‫الجوكر - الحب في عنق زجاجة مع الكلمات‬

#الاب ضيف شرف

Wessam Mohamed - نور (Prod By Ahmed Kamel)

سيمفونية الجوكر

Follow Godzee Yakuza at :

Facebook : https://www.facebook.com/GodzeeYakuza
SoundCloud : https://soundcloud.com/godzee-yakuza-new

Album >> rec & mastring by : V-Nom

Godzee L عندنا في البيت

الـــكـــلـــمـــات

كل ما تبقى الأرض أصلب تحت رجلي أترعب
لـ أنسى كوني شخص بكل معاني الكلمة تعب
وبستغل خوفي في إني اتقدم ، مش في إني اتحجم
عارف الفرق بين الراحه ، وبين ألم مطفي بمسكن

بقالي وجود لما بقالي أهداف أحققها
بسعى للمثالية ، وعارف إني مش هلحقها
بس هفضل ببقى أحسن كل يوم عن اللي قبله
وده يستاهل إني أتعبله ، ويطمنّي وانا بقابله

انا كنت شايفه رماني ، لا في زماني ، ولا في مكاني
وكنت فاكرني هبقى المهدي لو اتولدت في ظرف تاني
تلميذ مذاكرش ، وفاكر امتحانه اللي ميتحلش
مع إن الكل واخد نفس الامتحان مقلش

من هنا بدأت أحل الأزمة ، لما بدأت أشوف
إن العيب كان فيا من البداية ، مكانش في الظروف
آمنت بكون الله بيديني بس اللي استحمله
فبقيت بواجه أي شىء ، وانا راضي ، ومتقبله

فجأة بقالي دور .. بقالي حياه .. بقيت بتبسط
بقالي مكان في دنيا كنت رافضها .. خوف لأترفض
بقيت بفرح بحاجات كانت تافهه في عيني وصغيره
لما عالجت عيني وشلت من عليها المرض

لما تاخد فرصه تانيه وانت قبل الموت بمللي
يبقى صوت مـ السما بيقولك: جه الوقت تآمنلي
فـ تفوق تشوف كام موته .. كام أوفر .. كام شوطه
كام حادثه .. ليله سودا .. كان وارد فيها موتك

واتكتبلك عمر جديد ، وانت كنت أعمى وعنيد
تقوله أموت .. يقولك عيش .. تقوله ليه مبترحمنيش
وكل دي تجربه ، ومكانش فيها صدف
ده احنا وقعنا عشان نقوم ، وعشان نتعلم إزاي نقف

خطائين .. لكن ده مش هيحدد نوطى ولا نعلى
مش محتاج تغير نفسك ... محتاج تغير فعلك
عمر ما جوهر المُزارع زاد أو قلل الحصاد
الفراعنة لما اجتهدوا شوفنا بعيننا الأهرامات

ولو تعبت في ص ، ولقيت النتيجه في س
بعد فتره هتعرف إن الـ س أحسنلك بكتير
آمن إن ربك أدرى بأفضل حاجه ليك
فـ بيكافئك في الميعاد ، وفي المجال المناسبين

فجأة بقالي دور .. بقالي حياه .. بقيت بتبسط
بقالي مكان في دنيا كنت رافضها .. خوف لأترفض
بقيت بفرح بحاجات كانت تافهه في عيني وصغيره
لما عالجت عيني وشلت من عليها المرض
____________________________________

Forsa Tania

Written by: El Joker
Music: Free Beat
Vocals: El Joker
Master and mix by: El Joker
© 2017 El Joker

El Joker - Forsa Tania l الجوكر - فرصه تانيه

El Joker - Forsa Tania || الجوكر - فرصه تانيه

إنفلات..

نسيبكو مع الكلماات 
.......
معلش ده غصب عنه
ان جيلنا اوسخ من جيلكم 
بس احنا شوفنا في وقت قصير 
اللي شوفتو طول حياتكم 
الوقت غير الوقت فـ الفكر غير الفكر 
اقصي شئ نعبر بيه هو ورقه وحبر
.........
Verse 1 : Ashour

إنفلات اخلاقي في مصر في اخر فتره 
الاسفاف في الشارع بقا موجود كتير 
بقت رومنسيه انه بيحضنها تحت المطره 
ناسيين ان فوق في رب علينا بصير
......
ياشب الحب مش انك تحضنها وتخرج بيها 
او في كل مكان في الشارع واقف مستنيها 
لو بيحب بجد اكيد هيخاف عليكي 
ويمسك ايد ابوكي قبل ما يلمس اديكي 
......
لا وفين في الشارع وكمان قدام مدرستك 
طب ردي علي اللي فات ده اللي قالتهولك استاذتك 
إنفلات اخلاقي ده مش انفلات امني 
انه يحضن بنت بقت دي اقصي الاماني
.........
الجاهليه رجعت تاني بقينا بنفس الفكر 
طب احنا مسلمين سبنا ايه ليهم في الكفر
احنا في مجتمع شرقي متنفعناش ثقافه الغرب 
يارب نفوق قبل الشمس ماتطلع من الغرب
......
كام عيل وفـ اعدادي بفيديو يوسخه سمعه بلد 
خلاص الغرب نجحو ونشرو فيكم اوسخ مرض 
احنا البلد الوحيده لو رجعنا لورا نتقدم 
نفسي اعلام الشاشه شئ مفيد لينا يقدم
....................
CHO
معلش ده غصب عنه
ان جيلنا اوسخ من جيلكم 
بس احنا شوفنا في وقت قصير 
اللي شوفتو طول حياتكم 
الوقت غير الوقت فـ الفكر غير الفكر 
اقصي شئ نعبر بيه هو ورقه وحبر
.......................
Verse 2 : G_Mazz

أقعد معايا احكيلك اللي بيحصل ف المجتمع 
.. كلو عـ الهوا معروض الواحد شاف اكتر ما سمع 
خلقي بقي اضيق من بناطيل الشباب الفاشونستا 
.. البنات العاديه لسانهم اوسخ من الفيمنستا  
.......
اوضتي عليها بويا اقل من وش البت 
.. بريئه قدام اهلها ومولعاها عـ الفيس وع النت 
مستنيها قدام مدرستها عشان يعملها مفاجأه 
.. رومانسي جدا بيحاول ينام وهو حاضن ورده
( ورده : المغنيه او الورده ) 
......
كل همه يرضي غريزه ولكدا يعمل تمسليه 
.. ازاي دول هيبقو ابهات ويشيلو مسؤليه 
بص علي الشباب عمره ما قرا معلومه او كتاب
 ... اسرح بخيالك عن المستقبل هيجيلك إكتئاب .. 
......
معاك فلوس بس ملكش قيمه تحلم بيها 
.. القيمه بالرجوله والاشكال دي الرجوله مش ليها 
لما تكون هي دي الثقافه وهي دي الاحوال 
.. عادي الشب يبقي طري والبت تبقي شمال 
......
الكلام في الـ TV يعكس تصرفات الشباب 
 ... البنات نفضت للعفه والرجاله مفيش اشناب 
٧٠٪ مـ الشباب يا بلطجيه يا طرااي 
... يا تقابلهم يسطلوك ياتخش يقولولك هاي
..........
CHO :

معلش ده غصب عنا 
ان جيلنا اوسخ من جيلكم 
بس احنا شوفنا في وقت قصير 
اللي شوفتو طول حياتكم 
الوقت غير الوقت فالفكر غير الفكر 
اقصي شئ نعبر بيه هو ورقه وحبر
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
AC AsHOuR : https://www.facebook.com/mahamad.adel.94
......
AC G_MaZz : https://www.facebook.com/mahmoud.mazagngy

Enflat|إنفلات Ashour ft G_Mazz

مريض نفسى الجوكر -Marred Nafsy- by Hmoody

الــكــلــمــات

المنبه رن ، لكن الهدف من الصحيان سخيف
تكملة النوم مش إختيار ... المستقبل مخيف
مفيش جنب بترتاح عليه عشان سريرك حجر
مشيت ورا كل خيط ، وإنجازاتك ... رف بكر

حتى القهوة بتستناك تسرح للحظه عشان تفور
الطفل اللي خاف م الضلمة كبر بقى يخاف م النور
أول ما بتبقى إنفراد ، وباقي بس تشوط
بتبدأ تسأل نفسك عن حقيقة الوجود

الفرق بين العبقرية والجنون بهتان
أكيد النص الفاضي أنضف من نصي المليان
عشان فشلت في التعايش .. جيت جهنم الإنتقام
قسوة العلامة إنها بتمنع رحمة النسيان

خلي نصك يسأل نصك عاد علينا ايه من جريه؟
مادام بنعيش نفس النهاية في آخر السيناريو
وليه بنكون أشخاص مش احنا طول ما الضوء علينا
آدي تاني منبه رن لا مننا نمنا ، ولا صحينا

مفيش شىء متمش ، وكإن غيابك متمش
كل الناس جراحها لمت ، جرحك ليه ملمش؟
بعيد عشان متهمش؟ ، ولا عشان بعيد متهمش؟
عنيك فضيت فضا جماد .. مكرهش ، ومحبش

ولد صغير .. حلم كبير ، ولما كبر الحلم مات
عجيب ضعف البشر ، وعجيبة قوة الكلمات
كلنا أسباب .. ده صاب عشان ده خاب
بس طول ما البشر سلالم إعرف إن اللي فوق كلاب

ملحقناش نشوف النور ... وصلنا والشعاع مكسور
سيبنا الأرض لأجل بذور ... رجعنا لقينا الأرض بور
والأوضاع متحسنتش ، لكن مبقيتش صاحب قضية
مضيت على إن مستقبلي مش أحسن من ماضيا

أسيب الجامع أقلع القفطان ... ألبس قبطان
أسوق سفينة .. تغرق .. أرقص رقصة القرصان
بطريقة غير مباشرة الدنيا قالتلي أقف بعيد
لما كل شىء قربت منه مات ببطئ شديد

هعمل ايه في قفص بجناح؟ .. سؤال ايه اللي انا جوابه؟
تملي في إيدي في مفتاح معرفش بابه
مقدرش أختار ما بينكوا ، وأخسر نعمة المحايد
حب واحدة ميتنسيش بواحدة ... يتنسي بوحايد

مفيش شىء متمش ، وكإن غيابك متمش
كل الناس جراحها لمت ، جرحك ليه ملمش؟
بعيد عشان متهمش؟ ، ولا عشان بعيد متهمش؟
عنيك فضيت فضا جماد .. مكرهش ، ومحبش

نفس المطعم ، والأوردر .. متخاطرش دقيقة
طعم الملل أحلى من خسارة جديدة
رص مزيد من لا شىء ... مزيج من الحمول عليك
بص .. عمرك من قدامنا عدى .. نسيك ده ولا ايه؟

بتعمل مش مهتم ، ولا مش مهتم فعلا؟
ضد أو مع الغريزة لما الموجة تعلى؟
الأقوى دايما صح ، والأضعف مقالش أشمعنى
مهو لو كل واحد طلب حقه .. الدنيا مش هتسيعنا

قريتنا وش فقر ، وناسها وش خوف وجهل
البنا ما بينهم صعب ، بس الهد بيهم سهل
متقولش زي العامة إن الفشل محتاج شماعة
نار القلق تحرق كيلو نيكوتين في ساعة

كل عيون كلاب حارتنا مفارقتكش لحظة
مخالش عليهم إنسحابك قبل كل رقصة
عيب المبدأ إنه فضحي ، والذكاء له ريحة
مهما دبحت نفسك مش هتبان دبيحة

مفيش شىء متمش ، وكإن غيابك متمش
كل الناس جراحها لمت ، جرحك ليه ملمش؟
بعيد عشان متهمش؟ ، ولا عشان بعيد متهمش؟
عنيك فضيت فضا جماد .. مكرهش ، ومحبش
_________________________________________

Godzee L عندنا في البيت

Yehia

Recent comments

Jana Mahmoud

Related tracks