درباره این آهنگ
www.gooshe.net/?p=16051

Russian Kalinka - Mix - (By - Brusilov)

I think that Grenade is a queit good song and  I really like it.

Bruno Mars - Grenade	

رجَعّلها
رجَعّلها, هكّا حسّيت و احساسي ما يخونني
رجَعّلها, و انا فنيت
و تحبّيت و ما خلّيت حدّ يحوزني
 
رجَعّلها و ما قالّيش
و يحسابني ما في علميش
السيّد يحبّ يعيش
وحدة بركة ما تكفّيش
 
رجَعّلها و خلّاني 
في غرامو نعاني
و عندك بيه ينساني 
و يخلّي قلبي وحداني
 
رجَعّلها و ما قالّيش, أما انا ما يخفى عليّ شيّ
انا للّة بنت البيّ
 
خلّاني نتبّع في ادبارو 
و نعسّ على اخبارو
حرت فيه و فيّ حاروا
و ما تلهيت بحدّ, كان هوّ عطيتو كارو
 
!رجَعّلها ولد المي*ون
هكّا عشرتنا تهون؟؟!!
هكّا بعد الحبّ يخون؟!
هكّا يبكّي هالعيون؟
 
بكّاني
بكّاني كي مشالها و خلّاني
بكّاني هالمجنون الشهواني
 
رجَعّلها
رجَعّلها, هذا أكيد
و حبّو ليها رجع يزيد
 
رجَعّلها و صوتو مازال بين وذنيَّ
رجَعّلها و بوستو مازالت على خدّيَّ
رجَعّلها و ريحتو مازالتلاصقة فيَّ
رجَعّلها و داري مازالت بحوايجو معبيّة
رجَعّلها, رجَعّلها و ما خمّم فيَّ
 
رجَعّلها و الليلة بش نحكي معاه في الموضوع
رجَعّلها و الليلة بش نفتحلو قلبي الموجوع
رجَعّلها و الليلة موش بش نعطيه الطوع
رجَعّلها و الليلة بش نرقد, موش بحذاه, دمعتي على خدّي, و راسي مرفوع.
 
 
 
16/05/2014
17:29
 
PS: أحداث هذا الفيلم لا تمتّ للواقع بصلة و هي ليست إلّا من خيال المخرج.
 و شكرا.

رجَعّلها

تتفكّر كي كنت نحبّك
و ما نحملش حدّ يسبّك
و ما نجّمش نجي ضدّك
و ندخل بعضي كي تفدلك
و ما نعرفش وقتاش تحكي بجدّك
 
تتفكّر كي كنت مغرومة بيك
و ما خلّيت ما كتبت عليك
و نموت على كلّ حاجة فيك
و كلّ شيّ في عيني مواتيك
و كنت نستخايل روحي ما نجّمش نعيش بلابيك
 
تتفكّر كي كنت نعشقك ونهواك
و ما تحلالي القعدة كان بحذاك 
و نغزرلك في عينيك ونقلّك محلاك
و نسمع حديثك يبهرني و نقول ما اذكاك
و نهتري بيك و نحكي عليك ونشتهاك
 
تتفكّر يا ولد النّاس
كي ما عبّرت فيّ احساس
و مالدمّار أيّست و والفت الكاس
هاني اليوم نسيتك ولاباس
غيرك حبّيت, وتحبّيت, وهذاكا حدّ الباس :) 

تتفكر كي كنت نحبك


ما فهمتكش
حيرتني و ما نجمتكش
وين غبرت ما عوايدكش
توحّشتك, توحّشت حديثك و ضمارك الي ما يفارقكش
أما اسمع!! يمشيش في بالك نحبّك! لا راني ما نحبّكش
أما ما فهمتكش
 
و انا نحب نفهم كلّ شيّ
و ما نحبّ يخفى عليّ شيّ
و انت مالناس الّي تحكي كلّ شيّ
و ما تحكي حتّى شيّ
و غموضك الواضح يعذّبني عذاب الحيّ
 
انت ما تضوّيش
على أمورك ما تحكيش
المخبّي ما تورّيش
و عمخرك ما تهبّط فريش
 
و هذا الّي علّقني بيك
خلّاني نخمّم فيك
و نكتب عليك
على خاطر كي نتوحّشك ما نجّمش نجيك
 
اما انتِ تجيني
عمرك ما وحدي تخلّيني
ديما تجيني
و في همومي تنسّيني
ترسم الضّحكة على خدّي و تمسع الدّمعة من عيني
منّك عطشانة انا.. و انت مالشّهوة تسقيني
منّك جيعانة انا.. و انت مالحبّ ما تعطيني
و ديما تجيني
 
تجيني و عيني ما تشوفك
و وذني ما تسمع صوتك
و بدني ما يحسّ بوجودك
ديما تجيني
 
تجيني و ما نشمّ ريحتك البنينة
و ما تلمسني يدّك الحنينة
و لا نتهندملك و لا نعملّك زينة
على خاطر
تجيني في الخيال
انت وهم هبال
حقيقتك فال
ما تخطر على بال
 
إيجا.. أمان إيجا و يزّينا ماللّعب
إيجا نحكيو على هموم الشّعب
إيجا اتّكّى في شوني و نحكيو عالبلاد
و علّي عامل معاها الدّوني و هاززها للواد
إيجا العبلي بشعري و احكيلي عالثّورة و النّظام
و نتناقشو في السياسة و نتفرّجو عالأفلام
 
و إيجا
 
إيجا نشطحوا راقدين
و نتمايلو عالفرش زاهيين
و موش كان يدينا متشابكين
و توشوشلي كليمتين
بيهم نجنّح و نطير يسار و يمين
و نحفظ فيك و تحفظ فيّ كلّ شبرين
و نعبّيو البيت فلّ و ياسمين
و احنا ساهرين
من خمرة الغرام  شاربين
و نباتو مصبّحين
 
و تدخل الشّمس مالشّباك
و نغير منها كي تجي بحذاك
و كي ترسم على بدنك نورها و نوّارها
نتّرما عليها و نقطعلها ادبارها
 
و نسكّر الشباك نخاف لا تقوم
و نعشق هواك مواتيك حتّى النّوم
 
و نحسبك وليدي
نبنّن عليك بيدي
و نحسبك محبوبي
نبوس جبينك العروبي
 
و كيف تصحى و تفيق
نعرفك توّ تمشي و ما تحبّ هالرّيق
أما إيجا بركَ شيّ ما يصير
إيجا نفرشلك زربيّة حرير
 
إيجا و ما يهمّكش
إيجا راني ما فهمتكش
 حيرتني و ما نجمتكش
وين غبرت ما عوايدكش
توحّشتك, توحّشت حديثك و ضمارك الي ما يفارقكش
أما اسمع!! يمشيش في بالك نحبّك! لا راني ما نحبّكش
 
 
05:19
28/05/2014

إيجا.. أما راني ما نحبّكش

نتفـكِّر - رؤوف بن عمر

آمان آمان يا الماني

https://www.facebook.com/notes/ichraq-matar/%D8%AF%D8%A8%D9%91%D9%88%D8%B2%D8%A9-%D9%85%D9%83%D8%B4%D8%AA%D9%8A%D9%91%D8%A9/608796359178609


دبوزة مكشتيّة

صباح الخير
صباح المرضى الي تغير
صباح التغيير
صباح الي ما يعشق غير
صباح الفل
صباح الي يهدم الكل
صباح المشروع الي بطل
صباح الي عطى بظهرو للحل
صباح الحب المايوفاش
صباح الحلم الي ما بداش
صباح الأسئلة الي ما تستناش
علاش و كيفاش و لوقتاش و قداش؟
صباح النور الي ما جاش
صباح التنهيدة
و الفرحة البعيدة
و الي مشى عندو مديدة
و الي يشتهى في تفرهيدة
صباح الوجيعة
صباح الليعة ورا ليعة
صباح الفجيعة
و الي ما حب ينسى خديعة
صباح الي ما ينسى
و يذوب في همسة
و ترعشو لمسة
صباح العين البكاية
الي تعشق غزرتها في المراية
صباح أحلى حكاية
الي ما تحبش تشوف نهاية
صباح غرامي بحذايا
عايش فيا و معايا
صباح الدمعة الي ما تشيح
صباح وعود هزها الريح
صباح قلوب قاعدة تذوب و تصيح
صباح النغمة عالشفايف
صباح الي مالهجر خايف
صباح الي غير الظلمة ما شايف
صباح العشق و الهبال
صباح الي كيفو فال
صباح سيد الرجال
و صباح الي ما يجي كان في الخيال..


10:30
19/04/2015

صباح العشق و الهبال..

الوحش..

الوحش و لا الأذية

الوحش عملها فيا

عمالي قلبي و عينيا

ربطلي يديا

و علاش! شفما؟

هكاكا، غمة

علاش شصار؟

شي، ريق صغار

طلعة مالطلعات

تحب تاخذ قد و الا أكثر ملي عطات

في ليلة و نهار

و شي ما صار

شوية هبال

برشا دلال

تلوج على فال

تحلم في الخيال

و الزين؟

زين و عين

و الدين؟

يلعنلو الرب و الوالدين

و السنين؟

تتعدى في رمشة عين

و العينين؟

عمرهم ما كانوا كذابين

بكاية، مساكين

أما اسألني عالقلب

اسألني عالقلب و قلّي شنوّة الذنب؟

شنوة ذنبو كي يغزر لفوق

و تحت القاع يحس روحو مخنوق

شنوة ذنبو كي يحب يعمل جوانح

كي يحب يطير و هذاكا فاش فالح

شنوة ذنبو كي ما يرضاش بالقليل

و فيسع ما يفدّ و دموعو تسيل

شنوة ذنبو كي يرى روحو ياخذ في أقلّ ملي يستحقّ

و مقهور و شادد غصتو و كاتم و ما نطق

اسالني عالقلب الأسير

الّي ما حب يعمل تغيير

الّي مكبّش و ما نجّمش يسلّم

و الّي كان يمشي يمرض و يتألّم

و الّا, لا, ما تسألنيش

و في مواجعي ما تفكّرنيش

خلّيني هكاكا, هاني, تقريبا, نعيش

و نستنى في حلمة ما تجيش..

حلمة ما تجيش

توبة كان نعود نتبعك..
يا حسرتي و تلييعي...
يا ندمتي على صنيعي...
تعلمت سر الكون من تتبيعي...
تتذكري القعدات...
تذكري اللمات...
حصلت كان تضييعي...
و توبة كان نعود نتبعك..
لا يوم و لا ساعة...
قلبي خفت سماعة...
في الماضي كنت صحيح تلقي الطاعة...
و اليوم حبك راح..
و ريح كي الأرياح...
توبة كان نعود نتبعك..
حصلت كان وجايع..
في هواك و الفجايع...
وفر كلامك راو وقتك ضايع..
لا تذكرلي الماضي..
بالرجوع ماني راضي..
مادمت إنت البايع ..
و توبة كان نعود نتبعك..
...

توبة كان نعود - لبنة نعمان  و مهدي شقرون

الآن و هنا..

ليلة واحدة..

يا زهرة في خيالي

قداش -
  صوت: يسر مشفر
نص: أمين ڨلّح

قداش لا عندك لا وعد ولا عندك كلمة 
وقداش منها الساق تعفس حافية عالجمرة 
وقداش مني نستنى فيك تحت حيط خايخ 
بارد سارد اكثر من جواجيك 
وقداش كرهتك ومزال عيني فيك 
وقداش عشقتك وهربت من مسة يديك 
وقداش اشتهيت نكذب عليك 
نسبلك عرق بلوتك لولاني الي سلسلني فيك 
وقداش منو الوقت الي قالو ينسي
والشكوى لسكات الليل وين بش ترصي 
وقداش الدمع نشح 
وقداش منها لغبينة والقلب لابس اكحل مافرح 
وقداش منو عمري وعرفو الي تهد 
وقداش ماحلاها الدنيا ومكش فيها 
تب اي نكذب ماو قالو الكذب ينجي والدنيا تربي الي نساها
قداش طويلة الدقيقة
وقداش باردة لمخدة 
وقداش من تصويرة في اللحظة تعمل بلعاني لا تتفسخ لا تتعدى 
ضيعت حسابي 
ونسيت ناسي وحبابي 
وغزرت بعين الشماتة لشبابي
ونسيت قداش عبيت من غزرتك عيون وجوابي 
ونسيت قداش كتبتلك "نحبك" بسكاتي الي تدفن في ترابي
قداش مانترباش ومانشعفش 
وقداش سكاتك مايرحمش
قداش من علاش 
وقداش منها عشقة ماتموتش وماتوفاش 
وقداش ماتكلش وماتعياش
وقداش ماعنديش كلمة ومانترباش

قداش - بقلم أمين ڨلّح- صوت يسر مشفر

نص مشترك : أمين ڨلّح - سيف الزين
------------------------------------------------
دموعكْ مطرْ
راحة قبرْ
سطر مواجع 
يفسّخْ سطرْ 
إبكي سنين لعمرْ 
و سبْ دنيا 
فحمها يوسخ في الدُرّْ
إبكي ناس علّيتها
بصحبتك ودّيتها 
سقاوك "الشيح المرْ "
أما قبل ما تبكي بكّيهمْ 
انزل على جراحهمْ
و إذا لزم 
طيّحْ لقدرْ 
و يزي مالطيبة 
القلب إذا كثّر مالسّماحْ 
يفسّدْ الهيبة
 ________________
ابكي 
والغصة في الشفرْ 
لوجيعة شطرْ 
غلبة عمرْ
شاح وتقهرْ 
تغبن 
كلاه السفرْ 
الجاش برد 
قتلو الشرْ 
والشر يملى العين 
والذل صنعة بوسان ليدين 
الغدرة ولات دين 
آمين ومش أجمعين 
من وين 
مزالت دمعة تحير كنين 
إختار يموت حرْ 
ولا بين عينيهم يِتِنْحَرْ 
وتزيد تجهم عليه حجرة في قبرْ 

ابكي 
بالشهقة 
بالحرڨة
جهار 
ومش بالدرڨة 

ابكي 
وإثبت عالبكية إلي نبتت أول شيبة 
وعلى أول غصة تسمات عالطيبة 

ابكي
البكية صعيبة 
 ومش غريبة 
وكل يعرف قلب طبيبه
----------------------------------------------------
[Amine.G] & Saeif Ezzine

إبكي

آش بش نزيد نحكيلك ونكتبلك 
نكتبلك كيف ما يكتب المكتوب
ونسبح بصرتك وزنودك 
ونصلي على جفونك 
 وشفرك القبلة ووجهك رب الربوب

نكتبلك بعرقي 
ببلومتي وبياض ورقي 
 عالمخبي والمكنون

على جاشي إلي عليك كلب 
 وقلبي لمضبع عليك كي المجنون
تكتفني بساقيك 
وتلصقني فيك 
 وتتعرى عليا وتغطسني فيك
ونرشق سري في مكنونك 
 نسيك اسمك وتكره وجعك ومحونك

نكتبلك
ونكتب عليك 
 وعلينا وعلي صاير
على ليالينا المغبرة شيخة 
 وبلاوينا مرمية عالحصاير 

على صياحك وصوتك الطاير 
 وأنت وأنا نتعاندو شكون يطلع الشيخة لراس لاخر قبل 
 زعمة نكون حبيبك ونتفطم على حليبك ؟

ولا ترميني جهامة والروح روحين 
 واحنا على بعضنا مفطومين
عيني مرشوقة فيك 
وإنت تبلع وتغص 
 وقد ماتهرب مني نرجعك في حجري تترص
: ما عادش تغزرلي بلي خلقت وسواك
  
 نتمهمش كي نراك ونحير منين بش نبداك
من صرتك إلي صورت فيها بطاحي تمرمدت فيها
ولا من رقبتك إلي تفطمت عليها 
وسكرت بيها 
 وتنفست ريحتها وعشقت سماها

وفي غصة لحلاوة والسيبة
نتغطى بيك وانت للقلب طبيبا

نتوضاو بعرقنا 
على كفوف الظلام 
 إلي من رواحنا سرقنا
ونرميك على صدري ونكتفك بقدري
وما نقدرش عليك 
 ونرقدك عندي وما نسلمش فيك

وتركبلي بين نومين 
 نرشملك إسمي على زنودك بلساني

وتشدني تكتفني 
تبوسني 
تندبلي بدني 
وتهواني 
وتنفخ تنهيدة 
 وفيها تستناني

ومش بلعاني ... نسكت
ونبعثلك مكتوبي مع سلامي
بإسمك نسبح ونبدى كلامي
ونستغفر هجرك والعشق ملامي
منين نولي وآش بش نخلي ؟
ننقض فرضي ليك 
 ونفرشك عليا ونكمل نصلي ؟

حي على سماك
على طراطش صوابعك 
كي تتخبى مني تتزعبن 
 وأنا نعفس في الوقت ونستناك
تتمشى وتتسرسبلي من تالي
وتطل عليا ونشم عليك ريحة لمالي
نرى فيك منامي الضاوي وهبالي العالي

: لا لا ماتفاهمناش هكا  
 تجيني شعرك أكحل سواد يتسبسب على زنودك 
وآش يقولوا عليا لعباد ؟
وأنا ملهوف عليك تقول مزطول
ومفطوم على مسة من يدياتك على صدري ترجع فيا الروح بعد ما هجرك رماني وخلاني ممكون معلول

جعت منك ومعاك
ايجا ندخلو للكوجينة نحرودو حويجة تقنعني بملڨاك
نركبك على اكتافي ونرجعو غشاشر نلعبو دڨازة
وتعملهم عليا وتعضني من وذني وتقرصني بعزازة

نتحلفك ونماريك
وعلى وجق الكوجينة نرميك
ونعشق ضحكتك الي تحزر على سنيك

وأنت يا بهناسة
شاهية نحملك بالسياسة

ويضربني الجوع ولعطش
وتتبسم وتفهمني عالرمش

ونخطف منك شفة عفيفة خفيفة نظيفة لعطشي نطفيه
نبعدلك خصلات شعرك على وجهك وننفخلك عليه

تغنيلي وترشق ضوافرك في شعري 
وتغزرلي مرة ومرة تسكتني بش تحكيلي
وترميلي يديا في شونك : أنا الشيطان إلي نصونك
وتتفكر بلوتي بحبك
وتستغفر ربي وربك
ونقيمو صلاتنا حاضرة في جواجيك
يلعنو هبال بلا بيك 
 ولا بنة وهي تلوج عليك

نهزك وننفضك
تشيحني ونشيحك
تڨدمني ونطيحك
تعبني ونريحك
تغنيلي وتحكيلي
وتضربني ومن روحك لروحي تشكيلي

ونعمرو الراس
وتصبلي كاس 
 : ليا وليها وليه ولجميع الجلاس 
أنا وإنت والشيخة
والشهقة كي تعزق صيحة تتنهد بلا ترتيحة

وتتكب الدبوزة علينا
على زنودنا المطبوع فيهم حيط التركينة

وتشتهاني كمية في كلامك وثملة لمنامك
نخطفك ونهرب بيك لثنايا غرامي وغرامك

تي خليني نشطح معاك ونمشي عليك
على ميزان دقات قلبك وعلى دبكة خطاويك

تغزرلي بالڨدى 
غزرة تتحكى 
 وتطشني بالماء

أما الماء يا لِلاَّ ما يطفيش لهليبتك في بدني
ريحتك على صدري إلي مازالت تسكر وتغني

شبيني مازالت لا شبعت منك ولا مليت ؟
ومزلت نتفكر بوسات الخال في تراكنك بالكعبة وباقي مانسيت

نشد جرتك ولا يزي ؟
تي لا نجمت نسكت جنوني وهبالي بيك
ولا من لهفتي عليك الشيخة تززي
.... تي يزي 
ايجا لبني واعبث بيا بلا صوت وبلا حس
ايجا ضيعني وقص عليا النفس
واسهر معايا وأقعد على فعايلي فيك نسنس وزيد عس

وقبل ما تاخذك عينك وعيني فيك 
 ايجا في حجري نحلو لبعضنا كتاب يحكيلنا علي جرالنا وإلي في عروقنا سرالنا

نحبك يلعن رب بلوتي بيك
حتى وأنا بعيد عليك : نمس فيك 
وعقاب الليل نسمع في حثلة خطاويك تهنيني عليك

[Amine.G]

نكتبلك عليك

Where to start . . . ?! This second Burning Man experience was indescribable. 
Filled with serendipitous moments, my week was as magical as it could have been.

Robot Heart was the last of the seven shows I played and certainly one I was looking forward to the most. Why? Because I was given the opportunity to play an extended set. Pretty damn special isn't it?!

It's 7.30AM, Saturday after man burn, I wake up all dusty in my yurt after playing through a mad storm at White Ocean from 3 to 5AM hoping for the weather to have settled a little. I walk outside and guess what . . . 
it is a complete white out!!! 

Putting all the good will I have out there, I decide to jump on my bicycle and ride out to the deep playa to find the bus. The wind is very strong and the visibility so low that I literally get thrown off it. I desperately start walking, like a blind man, following whatever sound I can hear. Slowly losing hope, I eventually run into a bunch of white walkers on the same mission. I realise time is running low as I have lost all sense of direction. My skepticism increases, yet my ears magically take me to the Heart just before the start of my agreed set time - 8.30AM. Monolink is performing live in front of a bunch of troopers. I get informed that performances have slightly been delayed due to weather conditions. The sky gets darker by the minute. The crew warns me that rain had been forecasted and that music would have to be turned off for safety reasons in case of another storm. I then realise that my set could just get canceled. Sad face. I pray the weather gods for mercy.
As I get on, the sky magically clears. No more wind, barely any clouds, no more dust. My nightmare turns into a dream and my journey on the decks begins.

I hope you’ll appreciate and enjoy the spontaneity of this set.

Love, and Love only.

https://soundcloud.com/yokoo

Art Project:
Ursa Major
Reaching to grab what is within her grasp is Ursa Major, a 14 foot tall, grizzly bear sow. She may simply be reaching for berries but perceivably she is reaching higher: to the northern sky and the constellation that is her name, Ursa Major. In navigation, the constellation is useful in pointing the way to the North Star.  Ursa Major’s pose is inspiring, she brings the gaze and hopes of the participant skyward. She also demonstrates respect for the bears and nature, her pose is not like a taxidermy bear. She is in her natural state and unthreatening.  With a durable, unique material that was used on their previous Burning Man project (Penny the Goose), Ursa Major’s fur will be made of US and Canadian pennies. The pattern and feel will be like fur.

Mr and Mrs Ferguson Art
www.facebook.com/Mr-and-Mrs-Ferguson-Art-434710516694820/
www.lisa-and-camera.com

Photo by : Jim Parisi

Robot Heart - Burning Man 2016 - Sunday Morning - Black Rock City

YokoO - Robot Heart - Burning Man 2016

نعتذر على البحّة في صوتي و على رداءة التّسجيل، كان تحبّو، النّصّ موجود هوني: 
https://www.facebook.com/notes/shams-radhouani-abdi/%D9%86%D8%AD%D8%A8%D9%91%D9%83/10151224064041359

صفحة كلام شارع: 
https://www.facebook.com/KlemChere3?fref=ts

me

مريم الأخرش