ايها المواطنون مجلس الانس الكريم

في بداية الاحتفال اشكر الاخ ابراهيم
النهارده جبتكم للمناقشة في الحوار
تسمعوني و اقلكم هكذا يبقى الحوار
بس قبل الاحتدام خلو بالكو صحصحوا
حد اثناء الكلام يتنقل من مطرحه
كل عام و انتم بخير
النهارده في بلدنا أي واحدعنده حق يبدي رأيه في أي حاجه الا في السياسة .. لأ
احنا آه ديمقراطيه بس في حدود الحدود
تيجي شلة ماركسيه او مُزايد او حقود
كل عام و انتم بخير
فيه كلام عن مشكلات هم مالهم بالبلد حد جاع او حد مات كل مولود انولد
فيه تفاوت في المعايش ايوه بس الحقد عيب
والمثل بيقول يا غايش كل هدمه وليها جيب
كل عام وانتم بخير
اما شغل التنظيمات و اللي دايرين يلطموا يبعتولي وفد منهم ما اقتنعش ح افرمه
واحنا برضك عيلة وحدة والرغيف ح نقسمه يجي واحد مش فاهمني يعني ايه ح نقسمه
كل عام و انتم بخير
فامشوا احسن من سكات ع الحوار المستقيم
احنا برضك فلاحين نعرف العيب من قديم
و احنا مجتمع سلام والسلام يعني السرور
والتسامح و الزهور
و المحبة و العطور
و المباني و الاغاني
و الاماني بالبخور
و المباهج في القصور و القناعه في الكفور
و احترام الاغنياء زي شارات المرور
و الكبير يفضل كبير مهما يغلط او يغور
و الصغير مش ضروري انه يكبر او يثور
و الجعان يبوس ايديه لو يبات من غير فطور ليه؟
لأن الشكوى عيب
و النجوم غير الجذور
هكذا نبني السلام و السرور ع الناس يدور
ايها المواطنون مجلس الانس الكريم
في نهاية الاحتفال اشكر الاخ ابراهيم

مجلس الأُنس الكريم - الشيخ امام و أحمد فؤاد نجم (أنور السادات) قصيدة

صبرين - كلمات: أ. ف. نجم

الشيخ امام - ان قلبى احب ظبيا

الشيخ امام - ليبيا ليبيا قلوبنا معاكى

الشيخ امام وأحمد فؤاد نجم .. احنا مين و هما مين

اشمعنى يا نخ
الكوكايين كخ
دا أكل المخ هلكنا
اعمله على غيرنا 
ر ايح لي تطخ 
وجاي تبخ 
شطب 
هو احنا شربنا
حبة في مناخيرنا 
أيش عرفك انت يادونكي
المدعوقة دي بخنقتها
بتكلفني كوكايين كام..في ليلتها
ياماراح
قناطير جواها
من القزايز إياها﻿
صحة ماصحة لا إله إلا الله ها ها.. ها ها
راحت مورتو
العايز أهبل ياخواجة زنفلى
أروح ابو زعبل
وأبوها علشان تنشيقه
ولاخمسة جرام ولاعشرة جرام 
بيقضوا أخوك
دا أنا شطب على 100 فابريقة
مش غايته الجيب حاينفض ايه يعني
المخ يأكسد ايه يعني
نشمه أبيض يطلع أسود
باما حكما وأجزاجية
ياما في حانوتية وتربية
بقو أغنيا على حس الكوكاينجية
ايه ايه ايه شوف الدنيا
مابقينا صمن
بكمن عمين
شررم بيررم
ياأفندي البيجي بيجي بيجي
من﻿ السما احنا وقعنالِك
وانتِ استلقتينا
يامصلحة الجمارك
اتحفينا تنشيقة ورا تنشيقة
حانموت ميه ورامية
اخرتها تربيت تيتي تي ع عالعباسية
حوشينى ياامه ع عالعباسية
حوشينى ياامه ع عالعباسية
حوشينى ياامه ع عالعباسية
مناخيري طولت شوية
مناخيري طولت شوية


الكوكايين- نوادر الشيخ إمام

تسقيف تسقيف غناء وألحان الشيخ امام عيسي - كلمات احمد فؤاد نجم

Maysaloon

الشيخ امام واحمد فؤاد نجم - تسقيف تسقيف

صندوق الدنيا _ الشيخ امام

اصحي يا مصر _الشيخ امام

اتجمعوا العشاق في سجن القلعة … اتجمعوا العشاق في باب الخلق

و الشمس غنوة من الزنازن طالعة .. و مصر غنوة مفرعة في الحلق

تجمعوا العشاق بالزنزانة …. مهما يطول السجن مهما القهر

مهما يزيد الفجر بالسجانة .. مين اللي يقدر ساعة يحبس مصر

……………

تجمعوا و العشق نار في الدم ….. نار تحرق الجوع و الدموع و الهم

نار تشتعل لما القدم ينضم …. لما الايادي تفور في لم اللحم

و اللحم متنتور في رملة سينا …. و الكدب بيحجز على أيادينا

قدم العدو غارسة في لحم ترابي … و الكدب عشش مخبرين على بابي

و المخبرين خارجين كلاب سعرانة … بيجمعوا العشاق في الزنزانة

……………

مصر النهار يطلقنا في الميادين .. مصر البكا .. مصر الغنا و الطين

مصر الشموس الهالة من الزنزانين .. هالة و طارحة بدمنا بسا تين

مصر الجناين طرحة مين يقطفها .. مصر الجناين للي يرفع سيفها

مهما يطول السجن مهما القهر .. مهما يزيد الفجر بالسجانة

مين اللي يقدر ساعة يحبس مصر

صبرين - كلمات: أ. ف. نجم

Ya Mawlana2

Related tracks