youssef joker

إلبس الهاند فري و سافر 💓


متكتف من جوه 
مسلوب مني القوة
جوايا مليون احساس و اللي انا عايزه رافضه هو 
لو الليل بلع الشمس كان يكفي نجمي 
نجمي بيغيم و وحش الظلام ناحيتي بيجري
قبل ما اتكلم بفكر 
قبل ما ببني بدمر 
قبل ما اتناقش بدور 
و بقولك البشر كلها بتحور 
محبوس الاسد في عرينه 
طليق القط بين الاحياء 
عندي مشاعر ليكي كتير
لكن معمولها إخلاء
روحك تاية و خايفة بتلقط في النفس
اول ما بتطلع الشمس بتروح 
تستخبي في الونس
هتعيشي خايفه من اللي جاي 
و اسمي مستحيل تنسيه 
من الاول كان لازم تقيسيه 
مش قادره تلبسيه سيبية 
في دماغي فكره و ورقه و قلم و قشر و مناديل 
ايوة زباله 
طز في الثوابت و الحواجز الحاله اهم حاجة
الحب مزارش موبايلي
غير لما رقمك ظهرلي
بس شبح الفراق كشرلي
و قالي سيبها تلزمني
مسحتلك الجروح بديتول
مسحتيلي شخبطه الكشكول 
كان بينا كيميا لكن كان حالنا
واقف زي ما يكون ابو الهول 
عايز اتجاحد يا اشباح و قلبي بيحن خدوه 
عارفكم كلاب لما تجوعوا و قلبي بين ايديكوا هتاكلوا 
زهقت من الدنيا يا-هو
انا واحد يا يقتلكوا يا تقتلوه 
لو هتقتلوه هتريحوه
ياريتكم هتقدروا

ـــــــــــــــــــــــــــــــــــــــــــــــــــــــــــــ

فراقنا كان كارثه كونيه 
لكن انا لسه صلب 
وقفت و عمري ما هقع 
حتي لو كان وقوع في الحب
الوقت ضيق و الدنيا فانية 
فرح في ناحيه 
و جنازه في التانية
مش هقبل ابقي ضل 
لو الضل ضل حيط 
حتي لو الحيطه
معدوله مش مايله
شربت قهوة عشان ابقي عملي مبقيتش 
مفيش احترام علي اكمل وجه الموت مبيستأذنش 
كنت الدولفين الوحيد في عالم القرش
مشاكلي عملت سويتش , نفسيتي محتاجه ونش 
قلبي طريقه من هنا اهو 
عمرك ما تاكليني غير بس و انا سخن 
كل كلمه حب حلوة بعتبرها محن 
احساسي الرومانسي في قمة البخل
من كتر السخونه و الجنان بردان
جان مان چان في كيان انسان
بقولك ايه انا كوم و هما كوم
انا جاسموم 
لما بيجي في النوم
بلاقيني في العموم شيطان
متلومينيش هو ده حظنا 
متمثليش السبكي مش هنا 
متحوريش , كفايه لحد كده 
مش لازم يكون مننا 
حد يبقي كفش فدي 
اللي مضايقني مش إني بسيبك
إن ربيع عمري جه في خريفك
و انك نسيتي , إنك قويتي 
لما لقيتيني , باخد بأيدك
عقلي صدي كله قطران 
بقيت زي الشعراء خربان
بكتب في السياسه و القرف 
ببيع الصبر لأهل الشيطان
مفيش معاذير 
رامي وراكي قله مع ذير 
خلصنا 
قلبي كبير , هسميه النني 
و مش هيفارق الدكه
اسد , اجمعيني تلاقي لون قلبي 
عندي غشامتي حتي علي نفسي 
مش ايوبي ولا اموي 
انا دموي

( 8d audio ) Yousef Joker - Ghamry | يوسف جوكر - غامري

Yousef Joker -7asses bel la she2- (Official music video)/ يوسف جوكر - حاسس باللا شئ

YouTube Link: https://www.youtube.com/watch?v=j7p-iPnf4Mo
Lyrics | الكلمات

كله بيتجلون و كله بيتنطط و يحور
كلها سمك و كله عالقرش بيدور
الدنيا قطر مالوش محطات 
كله هيروح
ـــــــــــــــــــــــــ
اهلا بيك في دماغي يا زميلي اوعي تخاف
موت من الجوع الديلفري اسرع من الاسعاف
الاي كلام بقي كل الكلام فا خلاص مليت 
الناس هنا ستاندرد , بقت كلها ابو حميد
اتمنيت اكون ريتش امد ايدي في اليافطه اخد الساندوتش
و اكون دان بليزريان و حياتي كاوتش 
افكاري مخيفه و سوده كإني الشيطان
حاولت اغيرها فتحت الدولاب ملقيتش
هعاملكوا زي الصول عبحميد 
تديني التحيه و تبرطم بعيد 
مش عارف تعملها فا بتعمل عبيط
علي فكره اللي زيك كتير
مكانكوا الاخير
تحت الاستيدج 
كلام شغال التعجيز في التنفيذ
اموات فا مينفعكوش تحفيز
جعانين كل احلامهم سوق عيش
سكه و دغري فكتني من اللي نفسه يتباع بالرخيص
ـــــــــــــــــــــــــــــــــــ
كله بيتجلون و كله بيتنطط و يحور
كلها سمك و كله عالقرش بيدور
الدنيا قطر مالوش محطاط 
كله هيروح
ـــــــــــــــــــــــــــــــــــ
في زمانا البواكي هيا المعيار الوحيد 
الارواح دي انساها سيبها لعزرائيل
لو قلبك كان جامد خش في المفيد 
متتكلمش غير في الاكيد 
ضيع و انت فايق لايضيع كتير
مبموتش في حاجة عشان اموت مرة واحده بس
اعدائي هما امراض النفس 
اهلس و مصاحبش الهلس
في دماغي افكار اخرها تودي الحبس
ربعي الابيض جوايا حس 
حاوطني وقال ممنوع اللمس
لفيت الدنيا و عرفت 
ان الصح إن بعدت
كل النفوس هنا زفت 
عالمصالح بتدريفت
الحياة مبتسيعش 
ايد ولد في ايد بنت
الحقيقة انا قرفت 
من حياة مالهاش ند
مهما تبني هاتهد ,
لازم تكون بعيد جدا
هيا لعبه واحده و نفس العرض
قرض بيتسلم من الايام لبعض
لو جايه بعوق عادي انا صاحبي الحونش 
الحرب تقوم لكن انا مقومش

youssef joker

kngjoe1