Name: Ya Hamam-Maryam Saleh by Yassinemo. in فلكلور وكدهوا
Duration: 8 min 33 s
Description: Maryam Saleh live performance 28/9/2012 @100copies Music Space, Featuring Amm Shenwai playing Semsemya

باتوا سهاري وكمان حيارا

انا و حبيبي روحنا جنينه❤️

❤️❤️❤️❤️❤️❤️❤️

فلكلور وكدهوا

Doloo3y Shagar
Watch Video: https://bit.ly/dlooyshagarfb

Lyrics: @ amgad.qahwagy
Music: @mahmoud_khateeb
Music production: @ mahmoudwalyx
Artwork: @ mriam.rahman  @ animation_schooljesuitcairo
.
.
.
.
.
.
.
.
.
.
.
.

Doloo3y Shagar - ضلوعي شجر

سايس حصانك على القنا وتعالى

سايس حصانك على القنا وتعالى
تلجى الجليلة مبخرة وملانا
الصدر مرمر والنهود عريانة
مديت ايدى على النهود اتفرج
نطرت دراعى يادراعى ياانا

سايس حصانك بعد غيبة طويلة
يا عاوج الطربوش مع الارجيلة
العمر طول و السعادة قليلة
قولتلها و الله اللي رماكي رماني
نطرت دراعي يا دراعي يانا

نطرت دراعي وانا من الاول
عاشق وعشقي للجميلة طوّل
وازاي اتوب عن الغرام واتحول
يا ابو رمش جابنا للهوا ودانا

بحلم وحلمي قد ما انتي تريدي
بحلم وحلمي وانتي ايدك في ايدي
بحلم بيومنا وانتي ايدك في ايدي
قد الحلال قد القمر ويزيدي
قد الهموم اللي تبات شغلانة
نترت دراعي يا دراعي يانا
كلمات الشاعر نجيب شهاب الدين


سايس حصانك على القنا وتعالى ... الشيخ أمام

نجمام 
و هى العلاقة التى جمعت هذان العملاقان  الشاعر العظيم احمد فؤاد نجم و شيخ ملحنى مصر و بصوته  كانت هذه الاعمال الخالدة 

تل الزعتر

الكلمات 

ماسك في ديل جلابيتي فرنة
وحصيرنا وابريقنا النحاس
مسك القطر في أطراف كفوفنا
والقطر شد ... القطر فاز
فضَّى وداني من صوت قُللنا
عباها دق حديد وجاز
عديت وشافني يا بوي شجرنا
قام مشَّى ورقُه على الجزاز
مشتاق لرجلي زلط الطريق
شوق الغويط للُقا الغريق
وتطير ورانا قَمَرة بلدنا
والقطر يهرب .. تجري وراي
لا هي بتسيبنا وترجع
ولا ونَّستني وركبت معاي
شاف القطر كل الأماكن
وماشافش كرهه في قلبي ليه !
نزلني قدام بيتنا لكن
قام شد بيتنا مقطورة فيه


غناء: باسل صالح
كلمات: أحمد حلبى 
ألحان: عمرو عاطف
توزيع: جنوبيان باند 
ساكس: محمود سعد 
دف: محمد هشام 
عود: عمرو عاطف 
جيمبى: على وهبة 
كاخون: احمد منتصر 
جيتار: عمر البربري
ادارة: اسلام منسي
تصميم البوستر: احمد فارس
ماكسياج وماستر: عبده الجوكر

Janoubian - El Gatr (The Train) / جنوبيان باند - القطر

شيلني و اشيلك 
دنا برضو فرحت لك 
و أنا بتاعك يا بيه 
و أعرف 
ما أعرفش ليه 
و كام عبد المعين 
لابد ف المسؤولين 
و أنا بتاع 
كل حاجة 
و دراعك اليمين 
و سواق المدير 
و هتيف الوزير 
و مهماز المدام 
و نبوت الغفير 
و فراش العيادة 
و خدام السيادة 
للي من غير سنادة
يثعكز ع السرسر 
و ناس بدم ساقع 
واقفين وراء البراقع 
يميعوا المباديء 
يضيعوا الشرائع 
و ناس من خلف شيش 
خايفين من الشاويش 
سلبية الميه الميه 
تعالى ... لا ما أجيش 
دا كان كلام زمان 
ما يبقالوش مكان 
ف مجتمع نضال 
بيعجن الرجال 
بالصهد و العرق 
و لو حس الألم 
يوشوش القلم
يصرخ ع الورق 
يقول كل الكلام 
عريان ما يزوقوش 
و يوصف الالام 
للي ما تألموش 
أصل احنا شعب طيب 
و الطيبة فينا بلوة 
تاخدنا من قريب 
و تجيبنا كلمة حلوة 
سامعين يا أهل البلد 
و لا امسك النفير 
يا البنت 
يا الولد 
يا المجدع الكبير 
عارفين ماشيين منين 
و السكة السالكة فين ؟ 
مشوارنا مش هوين 
و ما هواش بالقليل 
مهما الخيال يزين 
لسا الطريق طويل 
عايزين همة رجال 
أبعد من المحال و أسرع من الأمل 
تزلزل الجبال 
و تخلق المجال للعدل والعمل 
و يطلع خير بلادنا 
على ذمة ولادنا 
و تبقى عيشة جنة 
و ملو الصحن حنة 
على كفوف الصبايا 
و اعيش و أشوف ولادي 
مالين عين الأعادي
قايمين للعز راية 
و اقعد ويا الصحابة 
و نقول على الربابة 
يا جيل الأنجازات 
يا جيل المحظوظين 
أبوك السقا مات 
من شرب المية طين


الشيخ امام - شيلني واشيلك - ابوك السقا مات

أزرق -باسل زايد

بيبه 
عمي حماده بيبه ..

بيبه جبلي طبق .. بيبه

بيبه مليان نبق .. بيبه 

بيبه قاللي كولي بيبه..

بيبه قولتله ما اكولشي بيبيه

بيبه اديه لاماك .. بيبه 

..بيبه امي بعيد بيبه

بيبه اخر الصعيد . .بيبه ..

بيبه و الصعيد مات .. بيبه

بيبه خلف بنات ..بيبه 

بيبه خلف بنيه بيبه ..

بيبه اد الجطيه بيبه

بيبه خدها على بيبه 

بيبه خدها بدبايح .. بيبه .. 

بيبه و السمن سايح .. بيبه 

..بيبه سايح لفوووق .

.بيبه و عمللي طوق بيبه 


يالي يالي يالي يالي يالي يالي


يا احمد علي يا احمد علي

يابو كم مدراسى 

بيع البلح يا احمد على وهاتلى داهن راسى 

يا احمد على يا احمد على 

باع ناخلنا العالى 


بيع النخيل يا احمد علي 

و لبسنى خولخالي

لبس يالى يالى يالى يالى لبسنى خولخالى

بيبة_ من فيلم عرق البلح

فرقة الطنبورة
سمسية بورسعيد
معهد العالم العربي بباريس
http://www.imarabe.org/

Ensemble Al-Tanbûrah
La Simsimiyya de Port-Saïd
Institut du monde arabe


شفت القمر على صدر جميل
ياكل حلاوة ثم يشرب خمير 
كل شي له نظر
ياحمام شيل..
كل شي له نظر

آه يالدان يالدان يالدان


الحلو لابس ثياب النوم
ومزرّره بحب مرجاني
ساعة بيسكر ساعة يميل
شبه العود الريحاني

يا طالعين القصر لفوق
يا نازلين سلمولي
على غزال وعيونه السود
هو السبب لتلف روحي

قومي العبي يا حلاوة على لوز 
يا عازبة ولا ليكيش جوز
بيعي الحلق وهاتي لك جوز
يلعب معاكي ع الناموسية

خش المسا وظلام الليل
واللي يجاور يجاور
جاورت انا كحيل العين
أم الحلق والأساور
وكل شي له نظر


شفت القمر

مريم تغنى للشيخ امام

حلو المراكب مع المغرب وفاتونى
ع الشط واقف بلا مركب وفاتونى
سعتها قلبى شهق يشهد علية الشفق
بينى وبينك بحور الغربة يادارى 
يانارى ماتطفى البحور نارى
الطير دة من هشة ع الريح بنى عشة
ياعود ريحات اخضر والغربة بتحشه
صعبان عليه با قلب الورد يا صغير والله دة كان بدرى تتلوع وتتحيرح
لفيت انا لفيت فى الغربة ما خليت 
بلد تشلنى ولاد ترمينى تانى لبلد
عواف عليكى يانخلة مضللة ع الباب 
رخية الضفاير وحضنة الاهل والاحباب 
مسى التماسى ياناسى
متصدقوش اتى ناسى
يا سهرنين فى القمر
ليل الغريب ضلمه 
ياعينى ياليلى
لا قتديل ولا تجمة
ياسهرنين فى القمر 
ليل الغريب ضلمه
مناديل دى ولا قلوع ودة بحر ولا دموع
خدونى يا رجعين فيتنى لية ولمين
خلو المراكب مع المغرب وفاتونى
ع الشط واقف ولا مركب وفاتونى

مريم صالح  _حلّو المراكب

قصيدة (بابا غنوج) من ديوان ريّان يا فجل

حسابي على الفيسبوك
www.facebook.com/ramywafapoet/
حسابي على الانستجرام
www.instagram.com/ramywafapoet/
حسابي على التيكتوك
tiktok.com/@ramy.wafa

بابا غنّوج_فؤاد حدَّاد

الحظ حمار
من غير حمّار فقد التمييز
زي المجانين
هجر البساتين سكن الدهاليز
والحظ بطبع غباوته عنيد
ودماغه حديد
لو يعند حتى على الغزلان
ينسخطوا معيز
ونسيب دهليز
نخش في باب
ونعدي الباب ندخل سرداب
ونلاقي ضحايا الليل واقفين
والحظ بيلعب بالأعصاب
ترابيزة عليها نمر بنظام
من واحد يمكن لما لألف
والدنيا بزيّ ما هي تمام
على هيئة كورة
تدور وتلف
وشنب مفتول
يصرخ ويقول
اللقمة بتنده أكّالها
والرزق نصيب
والدنيا دايرة
ف احولها
زي المجاذيب
الصبح معاك
والظهر عليك
والحظ لو ادى
ما بينقيش
جربها
ويمكن لو تديك
من جودك برضه
ما تحرمنش
قرب قرب
جرب جرب
ودي لعبة حظ
ما فيش تبكيش
***
والكورة تدور
زي المقدور
تحرن على ناس
وتجامل ناس
والشيخ سلمون شعبان مندور
واقف على أعصابه ومحتاس
يعلب ع الستة
الخمسة تصيب
ينقل ع الخمسة
الخمسة
تخيب
وخلاص الحظ اداله قفاه
والحظ أن ولى
بيبقى عجيب
كلها ساعتين
وصريخ
سلمون لعلع مقامات
نهاوند وسيكا ورست وصبا
وحجاز وبيات
يا خراب البيت
يا فلوس الناس
يا نهار مشوم
طب المسكين من طوله ورفص
يظهر مات
والناس ملهيه ف أحوالها
بيدوسوا عليه
وبتاع الكورة مشغلها
ح يبطل ليه
واللقمة بتنده أكلها
طب ودا كل إيه؟
***
الشارع نايم تحت جناح الليل همدان
وعيون النور
تعبانه بتنعس ع العمدان
والكون ملفوف
بعباية
نسجها الليل بالخوف
وف بحر الضلمة رأيت على بعد
شبح
حققت بعيني
لقتها يمامة وكاسرة الطوق
كرابيج الليل
ناقشينها جراح
من تحت لفوق
والأسى ف عينها
مصحي الشكوى تقول حواديت
حواديت
ما لهاش علاقات بالشوق
وليالي الشوق
مسيت
ورميت على الحلو سلام
قالت سلامين
أنا قلت لوحدك ليه يا حمام
ووليفك فين
مالك بالليل والويل و الرعب
خليك يا حمام
عيش للحب
شالت بجناح
حطت بجناح
ورتني جراح
تحت الجناحين
وقالت لي
زمان الحب ما راح
وبقي لنا سنين في الليل تايهين
خد مني الليل
واداني الليل
ورميت له الغالي بسعر زهيد
وسقاني الشهد ودقت الويل
وكساني حرير ولبست حديد
وعرفت الناس من الراس للديل
وآمنت بأن الكل عبيد
وقالتها وطارت في ثواني
وانا شارد وخيالي يصور
وغمزني الفجر وصحاني
ولقيت الكون بادي ينور
وصحيت من غفوة سرحاني
على صوت بيقول
الله أكبر

الحظ - احمد فـؤاد نجم

جلسات الأستاذ فكري الكاشف 
خاص بالصفحه الرسميه للفنان فكري الكاشف على الفيس بوك
فكري الكاشف | ElKsHiF ••• Fan Page •••
https://www.facebook.com/elkashif.dano

ياريت مِـنا

Maryam Saleh live performance 28/9/2012 @100copies Music Space, Featuring Amm Shenwai playing Semsemya

Ya Hamam-Maryam Saleh

محمد حمام صوت النوبة 
يغني الليلة يا تمرا بدلا من الليلة يا سمرا
كلمات فؤاد حداد لحن أحمد منيب

الليله يا تمرا - محمد حمام

من فيلم بين القصرين .. يا سمباتيك خالص يا مهندم

ربنا موجود.. وأنا حتى الآن
ربنا موجود.. لكن أنا قلقان
ربنا موجود.. وده شئ بيبان
في حاجات جوايا وجواكي

يا جميلة ما تبكيش أرجوكي
أرجوكي أنا مش حمل بكاكي
لو فعلا جرحاكي شكوكي
فدي شوكة بسيطة في أشواكي

الليل عصفور.. بس سجنا
السور بيدور.. وإحنا مكانا
هل لينا قصور؟.. سوا في الجنة
ولا أنا مش هدخل وياكي؟

يا جميلة ما تبكيش أرجوكي
أرجوكي أنا مش حمل بكاكي
لو فعلا جرحاكي شكوكي
فدي شوكة بسيطة في أشواكي

ماقصدش ألوم.. قصدي أشوش
مين قال ده هجوم؟.. كنت بهوش
كلها كام يوم.. وأبدأ أحوش
وهرتب سفرية معاكي.

يا جميلة ما تبكيش أرجوكي
أرجوكي أنا مش حمل بكاكي
لو فعلا جرحاكي شكوكي
فدي شوكة بسيطة في أشواكي

فيه حكمة صحيح؟.. ولا تحدي؟
الوضع قبيح؟.. ولا يعدي؟
شايفاني جريح .. بوسي على خدي
وأنا أكمل غُنا على ليلاكي

يا جميلة ما تبكيش أرجوكي
أرجوكي أنا مش حمل بكاكي
لو فعلا جرحاكي شكوكي
فدي شوكة بسيطة في أشواكي

Ya Hamam-Maryam Saleh

Yassinemo.

Recent comments

Haneen

Eman

آية

Abdelrhman ghaly

Related tracks