شغف

كتبت ليك والله ياقمر الزمان 
شان جيتي بي زمنالمحنة 
وشف في عينيكي حس اهلي القدام 
عينيكي حس اطفال ينادا القمرة للغايب يعود 
وجبينك الضواي حجا الحبوبة في الزمن السعيد

مصطفى سيد أحمد / قمر الزمان

إحدى اغنيات الفنان الرائع الطيب عبد الله

كمال الشادي -- ليل الفرح

نزار الماحي --- الملام -- للفنان مصطفى سيد أحمد

يا مشاوير المحبة
الكلمة تقلت 
والخطيوات الندية
الغيمة شالت
شالت دمعة مرة
غرَّقت أناتها أرواحنا الوفية
الصدق أصبح في عيون الناس مظنة
الصدق أصبح فينا كلمات هامشية
والحقيقة بقت مَخافة
وانزوت في عمق أعماقنا الخفية
ويا مشاوير ضيعيني
وشتتي الزاد يا المشاوير الشقية
توهي النور بدديهُ
خلى إظلامِك يغيِّب كل لحظة فرحة فيَّ
بكي إحساسي الحنيِّن
دردريني وودريني وأصلي ليكِ أنا ماني هيِّن
وكل نهاية تكون بداية
وكل وجعة تفرهد الإحساس جوايا
وأبقى عايش للعوينات الوفية 
وأبقى عايش كل لحظة نور هنية

مشاوير المحبة - عقد الجلاد

أظنك عرفتى
كلمات : جمال حسن سعيد
لحن و اداء : مصطفى سيد احمد

أظنك عرفتى .. عواصفك مهبـّى
أبارى فى خيالك  يسوقنى ويودّى
ونهرك يعدى .. ويجهل مصبّى
هواجسى البتزرع .. وظنـّى البربى

لقيتك خواطر بتصحى وتساور
وطيفك يزاور .. وروحك تحاور
تجيبنى فى زمانك موشـّح أساور
أقول بس نسيتك وجرحك يتاوِر

أظنك عرفتى .. عذاب المغنى
وطبلو المجدّع شظايا التمنى
حروفه البتجزع فى لحظة تجنى
خطاهه البتهرع متين تطمئنى

مسرِّج خيالك .. حصانى القبيل
معربد غباره وخلّى الصهيل
مسافر .. مسافر .. وفاقِد دليل
أظنـِّك عرفتى هموم الرحيل

اظنك عرفتي

مصطفى سيد أحمد - المسافه

في ستين - محمود عبد العزيز

الموسيقار محمد الامين - وحياة ابتسامتك - تسجيل قديم

سميرة دنيا - أسحار الجمال

ابقي اسأل عن قلوبنا
تلقي فيها كنوز محبة
تلقي فيها بحور حنان
تلقي فيها الشوق يغني
تلقي فيها الريدة فاردة
جناحا تشتاق للربيع 

زيدان ابراهيم كنوز محبة

الاهيف، محمود عبد العزيز

مصطفى سيد أحمد   مرت الأيام

ماهو عارف قدمو المفارق - عبدالكريم الكابلي -

اللهفة
كلمات الصديق الجميل : الواثق عبد الرحمن 
الحان - عزف - معالجة موسيقية -- : كمال الشادي 

لمن برق محيك شعاع
اللهفة ما إنسترت معاي
ناديت بنات الغيم يجن 
يتسلفن نغمات غناي
عزمت شرفات الشمس
تقعد محكرا بي وراي
حجيت زقاقات القلب 
عن عشقي ليك 
عن شوقي ليك 
عن حبي ليك
وعن غناي 
أيقنت انو الدنيا حب 
والكون مشبك في رؤاي 
والموجة لمن تفوت بعيد قاصدا البيرجع من صداي
انا وانتي اغرودة مطر 
معزوفة من شدة غناي 
انا جيت اعزيك في السحاب
كترت في ولهي وغناي
مالا النجوم اتلومت 
غنيتا ما عرفت غناي
وآخر المنامات صحوتك 
خلتني آخر الليل براي
أحسب مسافات من حنين 
واتقلي في ولهي وشقاي




اللهفة

كل ما تباعد بينا عوارض
كل ما هواك يا طيبة مكنِّى
تلقى الغربة تكرب الواحِد
بيكى أسمى الشوق .. وأكنـِّى
لمـّا أفوتك من دون خاطر
أو دون خاطر منى تفوتى
بلقى حبايب فى كل حِتـّة
وكل بيوت الفُقرا .. بيوتى
لا غيرت وراك الجِتـّة ..
لا بدلت ملامح صوتى
لا غافلنى وهادن فنى ..
غامل المدن .. الما عِرفتنى
دقن الشوق الصبرو .. مصوبر
للأرياف الكم .. وفّتنى
وللأطفال الناشفة ضلوعا ..
ونازفة بغنى
أطمن روعة .. وأهدّى دموعة
لبسمة بكرة اللاّها تمنى ..
ولا مصنوعة
للاطفال النازفة ضلوعة
وناشفة بغنى
********
أغنى لشعبى ومين يمنعنى
أغنى لقلبى .. إذا لوّعنى
مخيـّر دربى الما رجعنى
إذا طلعنى دخلت القرب ..
ولا الغربة الكدروبية
تنزل غنوتى بى قمرية
أو وقـّعنى فى بطن الجـُّبْ
بطلع يوسف بالأغنية
***********
أغنى الناس الما بتسمعنى
المِنِّى بعيدة .. ومبعدة عنى
ا نادى نشيدا .. وكنت المعنى
الإيدى فى إيدا .. وإيدا بتبنى
فى دنيا جديدة اليوم .. راح تدنى
وأريت غنواتى فى ناس شغالة
تكون سُندالة .. وعود طورية
ضراع رجالة .. كتاب أطفالا
وجملة بالا .. الما مقرية
سدّة مالة.. وبقـّة فالة
فى ليلة الدخلة على أسمى قضية
****************
حبيبة قلبى يا سودانية
يا أسمى معانى فى زول بيعانى
ياود ضكران .. ويابتْ دغرية
وأنا إنْ سامعانى بطـّلت
أغانى غُـبش .. فقرية
وروح غانيانى
هويتك منك يادافعانى براحة إيديا
ويا جابدانى ... قربت عليا
وما بتحيـّر بين الفوق ..
وبين الناس التحتانية
إلاّ مغـيـّر .. ولاّ عبوس ..
ولاّ كفيف الإنسانية
ومنـِّك وين يا كاشفة عينيا
بنور الإلفة .. ضِيا الحنية
وحِلم العالم .. ناس تتسالم
والبنى آدم صافى النية
والأطفال الناشفة ضلوعا
يطمِّن روعا..وتبقى تغنى
غناوى البكرة .. الكم مسموعة
حسيس طنبارة .. مع نـُقارة
صفِقتاً حارة .. ودارة تغنى
فيا حلتنا عليكى تـُرابك ..
وإنتى شبابك زينة الجَنـِّى
أحلى عروس البلد اللّتنا
ولاّ الغُبُش الرّابّة تهنى
ولاّ هدير المدن التصحا ·

مصطفى سيد احمد .طيبه

الكلمات : للشاعر الصديق / الواثق عبد الرحمن 
اللحن والغناء - كمال الشادي 
*****
أظنها 
في طوف مطاليق العشق 
ورتني آخر جنها 
فكت مغاليق السحر 
كيتاً على بي فنها 
وانا منها 
مهما تعاكسني الدروب 
بسأل دوام كيفنها 
البت مدرفنة بالعطر 
كل الطيوب حابنها 
جلسن بنيات المطر 
سمح الكلام حجنها 
وشك سمح 
نضم سمح 
قالن لها 
هبشن ضفيرات الشعر 
فلنها 
وانا منها 
جلبت مطاليق العشق 
ورتني آخر جنها

الموسيقار محمد الامين - وحياة ابتسامتك - تسجيل قديم

Yousif Nour

Recent comments

Mustafa Farah

رحال

Mohamed Badreldin

Mohammed Maaweya

Related tracks