenn ich dat verbroche hann

Wo kein Liebe es, do will ich och nit sin
Wo kein Liebe es, do will ich och, do will ich och nit sin


Wo Kein Liebe Is

Loss et rin 

Nemm e Näsje Sonnesching, 
do kann doch jarnix falsch dran sin. 
Loss et rin, loss et zo, loss et sin. 

Loss et rin, loss et zo, 
loss et sin su wie et es. 
Loss et rin, loss et zo, 
wenn do dut bess nötz et nix. 
Loss et rin, loss et zo, loss et sin. 

De Minsch muß och jett jodes han, 
mer levve doch nit iwig lang. 
Loss et rin, loss et zo, loss et sin. 

Loss et rin, loss et zo, 
loss et sin su wie et es. 
Loss et rin, loss et zo, 
wenn do dut bess nötz et nix. 
Loss et rin, loss et zo, loss et sin. 

Un hür op domet, 
nor venünftig zo sin. 
Mer levve all jetzt, 
späder mäht et keine senn. 
Loss et rin, loss et zo, loss et sin.


Loss Et Rin - De Familich

E Hätz wie ne Stään'


Ich wünsch mir e Hätz su jross wie ne Stään 
Do leed ich nit nor allein ming Fründe erinn 
Vun överall her wünscht ich mir Minsche do hin 
Met der Sehnsucht donoh 
Einfach jlöcklich uo sin

Vers 1

Ich wünsch mir e Hätz 
met Verständnis für dat
Wat jeder en singem Levve esu schaff 
Dat die Gier vun mer fott bliev 
Un der Neid mich nit fingk 
Un keine sing Bodenhaftung verliert 
Dat keine em Zorn zoröck blecke muss 
Weil et de Spaß an dr Freud em Levve off koss

Refr….. Ich wünsch mer e Hätz ….

Vers 2

Ich wünsch mer e Hätz wat Kraff hät un schläät 
Op dat et dem Lockrof vum Geld widdersteht 
Dat mer nix en dr Sack häut 
Vun dä Dröm die mer hätt 
Un wigger dat bliev op dem Wäsch der mer jeiht 
Dat jeder dat dunn kann 
Wat he selver sich wünsch 
Un nimmi dat dunn muss 
Wat ne andere bestimmp

Ref  ….. Ich wünsch mer e Hätz ….

Nur es mer
Ich jäv et jän zo
Nit jeden Daach de Stimmung donoh
Manschmol schläät och mi Hätz en nem Takt 
Dat jeder öm mich eröm an dr Kopp sich nur pack

Refr….. Ich wünsch mer e Hätz ….


De Familich

Popular tracks