شعبى

تغازل العصافير.. قُضبانها
زنزانة لاجلَك كارهة سجّانها
دُوق زيّنا حلاوة الزنازين

على بُرشَها.. بتمِدّ أطرافك
سجّانك المحتار فى أوصافك
مهما اجتهدْ ماحيعرف انت مين

طوبَى لكل المسجونين باطل
فى زمن.. بيخدعنا وبيماطل
يا شموس بتبرُق فى غُرَف عِتْمين

أما اللى خان وطنَك وأوطانى
م الهيبة.. حاطّينه ف قفص تانى
يصحى وينعس والجميع واقفين

ومصر عارفه وشايفه وبتصبُر
لكنّها ف خَطْفِةْ زمن.. تُعْبُر
وتستردّ الإسم والعناوين

يا دى الميزان اللى طِلعْت لفوق
بينزِّلوك بالعافية أو بالذوق
دول مش بتوع الصدق فى الموازين

الثورة نور.. واللى طفاها خبيث
يرقص ما بين شُهدا وبين محابيس
والدم لسّه مغرَّق الميادين

الحزن طايح فى قلوبنا.. بجدّ
ما فضلْش غير الشوك فى شجر الورد
غِلِط الربيع ودخل فى أغبى كمين

وفى انتظار تيأس مع الأيام
غيرك فى قفصُه بيضربوله سلام
وانت الجزم قبل الكفوف جاهزين

ومصر عارفه وشايفه وبتصبُر
لكنّها ف خَطْفِةْ زمن.. تُعْبُر
وتستردّ الإسم والعناوين

يا عم اقعد بسّ واشرب شاى
الدنيا ماشيه وشعبنا نسّاى
والبركة فى الشاشة وفى الجرانين

واذا هوْهوُوا.. قوم إعلن الأحكام
وكل بُق.. تلجّمه.. بلجام
ومش حتغلب تطبخ القوانين


ويا مصر.. هَدِّى وانتى بتفُوتى
الصوت فى صمتُه.. أعلى من صوتى
آدى السجين اللى ما باتش حزين

واللى يُقف فى وش ثوّارها
ما حيورث إلاّ ذلها وعارها
واللى حيفضل.. ضحكة المساجين

ومصر عارفه وشايفه وبتصبُر
لكنّها ف خَطْفِةْ زمن.. تُعْبُر
وتستردّ الإسم والعناوين

ضحكة المساجين _ الحجار

حلو الحلو كاملة - شكوكو

شفيق جلال - بنت الحارة من فيلم ريا وسكينة

عبد الباسط حموده electro music 

عبد الباسط حمودة Ft ahmed abdulhalim (في وشوش الناس) electro beat

 بيبة من فيلم عرق البلح
والله وشبت يا عبد الرُّحمان - عبدالرحمن الأبنودي 
دينا الوديدي ومريم صالح العُرس

مزج صعيدي -  البيبَةُ : أداة يُدَخَّنُ فيها الطُّباق

مزيج صعيدي - بيبه

علي الهلباوي | ابتهال  قلّ لى من

البرنامج - علي الهلباوي - انا المصري انا المجنون !

متى يا كرام الحي عيني تراكم
وأسمع من تلك الديار نداكم
سقاني الغرام كأساً من الحب صافياً
ياليته لما سقاني سقاكم
أمرّ على الأبواب من غير حاجة
لعلي أراكم أو أرى من يراكم
سقاني الغرام .. سقانى الهوى كأساً من الحب صافياً
ياليته لما سقاني سقاكم


سقاني الغرام كأساً من الحب صافياً

بحبك  منير وعلي الحجار

كلنا عاوزين سعاده


من يمدحُه يطلع خاسر

ويشبَّروله.. أيامه

يعيش جمال عبدالناصر

يعيش بصوته وأحلامه فى قلوب شعوب عبدالناصر

■ ■ ■

مش ناصرى ولا كنت ف يوم

بالذات فى زمنه وف حينه

لكن العفن وفساد القوم

نسّانى حتى زنازينه.. فى سجون عبدالناصر

■ ■ ■

إزاى ينسّينا الحاضر..

طعم الأصالة اللى فى صوته؟

يعيش جمال عبدالناصر

يعيش جمال حتى ف موتُه ما هو مات وعاش عبدالناصر!!

■ ■ ■

إسمه جمال وجميل فعلاً

ياما شفنا شجعان خوّافه

عظيم.. وكان إنسان طبعاً

المجد مش شغل صحافة علشان ده عاش عبدالناصر

■ ■ ■

أعداؤه كرهوه ودى نعمة

مِن كرهُه أعداؤه صادق

فى قلبه كان حاضن أمَّه

ضمير وهمَّة ومبادئ ساكنين فى صوت عبدالناصر

■ ■ ■

ملامحنا.. رجعت بعد غياب

دلوقت بس اللى فهمناه

لا كان حرامى ولا كداب

ولا نهبها مع اللى معاه أنا باحكى عن عبدالناصر

■ ■ ■

عشنا الحياة ويّاه كالحلم

فلا فساد ولا رهن بلاد

يومها انتشينا ثقافة وعلم

وف زمنه ماعشناش آحاد كنا جموع فى زمن ناصر

■ ■ ■

كان الأمل فى خُضرِتُه بِكْر

مافيش لصوص للقوت والمال

ومصر أبطال ورجال فكر

ومثقفين ستات ورجِال جيوش جمال عبدالناصر

■ ■ ■

كان الهلال فى قلبه صليب

ولا شفنا حزازات فى بلادنا

ولا شُفنا ديب بيطارد ديب

ولا جرَس خاصم مادنة وَحَّدْنا صُوت عبدالناصر

■ ■ ■

دفعنا تمن الحريّة

بدمّ مش بدينار ودولار

يوم وقفته فى «المنشيّة»

خلّى الرصاص يهرب من عار أعداء جمال عبدالناصر

■ ■ ■

رغم الحصار كنا أحرار

وفى الهزيمة الشعب ماجعْش

كان اسمها «بلد الثوار»

وقرار زعيمها مابيرجعْش قرار جمال عبدالناصر

■ ■ ■

خلَّى بلادُه.. أعزّ بلاد

ليها احترام فى الكون مخصوص

لا شفنا وسط رجالُه فساد

ولا خطط سمسرة ولصوص كان الجميع عبدالناصر

■ ■ ■

لولاه ماكنتوا اتعلمتوا

ولا بقيتوا «دراكولا»

ياللى انتو زعما وإنجازكو

دخّلتوا مصر الكوكاكولا وبتشتموا ف عبدالناصر

■ ■ ■

عمره ما جاع فى زمانه فقير

أو مالتقاش دوا للعِلّة

دلوقت لعبةْ «اخطف طير»

والأمة فى خِدْمةْ شِلَّة تكره جمال عبدالناصر

■ ■ ■

يتّريقوا على طوابيرُه

علشان فراخ الجمعية

شوفوا غيره دلوقت وخيرُه

حتى الرغيف بقى أمنيّة يرحم جمال عبدالناصر!!

■ ■ ■

فيه ناس بتنهب وتسوِّف

لا يهمّها من عاش أو مات

ورضا العدو عنّا يخِوِّف

معناه أكيد إننا قَفَوات من يوم مامات عبدالناصر!!

■ ■ ■

الأرض رجْعت للإقطاع

وقالوا: «رجعت لصْحابها»

وصاحبَك الفلاح تانى ضاع

ضاعْت العقود واللى كتبها وخط إيد عبدالناصر!

■ ■ ■

أنا أذكُرك من غير ذكرى

والناس بتفتكرك بخشوع

الأمس واليوم ده وبكره

يبكوك بعظمة مش بدموع يكفَى نقول: «عبدالناصر»

■ ■ ■

دلوقت رجعوا الفقرا خلاص

سكنوا جحورهم من تانى

رحل معاك زمن الإخلاص

وِجِهْ زمن غير إنسانى ماهوش زمن عبدالناصر!!

■ ■ ■

صحينا على زمن الألغاز

يحكمنا فيه «أهل الأعمال»

وللعدو.. صدّرنا الغاز

بفرحة وبكل استهبال نكاية فى عبدالناصر!

■ ■ ■

بنمدها بغاز الأجيال

تحويشةِ الزمن القادم

إتوحَّشوا فْ جمع الأموال

ورجعْنا سادة.. وخوادم ضد اتجاه عبدالناصر

■ ■ ■

يا جمال.. نجيب زيك من فين

يا نار.. يا ثورة.. يا ندهِةْ ناى..

البوسطجى.. إللى اسمه «حسين»

- أبوك - منين جابك؟ وإزاى.. عمل جمال عبدالناصر؟!

■ ■ ■

لو حاكتبك.. ما تساع أقلام

ولا كلام غالى وأوراق

الأمر وما فيه.. أنا مشتاق

فقُلتْ امسِّى عليك وأنام نومةْ جمال عبدالناصر!!


الأبنودى .. يعيش جمال عبد الناصر

http://www.youtube.com/watch?v=UaB-e6Z5vHM


ابعتلي جواب .. وطمني
ولو انه عتاب  ما تحرمني
ابعتلي جواب 
ابعتلي جواب .. وطمني 

غيابك طال  وبستنا
وقلبك مال  تتهنى
ان كنت هويت ونسيتني
وعليا جنيت ما رعيتني
ابعتلي جواب 
ابعتلي جواب .. وطمني 

انا ليا إله.. يعرفني
من حر الأه .. ينصفني
مش قادر اقول انت الجاني
هاصبر على طول على احزاني
ابعتلي جواب
ابعتلي جواب .. وطمني 

ابعتلي جواب - علي الهلباوي

‫يا عزيز عيني - نغم صالح

امونة بعتلها جواب .....شفيق جلال

اللهم صلي على سيدنا محمد

علي الهلباوي | ابتهال قلّ لى من

Yasser Soliman

Recent comments

Out Oforder

user280714990

Kareem Eltemamy

Mohmed Ebrahim 3

Related tracks