samozin

محمد ابراهيم- البنت السنجل

كلمات / محمد إبراهيم 
آداء صوتى / عُبيده أحمد كريم 
موسيقى / أسامه الهادى 

وانت لما يجيبوا سيرتى بعدها  ..
متقولش شيئ .. إسكت كتير ..
وإن صمموا .. إبقى إفتكرنى بكل خير ..
قول كان جدع .. وكلنا ياما عيش وملح
وقسمنا حالنا حزن فرح وكان ما بينا ذكريات ..
قول كان يحب الشاى أوى ويحب أكل البقسماط ..
قول كل حاجه بس إوعى يا صديقى تقول ده _ مات _
جيب سيرة ماتش PlayStation قطعتك فيه ..
جيب سيرة آخر خمسه جنيه ..
انا وانت قسمناها فـ موقف ..
علشان أنا أرجع راكب تاكس ..
وإوعاك تزعل .. بالعكس إفرح ..
إشمعنى فـ دى دماغك رفضت تمشيها العكس ..
متقولش ان انا كنت رفيع ￼ ..
ولا حتى تجيب سيرة صوتى اللى قرفتك بيه ..
إتكلم مثلا عن إنى كان نفسى
الناس تعرف جدا شكل الإنسان الجوانى ..
مش شكلى فـ صورى اللى على الفيس ..
إحكى عن القاعده مع صحابنا
واللمه فـ سهرة كل خميس ..
كلمهم عن حبى لـ أبويا .. أصلنا ملحقتش أقولهاله ..
كلمهم عن عمر إبن إختى وخليه يقولك بعدى يا خالو ..
كلمهم عن حبى الزايد للقهوه البندق و البيبسى ..
كلمهم عن إيدك لما تشاركنى بطاطس كيس شيبسى ..
عن تعبى من المشى كتير ..
عن كرهى ان أطلع بيتك فوق ..
علشان ملقتش أسانسير ..
عن كلمة متسيبها على الله .. وبكره هتحلى
عن فرحة قلبى بجون ميسى .. الأول يوم ماتش الميلان ..
عن قولة هيه لما بتعلى
كان عندى كلام أكتر لكن .. الفرقه بتطلب كده
بـ سكوت .. وخصوصا لو فُرقة _ موت _ !

من فوق لتحت - الشاعر محمد إبراهيم

الاغنية دى جامدة جدا واى حاجة لساموزين بتبقى حلوة اوى بس الاغنية دى احلى اغنية ليه

جديد ساموزين ماتحبنيش 2014

محمد ابراهيم - تيشيرت احمر، ذكرى شهداء بورسعيد

مين اللى قال ان الصور شبهى ، ده حتى الضحك جوا الضورة كان كداب
قرب عنيك حاول كدة تشوفنى ، هتحس انى سراب
انا خطوتين تايهين مشوار مع الضلمة انا اول الحاضرين لكن خدونى غياب 

vocal : Ahmed EL-gharib 

محمد ابراهيم - علبة الوان

عارف لما تحس برغبه
مُلحه فـ إنك تبكى ..
لكن مثلا تبقى فـ شارع
أو حواليك الناس تتلم
تفضل حابس دمعك جوة
مستكتر حتى انك تشكى
عمر ماحد يحس بهمك ..
غير لو شايل زيك هم ..
تقعد جنبه ويقعد جنبك
يقلب همك همه لضحك
تضحك يضحك هو معاك
يعلى الضحك وترسم بسمه
زى القهوه بوش " Black " !

آمنية حسن | عارف لما | كلمات:محمد ابراهيم

إنتى إزااى حلووة كدااا - وساام

أغنية : فاكرَه ؟! - ميدو راشد  
"  الرومانسيه الشتويه  "

- لِنك تحميل الأغنيه من موقع ميديا فاير :
http://www.mediafire.com/listen/rcq7w4cxb7tyz47/Fakra_%D8%9F%21_-_Mido_Rashed.mp3

- كلمات و ألحان و توزيع : ميدو راشد

- Special thanks to my dear friends & Great Musicans :-
( Bro - JaZz  ) <3
https://www.facebook.com/bro.jazzsna
- كلارينت : مصطفى عبدالله
- عود : عبده عبدالله

- الكلمات :
-----------------------------

فاكرَه لمّا ف يوم قررنا نعيش أدوار روميو و جولييت ؟! ,
 و يوم ما نِزِلت ف عِز البَرد و جيت اغنيلِك تحت البيت , 
و شوفت فيكى حاجه مِنّى .. و دنيا بحلم بيها فيكى ,
فـ لقيتنى فجأه غصب عنى حلمت اعيش ال عمر ليكى , 
أيامها عرفت معنى الفرحه فـ صورة ضِحكه منِّك انتى , 
ف اتمنيت تكونى ليّا حبيبتى .. و صاحبتى .. و بنتى ,
كان فعلاً صعب ساعتها اتخيَل ييجى اليوم مشاعِرنا تموت , 
و يبقى الحُب كلام أغنيه .. و حُزن فـ لَحن .. و جرَح فـ صوت ,
و رَغم ان انتى مش ليّا , أنا لِسَّه بحسِب فـ الأيام , 
جايز يوم هتحِسّى بيا , يا إما هَفوق من الأوهام , 
يالّى توهت فـ بَحر عينيكى وعلّمونى مَعنى المشاعِر , 
علّمونى أقول أشعار مع إن عُمرى ما كُنت شاعِر <3 

-----------------------------


إنتاج :

Music Revolution for art productions >>> Mido Rashed

- For Contact :
------------------
www.facebook.com/Mido.Rashed.Page
www.soundcloud.com/Mido-Rashed
Mob : +2 01007051818

اتمنى الموضوع دا يكون نال شرف إعجابكم و لَمَس قلوبكم ... و ماتنسوش الدعم بـ لايك و ريبوست لو عجبتكم ,, واستنوا دايماً الجديد ان شاء الله <3

... Thanks ;) ,
Music Revolution is coming >>> Mido Rashed

فاكره ؟! - ميدو راشد

الله يرحمه 

كلمات و القاء : شيماء عبدالله
mix : karim taiko
recorded At Proxi Events


الله يرحمه||شيماء عبدالله

مجرد_صاحبتك_جدا / ل محمد ابراهيم /اداء محمد نصير

عمرو حسن_فريند زون_ Amr Hassan-Friend Zone

تقابليني ....
كإنك فيلم خمسيني 
كإنك وردة في البدلة بيرويها مطر عيني
كإنك أرض 
كإني ف حضرتك بابقى ( روائي لا يمَل السرد ) 
أميل لك بس مابملِّك 
اشيلِكْ عمري ما أشيل لِك 
واغازلك شعر واغزِل لك
ضفاير شكّي ويقيني   

تقابليني 
.......
واطُل ف عينك استشهد 
يامزيكا بتتنهد 
شموسك كيف بتتجدد وضلِّك طيف مغطّيني 
أراقبك لما بتشاوري ف وقت ماتطلبي حاجه 
وعارفك لما بتناوري عشان تلهيني عن حاجه
وامتى بتبقي محتاجه اكونلك حضن ان يلزم 
واقولك امتى تحديدا بإن غرامنا لن يُهزم 
وعارف امتى بتبُصي بعين من خوف 
وصوتك وانتي تعبانه وشايله الهم
يا اقرب من فصيلة الدم 
ماكونش ازاي بقا مهتم 
بواحدة رضاها يحييني ؟

 ،،،
تقابليني
واراقب شعرك المقصوص 
كإن الليل نقص ساعتين 
جميل والله ولايقلك 
وفاتح للخيال طريقين
وطول عمرك بتختاري الهدوم بمزاج 
وعارفة تنقّي برفانك كإنه انتي 
ياواخده العقل من ايده كإنه ابنك
باقولك ايه 
خرجتي منين على الواحد خروج زهرة
خروج مزيكا من ( راجح داوود) مثلاً
بكل مافيكي من ستات فاجئتيني 
فتحتي الحلم والتأويل وسيبتيني
مهرج والسما سيما 
وطايش والطريق مراجيح 
تقول امي :
بقالك فترة مش مظبوط
تبان قلقان لكن مبسوط
ومتوتر كده وخايف 
ومش فاهماك 
تعبت معاك
تكونش ياواد عشقت جديد ! 
تقول امي ف وصف العيد 
( ياريتك جيتنا من بدري ) 
واظن الوصف ده ينفع يكون عنك
( ياريتك جيتي من بدري ) وخدتي الروح وخدتيني 

تقابليني 
،،،،،
بدون اسباب 
زكاه عن ضحكتك مثلا
كفالة طفل نُصه يتيم 
هنتكلم عن الدنيا 
وعن حبي لشهر اتنين 
وممكن اقول اسامي صحابي بالترتيب
وتحكيلي عن القطة اللي ف عيونك 
ولون اوضتك 
هاقولك اني متورط بعصبيتي 
باحب احمد زكي جداً
موسيقى نهاية الكيت كات 
وممكن تحكي عن والدك 
وعن اخر خطوط الموضه ف العالم 
وعن حلمك تعيشي ف ارض محدوفة وبيت واسع
هنتكلم ف أي كلام 
وأي كلام ف ذاته كلام 
كلام تافه بدون ترتيب 
مسافه وقت تسمحلي اكون جنبك لاطول وقت 
- هتوحشني 
- وحشتي القلب من دلوقت
واحط ايديا علي قلبي واراقب مهرجان الصيف 
ابطل حب امتى وكيف
وحبك كيف ف شراييني ! 

،،،،،
تقابليني
عشان محتاج اقابلك موت 
فيه عندي حوالي ( ولا موضوع )  احب افتح كلام فيهم 
اصالح عمري ف وجودك
وانقّح نفسي م الأخطاء على حدودك
وعارف اني شيء بائس 
واني مصاب بمتلازمة ( وحشتيني ) 
وعارف برضه اني كسول 
بسيب كل الحاجات ع الأرض 
وريحتي كلها دخان
وعارف برضه اني كمان بشجع نادي مش حباه 
ياستي حياة ولازم نختلف فيها 
يا أجمل حاجه ف الدنيا ابتليت بيها 
واطيب ركن ف الاوضه اللي جوايا 
ف قلبي فيه كذا حكايه 
وحابب احكي ساعديني 
تقابليني !!

https://m.facebook.com/kemiakarim?refid=7&ref=m_notif&notif_t=like

تقابليني | عمرو حسن

ماحبِتش غيرها
برغم السنين اللي فاتت عليا
بيفضل حنين مني ليها ف عنيا
وتفضل كإن البنات بعد منها
نسخ باهتة منها
وكل الشموس اللي تابعت غيابها
بتنعي انسحابها
كإن الشوارع عجين لما مرت
فنحتت اثرها
وحفظت كلامها وخوفها وهزارها
ومشيت جماعه مامشيتش مفرد
عشان غاب معاها مِساها ونهارها
بتسألني عنها برودة ايديا
ورعشة سلامي
ويسألني قلبي وكلبي ومرايتي
وتسألني ساعتي ف معاد الزيارة
بتوحشني زي العيال ف المدارس لعين امهاتهم
وتوحشني زي ارتباط الملابس بايد شماعاتهم
وسايباني زي اللي ماتوا وفضلوا بيمشوا ف حياتهم
تشم القلوب كل يوم زهر فايح
وتتبقى وردة ويفضل عبيرها

ماحبتش غيرها
وليها مكانه مخليّا قلبي بيسلك دروبها
خدتني لدرجة تخليني اشوف المزايا ف عيوبها
وصوتها
وايه زي صوتها
نزول المطر فوق خشب بيت قديم
نعومة نجاة وبحة حليم
وضحكتها تشبه دخول النسيم
على ارض طالها الخريف من سنين
ف يوم ما اتقابلنا
ماكنتش باشوف الحياه ليها معنى
وحسيت كإني عارفها لزمن
كإن النصيب كان بعَدنا وجمعنا
وسددت تمنه وقبضت التمن
بسلم عليها كإني سايبها ف غربة ورجعت
وسكتت ف لحظتها لكن سِمعت
وغمضت عيني عشان املى روحي
قمر غاب ف ليلكم ونوّر سطوحي
وصالحتني كل السنين اللي فاتت
مجرد ماعدّت
وقفنا ف مكاننا وخطاوينا مدِّت
وفجأة انفجر سيل م الأغاني
كل ده كان ليه
ياللي بتسأل عن الحياة
بعيد عنك
وسيرة الحب
كبر الغرام
بهواك
حيرت قلبي معاك
وقولت هاقدر ايوم انساك
وكل ما انساها افتكرها
ماحبتش غيرها

ماحستش عمري باحساس مشابه تجاه أي واحدة
كإن الغرام اللي مكتوبلي كامل
خرج غصب عني وعلى دفعه واحدة
كبر فيا معنى
وصار بيننا لعنه
بدأت معانا ف يوم ما اجتمعنا
وانا كنت اصغر سنين من كده
ماكنتش مأمِّن ليغدر زماني
وعايش مآمن وواقف مكاني
وشارد ف لون الحياة البرتقاني
وسايب بيبان الغياب مفتوحين
ففاجئتني ضربة على غفله مني
وسلمت راية ف أول كمين
وفاتت سنين
واديني كإن اللقا من ثواني
لكني بقيت للأسف حد تاني
خانتني الظروف واتسجنت ف غيابها
ولسّاني ايد ع الاكر عند بابها
وبعد اما كنا شباب ف البداية
كبرنا سنين جوه شرح الروايه
واصبح مابيننا جبال من جليد
بلادها بعيد
وارضي ملاها الحداد والحديد
وتجاعيدي مرت شقوق الغيطان جوه طمي الوريد
وأصبحت اكبر
وأصبحت اعدي الطريق ف الإشارة
باتقل هدومي وبلبس كوفيّه
واحس بجروحكوا واوجاعكوا فيّا
وأصبحت اعقل
واهدى وأتقل
وهي كمان حاجه انطفت
وعاشت ظروف متعبه واختفِت
لكن لسه نفس الصبيه الجميله
وصاحبة ليالي الغرام الطويلة
ولسه عيون ممكنه مستحيله
وست البنات كلهن ف عنيا
ومهما ايدين ناعمه مسكت ايديا
ومهما عيوني ثبتتني ف مكاني
هتفضل رجولتي وطفولتي عشانها
مايملاش مكانها ف يوم حد تاني
ولا واحدة تربط مصيري بمصيرها
ماحبتش غيرها

ومايأسش ابداً
ولو حتى قالوا الحكايه ف اخرها
ولو صوت صحابي ف وداني محاصرني
ولو طول غيابها خانقني وعاصرني
ولو حتى عدت سنين تانية بيننا
هاقول انه وارد
وجايز وممكن
وامنّي خيالي باجمل نهاية
وهي معايا
وجايه تعوضني لحظة بكاها بلحظة بكايا
وراجعة بكل الورود اللي دبلت
والاقيها قبلت تكمل معايا
ولو ساعه واحدة
ولو حتى نظرة
هاحس اني مرة مشيت وانتصرت
واني جنيت قد لما انتظرت
فسايب مساحة ف بيتي لخيالها
وسايب مساحة ف قلبي لعيالها
وسايب اوضتنا ترتبها هي
وسايب مخدة زيادة وكوفيه
ومختار اضاءة تلائم عنيها
وعامل حسابي عليا وعليها
واقول بكره اجمل وهاقدر وهاكسب
رهاني ف حاجات كان خيالي خسرها

ماحبِتش وافخر بكونها ف حياتي
واني ف حياتي ماحبتش غيرها

محمد ابراهيم - علبة الوان

Yasmine Yousry 1

Related tracks