كأنها معموله للأيام دى ومتفصله عليها بالمقاس 👌               أحدثكم من أيام معركة طوفان الأقصى ✌️

مرعوبين  مرعوبين مرعوبين   مش باقولك ياحبيبي مرعوبين واللى رقصوا فى حضن كارتر مرعوبين اللى كان فاكرينه عنتر مرعوبين واللى سافروا لجولدا ماير مرعوبين و اللي بيغلو السجاير مرعوبين والنسايب والقرايب مرعوبين والمشايخ فى الزكايب مرعوبين والسفاك المصريكانى مرعوبين والفراخ الامريكانى مرعوبين كل حكام الخيانة الماجورين والسماسرة والحشم والطباخين مهما حاولوا يخوفوكوا بالعساكر فتشوهم حتلاقوهم مرعوبين مش باقولك ياحبيبى مرعوبين

مرعوبين. .. الشيخ امام 
كلمات: أحمد فؤاد نجم
مرعوبين مرعوبين مرعوبين
مش باقول لك ياحبيبى
مرعوبين
اللى فاكرينة عنتر
مرعوبين
واللى رقصوا فى حضن كارتر
مرعوبين
واللى سافروا لجولدا ماير
مرعوبين
والنسايب والقرايب
مرعوبين
والمشايخ فى الزكايب
مرعوبين
والسفاك المصريكانى
مرعوبين
والفراخ الامريكانى
مرعوبين
كل حكام الخيانة الماجورين
والسماسرة والحشم
والطباخين
مهما حاولوا يخوفوكوا
بالعساكر
فتشوهم
حتلاقوهم مرعوبين
مش باقول لك ياحبيبى
مرعوبين

مرعوبين - الشيخ امام


في معتقل القناطر، في عام 1970، كان الشاعر أحمد فؤاد نجم والشيخ إمام عيسى، ومحمد قطب شقيق سيد قطب، زملاء في نفس العنبر، عندما ألهمه محمد قطب قصيدة الطنبورة التي لحنها الشيخ إمام .. فما هي حكاية "طنبور قطب ونجم".

ومحمد قطب مفكر إسلامي، تأثر بأفكار شقيقه سيد قطب الذي أعدم في أغسطس 1966، له عدة مؤلفات من بينها؛ كيف نكتب التاريخ الإسلامي.

يقول نجم عن حكاية قصيدة الطنبورة إنه "ذات صباح دخل عليّ الشيخ محمد قطب، في زنزانة 1 بسجن القناطر، قائلا: أنا حلمت حلم فني".

تساءل نجم عن الحلم، فأجابه قطب أنه "رأى نفسه يخرج من باب السجن، ليجد رجلا عجوزا ممسكا بطاحونة بن، وهو ينشد "طويلة قوي قوي حكاية الرسالة"، يقصد "رسالة الإسلام"، فرد نجم "الله يا مولانا..تسمحلي استخدم الجملة دي في قصايدي"، فأجابه قطب: "أمال أنا جاي أقولك الحلم ده ليه".
فكتب نجم، قصيدة "المقالة" بعد أن استبدل طاحونة البن، بـ"الطنبور" وهو آلة ري انتشرت في قرى مصر، ولحنها الشيخ إمام.

حكاية المقالة (الطنبور) الشيخ امام

مصحف صوت القاهرة مقسم أرباع - محمود خليل الحصري

۞ وَحَرَّمۡنَا عَلَيۡهِ ٱلۡمَرَاضِعَ مِن قَبۡلُ فَقَالَتۡ هَلۡ أَدُلُّكُمۡ عَلَىٰٓ أَهۡلِ بَيۡتٍ... [155]

الشاعر مثل القرد بالشعب المُستَغل والقرداتي هو الارستقراتي المُستغِل لأقوات الشعب

الشيخ إمام عيسى - أحزان القرد

الشيخ امام  -  لما بدى يتثنى

أنت النعيمُ لقلبي و العذابُ له فما أمرَّك في قلبي و أحلاك 
عندي رسائل شوقٍ لست أذكرها  لولا الرقيب لقد بلَّغتُها فاك 

أنت النعيم لقلبي - الشيخ إمام عيسى

الشيخ امام - غابة كلابها ديابة

يا شركسي يا بو بندقية أحمد فؤاد نجم الشيخ إمام‎

من أشعار زين العابدين فؤاد
..

الفلاحين بيغيروا الكتاني بالكاكي
ويغيروا الكاكي بتوب الدم
وبيزرعوك يا قطن ويا السناكي
وبيزرعوك يا قمح سارية علم
وبيدخلوكي يا حرب فحم الحريقة
وبيزروعكي يا مصر شمس الحقيقة
***
وانتي ميدان الحرب.. سينا البداية
وانتي جنينة الصلب.. والنصر غاية
وانتي البكا والغلب.. انتي الرحاية
وانتي البارود والحب.. والحرب جاية
***
غنوا التلامذة الصبح للحرية
الفلاحين ضموا غيطان القمح
رفعوا الرايات في الفجر متندية
رفعوا السنابل بنادق
عبوا البنادق بارود
الرمل قادت حرايق
والنار في دم الجنود
***
والحرب زي جناين الحرية
مهرة ومالهاش حدود
والحرب لسة ف أول السكة
اتفجري يا مصر
اتفجري بالحرب ينطلق النهار
اتفجري بالحرب ضد الجوع ضد القهر ضد التتار
اتسلحي للحرب بالحرية
واتفتحي وردة بدم ونار
واتجمعي من ألف صرخة وضحكة
والحرب لسة ف أول السكة

الشيخ إمام - الفلاحين

 يا واد يا يويو
يا مبرراتي
يا جبنه حادقة على فول حراتي
أستك لسانك
فارد ولامم
حسب الابيج
يا مهلباتي
يا واد يا يويو يا مهلبية
فوق الصواني
سايحه وطريه
فى كل جلسه تلبس قضيه
وتخيل عليها
يا مشخصاتي
حسب الوظيفة
وأنت وشطارتك
تظهر حلاوتك
تظهر مرارتك
لو خفضوك ترفع حرارتك
لو صعدوك
تقلب جيلاني
وبالمناسبة
وأنت اللى أدرى
كان لك تحفظ على المبادرة
ليه النهاردة بترش بودره
يا بن الأبالسه
يا ملطفاتي
وفى النهاية
لك عندى كلمة
آخر طريقك زحل وضلمه
حيث ان آخر القرع ضلمه
يا إما كفته
عند العجاتى 

الشيخ إمام _يا واد يا يويو يا مبرراتى

عطشان يا صبايا
وانا عاشق.. ع السبيل
عطشان والميه ف بلدي
على عكس ما يجري النيل
والنخل العالي مطاطي
والجذع الواطي ذليل
والريح العاكس كابس
والريح العاطي بخيل
والنسمه اتعكر لونها
من هم الناس يا خليل
عطشان والنيل في بلدي
والزرع اخضر وجميل
وانا كنت امبارح خالي
واليوم دا صبحت عليل
عطشان ودوايا حبيبي
يسقيني العشق دليل
ودليل الحب عمايل
وكلام الحب جميل
وانا كل ما أقول التوبه
تغويني المواويل
تطرح في القلب جناين
تفقس فيها الزغاليل
عشاق يا حمام الغيه
ولا فيش قدامنا بديل
سكه ومحسوبه علينا
نمشيها جيل ورا جيل
ع الشوك نفرد خطاوينا
في الليل تضوي القناديل
حوالينا قلوب حبابه
ومعانا العقل دليل
والشمس تصب صبابه
والمنبع نهر النيل
وان لاموا علينا يلوموا
ما لهمش علينا سبيل
ما هو شوك العشق ملامه
والشوك في الورد أصيل
ودوني ع السبيل
ودوني ع السبيل

مرعوبين - الشيخ امام

Yasser Abdelhakim

Recent comments

Mohammed Abdallah 87

yasmine

saboro

Amr

Related tracks