احلي حته لما بيقول تحت زيي

الجوكر

 شر نفسى عليا بان ، لما إتقفلت البيبان
وعرفت ان طوق النجاه يكونلى حوافر مع نيبان
بقى الجو هو الملك ، الناس حواليه بزمبلك
قمه السعاده وسط العبيد انت بس تمتلك
بينى وبينك ياحمد جدار ، انا عليك سيد قرار
قول إنتحار ، او قتل مع سبق الإصرار

ليه ياجو فرحان بشرك ، والشيطان فطريقو جرك
ناسى ربك دينك أهلك والخضوع لأمرك غرك
اصحى فوق شوفلك دوا ، ده وجود الجوكر فيك عيا
ياريت تصحى أحمد خلاص كفايه دفنتو بالحيا

وأنت ياحمد كنت فين ، لما قسمتنا الدنيا اتنين
نص فكفه الناس داسوها ونص داس عـ الكفتين
نص عاش ملك فغابه ، ونص إتدارى من الديابه
ياحمد فكين المفرمه فزمانا مسكن الغلابه
عايزنى أحييك ؟ وأرجع عروسه فبترينه البوتيك ؟
إنسى ياحمد . رجوعك وهم ساكن بس فيك

واحد حى التانى مات ، واحد عبد التانى ساد
واحد كان لازملو فرصه يبيع فيها التانى فـ مزاد
غايب حاضر بالهمسات ، حلمو يحيى فيه اللى مات
ده يشد وده يشد اتحول لإنفصام حااد

فلاش باك ، على يوم مـ الحظ لعب معاك
حب الناس لشرك قتل حبك لأحمد من جواك
بعد مـ عمو الجو نجح ، عملت من ماضيك شبح
مهزتكش مره كسره صوتى اللى اتنبح

الجوكر فوووق عشان الناب سبق كلامو
وانت مت لما قبلت الدنيا تذل فيك قدامو

لأ الجوكر وهم نفسو لما فسر طيبتى ذل

امال ايه معنى دمعك لما قطع فيك الكل ؟

المعنى ، ان ربك فوق كل اللى باعنا

طب مـ ربك اللى فصلنا وفـ جسد واحد جمعنا

آه جمعنا ، بس الأختيار ده كان بتاعنا

ازاى وشر الناس عـ الشر فكل يوم شجعنا

وعشان الصح صعب تقوم تمشى الطريق الأسهل ؟

هو انت ياحمد ناسى لما الضرب كان فمقل

منستش بس صعب عليا الجو سكينه تسرقو
ويروح طريق يغيب وقلب امو عليه يحرقو

واحد حى التانى مات ، واحد عبد التانى ساد
واحد كان لازملو فرصه يبيع فيها التانى فـ مزاد
غايب حاضر بالهمسات ، حلمو يحيى فيه اللى مات
ده يشد وده يشد اتحول لإنفصام حااد

الطبع يغلب التطبع وانا يا جو الوش القديم

الشر يحكم انى أقوى طلقتى ياحمد فـ الصميم

انت تايه باللى فـ ايدك

وانت عبدى كانلك سيدك

انت اللى الشيطان عماك ووهمك ان الناس عبيدك

آه عبيدى

لأ أصحى يا جو انا لسه مادد ايدى

بعد أيــــــــه ، مـ الدنيا حقنت سمها فوريدى

مفتش الوقت ، بس انوى من قلبك تتوب بجد

وهم ياحمد . الجوكر خلاص مش عبد حد
طب وربك ؟
ربك فسما وأحنا فأرض
يا جو استغفر
هستغفر ياحمد بس بشرط
شرط ايه
متظلمش يقولو قدرى
ولما آخد انسان فحضنى ميزرعليش خنجر فضهرى
أزرع خير ، أحصد خير ، متاكلش بناب الغير
ميبقاش فينا صياد وواحد تانى دورو الطير
بس يا جو

مالك ياحمد ساكت ليه ؟
ها عرفت رجوعك فيا وهم مش هيحصل ليه ؟
واحد حى التانى مات ، واحد عبد التانى ساد
واحد كان لازملو فرصه يبيع فيها التانى فـ مزاد
غايب حاضر بالهمسات ، حلمو يحيى فيه اللى مات
ده يشد وده يشد اتحول لإنفصام حااد


Enfsam 7aad-joker-جوكر- انفصام الحاد

وداع و بتاع الجوكر

الجوكر ودوشه والشاعر تحت زبى +18

+18 الجوكر - قرصة ودن

الكلمــات :
 امشوا .. الجوكر 

طلبوا منى أبيعلك فكرة تشتريها ودنك
طلبت منهم أبقى نور هيرشد إبنى وابنك
فماطلوا ، على أساس إنى بكرة احتاجهم وأطلب
شيئ مقابل غنوة تحلى فى عين مجتمعى باطله

لم اللى باقى منك واهرب مـ المدينة فورا
الناس بتفضل ساكتة بس فجأة بتعمل ثورة
هتلم اللى بيتكلم هتلاقى اللى ساكت صرّخ
دى دولة يابن الكلب مش تيكية مش هنعرس

آسف يا مدموزيل لو إسلوبى خارج جدا
أصلى مش سى بى سى بحط كريم شانتيه عـ الجبنة
غطيها وأنت بتحلم إن صوت الحق إتكتم
هتقولوا السيسى رئيسى هنفضل نرفع المبتدأ

رفضنا تجار الدين ده مش معناه إننا نبدلهم
بتجار الشعوب ونفوض ديكتاتور يقتلهم
أدينى بقولها بكل سهولة لإنى عايزك تفهم
إن احنا درع دولة حطوا على رقبتها سيفها

خلونا نشوف سراب مـ العطش واحنا اصحاب النيل
على إيدهم دم اخويا وقالوا لأخويا عليه بيتادين
قتلنا جماعة عشان يا جماعة مصر تعيش
فاللى وجه المسدس مش خسارة العرش فيه

مفيش رسول بينزل مـ السما بشعب مؤمن
يصلح الكوكب بإنه يقتل كل مشرك
ذنبه ايه الشاب اللى مات لمجرد كونه مش مدرك
إن الجماعة زرعت فيه مفاهيم لا تليق بمسلم

لو كنت صاحب رسالة توعى المخطوفين ذهنيا
مش تدعم الإبادة بتصنيفهم كتلة إرهابية
عمرك ما هتقتل فكرة بقتل صاحبها لازم تفهم
بتموت الفكرة الغلط لما فلان يسعى لتصحيحها

طب أديك بتولد كبت بالإعتقال وجرايم القتل
هترجعهم تحت الأرض بكرة يشيل أحفادنا الذنب
وقت تسقط الداخلية قلنا نضفوا الداخلية
لو هنقتل كل مريض لزمتها ايه الأدوية ؟

سيبوا البلد دى وإمشوا بدل ما بتطفش الكوادر
سيبونا نلاقى حل مخلقتوش غير المشاكل
حكومات عسكر عواجيز وأصبى كهل فيها عاجز
أبعت ظابط بالكلبش أنا مستعد لده من إمبارح

رابـ إمشـــواا | الجوكــــر | Rap Emsho_El Joker

الجوكر أغنية وداع وبتاع El Joker Wada3 W Bta3

فل2

اغنية ديكتاتور - راب - الجوكر.m4a

Follow us for more sound <3 <3
@Underground-araby

الجوكر ودوشه والشاعر تحت زبى +18

Yousef Abdla

Recent comments

User 479654531

Mahmoud إبن عبدالله

Moneim Jehad

Nasser Elbaney

Related tracks