Lyrics :-

هالبسط جداً مؤقت
 يوم بتضحك ويوم بتبكي كلو متصور حسب المشهد
وهاد الصوت ماعم يقدر يهداء
متل جرس لبيت مهجور وماعم يقدر يخرس 
وقف شوي ..شايف هالمشهد كتير تكرر!! 
عايش بشريط كاسيت بغرفة شخص من زمان تغرب
وبداخل هالشنطة كتير علب طبعاً C4
 لحتى فجر ودمر هاد الأرق
بحب عرفك صديقي الضجر  :) 
صدقتني لما  قلتله العلم موجود قبل ماينقش ع هاد الحجر
ف نصحتني أني البس غامق 
لو هالموسيقى بتملك وجه، كانو اربعيني زادو واحد
بشوفها مختلفة ، فا بحلف براسا
بتحب تغادر هاد الكوكب تركب معي بتكره ناسا 
نص الكاسة المليان طلعت أمل مغشوش 
بتقلي مافيني شي بس بيكذبوها هالرموش 
،، 
هالمسافات أنخلقت الها، تعي بهالرحلة
لو صوتك ماسمعتو بكرى مارح تندق بداني طبلة
نصبت الفعل بالأمر وتعلقت ع هاد الغصن
قررت موت غريق بالحزن فحطيت راسي جوا الجرن
سئلوني وينك قاطع راب قلتلن هاليومين مبسوط 
سئلوني وينك قاطع راب قلتلن مو فاضي مشغول 
بدنا نرتاح يلعن يومن قررت الرحيل
مارح اشبع من السفر لو اكلت رجليي الألف ميل 
ناصب خيمة بنص السطر حارسني العتم
الليل تعبى شمس لاني بليلها عم فجر نجم 
ومنرجع لأول سطر 

 هالبسط جداً مؤقت
 يوم بضحك ويوم ببكي كلو متصور حسب المشهد
وصوتي ماعم يقدر يهدا 
متل جرس لبيت مهجور وماعم أقدر أخرس. 





Comments

احمد ابومحمد

ANOOD🤍

Adham

OBAYDAH

Abood Alshame

Abdulfattah