المفروض أغاني الشيخ امام ونجم يتعملها كتب شرح وترجمه، الأغنيه رااائعة ومعبرة ومليانة رمزية بشكل مش طبيعي ❤️❤️❤️

التراك من برنامج حواديت أبو النجوم على قناة دريم من 2005

أحمد فؤاد نجم بيكلم عن مصر  " بهية " بيراهن عليها و بيستنى الثورة والشهدا 
وكل اللي استناه عاشه وشافه
....

النهاردة رحل أحمد فؤاد نجم
3- 12 -2013 
***********

اااااه يامصر يابنت المجنونة
كل عشاقك مجانين
وكل عشاقك عاشو فى الغربة وماتو فى الغربة
عبد الله النديم مات فى الغربة
محمد فريد مات فى الغربة
جمال حمدان مات فى الغربة ... هو اللى يموت حوه اوضة محدش يعرف عنه حاجة دى برضة مش غربة؟

مصر يا مّة يا بهية
يام طرحة وجلابية
الزمن شاب و انتي شابة
هو رايح وانتي جاية
جايه فوق الصعب ماشية
فات عليكي ليل ومية
واحتمالك هو هو
وابتسامتك هي هي
تضحكي للصبح يصبح
بعد ليلة ومغربية
تطلع الشمس تلاقيكي
معجبانية وصبية
يا بهية
أه يامصر ياوجعى ياجرحى يا حلمى ياتعبى
بس انا مراهن عليكى وستنيكى ليلة الفرح
وانا واخد قرار ماموتش الا لما احضر الفرح دة
أحضر فرحك وأنقط وأقول شوبش أهل العروسة
وحبايب العروسة وشهدا العروسة
بس انا مت؟أكد انك جاية رغم كل البلاوى اللى احنا فيه دى
مش عارف بحب فيكى ايه وحبوا فيكى ايه 



آه يا مصــر يا بنــت المجنــونة  "بهيّـة"  أحمد فؤاد نجــم

أصلّي على النبي قبل البدايـــــــــه
نبي عربي مشفع بالبرايــــــــــــــا
واسلم بالوتر والقوس عليكـــــــــم
يا كل السائرين عالشوك معايــــــا
يقول الشاعر المجروح فـــــــؤاده
من الانذال ومن عشق الصبايـــــا
غرامي في الحروب يسبق سلامي
واملي في الشعوب يخلق غُـنايــــا
وعشقي للكلام غالب سكوتـــــــي
وكرهي للسكات جالب شقايــــــــا

أصلى على النبى - الشيخ إمام / Asalley 3l naby - El Sheikh Emam

عنبـــــــــَّـــــــــر .. كله يسمع
شخشخت بالزهر مانصفنيش ولا مرة
وراهنت بالمهر والبقشيش على مرة
والسجن للحُر وان كان مر ..ولا مرة .. 
فكرتنى بالتوبة من دى النوبة .. ولا مرة !

بعد مساء الخير على حراس الليل
كنجي برنجي تشنجي كله لبط ولومنجي
بس البدلة بتفرق والعيب عالمخزنجي
الأوله للنبى .. والتانية ايوب ..
والتالته غربتى .. والرابعة المكتوب
والخامسة .. اللى افترى حتماً يبات مغلوب

الأوله يا نبى يا محرر الانسان يا بلسم اللي ابتلى يا نجدة الغلبان
كرمت صنف البشر عن طايفة الحيوان
ورفعت سيف الهدى عالى على الطغيان
وغسلت ارض العرب من بقعة الأوثان
وزعقت يا امتى .. فى سائر الازمان
الظلم يوم لو حكم .. والحق يوم لو هان
يحرم عليك المطر والفى والعمران
تسرح بحورك عطش .. فى الزرع والإنسان
ويجر فيك الحنش وتحوم الغربان ..
ترمى الخراب ع الجبل والسهل والوديان
النور يغور م السما .. وجه القمر ما يبان
والشوف يضيع فى العما والضلمة والاحزان
والخوف يطيح فى البشر من قسوة السجان
الناس تخاف بعضها .. وتخوف السلطان

والتانية ، قولت أنا آيوب وانا مثلين
آيوب ومها ابتلى .. ايوب يروح لي فين
ايوب صبر كام سنة آيوب صبرله يومين
طلعت عليه القصص واتنادى بالاسمين
عدوه من الانبيا والصالحين الاتنين
وانا اللى صبرى هنا جوة اللُمان صبرين
صبرى على خطفتى من عزوتى والبين
وصبر تانى على حكم الزمان يا عين
الندل فينا حكم .. والندل حكمة شين
حكم البقر ع البشر .. بشريعة القرنين
وحق تربة نبى طه كحيل العين
هالبت يوم يتنصب بدل الميزان اتنين..
وانظر بعين الرضا للعدل فى الميزانين

والتالته، غربتى فى عالم الاندال
الندل فيه احتمى .. والحُر فيه انطال
والواطى لما اعتلى .. اجرله كام طبال
الشحط والبلطجى واللص والمحتال
والكدية لبست شنب واتحزمت بعقال 
ومين يحب النبى .. سقفة كمان يا عيال
الرقص دار فى البلد عمال على بطال
واللحم لما اتكشف .. غطى على اللى اتقال
لا سمعنا صوت فى النغم .. ولا شعر فى الموال
خنقوا الكلام فى الغُنى .. والرنة فى الخلخال

واحد يا موحد الواحد
اتنين يا جد الحسين
تلاته يا سو الشماته
اربعة يا حبر المطبعة
خمسة يا عزمى يا حى
سته يا بكرة يا جاى
سبعة يا قلبى يا مايل
تمانية يا شوق الزمايل
تسعه يا دنيا يا واسعة
عشرة يا خاين يا حشرة
 
اعرفكم جميعاً ان السجن سور ...
واعرفكم جميعا ان الفكرة نور ...
وعمر النور مايعجز يأزح الف سور ...
وعمر الصور مايقدر يحجز بنت حور ...
واعرفكم جميعا ان الظلم شايخ ...
واعرفكم جميعا باب السجن خايخ ...
واعرفكم جميعا ان ملهش اوكرة
واعرفكم جميعا انه هايبقى ذكرى
واعرفكم جميعا ان الثورة فكرة
وابشركم جميعاً .. ان الوعدة بكرة
والنور عندنا وعندكوا .. يا حبايب ،

العنبرة - أحمد فؤاد نجم - باريس 1986

شرفت يا نيكسون - الشيخ إمام / أحمد فؤاد نجم

all about  this track https://www.facebook.com/torath.egy

يونس شلبى - أدم و التفاحة من برنامج عندما يأتى المساء

كل عين تعشق حليوة
و إنتي حلوة في كل عين
يا حبيبتي أنا قلبي عاشق
و اسمحيلي بكلمتين
كلمتين يا مصر يمكن
هما أخر كلمتين
حد ضامن يمشي آمن
أو مـآمن يمشي فين



كلمتين يا مصر يمكن هما أخر كلمتين - بصوت احمد فؤاد نجم

بوتيكات النات -  كلمات: أحمد فؤاد نجم

يا نطره رخي رخي
على شباك البت اختي
والبت اختي سنيوره
شاغله الترتر ع القوره
***
و القوره صوره وبرواز
حواليها التاج الهزاز
وخدودها
فرط الرمان
ورموشها
تفرش فدان
يا نطره يا بنت النيل
شبابيكنا بتطرح مواويل
في غيابك موسم واتنين
نرويها بدموع العين
خطفوها الغربان السود
دفنوها في الطين للدود
يا نطره يام مرايه
هاتي عيون القمرايه
رخيهم قطره قطره
في عيون الحلوه الشاطره
والشاطره تغزل موال
و الموال يولد زلزال
والزلزال أن ما هدمشي
حيصحي صحاب الشبايبك
و اللي يصحصح ما ينامشى
شبابيكه حتضرب مزازيك
طبل طبل غناوينا
زيحي الخوايش م الطينه
يا نطره رخي واسقينا
أنا واصحابي و بنت اختي
يا نطره رخي رخي

أحمد فؤاد نجم

(يا مطرة رخي - الشيخ إمام (جودة عالية

احمد فؤاد نجم
هلى بشايرك والزهور نعسانة
---------
من تسجيلات عصمت النمر
http://misrfone.org/

هلى بشايرك والزهور نعسانة احمد فؤاد نجم

حلاويلا يا حلاويلا ● أحمد فؤاد نجم ● الشيخ إمام (TubeConverter.net)

واحد يا موحد الواحد
اتنين يا جد الحسين
تلاته يا سوء الشماته
اربعة يا حبر المطبعة
خمسة يا عزمى يا حى
سته يا بكرة يا جاى
سبعة يا قلبى يا مايل
تمانية يا شوق الزمايل
تسعه يا دنيا يا واسعة
عشرة يا خاين يا حشرة
اعرفكم جميعاً ان السجن سور ..
اعرفكم جميعا ان الفكر نور
اعرفكم جميعا ان السجن شايخ
واعرفكم جميعا ان بابه خايخ
واعرفكم جميعا ان الثورة فكرة
واعرفكم جميعا انه هايبقى ذكرى
وابشركم جميعاً .. ان الوعدة بكرة
والنور عندنا وعندكوا .. يا حبايب :)

بوتيكات النات - كلمات: أحمد فؤاد نجم

Ya Mawlana2

Recent comments

آسما

آسما

آسما

Mohamed Shahat

Related tracks