عبد الرحمن الأبنودي

السيرة الهلالية الجزء الثاني عبدالرحمن الابنودي

السيرة الهلالية الجزء الاول عبدالرحمن الابنودي

أنا باوَحِّد اللي خلق الناس
خلق مسلمين ونصارى
وناس نامت على فَرش وِكْناس
وناس ع المعايش حيارى
******
طبيب الجرايح قوم اِلحق
وهات لي الدوا اللي يوافق
فيه ناس كتير بتعرف الحق
ولاجل الضرورة توافق
******
فَرَطت قِلعِي ما جانيش ريح
وعاودت ع البَر ناوي
ياما ناس زيِّنا مجاريح
لكين صابرة ع البلاوي
******
سكت الهَوى والناموس طار
والسبع طاطا بعينه
خليه دا النومِ أستار *
لما الكلب ياخد يومينه
******
شوف الزمان انتهت عَدَليه
وادي البُطْل ع الحق راكِب
جه السبع يُطلُب عدليه
لَقَي الهِلف ع التخت راكب
******
يا قلبي إوعى تعاشر الدُون
ولا تكلِّمُه بالاشتراحة
تكلمه الكلامِ موزون
تلقاه يرد بقباحة
*****
جاني طبيبي مع العصر
وف إيده ماسك عصاية
اتاري طبيبي قليل أصل
من خصمي جابلي الوصاية
*****
كلام الغَرَأبا حِمِلناه
فات علينا كما ريح هاوي
كلام القرابا إخ منَّاه
وياجي فوق فرش الكلاوي
*****
إوعى تقول للندل يا عم
ولوكان على السرج راكب
ولا حد خالي من الهم
حتى قلوع المراكب
*****
غربي بلدنا بلد سيح
وادي الهِلف ماشي ورانا
مش عيب كراسي التماسيح
تقعد عليها "الوِرانا"؟*
*****
اللي حبنا حبناه
وصار ماتعنا متاعه
واللي كرهنا كرهناه
ويحرم علينا اجتماعه
******
يا بت جملك هبشني
والهبشة جت في العبايا
رمان صدرك دوشني
وخلى فطوري عشايا

أنا باوَحِّد اللي خلق الناس

واه يا عبد الودود - احمد فؤاد نجم

خلود الملحمة الشعرية للابنودي والمعنونة " جوابات حراجي القط العامل في السد العالي الى زوجته فاطمة احمد عبد الغفار في جبلاية الفار". يكمن بما تتضمنه من عمق انساني وقيم رائعة تمجد العمل. مشبعة بحكمة الغلابة وبآمالهم البسيطة الصعبة المنال... الحميمية البالغة والمشاعر النقية.

الرسائل المتبادلة بين حراجي القط (الجُط) وزوجته فاطمة أحمد عبد الغفار (فاطنة), ديالوج ومونولوج متناغم بينهما وداخلهما... مناجاة عشاق رقيقة مفعمة بالشوق العارم... ترجمة بليغة لحكمة البسطاء وغفلتهم بنفس الوقت.

جوابات الاسطى حراجي القط - الجزء الأول - عبد الرحمن الأبنودي

مربعات .. هشام الجخ & محمود وحيد

الأبنودي - أحزان عادية " احنا الشعب "

محمد منير
للي
يونس
ولد الهلالية
اكرم حسني
محمود المنسي

خضرة محمد خضر - يونس خطر في السوق - Khadra Mohammad Khedr - Younes Khatar Fe El Souq

مربعات ابن عروس .. صوت صعيدي مجهول

السيرة الهلالية - الشيخ ربيع زين

عبدالرحمن الأبنودي-إكتم أنينك

مربعات ابن عروس - خضرة محمد خضر

شوقي القناوي على ما أعتقد :)

مربعات ابن عروس


من يمدحُه يطلع خاسر

ويشبَّروله.. أيامه

يعيش جمال عبدالناصر

يعيش بصوته وأحلامه فى قلوب شعوب عبدالناصر

■ ■ ■

مش ناصرى ولا كنت ف يوم

بالذات فى زمنه وف حينه

لكن العفن وفساد القوم

نسّانى حتى زنازينه.. فى سجون عبدالناصر

■ ■ ■

إزاى ينسّينا الحاضر..

طعم الأصالة اللى فى صوته؟

يعيش جمال عبدالناصر

يعيش جمال حتى ف موتُه ما هو مات وعاش عبدالناصر!!

■ ■ ■

إسمه جمال وجميل فعلاً

ياما شفنا شجعان خوّافه

عظيم.. وكان إنسان طبعاً

المجد مش شغل صحافة علشان ده عاش عبدالناصر

■ ■ ■

أعداؤه كرهوه ودى نعمة

مِن كرهُه أعداؤه صادق

فى قلبه كان حاضن أمَّه

ضمير وهمَّة ومبادئ ساكنين فى صوت عبدالناصر

■ ■ ■

ملامحنا.. رجعت بعد غياب

دلوقت بس اللى فهمناه

لا كان حرامى ولا كداب

ولا نهبها مع اللى معاه أنا باحكى عن عبدالناصر

■ ■ ■

عشنا الحياة ويّاه كالحلم

فلا فساد ولا رهن بلاد

يومها انتشينا ثقافة وعلم

وف زمنه ماعشناش آحاد كنا جموع فى زمن ناصر

■ ■ ■

كان الأمل فى خُضرِتُه بِكْر

مافيش لصوص للقوت والمال

ومصر أبطال ورجال فكر

ومثقفين ستات ورجِال جيوش جمال عبدالناصر

■ ■ ■

كان الهلال فى قلبه صليب

ولا شفنا حزازات فى بلادنا

ولا شُفنا ديب بيطارد ديب

ولا جرَس خاصم مادنة وَحَّدْنا صُوت عبدالناصر

■ ■ ■

دفعنا تمن الحريّة

بدمّ مش بدينار ودولار

يوم وقفته فى «المنشيّة»

خلّى الرصاص يهرب من عار أعداء جمال عبدالناصر

■ ■ ■

رغم الحصار كنا أحرار

وفى الهزيمة الشعب ماجعْش

كان اسمها «بلد الثوار»

وقرار زعيمها مابيرجعْش قرار جمال عبدالناصر

■ ■ ■

خلَّى بلادُه.. أعزّ بلاد

ليها احترام فى الكون مخصوص

لا شفنا وسط رجالُه فساد

ولا خطط سمسرة ولصوص كان الجميع عبدالناصر

■ ■ ■

لولاه ماكنتوا اتعلمتوا

ولا بقيتوا «دراكولا»

ياللى انتو زعما وإنجازكو

دخّلتوا مصر الكوكاكولا وبتشتموا ف عبدالناصر

■ ■ ■

عمره ما جاع فى زمانه فقير

أو مالتقاش دوا للعِلّة

دلوقت لعبةْ «اخطف طير»

والأمة فى خِدْمةْ شِلَّة تكره جمال عبدالناصر

■ ■ ■

يتّريقوا على طوابيرُه

علشان فراخ الجمعية

شوفوا غيره دلوقت وخيرُه

حتى الرغيف بقى أمنيّة يرحم جمال عبدالناصر!!

■ ■ ■

فيه ناس بتنهب وتسوِّف

لا يهمّها من عاش أو مات

ورضا العدو عنّا يخِوِّف

معناه أكيد إننا قَفَوات من يوم مامات عبدالناصر!!

■ ■ ■

الأرض رجْعت للإقطاع

وقالوا: «رجعت لصْحابها»

وصاحبَك الفلاح تانى ضاع

ضاعْت العقود واللى كتبها وخط إيد عبدالناصر!

■ ■ ■

أنا أذكُرك من غير ذكرى

والناس بتفتكرك بخشوع

الأمس واليوم ده وبكره

يبكوك بعظمة مش بدموع يكفَى نقول: «عبدالناصر»

■ ■ ■

دلوقت رجعوا الفقرا خلاص

سكنوا جحورهم من تانى

رحل معاك زمن الإخلاص

وِجِهْ زمن غير إنسانى ماهوش زمن عبدالناصر!!

■ ■ ■

صحينا على زمن الألغاز

يحكمنا فيه «أهل الأعمال»

وللعدو.. صدّرنا الغاز

بفرحة وبكل استهبال نكاية فى عبدالناصر!

■ ■ ■

بنمدها بغاز الأجيال

تحويشةِ الزمن القادم

إتوحَّشوا فْ جمع الأموال

ورجعْنا سادة.. وخوادم ضد اتجاه عبدالناصر

■ ■ ■

يا جمال.. نجيب زيك من فين

يا نار.. يا ثورة.. يا ندهِةْ ناى..

البوسطجى.. إللى اسمه «حسين»

- أبوك - منين جابك؟ وإزاى.. عمل جمال عبدالناصر؟!

■ ■ ■

لو حاكتبك.. ما تساع أقلام

ولا كلام غالى وأوراق

الأمر وما فيه.. أنا مشتاق

فقُلتْ امسِّى عليك وأنام نومةْ جمال عبدالناصر!!


السيرة الهلالية الجزء الاول عبدالرحمن الابنودي

Yehia Ewyan

Recent comments

hamedsalman

Abd Allh Shams

sabah

Basma Elgarhe

Related tracks