كل واحد بيقول من عندى يافلان

واااااااو االه يرحمك با دحمان

يا اللي مولوع بالمحبة والغرام
ما لك سهران على النجوم وحداني؟
يا من درى، شي سباب ضرك الخصام؟
وإلا حب في قلبك دخلاني؟
يا مجرب العشرة والفراق
بالله عليك عيدلي يا إنساني
علاش العهد ما بين العشاق
يفدي من خانوا عيناني؟

سبحان الله رأت عيني زوج حمامات في قصر
مقابلين السما والبحر
وحدة مزينة بالحناني, الاخرى ماهي محنية

الاولى قالت بركاني أنا نمشي للسفر
نعاشر بلاد الحجر
ونشوف وش كان في مقامي بالك ندير مالية
قسطويا جاز خبرني قالي بركاك من الصبر!
متى تزهي في الصغر؟
وتشوفي شوفات المعاني كيسان ظراف ماحية

الاخرى قالت يا اخواني آه يا لطيف! منكر
ما ندخلشي ف القبر
راني قاعدة في جناني ما نروح, راني مهنية
ما نخليش اوطاني مربّية فيه من الصغر
وسماه ضاوي بالقمر
ولا فهمتي كلامي روحي اراكي مخطية

***

قالت مولاة الحناني ما تكتريشي ف الخبر
دموعك سايلة م الوقار
ما نطولشي في لساني, حسبتي روحك قارية؟
فرحت وتهنى محاني زاهية ع الرباب والوتر
ولو ساعة في شهر
وانتي كيفاش يا عواني بقيتي حزنة خاوية

الاخرى قالت خبر جاني هداك لما ينذكر
رميتي روحك ف الجمر
أنا اللي منزلي عالي بنت الأصل صافية
ولاد الملوك خطبوني, عرسي مزوّق بالخضر
بورد وياسمين وزهر
والداي زادو حبوني, ف الحلال راني ماشية

***

قالت مولاة الحناني شفت ف الدنيا ما اكثر
حوست بلدان ودشر
البست لبسات على الواني واتحفت شعري بحاشية
انتي صغرك اللي بكاني دفنتي روحك في القبر
وقلبك داخل ينعصر
ما شفتي ويدان بالدوالي.. بقيتك بالعافية

المزوجة قالت يا اخواني الله يغطينا بالستر
وشوفي النبي ما هدر
ربي بين لي في منامي جنة من كل فاكهة
طايعة الإله ونصلي صايمة بالحمد والشكر
ما ندير في فمي خمر
نقدر في داري نغنّي هذي دنيا فانية

***

جرعتي المرار بالحفاني وصب عليكي المطر
دقتيه ورجعلك مر
وادي مخلوض ما داني أفرغ وارجع ساقية
خذي قوالي الاخراني ارجعي لطريق الطهر
وبركاك من هاد الفقر
ودنوبك زاد عياني.. ارجعي لأصلك راضية

قالت مولاة الحناني ما حب خاطري بالجهر
ما قبل خاطري بالعمر
ما جبت خبر كيف صرلي بقيت ف الغربة ساهية
نطلب الله يعاوني انبان كي الهلال م ضهر
وضري يبرى من الصبر
إبليس بفعاله عداني, ما نزيد اراني شافية

نطلب الله يعاوني انبان كي الهلال م ضهر
وضري يبرى من الصبر
إبليس بفعاله عداني, ما نزيد اراني شافية
نطلب السماح يا عوالي, ما ناخد غير طير حر
مرفه ولا ف الفقر
وتكون ذرية حلالي.. رحمة الله باهية

زوج حمامات - دحمان الحراشي Dahmane El Harrachi

كل هدّار مسّوس ويجيب الصداع لراسه
يا اللي بيك على الفراق علاش تتسبّب
وانا قلبي معمّر منّك بالمعاني
كان كذبت تسأل المجرّب والا اطلب العفو من رب الفوقاني

غير اللي يحب صلاحه
واحد بالمية تصيب في عشرته شبعان 
علاش الناس قباحه
كل واحد يقول من عندي يا فلان 
القلوب قساحه
والحسود غداو النيران

يا ال باغضني ما نسامحلك طول زماني
شوف لحالك يا الناقص ما فيك أمان
تهدر في كلام قاسح وتزيد معاني
ما نسمحلك عارفك من أهل العديان
العباد بحالك جاحوا
مانعاشرهم ما يكونوا لي جيران
حباب الظلمة راحوا
وانت باقي بحيلتك في وجهك يبان 
الحاسد بسلاحه
كل ايامه تشيان

***

بالله عليك عيدلي يا لاهي بحساني
أنا صابر في عذابك وانت فرحان
حالك صعب لاش تغدر في بالعاني؟
علاش عليك هكذا تقرا ف النقصان
الزيان عليه صباحه
لاش تعاند في حياته عطاه الرّحمن؟
الغالط ربه سماحه
بنادم ما فادش ندامه وهو حيران
جاوه رياحه
عاد طاير بلا جنحان 

***

ش حال من ناس طامعين وغواهم الفاني؟
كأنه ذياب هاجوا بين الكيفان
ش حال من ناس باسلين والنصبة شيطاني
ماعندهم لا عقل لا معنى لا ميزان
من قلبي اراهم طاحوا
واحد فيهم ما يضر بالخير والاحسان 
يا ناس الخير رواحو
سبحان الله ما خلق في هذا الزمان 
لي نسى مفتاحو
باش يفتح دوك البيبان

***

اللي يحب صلاحو - دحمان الحراشي Dahmane El Harrachi

يا الحجلة جاكي الصياد من بعيد
مع نسيم الصبحة والشمس طالعة
يا العلجة بهاكي محاينه تزيد
مخبية في زينك وانتي شايعة

يا الحجلة عينيكي ملاح مذبّلين
عليكي ذيك النظرة بالسر ظاهرة
فيكي الرهبة ورجليكي دايما محنيين
يا من درى يجي يجيبك الوعد زايرة؟
آش عندك! قلبك حجرة ولا حديد؟
ما ظهر خيالك, وش بيكي حايرة؟

اللي يشوفك يفرح ويقول يوم عيد
خاطره يتهنى والقلب يا درى
وهكذا يتمنى في حالته يغيد
من غرامك رجع مريض ما برا
وجا يصيد.. ما قرا, ما راح للمسيد (المدرسة)
الله يحسن عونه, ما باع ما شرى

ويا الحجلة ريشك أرطب من الحرير
ش حال تواتيك ذيك المشية مربعة
عليكي يفنى اللي يحبك هكذا يغير
شاعلة في ذاته نيران طالعة
آش طامع ذاك الصياد الجديد
اراه صابر يستنى فيك راجعة

يا الحجلة - دحمان الحراشي Dahmane El Harrachi

ربي بلاني بالطاسة وزاد لي سهر الليل
ماعرفت كيفاش نواسي ما عرفش كيفاش ندير
احرم نومي ونعاسي واللي يعذر قال حليل

نضرب ونقول نزيد
على رايي همي وزماني
والصباح نصبح مريض
علاش عليّ واش أداني؟
بالصديد يفنى الحديد
هكذاك السهرة تهلك ثاني
والكاس رماني بعيد
آش حال صعب هو عرّاني

شوفوا للوعد وين اداني
في بحر غامق رماني
غابوا علي ظرقاني
والعقل راح يطير

***

نشرب ونسقي الكاس
من بعد ما سقيتو زاد سقاني
غيرني بين الناس
آش حال جرعت مرار حفاني
خطرات نقول خلاص
ما نزيد ندني بركاني
وخطرات نقطع الياس
نقول وقيل ما ينساني

علاش قهرني عيناني
كل يوم يذبلوا اغصاني
يا لايمني ما اقواني
نشرب ونقول قليل

***

نشرب ونقول علاش
هكذا خلاني زاوالي
دعوته ما تفراش
هو اسبابي جرحني وكواني
غاب عقلي ما ولاش
علاش فرج في عدياني
وجرحي ما يبراش
عاد ساكن جسمي دخلاني

اش حال سوالي غالي
اسباب هلاكي وهبالي
وينسيني في اشغالي
الكاس ما فيه الخير

***

الطاسة - دحمان الحراشي Dahmane El Harrachi

البهجة بيضا ما تحول
ورسمك عنده قيمة 
راني بعتلك مرسول
واجبيني يا عاصمة

من القصبة لراس المول
القواس والجنينة
مرسى قابلت البحور
وسماك ازرق دايما
باب جديد زوج عيون 
من الكنتيرة لرميلة
بوفريزي لقاع الصور
زيد الدالية القديمة

باب الواد فيه الهول
وباب عزون رزينة
باب الإله محلول 
حتى نوصل نضرب تحميمة
نحي التقاف والسحور
على هاد الشينة 
سيدي ربي غفور
نلحق للباب الخيمة 

في رمضان على السحور
في السوسطارة تلاقينا
هاذي مدة وشهور
ليه علابالي تخميمة؟
الأصل فيك مشكور
انتي بخيرك تكفينا
وطلع عليك النور 
ما صبت مثلك في مدينة

بوزريعة, بن عكنون, الابيار عالي علينا
سالومبيي وبلكور طراف العلجة وليمة 
الاسم فيك مشهور
يزيد ينحي الغبينة 
يا بلادي عليكي ما ندور 
يالوكان نقطع بسفينة 

الجناين على الالوان 
بئر خادم فيه التشينة
سحاولة شراقة ويدان 
تما لرياح تحيينا 
من صابني معاك في المنام
مقار نقول زهينا
والليل يكون فيه عام
والصباح نقول ما بطينا

القبة جنان بالرمّان
حتى الحرّاش مدينة 
وينهم ذوك الجيران
والحومة بقت حزينة 
واد قريش وواد سيسبان
درقانة عندها خصيمة 
ميمون حمام الوان 
في ربيعنا ما جرينا

فيكي قدر والديان
والنسمة فيكي ناعمة
ورد ياسمين وسيسان
هديك دنيا ما نسينا
هدروا عليك في اليمن 
الجزائر راكي زينة
زادت مصر والشام
ما نخطيك حتى بليلة

سهل لي يا رحمن
برضاك انت تعافينا
المذاهب اربع أركان
في الشهادة ما تنسينا
نختم قولي باقوال
بالصلاة على نبينا
الله يجمعنا بإحسان
والله ماتوا برحيمة

بهجة بيضا - دحمان الحراشي Dahmane El Harrachi

شحال غريب هاد العالم
كل جهة تنادي السلام
ولاحياة في هاد العالم
واحد في يد قطيب زيتون
ولاخر يد عل ازناد تنتاقم
واحد بصدر عريان
ولاخر يد عل ازناد تنتاقم
مشى هاجوج وجا ماجوج
سارو فالفانيا سيرة لعلوج
لرض حملت من ماهم المخموخ
لحرت ولحصاد فاين المنتوج
شحال غريب شحال غريب هاد العالم

Nass El Ghiwane - Harraz Aouicha (Official Audio) | ناس الغيوان - حراز عويشة

***** دحمان الحراشي ، إلى كانك عوام ******
الا كانك عوام ساعف الموجة في البحر
و ساعف الزمان العام فيه 12 شهر
الا كانك عوام ساعف الموجة في البحر
و ساعف الزمان العام فيه 12 شهر
شيء ظاهر يا انسان ما يفريها غير الصبر
شيء ظاهر يا انسان ما يفريها غير الصبر
خذ ما اعطاك الرحمان
وأطلب الصحة والستر
مكسي ولا عريان
أمرفه ولا بالفقر
أصبر على لمحان خذ ما عطاك السعد والزهر
واش قالو ناس زمان الحق لزملو ينذكر
أجعل روحك حمام لي طابو حجارو على الجمر
ولا اجعل روحك في منام زاهي وضاوي عليك القمر
كن فاهم يا انسان اللهم هذا و لا أكثر
كن فاهم يا انسان اللهم هذا و لا أكثر
الا كانك عوام ساعف الموجة في البحر
و ساعف الزمان العام فيه 12 شهر
الا كانك عوام ساعف الموجة في البحر
و ساعف الزمان العام فيه 12 شهر
شيء ظاهر يا انسان ما يفريها غير الصبر
شيء ظاهر يا انسان ما يفريها غير الصبر
قبلك فاتو شبان كي بحالك وقالو أكثر
أنت همك وين يبان 
يا الغافل ما جبتشي خبر
لقلق من الشيطان والميزان يمشي بالعبر
ولي قلبو شبعان عاطي لدنيا بالظهر
اجعل روحك أجنان عطشان يستنى في المطر
ولا أجعل روحك سلطان ساكن في سرايا وفي قصر
كون عاقل يا انسان
كاين لي مسكين لي ما فطر
كون عاقل يا انسان
كاين لي مسكين لي ما فطر
الا كانك عوام ساعف الموجة في البحر
و ساعف الزمان العام فيه 12 شهر
الا كانك عوام ساعف الموجة في البحر
و ساعف الزمان العام فيه 12 شهر
شيء ظاهر يا انسان ما يفريها غير الصبر
شيء ظاهر يا انسان ما يفريها غير الصبر
يا الغافل رد البال كي تستر روحك تنستر
اسمع لهاذ الفال براكة زيادة في العمر
الحرام ما يكون حلال دين الله يا أخي جهر
كل واحد واش يسال في نفسو بلاك يندعر أجعل روحك برهان
بالسعادة والحمد والشكر
ولا أجعل روحك فرحان في بابور ماشي لسفر
كن صابر يا انسان ولي ما صبرشي ينقهر
كن صابر يا انسان ولي ما صبرشي ينقهر
الا كانك عوام ساعف الموجة في البحر
و ساعف الزمان العام فيه12 شهر
الا كانك عوام ساعف الموجة في البحر
و ساعف الزمان العام فيه12 شهر
شيء ظاهر يا انسان ما يفريها غير الصبر
شيء ظاهر يا انسان ما يفريها غير الصبر
الا كانك عوام ساعف الموجة في البحر
و ساعف الزمان العام فيه12 شهر
الا كانك عوام ساعف الموجة في البحر
و ساعف الزمان العام فيه12 شهر
شيء ظاهر يا انسان ما يفريها غير الصبر
شيء ظاهر يا انسان ما يفريها غير الصبر

اللي يحب صلاحو - دحمان الحراشي Dahmane El Harrachi

Yaazer

Recent comments

annaba

Ragab Ali

إيناس

Hassan Arjdal

Related tracks