Name: ElJoker - Eskot الجوكر - أسكت by Yaseen Aboelnaga in joki
Duration: 3 min 7 s
Description: ElJoker - Eskot الجوكر - أسكت

يمكن توبه بعد جبل ذنوب تنجينا من النار ❤

عااااااااااااااااااش جووووووووووفوق♥♥♥♥♥♥♥♥♥♥♥♥♥♥♥♥♥♥♥♥♥

joki

سايبة ريحة الخوف ع المخدة وحالفة لية تبعدى
لية تنطى فى موج حلم الطوق وتسيبى مركبى
هنغير اية ؟! بردوا لآ شئ 
افروديت على ضفتين .. نهر حب افلطونى قاسم اليوتيبيا اتنين
سهل تكسر عضم صعب تدى حد كالسيوم
اضطراب دقات القلب معاكى مكنش نقص بوتاسيوم
متقوليش الفترة الجاية هتبعدينى عنك
صدقينى هشوف عنيكى احلى بعد وقوع حواجبك 
مش بجمل الحقيقة وقت نومى جنبها 
ياما شرحتلك جريمة فايدة كرة حبها
اه علمت موناليزا تشوف الدنيا فلسفة !
سبت القلب فى الايموشن مع ان الملاك اختفى
حاطط احتمال ان الكلام مش هيبطلكوا الاذى
لو الى مات مات ع الاقل تيجو العزاء
مش تروحوا تقتلوا الى بعدوا بعدوا وهكذا 
المهدى ياقطر الدجال ركبك لجل ما يوقفك

نقول بس الحقيقة ولا نقول كلام بزيادة .. تكون فرد ف لعبتهم ولا يدمنوا العابك ..
 هتلاقيها ف الحقيقة زى ماتمنتها فى احلامك .. ولا تروحلها الجحيم عشان تهاديها بالتفاحة


نقول بس الحقيقة ولا نقول كلام بزيادة .. تكون فرد ف لعبتهم ولا يدمنوا العابك ..
 هتلاقيها ف الحقيقة زى ماتمنتها فى احلامك .. ولا تروحلها الجحيم عشان تهاديها بالتفاحة

فاكر كل لحظة حلوة راحت تانى مجتش
 فاكر لما قلتلى لآ كداب مبصدقكش
فاكر لما قلت لنفسى خلاص لازم تتوبى
فاكر حُرقة اهلى عليا لآ وكمان فاكر ذنوبى
ويعدى شريط قدام عنيا عن الى عملتة فيها
ضحت عشانى كتير ومضحتش عشانها دقيقة
فاكر ايوة فاكر مش قادر انسى
دانا الى عملتة فيها اترد عليا نكسة
كنت عايزها بس لغاية عمرى ما يوم فرقت معايا 
كنت انا قلم رصاص رامى نفسة ع البراية
بحلم جوا حلم جوا احلام كتيرة
عايش جوا فيلم الصورة فية قديمة

سيما دنيا سيما والمشهد لية بيتكرر
الكنز ملهوش قيمة وانا كنت علية بدور
فاكر هفضل فاكر مهما تفوت عليا سنين
فاكر ضعفى قدام ذنبى لما بقيت مش عارف انا مين 


نقول بس الحقيقة ولا نقول كلام بزيادة .. تكون فرد ف لعبتهم ولا يدمنوا العابك ..
 هتلاقيها ف الحقيقة زى ماتمنتها فى احلامك .. ولا تروحلها الجحيم عشان تهاديها بالتفاحة


نقول بس الحقيقة ولا نقول كلام بزيادة .. تكون فرد ف لعبتهم ولا يدمنوا العابك ..
 هتلاقيها ف الحقيقة زى ماتمنتها فى احلامك .. ولا تروحلها الجحيم عشان تهاديها بالتفاحة

Tofa7et 7awa - El Joker Ft Mohab  الجوكر و مهاب - تفاحة حوا

الجوكر - الكبت

My Acc : www.facebook.com/OnlyForZamalek1

كام كلمه - الجوكر

ElJoker - Eskot الجوكر - أسكت

الواقع - الجوكر

الاوضه برودكشن

الجوكر_موناليزه تانية

الجوكر-الباقة

انا2 الجوكر

WE IN IT (IS IT REAL?)

El Joker - Abyad w Eswed l الجوكر - أبيض وأسود

الجوكر- متهمش

Lyrics
سلامنا على نفوس في حلقة البحث عن الضوء
مذئوب في ليلة البدر مال مع الدراويش بشوق
نجمه بتوعد ، ونسمه بتطبطب في ليلة شقا
سقانا بل ريقه لما آخر شخص اتسقى

كل وعود السما مرسومة في عيون المريد
مختار حارتنا قال للظلم "لأ" بصوت عنيد
وردة خافت ع الحبيب .. شاعرنا قال الليلة عيد
حامينا بأمر من سلطاننا حشد جيش من العبيد

رجال حارتنا اجتمعوا حوالين الربابه الليلة
مختار بيتكتبله غنوة زي أبو زيد وغيره
دخل رسول حامينا برسالة .. عكر صفا ليلتنا
يا نسلم مختار ونعيش .. يا نموت وتدفن حارتنا

غضب سريع .. وقف ، وقال: هندبح المرسال
مختارنا قال قتل الرسول مش من شيم الرجال
مشي الرسول ، وسكتت الربابه ، وهتف صوت
رجال بتبايع المختار ع الحرب حتى الموت

طول الليل ذكي وجريء بيرسموا في خطتنا
وجيوش من العبيد بتزحف بإتجاه حارتنا
في الصباح كان طبل جيشهم جنب تكبيراتنا همس
والحامي الكلب لزم خيمته عشان مش حمل شمس

أما أسدنا كان على رأس جيشنا .. مخافش سهم غدر
قال هما كتره ، واحنا قله ، والنهارده بدر
من بينهم خرج فارس بيطوح عبيده بدرعه
وقال: أعتاكوا يجيلي .. وللأسف في مننا رجعوا

مختارنا قال أبارزك ، واللي يفوز يفرض شروطه
نحسمها بموت نفر ، بدل ما رجال كتير يموتوا
فارسهم ضحك زهوا ، وهجم بسرعة شديدة
مختارنا إتفادى الضربة ، وقتله بضربة سيف وحيدة

وفي عز تكبيراتنا ، وعز ما جيشهم كان مصدوم
الكلب قائدهم خان العهد ، وأمر بالهجوم
مختارنا قال هنحارب .. احنا رجال وبيننا ميثاق
والويل لجيش عبيد اتساق للحرب بالكرباج

كل شهيد من بيننا مات قصاده منهم سته
خبر صمودنا بدأ يلف كل بيوت الحته
ولقينا رجال من كل حواري الحي بينضمولنا
حسينا بكترتنا لما الأرض إتهزت تحت رجولنا

هابوا العبيد .. رموا السلاح .. وهربوا م الميدان
مختارنا قال: سيبوهم. الحياة عقاب الجبان
لفينا نعلن الإنتصار وسط إحتفال حوارينا
كل بيوت الحي حيت كل راجل فينا

وردة جت .. بخجل قالت للمختار: قلقت عليك
العيون بتقول كتير ، والبق بينطق: أنا بخير
شاعرنا قال يا فاكر إن البرق قبل الرعد
آدي اتنين بينهم مسافه ، لكن روحين في حضن بعض

قضينا الليل بنمجد كل راجل راح مننا
وبنتحاكى بإن مهدي الحي بحاله من عندنا
مختارنا قال: كفى إحتفال. اجمعوا شيوخ حارات الحي
اللي فات يادوبك خطوة ، والمشوار بحاله جاي

الجوكر - المختار

الــكــلــمــات

البشر غرقوا في شر نفوسهم وانت مش رسول
طول ما محدش عايز يسمع يبقى إياك تقول
الكلمة مبتغيرش إلا اللي بيسعى للتغيير
متقولش "هخسر ايه؟" عشان اعداء الكلمة كتير

لازم تفهم ان الناس بتكيل بمكيالين
والفرد بحد أدنى يمتلك وشين
مش هيبصوا اللي انت فيه دفعت إيه مقابله
كل يبكي على ليلاه وشيطانه بيطبطبله

اللي ادى استنى ياخد ، واللي خد خلع من بدري
القلم بص على الخشب اللي راح مبصش انه مبري
مستكترين عليك قيراط ما هما رضيوا ب شبر
اشمعنى آدم يتسجدله أنا أحسن منه كبر

لو لمحوا الهمة هيحبطوك بكلمة لأجل ما تهمد
عايزين يشوفوك بتموت بشفرة تلمة عايزك تجمد
ولا بيجروا في طريق ولا انت عقبة لازمها إطاحة
بل سولت لهم أنفسهم إن موتك راحة

الغل كل قلوبهم واللي اتبقى منهم غيرة
اسهل تبرير لشر النفس إن الحياة شريرة
العين بتكره كل اللي أحسن منها طول الخط
لو مش أد العيشة بين أحياء أموات إتعض

هييجي من أقصى المدينة شخص عكس الباقي
أوعى تشوف بعين القاعدة ما هو إستثنائي
نحن نشك حتى نُدفَع أن نثق
الدنيا مره مش لازم تشربها سِك

لو لو رجع الزمن سنة مش هتمشي في طُرق تانية
اعرف ان مرت سنة من غير ما تكبر ثانية
لو غلطت راجع نفسك وهتدفع لو تمن بصه
واجه .. أوعى تدفن راسك في التراب وتندب حظك

في ناس بتحس بكبر على تجارب ناس سبقتها
كل اللي كانت دماغه ناشفة الدنيا دغدغتها
في ناس بتعرف تستفيد من كل شخص جرب
وناس لازم ايديها تتحرق عشان تحرم

بين طبقات الناس وتسلق جبل شبه بحت
كل بصة فوق لازم توزنها ب بصة تحت
لو فضلت باصص فاضل أد ايه ومين فوقيك
مش هتحس طلعت أد ايه ولا عمر شئ يرضيك

هتضحك عل انك بتقول دلوقتي جبت آخري
دايما اللي جاي أصعب ، إنشف لسه بدري
عايز جلدك تخين ، ولو يا تتكسر يا تميل
إتكسر تلحم عضم أنشف م العضم القديم

لو بصيت للسما بعين الغِل تلات تربعها
اعرف إنك ماشي في طُرُق بقى لازم ترجعها
أنت عدو نفسك ديننا بيمنعك تتمادى
آلهنا مش فوق الاولمب بيتنفس عبادة

في أصول الأعتقاد كل الفرق أصابت
الكُفر كبر .. مش اجتهاد في فهم غامض
لا تنغلق وتشخصن الأمور ف تبتذل
نحن أشاعرة في بعض الأمور نُرجئ أو نعتزل

هتحس الاختبار تقيل عليك .. ومين محسش
إبراهيم قال : أرني كيف ؟ .. وإبراهيم متهزش
فيه قبيح بديله أقبح ، وقريب بعيده أوضح
وصاحب جنتين اتمنى لو إنه كان الأصلح

هتبان الدنيا ظالمه متصدقش اللي انت حاسه
يوسف لو مترماش في البير مكانش هيرمي نفسه
ساعات شرور نفوس الناس تكون خطوة في طريقنا
مش عارفين رايحين لفين ؛ ف متقوليش بعدنا

الغل كل قلوبهم واللي اتبقى منهم غيرة
اسهل تبرير لشر النفس إن الحياة شريرة
العين بتكره كل اللي أحسن منها طول الخط
لو مش أد العيشة بين أحياء أموات إتعض

هتضحك عل انك بتقول دلوقتي جبت آخري
دايما اللي جاي أصعب ، إنشف لسه بدري
عايز جلدك تخين ، ولو يا تتكسر يا تميل
إتكسر تلحم عضم أنشف م العضم القديم

ElJoker - Eskot الجوكر - أسكت

Yaseen Aboelnaga

Recent comments

مہہعہہدى آلنہآسہ

Mahmoud Rohem

S E I F

Abdel Moneim Ahmed

Related tracks