القمر أحمر هل ممكن فى يوم إنه يخضر ؟!
هل ممكن تقف قدام قطر تعطله ثانية تخلق فجوه فى القدر
هل ممكن إنسان ينسلخ من طبع البشر
هل ممكن فى موجة الطوفان تخلق منها المفر
حاول تمنع الأرض تتبل من المطر
حاول تخلى النعام أكلى لحوم البشر
أستحالة تخرج بره الدايره و التصنيف
مش طبيعى إن الطبيعى بالنسبالك شئ مخيف
مش عادى إن العادى مجرد عاده و تخريف
أنت مجنون أنا مجنون ! أيوه مجنون
عايز الكون يكون خالى من الظنون فعلاً مجنون
إزاى الملعون ميكونش ملعون
أنا مجنون عارف إنى مجنون و هبنى عالم خاص بيا مليان جنون 
هبنى عالم مبيتحكمش بقوانينكم الوضعية السخيفة 
هبنى عالم فكرة الحرية فيه مش ضعيفه 
هبنى عالم الحياه فيه تكون لطيفة
ف ياللى قبلتى منى مادليتى ليه قبلتيها مادام هتقولى مش قيمتى مش ديه غيتى
غيرك كانت هتقدر اللى شوفتيه رخيص و بحبه و أهتمامها هتلمع بس أيه يمنع 
إنى أسترد هدية مقدرتيش قيمتها 
فهمتى ؟! أشك مكنتش رجعت لبيتها 
و أنت ياللى أديتك رباطى هل عاملتك فى يوم على إنك شخص واطى 
أرفع عينك فى عينى متوطهاش أنا بكره اللى بيطاطى 
عشت الدنيا و حضرتها و هى بتدور دورتها
نايم على سريرها صبحت بره بيتها 
فطبيعى إنى أنفذ تهديدى 
خلاص أنا قطعت حبلك وريدى
كانت سيجارة مرها بيخفف طعم المرارة 
كانت سفينتى غرقتها بأسوء إدارة 
عايز أماره عمرك شوفت حد بيحافظ على الحجاره
أدى نهاية الحكاية حد فاكر كانت أيه هى البداية ؟!
Like

عومر