Ar Lan y Môr

Yr Haf

Gwae ni, hil eiddil Addaf, 
Fordwy rhad, fyrred yr haf. 
Rho Duw, gwir mae dihiraf,
Rhag ei ddarfod, dyfod haf,
A llednais wybr ehwybraf,
A llawen haul a'i lliw'n haf,
Ac awyr erwyr araf,
A'r byd yn hyfryd yn haf.
Cnwd da iawn, cnawd dianaf,
O'r ddaear hen a ddaw'r haf.
I dyfu, glasu glwysaf,
Dail ar goed y rhoed yr haf,
A gweled, modd y chwarddaf,
Gwallt ar ben hoywfedwen haf.
Paradwys, iddo prydaf,
Pwy ni chwardd pan fo hardd haf?
Glud anianol y molaf;
Glwysfodd - wi o'r rhodd! - yw'r haf.

Deune geirw, dyn a garaf
Dan frig, a'i rhyfig yw'r haf.
Cog yn serchog, os archaf,
A gân ddiwedd huan haf.
Bangaw lais eos dlosaf,
Pwyntus hy mewn pentis haf,
Ceiliog, o frwydr y ciliaf,
Y fronfraith hoyw fabiaith haf,
Dyn Ofydd, hirddydd harddaf,
A draidd, gair hyfaidd, yr haf.
Eiddig, cyswynfab Addaf,
Ni ddawr hwn oni ddaw'r haf.
Rhoed i'i gyfoed o'r gaeaf 
A rhan serchogion yw'r haf.
Minnau dan fedw ni mynnaf
Mewn tai llwyn ond mentyll haf,
Gwisgo gwe lân amdanaf,
Pybyr gwnsallt harddwallt haf.
Eiddew ddail a ddadeilaf,
Annwyd ni bydd hirddydd haf.
Lledneisferch, os anerchaf.
Llon arail, hon ar ael haf.

Gwawd ni lwydd, arwydd oeraf,
Gwahardd ar hoywfardd yr haf.
Gwynt ni ad, gwasgad gwisgaf,
Gwydd ym mhwynt, gwae ddoe am haf.
Hiraeth, nid ymddiheauraf,
Dan fy mron am hinon haf.
O daw hydref, ef aeaf,
Eiry a rhew i yrru'r haf,
Gwae finnau, Grist, gofynnaf,
Os gyr mor rhyfy, 'Mae'r haf?'

Harmony J

Popular tracks