انتحار  

شعر والقاء وهندسه صوتيه  :ياسر سعيد 



قصاقيص ورقيه 

Posted by Yaser Said · 21 April
.


(انتحار)

طالع عالسلم
 بسمع صوت نهجانى
 وكانى جوه حلم
 معرفش ازاى
انا جيت هنا ووقفت مكانى

 ووصلت خلاص عالسطح
 والنسمه تهز فيا
 وتصحى جوايا الجرح
 وقسوه الدنيا عليا

 جوايا ميت قرار
 ورغبه فى الانتحار
 وانهى حياتى بايديا
 بدل مانا عايش فى انكسار

 مبقتش بخاف الموت
 مالدنيا ديه تابوت
 عايشين زى الاموات
 بنمثل فيها دور

 وثوانى خلاص وهنط
 واخلص من الاحباط
 وفى لحظه هكون مت
 واكون من الذكريات

 والناس اللى حواليا
 موتى ليهم عادى
 هيعيطوا شويه
 وتانى يوم هبقى ماضى

 ووقفت خلاص عالحرف
 وفى لحظه افتكرت
 وصيتى فى اوضتى سبتها عالرف
 وكتبت فيها خلاص زهقت

 بصيت عالدنيا بنظره اخيره
 لقيت العيب فينا
 ازاى وهى حقيره
 بنموت عشانها بعضينا

(وبسيب نفسى لهوا )

سمعت الله اكبر
 والدمعه نزلت منى
 نازله فيا تغير
 وتنور من تانى حلمى

 كملت كل الادان
 وقجاه صحى قلبى
 ولقيت نفسى ندمان
 ازاى اياس ومعايا ربى

#ياسر_سعيد

yaser said 3