The failure of capitalism
முதலாளித்துவத்தின் தோல்வி	

Nick Beams
3 May 2013

கடந்த வாரம் ஐரோப்பியப் பொருளாதாரம் குறித்து வெளியிடப்பட்ட புள்ளி விவரங்கள் ஒரு தீவிர பொருளாதார, சமூக நெருக்கடியின் வெளிப்பாடு மட்டுமல்ல. அவை முதலாளித்துவப் பொருளாதார ஒழுங்கமைப்பின் திவால்தன்மையை சுட்டிக்காட்டும் ஒரு ஆழ்ந்த வரலாற்று அர்த்தத்தை கொண்டுள்ளன.

அதன் சமீபத்திய பொருளாதார முன்கணிப்பில் சர்வதேச நாணய நிதியம் (IMF) யூரோப்பகுதி முழுவதுமே இந்த ஆண்டு 0.3%சுருக்கம் அடையும் எனவும் இத்தாலியுடனும் ஸ்பெயினுடனும் பிரான்சும் இணைந்து மூன்று பெரிய பொருளாதாரங்களும் மந்தநிலையை அடையும் என்று கூறுகிறது. இந்த சுருக்கமே முக்கியத்துவமானது, ஆனால் நிதிய நெருக்கடி ஆரம்பித்து கிட்டத்தட்ட ஐந்து ஆண்டுகளுக்கு பின்னரும் இது நிகழ்வதென்பது அதை உருவாக்கியதற்கு அடித்தளத்திலுள்ள நிகழ்ச்சிப்போக்கினை சுட்டிக் காட்டுகிறது. ஐரோப்பிய பொருளாதாரம் ஆழ்ந்த கீழ்நோக்கு சரிவில் அகப்பட்டுக் கொண்டுள்ளது.

ஸ்பெயின் இப்பொழுது மந்தநிலை தர வேலையின்மை விகிதமாக 27 வீதத்தை அடைந்துள்ளது. இளைஞர் வேலையின்மை 56% என உள்ளது. 6 மில்லியனுக்கும் மேலாக ஸ்பெயினின் தொழிலாளர்கள் வேலையின்மையில் உள்ளனர். பிரான்சில் முந்தைய மாதம் வேலையில் இல்லாதவர்கள் வேலைதேடும் மொத்த எண்ணிக்கை மிக அதிக பட்சமான 3.2 மில்லியன் என உயர்ந்துவிட்டது. ஐரோப்பிய ஒன்றியம் முழுவதும் 26 மில்லியன் மக்கள், கிட்டத்தட்ட தொழிலாளர் பிரிவினரில் 12% ஆனோர் வேலையின்றி உள்ளனர்.

பிரித்தானியாவில் கடந்த காலாண்டில் பொருளாதார வளர்ச்சி 0.3%தான் இருந்தது. இது உத்தியோகபூர்வ வட்டங்களில் ஒரு நிம்மதிப் பெருமூச்சைக் கொடுத்தது, ஏனெனில் பிரித்தானியா “ஒரு மூன்று முறை மந்தநிலையில்” இருந்து தப்பிவிட்டது என்றாலும், பிரித்தானியப் பொருளாதாரம் நெருக்கடி ஆரம்பித்தபோது இருந்த நிலையை விட இன்னும் 2.6 சதவிகிதம் குறைவாகத்தான் உள்ளது என்னும் உண்மை தொடர்கிறது.

பிரித்தானியா அதன் ஆழ்ந்த, மிக நீடித்த மொத்த உள்நாட்டு உற்பத்திச் சரிவை ஒரு நூற்றாண்டுக்காலத்தில் அனுபவித்துள்ளது. ஒப்புமையில், பெருமந்த நிலைக்குப் பின் இதே அரங்கில், நெருக்கடி ஏற்பட்டு 51 மாதங்களுக்குப்பின் பொருளாதாரம் 1970களின் சரிவு மற்றும் 1990களின் மந்த நிலை இருந்த போதிலும் கூட மீட்சியடையத்தொடங்கியது.
மேலும் குறிப்பிட வேண்டியது, ஐரோப்பியப் பொருளாதார எதிர்காலம் மோசமாகித்தான் வருகிறது என்பதாகும். கடந்த வாரம் நிகழ்த்திய உரை ஒன்றில் சர்வதேச நாணய நிதியத்தின் துணை நிர்வாக இயக்குனர் டேவிட் லிப்டன் ஐரோப்பா “ஒரு தேக்க நிலை” இடரை முகங்கொடுக்கிறது என்று எச்சரித்தார். “முதலீடுகள் குறைந்துவருகிறது, வேலையின்மை தொடர்ந்து அதிகரிக்கிறது, நிதியச் சந்தைகள் இன்னும் சிதைந்துதான் உள்ளன.”என்றார்.
ஆனால் ஐரோப்பிய நிலைமை உலக முதலாளித்துவம் முழுவதும் உள்ள நிலையின் கூர்மையான வெளிப்பாடுதான். 



Copyright  1998-2013
World Socialist Web Site - All rights reserved

முதலாளித்துவத்தின் தோல்வி

இந்திய ஆளும் வர்க்கமும் ஏகாதிபத்திய சக்திகளும் ஒரு இந்து மேலாதிக்க அரசை கட்டமைக்கும் மோடியை அரவணைக்கின்றனர்
Keith Jones
26 January 2024
https://www.wsws.org/ta/articles/2024/01/26/qphj-j26.html

இந்திய ஆளும் வர்க்கமும் ஏகாதிபத்திய சக்திகளும் ஒரு இந்து மேலாதிக்க அரசை கட்டமைக்கும்

இது எனது தனிப்பட்ட பங்களிப்பாகும். இதற்கு எந்தவகையிலும் wsws.org  பொறுப்பேற்காது

wsws.org/ta வில் வெளிவரும் கட்டுரைகள்