ammar hosny

Elska da2t ©
Mix & master : The 12 Studio ®
Prod by : awney adel ©
-------
كتر العياط بيموت كسرتك بتقوي قلبك 
جدع و عشان جدع رموك ياعبيط محدش جمبك 
في شوارع ضلمت و ناس اتيتمت بالحيا 
انا طيب عمري ما اتمنيت لكل دول الاذي 

مش قولت عادي ! بتعيط ليه دلوقتي 
انا كنت متعشم زياده و العشم قتلني ^^
انا بخسر كل يوم ف ناس حبيتهم من غير سبب
من 6 سنين انا كنت كويس بس الوضع اتقلب 
مش فاضل من بواقي امبارح غير ذكري بتأذيني
اشمعنا انا مضايق كل الناس دي مبسوطين :"))
بزعل عشان صحابي كسرة عوني بتموتني 
لو كان بأيدي كنت اموت عشان تكون كويس :)

----------
و ارجع لوحدي .. سابوني و زهقو من كئابتي 
و عياط الناي بليل ف اوضتي يحكيلك بلاوي
و اداري خيبتي .. و ارجع مخنوق العن ف بختي
ميال و بختي بيعاندي ازعل ف ابيع حكاوي 

و ارجع لوحدي .. سابوني و زهقو من كئابتي 
و عياط الناي بليل ف اوضتي يحكيلك بلاوي
و اداري خيبتي .. و ارجع مخنوق العن ف بختي
ميال و بختي بيعاندي ازعل ف ابيع حكاوي
---------

و اغني تاني و احب ناس اكرها لما ترجع
و افضل اغني طول الليل لناس مش عايزه تسمع 
عمار انا اسفه .. خلاص لازم نسيب ايد بعض
موحشتنيش .. مش هرجع تاني اسف صعب

مافيش راجل بيعيط .. متوريهمش كسره
ربونا نكون رجاله بحبك بس كرامتي ابقي :)
و انا اجدع من الي حبك كنت احن عليكي منك
لو كحلك غطي ارضي بردو مش هقول بحبك 

و انتي .. مكنش قصدي ائذيكي .. انا اسف
مش حابب اشوفك تبقي لوحدك هبقي لوحدي معاكي
اخر عازف ع الارض .. انا مش ببيعلك ورد 
بياع و مش هبقالك مش هحبك قلبي جض

بنتحارب من اهل مفكرين ده ف مصلحتنا 
يمكن ف زمن تاني هنتجوز و نبني بيتنا 
ظروف بتكسر و الموضوع مبقاش يضحك خالص :)
اخر مشهد ف الفيلم كله كدب السكه ضاقت :)

L Ska Da2t | السكه ضاقت

برشامه منوم

Ammar Hosny " عازف " ft. Osakkaa | Script - سكربت

Ammar Hosny " عازف " | Cold - برد

الكلمات :

سبتلك جوابات كتير فـ السما 
امانه عليكي متكسريش بخاطري عشان ربنا 
مش قصدي اضايقك انا راجل بفهم فـ اصول
وان كنتي انتي مش عايزاني اكيد مش همسك فيكي الحب يغور

صعبان عليا نفسي عشان بحبك 
عشان قللت مني كتير علشان مشوفش زعلك
عشان عدت سنتين و لسه بتعب لما
بلمح اسمك مطفي فـ شات قديم او واحده شبهك جمبي ماشيه

سايق عليكي النبي بلاش تقولي نصيبنا
مش هيبقي كسر بنفسي و كدب كمان يا جدعان احنا تعبنا
محدش غصبك خالص كان ممكن ع فكره نكمل
بس انتي الي زهقتي مني و العيب كان عندك و مش عندي

متمثليش دور المظلومه عشان  قديم و اتحرق
عيبتي فيا و كنت بقول دي ست الناس انا  كنت وحش
و هان عليكي سنينا و سلمتيني فـ حرب 
كنت بحارب فيها عشانك انتي و كتر خيرك غلطي بردو 

و احلف برب السما محدش اتأذي غيري
كل دول بيقلدو تعبي وربك بدعي ما يبليهم بنصيبي
انا بسهر بـ الايام و النوم وحشني و شكلي عجز
لو هقولك سني عشرين سنه هتفتكرني بكدب

هلك جسمي بيحكي ان انا تعبان و ساكت
خدت ايه من حبك غير وجع قولون و صداع مزمن فـ دماغي
انا نمت ياما معيط و اتمنيت اختفي
وحياة كل دمعه وقعت ع صورتك بكره تجيلي و اندمك

و انا بردو وحش كان في بنت جميله مني اتأذت
قربتلها عشان انساكي و سيبت ايديها عشان مش شبهك :)
كده خالصين اظن استاهل وجع قلبي
و اعتبري التراك ده هديه مني عشان تتبسطي و تشوفي تعبي

بكفايه بلاش وعود و النبي عشان هرجع لوحدي
و اخوك بيتعشم فـ الناس ومحدش وفي بوعده معايا فـ سيبني
كل الوشوش كدابه و كله بدايل زايفه ليكي
مكنش معايا فلوس تكفي فـ اسمحي النهاردة اهديكي
----------------------------------------------------------
عدت سنين ع اكتئابي و حالتي اسوأ
كل الناس فحياتي كانت فتره و كله جه ضايقني و روح
صنفني حد نادر مرضي حير الدكاتره 
ولا منوم نعس عيني ولا المسكنات دي نافعه 

ما بين رموشي و خدي ضلمه تعمي الاعمي
عازف حب بنت جميله بس حزينه كات تشبه كمانجا
و كات علاقتنا جميله لفتره و اتشاركنا الزعل
بس هي تعبت مني اكمني كئيب و الوتر اتقطع

و اديني رجعت حزين لوحدي و خايف احتاجلها
قد ما انا فرحان بفرحها قد ما كنت مشتاقلها 
و جلال الله انا فيا تعب يكفي بلد و اكتر
مش عشان ساكت دا ميغركش انا جوه مني جهنم

كل الي كتبته مبيوصفش حاجه لسه 
بتسمعني فدقايق تتعب اومال لو مكاني تخيل انت !
انا حالتي زفت حقيقي و كل يوم بسوء و بكتم
عارف اني هموت صغير او هنتحر او هتجنن

و انا عايش بس عشان مكسرش قلب امي
ومع اني مطلع عينيها و خيبة امل بس هتزعل مني ")
و "كان"  كانت بتخلص كل شئ حبيته 
صاحبي الي مات مدمن و بيتنا و الضحك الي زماني نسيته

كان مفروض انهار من بدري ..  بس مكنش في وقت
وحملي تقل شيلة كتفي اكمني لوحدي جدا وماليش حد
عايروني بزعلي الي انا زعلته زمان عشانهم
قالو عني مبشرفش و نكدي و فاشل مش لايق مقامهم

حلمت بيكي من كام ليله كنتي جميله
كنتي لابسه فستان كنت بحبه زمان و كات غريبه
كانت فـ عنيكي لمعه نور ..  مشوفتهاش من يامه 
و افتكرت ايام عشقتك فيها و قلبي داب بهوانا

يا ست الحسن .. انا اسف اني مش هنفعك
كنت مقدر قيمتك غاليه و انتي شوفتي قيمتك حبة دهب
قليتي مقامي وانا مقامي عزيز عليكي
يعني لو انتي اميره بنت وزير فـ انا ابن اسياد سيدك
----------------------------------------------------------

وحياة برود ديسمبر قلبي تلج حزن 
ممكن ننسي البعد حبه نقص من فراقنا مشهد حضن
انا بستسمح نصيبنا فـ صدفه اشوفك مره واحده
لو مفهاش مؤاخده ممكن اسلم و المسك و ههدي

و لو ضحكتي كتر خيرك وعد ممنون ليكي
مش هضايقك تاني انا كل املي اطمن بس عليكي
طب بصي فنجان قهوه سادة ع كافيه ع البحر
مش بحب مرارة القهوة بس بعدك كان امر

و وعد انا مش هقرفك بحكاياتي و نكدي 
هفضل ساكت بتفرج عليكي لحد ما نيجي نمشي 
انا اتوحشتك .. و الليالي منستنيش ملامحك
انا رسمتك ياما وكل ليله بكلمك فـ  رسمي

حتي انا كنت بكلم ناس و اتخيل فيهم شكل وشك
كل واحده عرفتها بعدك كنت احكيلها ياما عنك
كان صحابي زهقو من سيرتك و من كتر حكايتنا
و كله قال فوكك و انساها هي قالتلك انها نسيت 

انا .. عرفت حريم تدوب الجدعان و تجيب اجلهم
و انتي بردو كنتي غيرهم و انتي بنتي غصب عنهم
كنت بشوف طيفك فـ الناس و كنت قربت اتجنن
حتي بيتنا شايل ريحتك كل حته كانت واخده منك 

كان سيرتك بتحرق دمي بس بتهديني
بسمع اسمك بتعكنن شويه لما مش بلاقيكي
و بقول ايام هتعدي اكيد هتعقل بكره
و بكره عدي وبعده عدي و بدل سنه اتنين فـ غربه

و انا تعبت من وحدتي ..  و تعبت مـ الاغاني
و من لمتهم الفشوش و من صحابي و من دماغي
خد حياتي .. و هات حياة مفهاش سهر و تعب
خد حياتي و هاتلي عيشه معاها يومين فـ راحة بال بالعدد

youtube.com/watch?v=P9AFCVZ0cR4

Ammar Hosny " عازف " - The fourth chord | رابع وتر Ft : Mohammed elkafory "الكافوري"

' تقدر تتابع كل جديد للـ عقرب من هنا '
www.facebook.com/karimmoka666 ♥

YOUTUBE LINK ' https://www.youtube.com/watch?v=-pI42zlQe10 '

Single

Karim Moka - I Was Gone | كريم موكا - مكنتش فايق Ft. Ammar Hosny

الكلمات :

#عمار_حسني

ازيك ؟ انا مش شبهك مع اني زيك
دمي مالح زي بحر بلدي لو بغرق هموت بتريق
عسل و ضحكي يحلي مرارة اي قعدة 
مع ان انا غامق و مطفي بس بشوف سعادتي فضحك سعادتك

جدع و عيلتي صحابي و كل ما املك هما
انسان بسيط بمعني الكلمه و قلبي ابيض و نفسي سالكه جدا
مبحبش الغلط و بفهم فالاصول شواف
ابن ناس ساعات لكن مش بنسي اصلي ان انا غلبان

ع قد حالي عايشها عشان مش حمل حمل العز
مع اني انا ابن ناس بس انا فهمان ان الفلوس بتهد
مش ناقص حاجه عيني بيملاها القليل و برضي 
حظي شايل مني حبه بالتالي كنت بحب مرضي

الناس كانت كارهاني بدون اسباب مقنعه
مع ان انا مأذتش حد اذوني , هنام زعلان مش كده :) ؟
منايا افرح امي و اشوف اخواتي تمام 
شيخ و بغني بتوه فـ غلطي و برجع اتوب انا عايش بين حالات 

------------------------------------------------------
انسان بـ 3 شخصيات عايز خريطه لنفسه
كان هو هو و هو جمبه و هو ضهره و صاحبه 
كان هو خصمه و ياما اتعاركو وياما مات
انا مجنون فـ نظر الناس و مش ببالي انا بـ حالات و حالات

انا اتولت باين .. الحته دي مش هنا
انا مش طبيعي اكون طبيعي بيعي مش هتفرق كده
بغني و مش بحب الغنا و كاره نفسي
تايه بيني و بيني انا توهه ولا عازف ولا عمار حسني !
------------------------------------------------------

#توهه

ازيك ؟ انا حد بتكرهه و بيحبك
حد ياما دافع عنك وقت ما السكاكين نهشت فـ ضهرك
انا حد وحش ميشرفش بيستعروا مني
شوفت اذي مـ الناس كتير فـ بعد اذنك سيبني لوحدي

راميني فـ ضلك ! .. انا اخر حد فاضلك
كل الوحش كان لـ توهه و كل الحلو كان بـ اسمك انت !
انا شخص مضلم .. مش هنفع كويس 
ليه رميتوا طوبتي بدري و سيبتو الشارع ليه وسخني سيبني

محدش صاحبي و خالصه الشغله معايا بظبطه 
قبل ما ترسي هندقلها هلقي عزوه لو سموني فركه
ماتت اصولك انت بطولك اصحي انت بتتغفل
كله خيش و خنتاريش مفيش جدعان خالص دلوقتي

اخواتي يسدو عين الشمس لو هنروح فـ داهيه
و لو خصمنا حاربنا شرق و غرب الاتناشر دي باقيه
مبحبش الراب مش بترازي نجم انا علم جيهتي
لو محدش يعرف اسمي كفايه رعبهم من سيرتي

------------------------------------------------------
انسان بـ 3 شخصيات عايز خريطه لنفسه
كان هو هو و هو جمبه و هو ضهره و صاحبه 
كان هو خصمه و ياما اتعاركو وياما مات
انا مجنون فـ نظر الناس و مش ببالي انا بـ حالات و حالات

انا اتولت باين .. الحته دي مش هنا
انا مش طبيعي اكون طبيعي بيعي مش هتفرق كده
بغني و مش بحب الغنا و كاره نفسي
تايه بيني و بيني انا توهه ولا عازف ولا عمار حسني !
------------------------------------------------------

#عازف

ﺍﺯﻳﻚ .. ﺍﻧﺎ ﺍﻛﺘﺮ ﺣﺪ ﻓﻴﻬﻢ ﺷﺒﻬﻚازيك .. انا اكتر حد فيهم شبهك
كنت جمبك لما كنت لوحدك وانا لميت الناس و شهرتك
هشيت دخانك وقت ما اتوسخت بـ توهتك
خدت حقك من كل الي اذاك وزيادة و رجعو تحت رجلك

من بعد ما كنت لاشئ عرفت اني فين ما هروح انا هلمع
كل الي اتريق عليا من زمن دلوقتي مناهم ان احنا نتصور
محدش سلكلي و مع ان انا لوحدي اتكارت بدماغي
كل الي غنو حزين فالبلد نسخ مني مش اكتر مين فيكو عازف

اظن كفايه كده و فضو السيرة و خلصت
نجم جيلي و بكره تشوفوا و الايام اكيد هتثبت
محدش ينكر .. انا ضهري شال فناره
انا بطولي و انتي بكتره عازف مستقوي بـ اوتاره

عملت قيمه لـ ناس قيمتها تراب فـ هوا
اظن انضف ايام حياتكم كانت ايامنا ايام ما كنا سوا
مش فارقه عمار ولا عازف ولا توهه
كنت عظيم فـ كل حالاتي انا نور مع ان كل حياتي سودة

------------------------------------------------------
انسان بـ 3 شخصيات عايز خريطه لنفسه
كان هو هو و هو جمبه و هو ضهره و صاحبه 
كان هو خصمه و ياما اتعاركو وياما مات
انا مجنون فـ نظر الناس و مش ببالي انا بـ حالات و حالات

انا اتولت باين .. الحته دي مش هنا
انا مش طبيعي اكون طبيعي بيعي مش هتفرق كده
بغني و مش بحب الغنا و كاره نفسي
تايه بيني و بيني انا توهه ولا عازف ولا عمار حسني !
------------------------------------------------------

Ammar Hosny " عمار حسني " - Cases | حالات Ft : عازف , توهه

الكلمات :
مكنتش بعرف احكي كنت بشتكي للورق فترات
مكنش بينا طريق مقابله كنت بسهرلك فـ شات
و فرق بين جوابات و بين كلام ع لوح ازاز
محدش عارف انا عيطت كام مره ومكتوب تمام

مكنش فـ ضهري عيله فـ اتسندت فـ صحاب فلصو
اول ما اتحطيت فـ اول عركه سابوني لوحدي و جريو
فـ انا اتعودت اكون لوحدي و متسندش بحد
و اتعلمت انها كلها جدعان بتسيبني وقت الجد

حبيت ملاك كانت جميله و الايام بتغير
عشنا جوه دماغي و بره العالم كان لسه بيترندر
هي تعبت و انا يتزهق مني ان جيت للحق
اظن كده خالصين يا بنت الناس بكفايه كسر فـ بعض

و انا ابن اصول محيلتيش اللضا وكده بس جدع
ممكن اديلك عنيا بس هتسندني اما هقع ؟
مش هتجمعنا صدفه الطيبون للطيبات
و انا كان قلبي طيب جدا وانتو اوسخ خلق الله

----------------------------------
كات جوابات لـ السما مكتوبه فـ ضهر الملزمه
مبلوله بـ عياطه لما قالو عليه يتيم ف المدرسه
و الي يزعل اكتر من انك لوحدك
انك تتعب بس ما تلقي حد تبوحله حتي بتعبك

جبنا اخرنا .. الدنيا باين زهقت منا
ماهو يا تغورنا فـ داهيه يا تدفنونا مع زمايلنا
كنت نفسي فـ حضن بس مافيش احضان كانت بتساعني
انا كل الي اذاني كلام كتمته فعشت اتأذي لوحدي
----------------------------------

في صوت كمان مسكتش صوت عازف مسابش السوق
انا حالي كل يوم بيسوء و شكلي مش هفوق مش كده ؟
متفوقنيش عشان لو فوقت هكره نفسي
كانت الناس بتحب الناس و كنت لوحدي بحب ازايز ويسكي 


كتبت ان انا مضايق ع الحيطه اتصوروا معاها
كان كل الي هاممهم ياخدو بوست مش يسمعو غنايا
حاربوني عشان نجحت فـ حاجه مش حاببها
لو هكون كويس بكره اشبعوا بالشهره وربك مش عايزها

متفرحيش ان انا تعبان انا هبقي كويس بكره
هطلع المس نجم السما بس انتي هتفضلي لسه وسخه
و الي اتباع  بمال قارون هيفضل اسمه اتباع
و الناقص لو خد كنوز الدنيا هيفضل بردو جعان

كل الناس سميعه مش كل الي سمعك صاحبك
بكره الهيلمان ده هيخلص و هتتفض و تبقي لوحدك
بلاش عشم و و متسبنيش عشان هوحشك
بكره كل الناس هتحبك لما تموت فصله نقطه انتهي

----------------------------------
كات جوابات لـ السما مكتوبه فـ ضهر الملزمه
مبلوله بـ عياطه لما قالو عليه يتيم ف المدرسه
و الي يزعل اكتر من انك لوحدك
انك تتعب بس ما تلقي حد تبوحله حتي بتعبك

جبنا اخرنا .. الدنيا باين زهقت منا
ماهو يا تغورنا فـ داهيه يا تدفنونا مع زمايلنا
كنت نفسي فـ حضن بس مافيش احضان كانت بتساعني
انا كل الي اذاني كلام كتمته فعشت اتأذي لوحدي
---------------------------------

عمار حسني - ويسكي

الكلمات :
تفاصيل حكايتي الي انا هحكيها مش هتهمك 
زي ما انا مش مجبر احكي انا مش جابرك انت تسمع
بس انا محدش سمعني و مش موهوب غير فالكتابه
بعد اذنك بعد ما تقري الورق ولع فيه و انساني

اسمي مش معروف مكنش مهم خالص
ممكن لو ضروري و عايز جت فـ فتره قالولي عازف
عندي سن فـ ورقه بلاستيك مش مصدق انه سني
فـ انا هقولك اني عندي الف سنه وحبه زياده يمكن

عندي سواد محلق عيني و اكتئاب مأتب ضهري 
وقت فات بيسرق عمري و حزن فـ قلبي كان كبرني
و كل ده لسه .. برسم ساعات ع الحيط مشنقه 
كل الحزن ده امتي اتلقي فـ قلب مكملش العشرين من سنه

ثواني .. الورق ابتدي يخلص و هسيبك
انا هروح مسافة السكة لو سمحت استني دقيقه
اهدي .. مكتوب لسه ده اول جواب
شكلي هدوق القهوه انا النهارده و شكلي مش هنام

------------------------
كنت ميت ماسك فـ الحياه بإيديه
كنت طيف محدش واخد باله مني ليه
كنتي نفسي اتسمع بس 
اكيد حياتي فيلم اكيد حياتي كدب
------------------------
دلوقتي و انا بكتبلك كملت السهر يومين 
بدأت اتهته فـ الكلام و اسقط صوتي بان عليه
تعبان .. دي تالت رزمة ورق تتقطع و احرقها
بان فـ طرف الورقه كلمة انا مضايق قبل النار ما تاكلها

امي سألت النهارده عن احوالي 
و انا كالعاده كدبت عليها و خدت نفسي قولت تمام انا عادي
و هي خدت بالها و بصتلي و عديتها 
و امي عارفه ان انا مضايق وانا مضايق اني خيبتها

كنت لعنه لـ اي حد قرب مني كسرت نفسه
كان بودي افرحهم بـ ابنهم بس ده غصب بردو
كنت بصحي ابص فـ المرايه اشوف احلامي بتبهت
اطلع بره اشوف بصتهم ليا بكره نفسي اكتر

رميت شباك احلام فـ الميه و مصطادتش غير نحس
و كل الي عرفتهم كانو خيالات مأته و نص كرف 
كنت غريب فوسطهم كانو كام مشوار و مسيري اروح 
... هسيبك شكل الصبح هيطلع
------------------------
كنت ميت ماسك فـ الحياه بإيديه
كنت طيف محدش واخد باله مني ليه
كنتي نفسي اتسمع بس 
اكيد حياتي فيلم اكيد حياتي كدب
------------------------
كملت اربع ايام مبخرجش من الاوضه 
صحابي نسيو باين كل صورهم لمه و صورتي مش موجوده
موبابلي مرنش من زمان و عضم صدري ترب 
مش ببالي صحيح بس انا من البني ادمين بردو

جسمي خس من قلة الاكل و من قلة النوم 
انا قصرت فـ حق نفسي كتير يا رب انام ما اقوم
مكنش حد فايق خالص
كل واحد كان مشغول بنفسه و انا ببهت و بعافر

امي قالتلي ان انا هتحاسب علي جسمي الي بهلكه بهده
وانا مكنش عندي طاقه افهمها انه غصب بردو
هما ضحكو لما قولتلهم مكتئب 
فضلو يتريقو عليا ساعتها و انا كان نفسي اتسمع بس

فجأه الدنيا بانتلي متسعنيش بحزني
كل احضانهم مش كفايه كان كل الزعل عشاني لوحدي
اخر مسكن خدته من ساعتين و بدأت اصدع 
 هسيبك و انزل  خد بالك ع نفسك 
------------------------
كنت ميت ماسك فـ الحياه بإيديه
كنت طيف محدش واخد باله مني ليه
كنتي نفسي اتسمع بس 
اكيد حياتي فيلم اكيد حياتي كدب
------------------------
كملت اسبوع صاحي جسمي تعب همد
انا حاولت انام صدقني فـ دمي مهدئات تموت
قلبي واجعني .. مبقتش عارف اميز
بين تعب طالع من جسمي و تعب م التفكير بيجنن

قومت حاولت اجيب كوباية مايه وقعت خبطت شنطه
كنت بشيل فـ جيبها كل حاجه كانت باقيه منها
شوفت صورتنا .. وجمبهم صورك فـ فرحك
و انتي كنتي جميله عموما انا مكنتش لايق جمبك

عارف .. مش هكدب عليكي خايف
بس لازم اعمل حاجه عشان الدوشة جوه دماغي
ربطت الحبل .. شوفت الدنيا ملونه جوه عقده
و كان حلي الوحيد عشان انام و ابطل افكر

اخر جواب .. كان نفسي حد منهم يسمعني
كانو وقفو بيتفرجو و الاكتئاب بينهش عضمي
يالا سلام .. قولو للدنيا مات زعلان
بكره مش هيبقي تمام نهائي بكره مش هيبقي تمام :)

------------------------------
#Ammar_Hosny #عازف
بحب عمار حسني وبحب حزنه 💙

Ammar Hosny ' عازف ' - Letters  جوابات

Ammar Hosny " عازف " - Letters | جوابات

Infinity - Rohna | إنفنتى - روحنا Ft. Karim Moka ( Prod By Khofash )

' تقدر تتابع كل جديد للـ عقرب من هنا '
www.facebook.com/karimmoka666 ♥

FOR VIDEO CLIP - YOUTUBE LINK :
https://www.youtube.com/watch?v=v8zUjB4bHqU

Karim Moka - Ya Waady | عقرب - يا وعدى

الكلمات :

متشغليش مزيكا حزينه انا هبكي لوحدي 
مش محتاج بشر علي قد ما انا محتاج حاجه تموتني
متبصليش النظرة دي متخافش مش هموت
كل شئ قسمه و نصيب و انا قسمتي مبقاش مبسوط

و ان كان ع الود اتنسي انا وردي اتداس بوساخه
الف مية مليون سلامه مش هعوز من وشك تاني حاجه
خليكي فاكرة انتي الي بعتي كلامك كدب
بكره تندهيلي كتير و مسمعكيش من دوشة الاستيدج

جواباتي الي اتقطعت مش مهم انسيها
سبحان الي يخلي الحاجه فبوقك و بيقسمها  لحد لغيرك
انا مطمعتش فـ كنوز قارون رضيت بيوميه
قبلت الغلب بكل غلب ليه مرضيش الغلب بيا


و طموحي معدانيش لكن كوابيسي محلتنيش
مشاكلي محلهاش تطنيش ولا طيرها دخان الحشيش 
الفتره دي هلكتني و علمتني الوحده
عموما افتكريها يا دنيا خالصه انا ليا عندك واحده

--------------------------------------------
مبيدومليش بشر مشهور لكن وحيد
ضحكت وقت ما دغدغو قلبي لفتافيت
كوابيسي بشوفها الصبح فـ مسهرش ليه
انا اسف اني مش جميل .. ارمي البورتريه

اميه .. يا دنيا ملعنت فـ غرقانتك جلي
بدل ما ائذي بشر انا اذتني و افتريت علي نفسي
حبتلك كل خير حبتلي الاذي ليه :)
انا اسف اني مش جميل .. ارمي البورتريه

--------------------------------------------

انا اكتئابي طول جدا .. الحال مبقاش يسر
مهما اقدف بلقي الموج محدف مش سايبني ارتاح ف بر
علمني ازاي مزعلش عشان بزعل كتير
و قولي ازاي احكيلهم زعلي و كل تعبي بيبقي حروف مفيش

و انا من كتير بشيل مع ان الحمل تقيل
ازاي متصدقنيش تلت سنين بحكيلك اني مش بخير
الناس فترات بتأذي .. سيبني و امشي
انا مش شايل من حد و ربك بس انا مش مسامح نفسي

دخان الجوب طار بصحابي و سابلي هوا
رمو طباق العيش و الملح و حطو مكانها طباق الفركه دهب
ياالي انت غايب طمني عشان طال غيابك
كل واحد خد نصيبه زيادة طمعو ليه فمنابك !

مختارتش كده و بكرهني و حياة ربنا 
عشت سنين بلوم الناس و كل حد اذاني كان انا
كان كله عايز مني شهره محبتهاش
كنت بكتب علشان اهدي دلوقتي انا مبهداش


--------------------------------------------
مبيدومليش بشر مشهور لكن وحيد
ضحكت وقت ما دغدغو قلبي لفتافيت
كوابيسي بشوفها الصبح فـ مسهرش ليه
انا اسف اني مش جميل .. ارمي البورتريه

اميه .. يا دنيا ملعنت فـ غرقانتك جلي
بدل ما ائذي بشر انا اذتني و افتريت علي نفسي
حبتلك كل خير حبتلي الاذي ليه :)
انا اسف اني مش جميل .. ارمي البورتريه

--------------------------------------------
 
انا مش طبيعي لو مش عاجبك ممكن تمشي
عندي نوبات زعل بتفضل بالشهور و مش بتسيبني
و عندي خط تحت عيني من قلة نعساني
ب بتهته ف الكلام كتير وبرجع اسكت تاني

مبشوفش حاجه حلوه بس ساعات بشوفك
بارد جدا قلبي متلج بس بعرف احس بخوفك
عيل صغير بتراضي بكلام و حضن
و رغم اني بسيط بشده شافوني حد غريب و صعب


بحب الي بيسمعني حتي لو سكت
هاتلي حد بس حبني و مغيرهوش الوقت
و اديني صبر ايوب يارب انا خايف اكفر
لو الدنيا بالشكل ده فـ حلوه كده مش عايز اكبر

و انا ممكن انسي الناس لكن مش هنسي تعبي
و مش هنسي اني كنت بتكتك ع الرصيف و كله كان متغطي
12 شخص 12 شهر 12 مشهد
جوزائي متخلف اخر عازف فاضل فـ الكوكب
--------------------------------------------
مبيدومليش بشر مشهور لكن وحيد
ضحكت وقت ما دغدغو قلبي لفتافيت
كوابيسي بشوفها الصبح فـ مسهرش ليه
انا اسف اني مش جميل .. ارمي البورتريه

اميه .. يا دنيا ملعنت فـ غرقانتك جلي
بدل ما ائذي بشر انا اذتني و افتريت علي نفسي
حبتلك كل خير حبتلي الاذي ليه :)
انا اسف اني مش جميل .. ارمي البورتريه

--------------------------------------------

انا صاحبك .. مزيكتي وقت ما تقسي الدنيا جمبك 
وقت زعلك هتلاقيني فـ هاند فري بحكيك واصالحك
و انا مش مثالي بس طيب انا هسمعك
هفضل اقولك ان الدنيا وحشه مش هكدب و اخدعك

سامحني انا مقصدتش لو زعلتك مره
هتصدقني لو قولتلك انك صاحبي الوحيد ياسطي
ع فكره انا زيك زعلوني و قولت عادي
30 اغنيه حكيتلك فيهم عن بلاوي حياتي

بس انا تعبان و المرادي الموضوع مختلف
مش من طبعي اشتكي بس وربك الايام عليا افترت
مش كله ضرب انا عشت حرب و حقي اني اتعب
انا فمشاكل جايز متهمكش متدخلش احسنلك

و انا يمكن اكون لوحدي بس عندي اوتاري
عازف بقي ادمان لـ الناس اظن انا نجحت المرادي
ميهزنيش .. جابو سيرتي و قولت سهله
اوعو تنسو مين الي عملكو يا مدعين يا كلاب الشهره


--------------------------------------------
مبيدومليش بشر مشهور لكن وحيد
ضحكت وقت ما دغدغو قلبي لفتافيت
كوابيسي بشوفها الصبح فـ مسهرش ليه
انا اسف اني مش جميل .. ارمي البورتريه

اميه .. يا دنيا ملعنت فـ غرقانتك جلي
بدل ما ائذي بشر انا اذتني و افتريت علي نفسي
حبتلك كل خير حبتلي الاذي ليه :)
انا اسف اني مش جميل .. ارمي البورتريه

Ammar Hosny " عازف " - portrait | بورتريه

الكلمات :
انت فين !
كان المفروض تكون هنا
النهاردة هكمل العشرين وانا عندي ميت سنه
كان مفروض تكون هنا .. انا سبتلك جوابات كتير
و اتصلت بيك لكن ارقامك فجأه ضاعت او نسيت

ع فكرة انا تايهه .. و مش سهل عليا اني اعترف
مش هعرف اقول اني بخير عشان انا ببساطه بتخنق
و بحس بإني اراجوز ع طول بضحك قدام الناس لكني حزين
انا رايح فين

انا مدخلتش هندسه و مجبتش بيت بدورين و بسين
ومسافرتش جزر المالديف و لا انا مشيت علي سور الصين
و متحولتش خارق فجأه ولا لقيت مصباح وبساط
عارف البنت الي انا حبتها زمان ؟ محبتهاش 
 
مطلعليش دقن السلطان طلعلي خطوط وتجاعيد زمن
و معملتش شعري لونه ابيض بس طلعلي خصل شلتها
و صوتي اوحش فالقرآن من كتر ما انا حفظت اغاني
و عرفت بنات مالهمش عدد بس انا نسوانجي ك اجمالي

و ع فكره مبشربش سجاير بس صحابي مبطلوهاش 
عارف علان مات من فتره و هو بيضرب قالي ده هاش !
فاكر كذا ؟ اتوفي بردو 
اخر مره كنت بزوره قالي انت عبيط خلي السرطان ده يجيب اخره

و اهو جاب اخره 
انا شخص للاسف مبيعيطش
حتي يوم جنازة جدي الي كانت روحي فيه فضلت بارد
بس فاكر بعدها بشهرين عيطت اسبوع حتي ليه مش فاكر

انا شخص فالازمات بيبان جماد ساكت مش اكتر
دكتور فالمشاعر الضاله بحس بالحاجات متأخر
مش شخصية بعرف اعبر فتلاقيني باخد جمب
بتعصب من اي شئ بزعق لحد مالوش ذنب

و بأذي نفسي و بفضل ساكت بالشهور زي المجنون
او بكلم نفسي فالتليفون بشكيلي من وجع القولون 
و اقولي انا جمبك متخفش و الله كله هيعدي
والله كل ده هيعدي و الله كل ده هيعدي 

حقك عليا يا عم متعيطش عشان خاطري
لفيت دراعي مسك ضهري وكأن شخص بيحضني
تبت فيا و صدقت اني حد غريب بجد 
فصعبت عليا من غلبي انا شخص وحيد مالهوش ولا حد

سيبك مني و طمني عليك 
انت كويس و الدنيا تمام ؟
قالولي ان انت تعبت من فتره و الدنيا تلاهي فنستني
لا انا بكدب .. انا خفت ان انت تزعل لما تشوف وشي

و انا كنت متعصب منك بس انا دلوقتي هديت والله
ولو ممكن لو حابب يعني تكلمني كلمني انا مستني و قاعد
انا مش وحش والله علي فكره ساعات بصلي
وبقول الاذكار فمعادها و مبقتش بحب ان انا اغني

ع فكره فلانه اتخطبت دلوقتي 
قالتلي صراحه ان انا فاشل و مافيش خالص رجا مني
و قالتلي انها كرهتني 
و اني بقيت ذكري بتنساها اه و بقت تقرف مني
و اني منفعش اعمل اسره علشان .. فاهم تعبي النفسي
و قالت همشي .. مشيت ومبصتش وراها 
و حقيقي انا عايش دلوقتي بالوقت الي انا عشته معاها
و عموما ده نصيب مش هكفر 
انا مبسوط علشان هي قالتلي انها مبسوطه
هو الراجل مننا هيعوز ايه م الدنيا غير انه يشوف الست الي حاببها عايشه و مبسوطه
انا بس عايز اقولها .. ان انا حبيتها 
و اني مقصدتش ائذيها و مع ذلك انا بردو اذيتها
ربنا يهديكي و يسامحك و تلاقي احسن مني بكتير
اشوف وشك بخير 

شوفت ! خدنا الكلام و حكيتلك بردو عن نفسي
اعذرني متكلمناش من ياما فواحشني مش اكتر يعني
انت فاهمني ! عارف احساس انك تبقي انسان غير مرئي
ظرف و عرضي او شاشة اعلان دلوقتي هتديرها و تكمل عادي

انا عمري ما كملت اغنيه 
بزهق بسرعه من الحاجات 
من كتر ما انا حبيت بنات قلبي منحس
كل الحاجات تغلي الا انا ببخس
ببهت و ابان بلمع بتعب و اقول سهله 
اوسخ شعور لما قلبك بيستغني
او لما تتبقي البلاطه فالدومنه 
ضيعنا وقت كتير و حاربنا و تعبنا و طلعلنا فالاخر مكسب خسارتتا

هل كان هذا الامر مستحق للعناء 
هل نحن فعلا ابرياء !
من شخص عاش بطولة الروايات لشخص حقق
انا كنت غبي اتصدق
زعلان عشان عمري الي ضاع مش عارف ضاع فإيه
انا بكبر بمعدل مرعب فالثانيه بزيد سنه او سنتين
و دموعي الي منزلتش بتتخزن فسواد متشال تحت عنيا
وكل الاوقات الي سكت و متحركتش فيها طلعتلي فرعشة فأديا

كل البشر بتروح .. كل الحنين كداب
كل الي ساب دلوقتي كان قالي هبقي معاك
و انا شخص مش بنسي الوعود لكني بنسي البشر
بنسي الارقام و التواريخ بس مبنساش تفاصيل ضرر

بميل للوحده اريحلي قرف قرب البشر فواح
هتفرق ايه مسافتنا طالما حزين و مش مرتاح
متستغربش .. انا سني صغير بس انا كهل
طابور الدنيا عداني عشان وحدي و من غير اهل

انا اسف .. خلاص متزعلش انا مش قصدي
بس انت مكنتش هنا جمبي 
وقت ما الدنيا طحنتني كنت بتتفرج و بتضحك
فاعذرني انا كبرت لوحدي
باردون .. علي فكره الدنيا مش افلام كارتون
لما البطل جاع فالحقيقه السحر مأنقذوش
و الناس طلعت فشوش و الدنيا مش حلو
سيبك من كل الي اتقال .. انا فل تمام
صحتي مية فل و عشره و كله هيعدي قدام
ابقي اسأل لو ينفع يعني متكسرش بنفسي
مش عايز احس اني لوحدي .. مش عايز احس اني لوحدي

طولت عليك .. انا اسف علي ضيعة وقتك
اتفضل ممكن تتفضل اوعدني تاخد بالك من نفسك
لا متقلقش عليا انا هبقي تمام .. ههدي دلوقتي لما هنام
كل سنه و انا طيب .. سلام

ammar hosny

Yusef