السيرالهلاليه الجزءالشلاس

الخال

من جوابات الاسطى حراجي القط للشاعر المصري عبد الرحمن الأبنودي

السيما - عبد الرحمن الأبنودي

السيرة الهلالية الجزء الثاني عبدالرحمن الابنودي

السيرة الهلالية الجزء الاول عبدالرحمن الابنودي

أنا باوَحِّد اللي خلق الناس
خلق مسلمين ونصارى
وناس نامت على فَرش وِكْناس
وناس ع المعايش حيارى
******
طبيب الجرايح قوم اِلحق
وهات لي الدوا اللي يوافق
فيه ناس كتير بتعرف الحق
ولاجل الضرورة توافق
******
فَرَطت قِلعِي ما جانيش ريح
وعاودت ع البَر ناوي
ياما ناس زيِّنا مجاريح
لكين صابرة ع البلاوي
******
سكت الهَوى والناموس طار
والسبع طاطا بعينه
خليه دا النومِ أستار *
لما الكلب ياخد يومينه
******
شوف الزمان انتهت عَدَليه
وادي البُطْل ع الحق راكِب
جه السبع يُطلُب عدليه
لَقَي الهِلف ع التخت راكب
******
يا قلبي إوعى تعاشر الدُون
ولا تكلِّمُه بالاشتراحة
تكلمه الكلامِ موزون
تلقاه يرد بقباحة
*****
جاني طبيبي مع العصر
وف إيده ماسك عصاية
اتاري طبيبي قليل أصل
من خصمي جابلي الوصاية
*****
كلام الغَرَأبا حِمِلناه
فات علينا كما ريح هاوي
كلام القرابا إخ منَّاه
وياجي فوق فرش الكلاوي
*****
إوعى تقول للندل يا عم
ولوكان على السرج راكب
ولا حد خالي من الهم
حتى قلوع المراكب
*****
غربي بلدنا بلد سيح
وادي الهِلف ماشي ورانا
مش عيب كراسي التماسيح
تقعد عليها "الوِرانا"؟*
*****
اللي حبنا حبناه
وصار ماتعنا متاعه
واللي كرهنا كرهناه
ويحرم علينا اجتماعه
******
يا بت جملك هبشني
والهبشة جت في العبايا
رمان صدرك دوشني
وخلى فطوري عشايا

أنا باوَحِّد اللي خلق الناس

سيدنا الشيخ أحمد برين  -  أقسمت بالكهف والبقرة وسورة العصر ...سيدنا الحسين مددين يا جدي يا ساكن مصر

مربعات ابن عروس .. صوت صعيدي مجهول

،وفضلت انا حيران جوه البيت متداري، كأنه عايم لي في بحر وماسك فيه مداري 
  غفلان من الوقت وانا بالموت لم داري وفضلت اداري ادراي لما علتي كبرت..

الحب بدعه - ليه يا زماني - ابوي بنى لي قصر - الدنيا دي كام -  الشيخ احمد برين

احمد برين .  الصبر لو ليه تقاوي 

احمد برين ... الصبر لو ليه تقاوي

الشيخ أحمد برين - العصفور

مربعات ابن عروس 2

قولهم تعالوا شوفوا العاشق وحالة .. ياما شاف في الحب عذاب

روح يا نسيم الهوي .. الشيخ احمد برين

‫قصيدة احزانى العادية عبد الرحمن الابنودى كاملة‬

يامنة - عبد الرحمن الأبنودي

عبد الرحمن الابنودى - سيد مكاوى : حروف الكلام

إذا مش نازلين للناس فـ بلاش

والزم بيتك.. بيتك.. بيتك..

وابلع صوتك..

وافتكر اليوم ده.. لإنّه تاريخ موتى وموتك..

 ...

إذا مش نازلين للناس فَـ بلاش..

مادام الدايرة ماكاملاش

والحاجة ماتامّاش.. وأصحاب الحاجة ماعارفاش..

إيه المعني وأى بطولة فـِ إنّ حياتنا وأحلى سنينَّا..  يروحوا بلاش؟

حاجة ماراكباش!!

...

الله يخرب بيت الفكر.. وبيت اليوم الّى ورّانا الفكر..

لإن الفكر كتاب..

و "عويضة" حياته هباب وتراب..

عايش زمنه الكداب -زىّ العادة- مُرتاب..



 كنكة على دِمْس .. ونفَس مقطوع فى الغاب

ماشبعناش عنه بُعد.. وهوّه ماشبعش غياب..

"عويضة" هناك فى الأرض..

في المدن الأُوَض الّى نايمة على بعض..

...

وأقولّك إيه اللى قطع الدايرة يا أمير؟

وخلّى مابين النبي والخلْق  الغربة وتقطيع المشاوير؟

إن أنا وانت بنلعب طول العمر دورين: طليعة وجماهير..

و"عويضة" بينفخ موت الدِّمس والعالم.. نِمْس..



العالم.. سرقة وقلْع ولبس

و"عويضة" بقلبه الجبس.. الّى معلِّمُه إمتى مايحسش وامتى يحسّ..


بيعدِّى في الأيام جمل المراحيل..

زى ما عدَّاها من أول ما اتخرط الكون

من أول ما طلع للدنيا ووجد قبلُه.. فرعون..

 نفس الأيام نفس النسخة مطبوعة على كل الأعوام..

ماسمعشي بينا.. ماسمعناش.. ماقابلناش.. ما اتكلّمناش.

...

ولإن حمول الأيام مش مرفوعة.. إذا يد "عويضة" ماترفعهاش..

والقولة الحقَّة.. مش حقّة.. إذا صدر "عويضة" ماطلَّعهاش..

والخطوة حتفضل مشلولة.. إذا قُدّامنا "عويضة" ماخطَّاش..

ولإن دى حاجة "عويضة" لسّه مايدركهاش..


ولايدركناش.. ولا يعرفناش..


ولإننا لما دبحنا بعض مناقشة على القهوة لاجل البشرية..

"عويضة" ماسمعناش..

تبقى الدايرة مادايراش..

واما ييجى المخبر يسحبنا عَ الزنازين..



لازم نبقى عارفين..

إن السَّحبة ببلاش..

وان الحدوتة مالافَّاش.. فـَ الدايرة ماتامَّاش.. والدنيا ماحِلْواش..

وانّ "عويضة" لمّا قِبل الظُلم.. ماماتْش..

إحنا مُتنا.. وهوّه.. عاش..

...

الحاجز أكبر من كل الأحلام..

واسْمَك.. من جهلى وجهلك.. واسمي واسمك!!

...

مش حتعلمنى أكتر ما اتعلمت..

روح علِّم أبو الواد والبت..

الّي حيرميهم فى فرن الثورة يطيبوا بُكرة..

والّي لحد الوقت مايعرفشي إزّاي يكتب وازّاي يقرا...

وازّاي يعشق.. وازّاي يكره.. 

ولا عنده فكرة عنّك.. أو عن بكرة..


ولا ليك ذكرى..


لانا.. ولا إنت.. نجحنا ف تغيير الفكرة..

...

الفاس يردم بذرة..

المنجل يحصد سبلة..

الشغل يجيب أجرة..

وانت بعيـد..  بحكاية مامفهوماش..

بينَّنا وبينُه شعْرة وأرقّ من الشعرة..


دة الّي مفروض ناسج علم الثورة وصانع بكرة..


واحنا شهدا.. مع إنّنا.. ماحاولناش..

حاجة ماراكْباش!

الدايرة المقطوعة - عبد الرحمن الأبنودي

‫مربعات ابن عروس - ابو رسلان

الهروب لركن هادئ قد يكون أكبر الأمنيات

السيرة الهلالية الجزء الثاني عبدالرحمن الابنودي

Yehia Ewyan

Recent comments

mohamed hegazy

رافت العتباني

User 78623728

Youssef Mahsab

Related tracks